ابوظہبی : پاکستان ٹیم کے کپتان سرفراز احمد نے کہا ہے کہ بابر اعظم اور محمد حفیظ کی پارٹنر شپ بہت اہم تھی، حسن علی کے آخری اوور میں رنز ٹرننگ پوائنٹ تھے۔
ان خیالات کا اظہار انہوں نے ابوظہبی میں جاری پاک آسٹریلیا ٹی ٹوینٹی میچ میں کامیابی کے بعد میڈیا سے گفتگو کرتے ہوئے کیا، کپتان سرفراز احمد نے کہا کہ عماد وسیم کا کم بیک ہمارے لیے بہت اچھا تھا۔
بابر اعظم اور محمد حفیظ کی پارٹنر شپ بہت اہمیت کی حامل تھی، حسن علی کے آخری اوور میں رنز ٹرننگ پوائنٹ تھے۔
دبئی: انٹرنیشنل کرکٹ کونسل نے ون ڈے کھلاڑیوں کی نئی رینکنگ جاری کردی ہے، ایشیا کپ میں ناقص کارکردگی پر قومی کھلاڑیوں کی تنزلی ہوئی جبکہ افغانستان کے راشد خان نمبر ون آل راؤنڈر بن گئے۔
تفصیلات کے مطابق انٹرنیشنل کرکٹ کونسل (آئی سی سی) نے ون ڈے کھلاڑیوں کی نئی رینکنگ جاری کی ہے جس کے مطابق بیٹنگ اور بولنگ پر بھارتی کھلاڑی سرفہرست ہیں، بولنگ میں جسپرت بھمرا اور بیٹنگ میں ویرات کوہلی پہلے نمبر پر براجمان ہیں۔
بہترین بلے بازوں کی فہرست میں پاکستان کے بابراعظم شامل ہیں جن کی رینکنگ میں چار درجے تنزلی ہوئی اور چھٹی پوزیشن پر موجود ہیں، امام الحق 15 درجے بہتری کے بعد 27ویں نمبر پر آگئے جبکہ فخر زمان 19ویں نمبر پر موجود ہیں۔
بولنگ کے شعبے میں ابتدائی 10 بہترین بولرز میں پاکستان کے حسن علی کا چھٹا نمبر ہے، پہلی پوزیشن پر بھارت کے جسپرت بھمرا، افغانستان کے راشد خان دوسرے، کلدیپ یادیو تیسرے، نیوزی لینڈ کے ٹرینٹ بولٹ چوتھی اور کینگروز کے جوش ہیزل ووڈ پانچویں پوزیشن پر موجود ہیں۔
آل راؤنڈر رینکنگ میں افغانستان کے راشد خان نے بنگلہ دیش کے شکیب الحسن سے پہلی پوزیشن چھین لی ہے، شکیب الحسن ایشیا کپ کے دوران انجرڈ ہونے بقیہ میچز میں حصہ نہیں لے سکے تھے۔
ٹیم رینکنگ میں قومی ٹیم کا نمبر پانچواں ہے، جبکہ انگلینڈ پہلے نمبر پر موجود ہے، بھارت دوسرے، نیوزی لینڈ تیسرے اور جنوبی افریقہ چوتھے نمبر پر موجود ہیں۔
ٹیم رینکنگ میں آسٹریلیا چھٹے نمبر پر موجود ہے، بنگلہ دیش ساتویں، سری لنکا آٹھویں، ویسٹ انڈیز نویں، افغانستان دسویں جبکہ زمبابوے گیارہویں نمبر پر براجمان ہے۔
کراچی: تین میچز پر مشتمل پاک ویسٹ انڈیز ٹی ٹوئنٹی سیریز میں شاندار کارکردگی پر مین آف دی سیریز ٹھہرائے جانے والے پاکستانی کھلاڑی بابراعظم نے اپنا ایوارڈ پاکستان اور کراچی کے شائقین کرکٹ کے نام کردیا۔
تفصیلات کے مطابق پاکستان اور ویسٹ انڈیز کی ٹیموں کے مابین تین ٹی ٹوئنٹی میچز کی سریز کراچی کے نیشنل اسٹیڈیم میں کھیلی گئی جس میں قومی کرکٹ ٹیم نے مخالف ٹیم کو وائٹ واش کیا اور عالمی رینکنگ میں بھی اپنی پہلی پوزیشن مستحکم کی۔
سیریز میں کھیلے جانے والے میچز میں تمام ہی کھلاڑیوں نے عمدہ کھیل پیش کیا مگر بابر اعظم نے عمدہ بیٹنگ کا مظاہرہ کرتے ہوئے تین میچز میں کُل ملا کر 165 رنز اسکور کیے جن میں اُن کا سب سے بہترین اسکور 97 رنز ناٹ آؤٹ رہا۔
تینوں میچز میں عمدہ کارکردگی دکھانے پر بابر اعظم کو مین آف دی سیریز کا ایوارڈ دیا گیا، اس موقع پر کمنٹیٹر رمیز راجہ نے اوپنر سے سوال کیا کہ وہ موٹرسائیکل کا کیا کریں گے تو انہوں نے ہنستے ہوئے جواب دیا کہ ’میں یہ گھر (لاہور) نہیں لے جاسکتا اور میرے پاس لائسنس بھی نہیں ہے‘۔
اُن کا کہنا تھا کہ ’میری دعا اور کوشش تھی کہ اچھی بیٹنگ کا مظاہرہ کرتے ہوئے ٹیم کو فتح دلواؤں، اللہ کا شکر ہے کہ میں اس میں کامیاب رہا، میرے کھیل میں بہتری کی وجہ سینئرز ہیں جن سے مجھے ہر وقت سیکھنے کو ملتا ہے اور خاص طور پر شعیب ملک کو اس کا بہت سہرا جاتا ہے جنہوں نے دباؤ میں نہ آنے کی تلقین کی‘۔
This Man of the Series award is for Pakistan, especially for Karachi and #KarachiWale. You guys were brilliant.@westindies Thanks for touring Pakistan. It was a great privilege to have you guys here. Can’t wait to welcome more teams in our peaceful country. #PakistanZindabadpic.twitter.com/Hr33Ba6iKt
پاکستانی بلے باز بابر اعظم نے سماجی رابطے کی ویب سائٹ پر اپنے ایک ٹوئٹ میں اعلان کیا کہ وہ اپنا مین آف دی سیریز کا ایوارڈ پاکستان اور کراچی اور کراچی والوں کے نام کرتا ہوں۔
انہوں نے ویسٹ انڈیز کی ٹیم کا بھی شکریہ ادا کیا کہ انہوں نے پاکستان کا دورہ کیا اور اس امید کا اظہار کیا کہ جلد دیگر ٹیمیں بھی یہاں آکر میچز کھیلیں گی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
کراچی: کراچی کنگز نے پاکستان سپر لیگ( پی ایس ایل) کے لیے کھلاڑیوں اور ٹیم مینجمنٹ کا اعلان کردیا، کراچی کنگز میں کرس گیل، کمار سنگاکارا اور تین سنچریاں بنانے والے بابر اعظم کو بھی شامل کیا گیا ہے جب کہ نئے ٹیلنٹ کی کھوج میں ہزاروں نوجوانوں کے ٹرائلز کے بعد 350 نوجوانوں کو شارٹ لسٹ کرلیا گیا ہے۔
یہ اعلان اے آر وائی ڈیجیٹل نیٹ ورک کے چیف ایگزیکٹو آفیسر اور کراچی کنگز کے مالک سلمان اقبال نے نیشنل اسٹیڈیم میں منعقدہ تقریب میں میڈیا بریفنگ میں کیا۔ تقریب کی میزبانی کے فرائض اینکر پرسن وسیم بادمی نے اداکیے جب کہ تقریب میں ٹیم مینجمنٹ، کراچی کنگزکی ایڈوائزری کمیٹی اور دیگر نے شرکت کی۔
اے آر وائی ڈیجیٹل نیٹ ورک کے چیف ایگزیکٹو آفیسر اور کراچی کنگز کے مالک سلمان اقبال نے میڈیا بریفنگ میں اعلان کیا کہ کراچی کنگز کے لیے ویسٹ انڈیز کے مایہ ناز بیٹسمین کرس گیل، سری لنکن کرکٹر اور وکٹ کیپرکمار سنگارا اور پاکستان کے لیے تین ون ڈے میں مسلسل تین سنچریاں بنانے والے قومی کرکٹ ٹیم کے کھلاڑی بابر اعظم کو منتخب کرلیا گیا ہے،شعیب ملک، عماد وسیم، روی بوپارہ، محمد عامر اور سہیل خان بھی ٹیم کا حصہ ہوں گے۔
انہوں نے بتایا کہ طارق وصی کراچی کنگز کے سی ای او،مکی آرتھر کراچی کنگز کے ہیڈ کوچ، اظہر محمود کوچ ،راشد لطیف ٹیم ڈائریکٹر،نوید رشید وی پی آپریشن، شہزاد حسن خان ہیڈ آف مارکیٹنگ اور عاصم قرییشی برانڈنگ کے ذمہ دار ہوں گے۔
انہوں نے بتایا کہ ساتھ ہی ایک ایڈوائزری کمیٹی تشکیل دی گئی ہے جس میں شعیب ملک، راشدلطیف، سلیم یوسف، اقبال قاسم اور اظہر محمود شامل ہیں، ایڈوائزی کمیٹی کے تحت تین اور سات اکتوبر کو ہونے والےٹرائلز کے ذریعے ہزاروں کھلاڑیوں میں سے 350 کھلاڑیوں کو منتخب کیا گیا ہے، ان 350 کھلاڑیوں میں سے 60 کھلاڑی منتخب کرکے ٹورنامنٹ کے لیے 15کھلاڑیوں پر مشتمل چار ٹیمیں بنائی جائیں گی ، جب کہ ان 60 میں سے 15 کھلاڑی منتخب کرکے کراچی کنگز اے کی ٹیم بنائے جائے گی۔
انہوں نے بتایا کہ 19 اکتوبر کو دبئی میں پی ایس ایل کی ڈرافٹنگ ہوگی،بہترین کارکردگی کے حامل چھ لڑکے پی ایس ایل ایمرجنگ پلیرز ڈرافٹ میں جائیں گے جن ٰمیں سے ایک کا انتخاب ہوگا۔
انہوں نے کہا کہ ہم نے یوکے کے کائونٹی کلب میں بات کرلی ہے، جہاں منتخب لڑکے دو ماہ کلب کرکٹ کھیلں گے،ان میں سے چھ لڑکے منتخب ہوکر وہیں رہیں گے وہاں کوچز انہیں ٹرین کریں گے،ہماری خواہش ہے کہ کرکٹ نہ صرف کراچی بلکہ پورے پاکستان کا ٹیلنٹ باہر آئے،آخری پی ایس ایل میں جو ٹیلنٹ سامنے آیا آج وہ ٹی ٹوئنٹی میں بہترین کارکردگی دے رہا ہے۔
انہوں نے کہا کہ کرکٹ ہمارے خون میں شامل ہے،اس سال پی ایس ایل کا کپ کراچی لانے کی بھرپور کوشش ہوگی،یہ ٹیم ہماری یا اے آر وائی کی نہیں بلکہ کراچی کی ہے، کراچی نے ہمیں ہمیشہ سپورٹ کیا۔
سلمان اقبال نے ایک سوال پر بتایا کہ ایڈوائزری بورڈ کھلاڑیوں کے انتخاب کا عمل مکمل کرے گا۔
اپنے خطاب میں راشد لطیف نے کہا کہ ٹرائلز کا مقصد یہ تھا کہ ہم نے کچھ نام منتخب کیے ہیں جو کراچی کنگز کے ڈرافٹ میں جائیں گے، کراچی میں ہمیشہ سے کرکٹ کی نرسری رہی ہے اور رہے گی، بدقسمتی سے کچھ برس سے کراچی کے بہت کم کھلاڑی قومی ٹیم میں شامل ہوئے۔انہوں نے ایک ہاتھ سے محروم کھلاڑی مطلوب قریشی کو اسٹیج پر بلا کر سب کے سامنے پیش کیا اور اس کے ٹیلنٹ کی تعریف کی۔
ابوظہبی: پاکستانی بیٹسمین بابر اعظم نے ویسٹ انڈیز کے خلاف مسلسل تیسری سنچری بنا کر لیجنڈ بیٹسمین ظہیر عباس اور سعید انور کے بعد اہم اعزاز اپنے نام کرلیا۔
تفصیلات کے مطابق ابوظہبی میں پاکستان اور ویسٹ انڈیز کے مابین تین ایک روزہ میچوں کی سیزیز کے آخری میچ میں بابر اعظم نے مسلسل تیسری سنچری اسکور کرکے لیجنڈ بیٹسمین ظہیرعباس اور سعید انور کے بعد ایک روزہ میچ میں سنچری بنا کر تیسرے پاکستانی بیٹسمن ہونے کا اعزاز اپنے نام کیا۔
سیریز کے آخری میچ میں پاکستان نے بیٹنگ کا آغاز کیا تو کپتان اظہر علی اور ساتھ آئے بیٹسمن شرجیل خان نے جارحانہ انداز میں کھیل پیش کرتے کیا تاہم 85 رنز کے مجموعی اسکور پر شرجیل خان 38 کے اسکور پر پویلین روانہ ہوگئے۔
بابر اعظم کپتان کا ساتھ دینے آئے تو اظہر علی نے جارحانہ انداز میں بیٹنگ کرتے ہوئے سنچری اسکور کی تاہم بابر اعظم کا بلا بھی بہترین طریقے سے چلتا رہا اور ٹیم کے مجموعی اسکور میں اضافے کا سبب بنا۔ دو میچوں میں سنچری اسکور کرنے کے بعد کالی آندھی کے خلاف تیسرے میچ میں بھی بابر اعظم نے عمدہ بیٹنگ کا مظاہرہ کرتے ہوئے سنچری اسکور کی جس کے بعد وہ ایک روزہ میچ میں تین سنچریاں کرنے والے دنیائے کرکٹ کے آٹھویں اور پاکستان کے تیسرے بیٹسمن بن گئے۔
علاوہ ازیں بابر اعظم 3 میچوں میں لگاتار سنچریاں بنانے والے دنیا کے دوسرے بیٹسمین بھی بن گئے، قبل ازیں یہ ریکارڈ جنوبی افریقہ کے بلے باز کوئینٹن ڈی کوک کے پاس تھا جنہوں نے بھارت کے خلاف یہ ریکادڑ بنایا تھا۔
پاکستانی بلے باز نے ویسٹ انڈیز کے خلاف پہلے میچ میں 120، دوسرے میں 123 اور تیسرے میچ میں 117 رنز کی کامیاب اننگز کھیلی۔
بابر اعظم کی شاندار بیٹنگ کے بعد اُن کے مداحوں کی جانب سے سوشل میڈیا پر مبارک باد کے پیغام کا سلسلہ جاری ہے، جس کے بعد مختصر وقت میں Babar Azam ٹوئٹر کے ٹاپ ٹرینڈ میں شامل ہوگیا۔
Babar Azam
8th batsman to score three 100s in a row in ODIs
2nd youngest
2nd to do so in a 3-match series
3rd Pakistani#PakvWI
He is Pakistan’s Babar Azam
Our proud our hero
Babar is not pakistani virat kholi he is Babar Azam
I’m proud of you Mr azam@babarazam258pic.twitter.com/Cms6ol8AtM
