اسلام آباد : پی ٹی آئی رہنما ڈاکٹر بابر اعوان نے کہا ہے کہ عمران خان پر پھر قاتلانہ حملے کی تیاری ہورہی ہے، عالمی ایجنسی پیشی پر عمران خان کو قتل کرانا چاہتی ہے۔
تفصیلات کے مطابق تحریک انصاف کے رہنما ڈاکٹر بابر اعوان نے پریس کانفرنس کرتے ہوئے کہا کہ آج سے کچھ ماہ پہلے جب لانگ مارچ شروع نہیں ہوا تھا، اطلاعات ملی تھیں کہ عمران خان پر قاتلانہ حملہ ہوگا، عمران خان نے دو دفعہ اس بات کو دہرایا کہ ان پر حملہ ہوسکتا ہے۔
ڈاکٹر بابر اعوان نے وزیر آباد حملے کا ذکر کرتے ہوئے بتایا کہ وزیر آباد میں وہ منصوبہ بندی عمل میں لائی گئی، جو سلمان تاثیر پر حملہ ہوا اس طرز کی ناکام کوشش کی گئی، اس حملے میں ایک کارکن شہید اور11زخمی ہوئے۔
رہنما پی ٹی آئی نے کہا کہ حملے کےوقت گرفتارملزم کو ایک جگہ سے دوسری جگہ منتقل کیاجاتا ہے اور عمران خان پر حملہ کرنیوالے ملزم کی دو ویڈیو جاری کی گئیں۔
ان کا کہنا تھا کہ اس کے بعد عمران خان کےمؤقف پر ایف آئی آر اب تک نہیں کاٹی گئی، بدقسمتی ہے جے آئی ٹی کے ذریعے طے ہوا پولیس اپنا کردار ادا نہیں کرسکی، جے آئی ٹی نے کہا 3حملہ آور تھے، مختلف جگہوں پر مختلف خول ملے جس سے ثابت ہوا 3حملہ آور تھے۔
بابر اعوان نے مزید بتایا کہ تازہ اطلاعات اورشواہد ہیں کہ دوبارہ عمران خان کی جان لینے کی کوشش ہورہی ہے، آپ کو سنگین اور حساس صورتحال بیان کرنے پر مجبور ہوگئے ہیں۔
ماہر قانون نے کہا کہ پی ٹی آئی کیخلاف اب تک 100سےزیادہ مقدمات درج ہوچکے ہیں، بدقسمتی سے وکلا کہتے ہیں کہ اسلام آباد کے کچہری موت کا پھندا ہے، دیکھنے کی بات یہ ہے کہ یہ پرچے اسلام آباد میں کیوں ہورہے ہیں، پہلا ثبوت ہےکہ عمران خان کیخلاف سارے مقدمات اسلام آباد میں ہوتے ہیں۔
انھوں نے انکشاف کیا کہ اطلاعات ہیں کہ عمران خان کوگھیر کر اسلام آبادکچہری میں لاکر قتل کیاجائے، بین الاقوامی ایجنسی کچہری پیشی کےدوران عمران خان کو قتل کرنا چاہتی ہے۔
ڈاکٹر بابر اعوان کا کہنا تھا کہ دوبارہ عمران خان کی جان لینے کی کوشش ہورہی ہے اور عمران خان پر ایک اور قاتلانہ حملےکی تیاری ہورہی ہے، ہمارےپاس تازہ اطلاعات،واقعاتی شہادتیں موجودہیں۔
انھوں نے بتایا کہ دوسراشواہد ہے کہ عمران خان کو سیکیورٹی کے اعتبار سے تنہا کردیا گیا، عدالت نے سیکیورٹی میں اندر لایاجائے مگر سیکیورٹی نہیں دی گئی، تیسرا ثبوت یہ ہے کہ جوعمران خان کی پیشی پرجوڈیشل کمپلیکس میں سامنے آیا۔
ان کا کہنا تھا کہ پہلی بارعمران خان کی آمدپر سیکیورٹی کیمرے بندکردیئے گئے، جوڈیشل کمپلیکس کے سیکیورٹی کیمرے بند کردیئے گئے ، کیمرے بند کرنے کی وجہ کیا تھی کیا کوئی واردات کرناتھی تاکہ پہچانانہ جائے۔
رہنما پی آئی نے بتایا کہ وزارت داخلہ انچارج کا کہنا ہےبین الاقوامی ایجنسی کچہری پیشی میں عمران خان کو قتل کرانا چاہتی ہے۔
