Tag: بابر اعوان

اسلام آباد: اوورسیز پاکستانیوں کے ساتھ کیا ہوا وعدہ پورا ہو گیا، انھیں بھی الیکشن لڑنے کا حق مل گیا۔

اے آر وائی نیوز کے مطابق وزیر اعظم نے بیرون ملک مقیم پاکستانیوں سے کیا وعدہ پورا کر دیا، اوورسیز پاکستانیوں کے الیکشن لڑنے کے سلسلے میں وزیراعظم اور وفاقی کابینہ نے آئینی ترمیم پارلیمنٹ میں پیش کرنے کی منظوری دے دی۔

اس سلسلے میں وزیر اعظم کے مشیر پارلیمانی امور ڈاکٹر بابر اعوان نے اے آر وائی نیوز سے گفتگو کرتے ہوئے بتایا کہ تمام سیاسی جماعتوں نے تارکین وطن کو ووٹ کا حق دینے کا وعدہ کیا لیکن یہ معاملہ وعدوں سے آگے تکمیل تک نہیں پہنچایا جا سکا تھا۔

پاکستانی حکومت نے اوورسیز پاکستانیوں کو بڑی سہولت فراہم کردی

بابر اعوان نے کہا کہ عمران خان نے اوورسیز پاکستانیوں سے کیا وعدہ پورا کر دیا، اس سلسلے میں آئینی ترمیم کی منظوری کے لیے معاملہ پارلیمنٹ میں لے کر جائیں گے، اس نئی ترمیم کے تحت دہری شہریت کا حامل شخص الیکشن لڑنے کا اہل ہوگا۔

مشیر پارلیمانی امور کا کہنا تھا کہ الیکشن ہارنے کی صورت میں دہری شہریت چھوڑنے کی ضرورت نہیں ہوگی تاہم الیکشن جیتنے کی صورت میں عہدے کا حلف اٹھانے سے قبل شہریت چھوڑنا ہوگی۔

ذرایع کا کہنا ہے کہ دوہری شہریت والوں سے متعلق کابینہ کمیٹی برائے قانونی کیسز کا فیصلہ مسترد کر دیا گیا ہے، کابینہ نے آرٹیکل 63 ون سی تبدیل کرنے کے لیے ترمیمی بل کی منظوری دے دی ہے، جس کے بعد ترمیمی بل وزارتِ پارلیمانی امور کو ارسال کر دیا گیا ہے۔

خیال رہے کہ کمیٹی قانونی کیسز نے دوہری شہریت والوں کے لیے الیکشن لڑنے پر پابندی برقرار رکھی تھی، تاہم وزرا کے مطالبے پر وفاقی کابینہ نے کابینہ کمیٹی کا فیصلہ تبدیل کر دیا۔

اسلام آباد: وزیراعظم عمران خان اور مشیر پارلیمانی امور بابر اعوان کے درمیان رابطہ ہوا ہے جس میں اہم امور پر مشاورت کی گئی ہے۔

تفصیلات کے مطابق وزیراعظم عمران خان کا ڈاکٹر بابر اعوان سے رابطہ ہوا ہے جس میں اہم ملکی و قومی امور سے متعلقہ قانون سازی پر مشاورت کی گئی۔

دونوں‌ رہنماؤں میں سینیٹ کا اجلاس کل شام 6 بجے طلب کرنے پر مشاورت کی گئی۔سیشن کا آغاز صدر مملکت ڈاکٹر عارف علوی کے خطاب سے ہوگا۔

پارلیمنٹ کا مشترکہ اجلاس بھی بلایا جائے گا۔پچھلے مشترکہ اجلاس میں رہ جانے والی قانون سازی کو مکمل کیا جائے گا،ججوں کی تعداد میں اضافے سمیت ہیلتھ ریفارمز اور دیگر اہم بل پیش ہوں گے۔

مشیر پارلیمانی امور نے اہم ترین قانونی و آئینی معاملات کی تیاری شروع کر دی۔وزارت پارلیمانی امور اجلاس بلانے کی سمری صدر مملکت کو ارسال کرے گی۔

خیال رہے کہ ایف اے ٹی ایف سمیت اہم قانون سازی مکمل کی جائےگی،آئندہ ہفتے سے نیا پارلیمانی سال شروع ہو رہا ہے۔

اسلام آباد: مشیر پارلیمانی امور بابر اعوان نے کہا ہے کہ حکومت کی طرف سے ٹیکس فری بجٹ پیش کرنا خوش آئند ہے۔

تفصیلات کے مطابق اسپیکر قومی اسمبلی اسد قیصر سے مشیر پارلیمانی امور بابراعوان نے ملاقات کی جس میں‌ بجٹ اجلاس،قانون سازی اور ملکی امور پر تبادلہ خیال کیا۔ بابراعوان نے ایوان کو خوشگوار ماحول میں چلانے پر اسپیکر کو خراج تحسین پیش کیا۔

اسپیکر قومی اسمبلی نے کہا کہ اراکین پارلیمنٹ کا بجٹ اجلاس میں نظم ونسق قابل تعریف ہے،اراکین کی جانب سے اتنی بڑی تعداد میں بحث میں حصہ غیر معمولی ہے۔

اسد قیصر کا کہنا تھا کہ اراکین کوبجٹ بحث میں زیادہ سے زیادہ موقع فراہم کیا گیا،حکومتی اور اپوزیشن بینچوں کی جانب سے کھل کر اپنا نقطہ نظر پیش کیا،بجٹ پرعمومی بحث کے لیے 40 گھنٹے کا وقت مقرر کیا گیا تھا،بجٹ بحث 57 گھنٹے9 منٹ کرائی گئی۔

انہوں نے کہا کہ اپوزیشن نے 29 گھنٹے 14 منٹ اور حکومت نے 27 گھنٹے 55 منٹ بات کی،اپوزیشن کو مقررہ وقت سے 10 گھنٹے 49 منٹ زیادہ ملے،حکومت کو 6 گھنٹے 20 منٹ اضافی وقت ملا۔

اسپیکر قومی اسمبلی کا کہنا تھا کہ بجٹ اجلاس میں 208 ارکان نے حصہ لیا،حکومت کے107 اور اپوزیشن کے 101 ارکان اجلاس میں شریک ہوئے۔

اس موقع پر بابر اعوان کا کہنا تھا کہ حکومت کی طرف سے ٹیکس فری بجٹ پیش کرنا خوش آئند ہے، دنیا کی معیشت کو نقصان پہنچا مگر حکومت نے ٹیکس فری بجٹ دیا۔

مشیر پارلیمانی امور کا کہنا تھا کہ موجودہ حکومت پارلیمان کی بالادستی پر یقین رکھتی ہے،وزیراعظم پارلیمنٹ کے فلور پر ارکان کو اعتماد میں لینا بہتر فیصلہ تھا۔

اسلام آباد: صدر مملک ڈاکٹر عارف علوی اور مشیر پارلیمانی امور ڈاکٹر بابر اعوان کے درمیان ٹیلی فونک رابطہ ہوا ہے، جس میں بابر اعوان نے صدر مملکت کو بتایا کہ اوورسیز پاکستانیوں کا دیرینہ مطالبہ جلد پورا ہونے والا ہے۔

اے آر وائی نیوز کے مطابق صدر مملکت عارف علوی نے مشیر پارلیمانی امور بابر اعوان کو ٹیلی فون کر کے بجٹ اجلاس کے لیے پارلیمانی معاملات بہترین انداز میں چلانے پر مبارک باد دی۔

دونوں رہنماؤں نے اوورسیز پاکستانیوں کے ووٹنگ رائٹ کے لیے قانون سازی پر بھی گفتگو کی، اور دنیا بھر کی طرح پاکستان میں بھی شفاف ووٹنگ سسٹم پر اتفاق رائے کیا۔ صدر مملکت نے کہا کہ اوورسیز پاکستانی قیمتی اثاثہ ہیں، فیصلہ سازی میں انھیں شامل کرنا چاہیے۔

ڈاکٹر بابر اعوان کا کہنا تھا اوورسیز پاکستانیوں کے دیرینہ مطالبے کو جلد پورا کرنے جا رہے ہیں، متعلقہ وزارت اور اداروں کے ساتھ مشاورت مکمل کر لی ہے، بہت جلد قانون سازی کے لیے پارلیمنٹ میں تجاویز پیش کریں گے۔

وزیر اعظم کی ہدایت پر بے روزگار اوورسیز پاکستانیوں کے لیے اقدامات شروع

بابر اعوان نے صدر مملکت سے کہا آپ نے ہمیشہ اوورسیز پاکستانیوں کے کاز کے لیے جدوجہد کی، بحیثیت صدر آپ پارلیمنٹ کا حصہ ہیں، اس معاملے پر رہنمائی کریں۔

ٹیلی فونک گفتگو میں پارلیمنٹ کے سیشن سے صدر کے خطاب پر اظہار تشکر کی قرارداد پر بھی گفتگو کی گئی، صدر مملکت نے پارلیمانی معاملات شفاف انداز میں چلانے کے عمل کو سراہا۔

اسلام آباد: وزیراعظم عمران خان کا کہنا ہے کہ پی ٹی آئی قومی اداروں کومضبوط ،فعال بنانے کے لیے پرعزم ہے،اس ضمن میں وزارت پارلیمانی امور کا کلیدی کردار ہے۔

تفصیلات کے مطابق وزیر اعظم عمران خان سے مشیر پارلیمانی امور ڈاکٹر بابر اعوان نے ملاقات کی۔بابر اعوان نے نوجوان پارلیمنٹیرینز کی تربیت سازی کا منصوبہ وزیر اعظم کو پیش کیا۔

اس موقع پر بابر اعوان نے کہا کہ تربیت کا مقصدہے نوجوان پارلیمنٹیرینز قانون سازی میں مؤثر کردار ادا کریں، یہ تربیت تمام جماعتوں کے نوجوانوں کوفراہم کرنے کا منصوبہ ہے۔

وزیراعظم نے نوجوان پارلیمنٹیرینز کی قانون سازی کی تربیت کے منصوبے کو سراہتے ہوئے کہا کہ پی ٹی آئی قومی اداروں کومضبوط ،فعال بنانے کے لیے پرعزم ہے،اس ضمن میں وزارت پارلیمانی امور کا کلیدی کردار ہے۔

عمران خان کا کہنا تھا کہ سکوک بانڈز پر عالمی برادری،سرمایہ کاروں کا مثبت ردعمل اعتماد کا مظہر ہے،کرونا کے تناظر میں آنے والے وقت کی مکمل منصوبہ بندی کر رہے ہیں۔

انہوں نے مزید کہا کہ منصوبہ بندی کے تحت حالات کا مقابلہ اور عوام کو ریلیف فراہم کیا جائے گا،عوام عیدکے دوران حفاظتی اقدامات پر عملدرآمد یقینی بنائیں۔

اسلام آباد: مشیر پارلیمانی امور بابر اعوان کا کہنا ہے کہ کرونا کے خلاف ملک بھرمیں جاری اقدامات اور کوششوں کا قوم اعتراف کرتی ہے۔

تفصیلات کے مطابق مشیر پارلیمانی امور بابر اعوان نے چیئر مین این ڈی ایم اے لیفٹیننٹ جنرل افضل کو فون کیا اور کرونا پھیلاؤ روکنے کے لیے وزیراعظم کی قیادت میں این ڈی ایم اے کےاقدامات کی تعریف کی۔

انہوں نے کہا کہ کرونا کے خلاف ملک بھرمیں جاری اقدامات اور کوششوں کا قوم اعتراف کرتی ہے۔ بابر اعوان کا کہنا تھا کہ وزارتی عملے پر مشتمل افراد کی حفاظت کے لیے بھی مناسب اقدامات ضروری ہیں۔

چیئرمین این ڈی ایم نے سیکریٹریٹ آنے کے راستے پر ڈس انفیکشن گیٹ لگانے کی یقین دہانی کراتے ہوئے کہا کہ عملے کے لیے ماسک، وزارتوں کو سینیٹائزرز فراہم کیے جائیں گے۔

مشیر پارلیمانی امور بابر اعوان نے چیئر مین این ڈی ایم اے لیفٹیننٹ جنرل افضل کی جانب سے بھرپور تعاون کی یقین دہانی پر اطمینان کا اظہار کیا۔