اسلام آباد : وفاقی وزیراطلاعات و نشریات فواد چوہدری کا کہنا ہے بھارتی انتخابات جو بھی اقتدارمیں آئے بات چیت کیلئے تیار ہے، پلوامہ حملے کے بعد پیدا تناﺅ خطے کے مفاد میں نہیں ، پاکستان کرتار پور راہداری کو فعال کرنے کیلئے اپنی ہر ممکن کوشش کرےگا۔
تفصیلات کے مطابق وفاقی وزیراطلاعات فواد چوہدری نے بھارتی اخبار کو انٹرویو دیتے ہوئے کہا کہ بھارتی انتخابات کا مرحلہ مکمل ہونے کے بعد پاکستان بھارت سے بات چیت کیلئے ہر وقت تیار ہے، بھارتی انتخابات جو بھی اقتدار میں آئے بات چیت بڑھائیں گے۔
وزیراطلاعات کا کہنا تھا پلوامہ حملے کے بعد پیدا تناﺅ خطے کے مفاد میں نہیں ، پاکستان نے بھارت کے برعکس جنگی ماحول میں ذمہ داری دکھائی اور پاکستان نے جذبہ خیر سگالی کے طور پر بھارتی پائلٹ کورہاکیا۔
فواد چوہدری نے کہا پاکستان کرتار پور راہداری کو فعال کرنے کیلئے اپنی ہر ممکن کوشش کرےگا، حکومت پاکستان خطے میں امن کی خواہاں ہے اور اس حوالے سے عملی اقدامات بھی کیے جا رہے ہیں۔
مزید پڑھیں : پلوامہ ہمارے لیے پہلاموقع تھا جہاں ہم نے بھارت کو دھول چٹائی ،فوادچوہدری
یاد رہے چند روز قبل وزیراطلاعات فوادچوہدری کا کہنا تھا مودی نے الیکشن کامیابی کیلئے کروڑوں زندگیوں کو داؤ پر لگایا، پلوامہ ہمارے لیے پہلا موقع تھا جہاں ہم نے بھارت کو دھول چٹائی اور بھارت کو ہمارے خلاف پسپائی اختیار کرنی پڑی۔
ان کا کہنا تھا پوری دنیامیں کہاجارہاہےبھارتی الیکشن کےلیےپلوامہ کوہوادی گئی ، پلوامہ واقعے پر ہمارے آئیڈیے اور اسے پیش کرنا بہت اچھا تھا۔
