اسلام آباد: وزیر اطلاعات مریم اورنگزیب نے عمران خان کے بیان پر ردعمل میں کئی سوال کیے ہیں۔
عمران خان کے بیان پر ردِعمل کا اظہار کرتے ہوئے مریم اورنگزیب نے کہا کہ جنرل ریٹائرڈ باجوہ نے تمہیں اور تم نے 22 کروڑ عوام کو ٹرک کی بتی کے پیچھےلگایا ہوا تھا۔
مریم اورنگزیب نے کہا کہ فارن فنڈڈ ایجنٹ جھوٹے کی بات پریقین کرنیوالوں کیلئے سوال ہے، باجوہ نے امریکا کو تمہارے خلاف کیا اور تم نے کہا حکومت کیخلاف سازش امریکا نے کی، اگر باجوہ نے امریکا کو تمہارے خلاف کیا تو پھر سائفر کیا تھا۔
مریم اورنگزیب نے کہا کہ باجوہ نے امریکا کو تمہارے خلاف کیا تو پھر امپورٹڈ حکومت اور عالمی سازش کیا تھی، تم نے 4 سال اپنے دماغ سے صرف ملک کو لوٹا باقی سب دوسروں کے کہنے پہ کیا۔
ان کا کہنا تھا کہ باجوہ امریکاسے لابنگ کر رہا تھا اور تم بند کمرے میں ایکسٹینشن کی آفر کر رہے تھے؟ باجوہ نے ہزار بار کہا ہو تم نے اسمبلیاں کسی کے کہنے پرکیوں توڑیں؟ قوم کو 4 سال سمجھ نہیں آیا کہ ملک کو تم نے کس طرح، کیسے اور کہاں کہاں سے لوٹا ہے۔
مریم اورنگزیب کا کہنا تھا کہ عوام اور ملک کیساتھ جو ہوا تاریخ میں کہیں کسی ملک کیساتھ یہ ظلم نہیں ہوا، چار سال صرف اپنی بیگم اور ان کی سہیلی فرح گوگی کو نوازا۔
وزیر اطلاعات مریم اورنگزیب نے مزید کہا کہ ملک میں مارشل لگا دیں کا بیان فارن فنڈڈ فتنے کی اصل نیت ہے، تم نے سازش کر کے پنجاب اور خیبر پختونخوا کے نمائندوں کی توہین کی ہے۔
