Tag: باخبر سویرا

کراچی : سینئیر صحافی اور تجزیہ کار اطہر کاظمی نے کہا ہے کہ اگر تحریک انصاف الیکشنز میں ہوتی ہے تو کوئی بھی جماعت اکیلے حکومت نہیں بنا سکتی۔

یہ بات انہوں نے اے آر وائی نیوز کے پروگرام باخبر سویرا میں خصوصی گفتگو کرتے ہوئے کہی انہوں نے کہا کہ نواز شریف کو عدالتوں سے ملنے والے ریلیف پر پیپلز پارٹی تھوڑا بہت تو اختلاف کرتی رہے گی لیکن اگلی حکومت پھر انہوں نے مل کر ہی بنانی ہے۔

انہوں نے کہا کہ تحریک انصاف کے ہوتے ہوئے کوئی جماعت اس پوزیشن میں نہیں ہوگی کہ تنہا حکومت بنا سکے۔ یہ لوگ اپنی تلخیوں کو اتنا نہیں بڑھائیں گے کہ ساتھ بیٹھنا بھی مشکل ہو لیکن الزامات اور طنز وغیرہ ہوتے رہیں گے۔

ایک سوال کے جواب میں کہ جو لوگ جلسے میں آئے کیا وہ ووٹ ڈالنے بھی آئیں گے؟ اطہر کاظمی کا کہنا تھا کہ پورے پاکستان کے لوگ ووٹ ڈالنے لاہور تو نہیں آئیں گے جیسے جلسے میں آگئے، میڈیا رپورٹس کے مطابق ن لیگ کے جلسے میں لاہوریوں کی تعداد بہت کم تھی۔

انہوں نے کہا کہ عام انتخابات میں ن لیگ کو ووٹرز کے حوالے سے بہت مشکل صورتحال کا سامنا کرنا پڑسکتا ہے، اطہر کاظمی نے کہا کہ نواز شریف اپنے تمام مقدمات سے بری ہونے کے بعد ہی الیکشن کا مطالبہ کریں گے کیونکہ وہ ابھی تک نااہل ہی ہیں۔

پی ٹی آئی رہنماؤں کی مولانا فضل الرحمان سے ملاقات 

پی ٹی آئی کے رہنما اسد قیصر اور علی محمد خان کی مولانا فضل الرحمان سے ملاقات کے حوالے سے ان کا کہنا تھا کہ یہ ملاقات ذاتی نوعیت کی تھی کیونکہ جے یو آئی خیبر پختونخوا میں سیاسی طور پر بہت کمزور ہے۔

انہوں نے کہا کہ یہ ملاقات سیاسی نہیں تھی یہ رہنما تعزیت کیلئے ان سے ملنے گئے تھے اور اس کا علم عمران خان کو بھی نہیں تھا نہ ہی ان کی مرضی یا رضامندی شامل تھی۔

ماہر نجوم علی محمد خان نے اے آر وائی کے پروگرام باخبر سویرا میں شرکت کی، انھوں نے الیکشن، نگراں حکومت اور عبوری وزیراعظم کے حوالے سے پیشگوئی کی ہے۔

انھوں نے بتایا کہ اکتوبر میں الیکشن ہونے کے صرف 5 فیصد چانسز ہیں اور اگر اکتوبر میں الیکشن نہیں ہوئے تو یہ ایک سال آگے چلے جائیں گے، عبوری وزیراعظم کی پوسٹ پر عدلیہ کا کوئی سابق رکن براجمان ہوگا، یہ کوئی جج ہو گا، اس کے علاوہ یہ ٹیکنوکریٹ بھی ہوسکتا ہے۔

الیکشن میں پیپلز پارٹی کا پلڑہ بھاری دیکھتا ہوں اور آئندہ بلاول بھٹو کے وزیراعظم بننے کے بہت امکانات ہیں، شہباز شریف کے بارے میں گفتگو کرتے ہوئے انھوں نے کہا کہ ان کا رول بس یہیں تک تھا کہ جو کہ اب ختم ہوگیا ہے، مریم نواز مزید لیڈ نہیں کریں گے۔

ماہر نجوم کے مطابق تحریک انصاف کی ستاروں کی پوزیشن اچھی نہیں ہے، عوام میں ان کا گراف بہت بلند ہے مگر جب قسمت کسی کا ساتھ نہ دے تو پھر مشکل ہوجاتی ہے۔

علی محمد خان نے کہا کہ عمران خان نااہل نہیں ہوں گے نہ ہی انھیں گرفتار کیا جائے گا، چیئرمین پی ٹی آئی کو اس کی آس پاس کی صورتحال کا سامنا کرنا پڑے گا کیوں کہ وہ خوش قسمت بہت ہیں، تاہم تحریک انصاف کی حکومت نہیں بنے گی۔

نواز شریف کی واپسی ناممکن ہے، وہ 2024 میں بھی وطن واپس نہیں آئیں گے، ان کی پاکستان واپسی ممکن ہی نظر نہیں آتی، وہ چوتھی دفعہ وزیراعظم نہیں بن پائیں گے۔

ماہر نجوم نے کہا کہ امن و امان کے حالات بھی بہتر نہیں ہیں اور مستقبل میں خدانخواستہ ملک میں امن و امان کی صورتحال خراب ہوسکتی ہے، عالمی سطح پر بہت کرائسز آئے گا اور پاکستان کو بھی بہت زیادہ مشکلات کا سامنا رہے گا۔

2027 تک کوئی معاشی بہتری کے آثار نظر نہیں آرہے ہیں، مہنگائی بھی بڑھے گی، پاکستان کے لیے 2023 سے 2027 چار سال بہت اہم ہیں دنیا نے تو آگے کی منصوبہ بندی کی ہوئی ہے مگر ہم نہیں کی۔ ہم اللہ سے دعا کرسکتے ہیں کہ وہ ہمارے گناہوں کو معاف کرے اور حالات بہتر ہوجائیں کیوں کہ اللہ پاک ہرچیز پر قادر ہیں۔