اسلام آباد: امریکی صدرباراک اوباما کہتے ہیں امریکا پاک بھارت تعلقات خوشگوار دیکھناچاہتا ہے۔
امریکی صدرنے وزیراعظم نوازشریف کوفون کیا اوردورہ بھارت سے قبل اعتماد میں لیا، وزیراعظم سے گفتگو کرتے ہوئے باراک اوباما نے پاکستان کے ساتھ بہتر تعلقات کی خواہش کا اظہار کیا، امریکی صدر کاکہناتھا امریکا پاک بھار ت تعلقا ت کوخوشگوار دیکھنا چاہتا ہے، امریکی صدرنے وزیراعظم نوازشریف سے ایسے وقت میں رابطہ کیاہےجب آرمی چیف جنرل راحیل شریف امریکا کے سات روزہ دورے پرہیں۔
واشنگٹن: امریکی صدر باراک اوباما کا کہنا ہے کہ دنیا اس وقت جنگ اورامن،خوف اورامیدکےسنگم پرکھڑی ہے اور اسلام امن کادین ہے امریکاکی جنگ اسلام کےخلاف نہیں۔
اقوام متحدہ کی جنرل اسمبلی سے خطاب میں امریکی صدرباراک اوباما کا کہنا تھا کہ یورپ میں رو س کی جارحیت مستردکرتےہیں،ان کا کہنا تھا کہ ایران کےپاس نیوکلیئرڈیل کابہترین موقع ہے اسےضائع نہ کرے۔
ان کا کہنا تھا کہ اسلام امن کادین ہے ،امریکاکی جنگ اسلام کےخلاف نہیں، امریکی صدر اوباما کا کہنا تھا کہ دنیا بھر میں بیروزگاری،کرپشن اور جہالت کا شکار علاقےشدت پسندوں کی آماجگاہ ہیں۔
امریکی ایجنسیوں کے غیر قانونی اقدامات کو قانونی شکل دے دی گئی، امریکی خفیہ ادارے دوسرے ملکوں کی حکومتوں کے راز جاننے کے لیے اپنی سرگرمیاں بدستور جاری رکھیں گے اور اس عمل پر کسی سے معافی نہیں مانگی جائے گی۔
امریکہ کے صدر باراک اوباما نے امریکی انٹیلی جنس اداروں کی جانب سے اندرون و بیرون ملک جاری نگرانی اور جاسوسی کے پروگراموں میں کئی اصلاحات متعارف کرانے کا اعلان کیا ہے۔
واشنگٹن میں خطاب کرتے ہوئے صدر اوباما نے امریکی خفیہ اداروں کی جانب سے امریکہ کے دوست اور اتحادی ممالک کے سربراہان کی جاسوسی پر پابندی عائد کرنے کا اعلان کرتے ہوئے کہا کہ خفیہ معلومات نے دنیا بھر میں دہشت گرد حملوں کی روک تھام میں مدد دی ہے لہذا اسے مکمل طور پر بند نہیں کیا جاسکتا لیکن دوست ممالک کے سربراہان کو یقین دلاتا ہوں کہ ان کی جاسوسی نہیں کی جائیگی۔
امریکی ایجنسیوں کے غیر قانونی اقدامات کو قانونی شکل دیتے ہوئے ان کا کہنا تھا کہ ہر اس شخص پر نظر رکھی جائیگی جو امریکہ کے لئے خطرہ ہے جکہ عام افراد کی جاسوسی نہیں کی جائیگی، یاد رہے کہ گزشتہ سال سابق امریکی خفیہ اہلکار ایڈورڈ سنوڈن خفیہ معلومات کا بڑا ذخیرہ لے کر امریکہ سے فرار ہوگئے تھے، جس کے افشا کیے جانے کے بعد امریکہ کو دنیا بھر سے شدید ردعمل کا سامنا کرنا پڑا تھا۔
