Tag: باربی

مارگوٹ روبی کی فلم ’باربی‘ نے ’ہیری پورٹر‘ اور ’ڈارک نائٹ‘ جیسی بڑی فلموں کو باکس آفس پر پچھاڑتے ہوئے کمائی کا نیا ریکارڈ قائم کردیا۔

غیرملکی میڈیا رپورٹس کے مطابق باکس آفس پر باربی کے جلوؤں نے پوری طرح سے شائقین کو اپنے سحر میں جکڑا ہوا ہے، فلم نے اب تک عالمی باکس آفس پر 298.3 ملین ڈالرز سے زائد کا بزنس کرلیا ہے۔

آسٹریلوی اداکارہ کی فلم باربی تمام ریکارڈز توڑتے ہوئے وارنر برادرز کی اب تک سب سے زیادہ کمائی کرنے والی فلم بن چکی ہے، فلم نے بڑی فرنچائز سے تعلق رکھنے والی ہیری پورٹر اور دی ڈارک نائٹ جیسی فلموں کو پیچھے چھوڑ دیا ہے اور باکس آفس پر ان سے زیادہ کمائی کرنے والی فلم کا اعزاز حاصل کرلیا ہے۔

لڑکیوں کے کھلونوں سے باہر نکل کر سینما تک کا باربی کا سفر شائقین کو بہت پسند آرہا ہے، گریٹا گیروگ نے نے اس فلم کو ڈائریکٹ کرتے ہوئے باربی کو بالکل نیا اور تازہ لک دیا ہے جس نے اندازوں سے بڑھ کر کامیابی حاصل کی ہے۔

فلم بینوں کے ساتھ ساتھ ناقدین بھی باربی کے دام میں گرفتار نظر آتے ہیں، فلم میں رنگوں کا امتزاج استعمال کرتے ہوئے موسیقی کا تڑکا لگایا گیا ہے اور سب سے بڑھ کر خود اعتمادی کا جو پیغام پیش کیا گیا ہے اس نے سب کی توجہ اپنی جانب مبذول کرالی ہے۔

فلم میں باربی کے کرردار کو موجودہ دور کے شائقین کے حساب سے بڑے پردے کی زینت بنایا گیا ہے، اس فلم میں باربی خود پرلگے لیبلز سے نہیں گھبراتی بلکہ موجودہ تصورات کو خاطر میں لائے بغیر اپنے حساب سے فیصلے کرتی ہے۔

ٹام کروز کی ریلیز ہونے والی نئی فلم مشن ایمپاسبل-ڈیڈ ریکنگ پارٹ ون نے باکس آفس پر شاندار شروعات کی تھی تاہم جلد ہی اسے باربی کے مقابلے میں دھچکے کا سامنا کرنا پڑا۔

میڈیا سے گفتگو کرتے ہوئے ٹام کروز کے قریبی ذرائع نے انکشاف کیا ہے کہ عالمی باکس آفس پر باربی کے ایک ارب ڈالرز سے زائد کی کمائی کرنے کے بعد ٹام کروز کے منہ کا ذائقہ تھوڑا کڑوا ہو گیا ہے۔

ٹاپ گن میں جلوہ گر ہونے والے ہالی وڈ سپر اسٹار کی مشہور زمانہ فلم مشن ایمپاسبل فرنچائز کی ساتویں فلم ریلیز ہونے کے محض ایک ہفتے بعد ہی مارگوٹ روبی کی فلم باربی نے شائقین کی توجہ اپنی جانب کھینچ لی۔

اس کے باوجود کہ مشن ایمپاسبل تاریخ کی مہنگی ترین فلموں میں سے ایک ہے یہ گریٹا گیروِگ کی ’باربی‘ اور کرسٹوفر نولان کی ’اوپن ہائیمر‘ کا مقابلہ کرنے میں ناکام رہی ہے۔

View this post on Instagram

A post shared by BARBIE (@barbiethemovie)

ذرائع نے بتایا کہ ’’ٹام کروز کی مشن ایمپاسبل سیون کو بنانے میں کافی محنت کی گئی ہے جب کہ اسے سینما تک لانے کے لیے بہت سی رکاوٹوں کو عبور کیا گیا ہے۔‘‘

اس حوالے سے ذرائع کا مزید کہنا تھا کہ’’کہہ سکتے ہیں کہ یہ ہالی ووڈ پر واقعی مشکل وقت ہے لہٰذا کوئی بھی باربی کی عمدہ پرفارمنس پر اس طرح اظہار نہیں کررہا، تاہم کچھ لوگوں کے منہ کا ذائقہ اس کی وجہ سے تھوڑا کڑوا ہو گیا ہے۔‘‘