اسلام آباد (4 اگست 2025): پاکستان کے مختلف علاقوں آئندہ ہفتے کے لیے پھر گرج چمک کے ساتھ بارشوں اور طوفانوں کی پیشگوئی کی گئی ہے۔

اے آر وائی نیوز کے مطابق پاکستان کے مختلف علاقوں ان دنوں شدید مون سون کی لپیٹ میں ہیں۔ کلاؤڈ برسٹ، طوفانی بارشوں، لینڈ سلائیڈنگ، سیلابی ریلوں مکانات گرنے اور دیگر حادثات کے نتیجے میں اب تک 150 سے زائد افراد جاں بحق ہو چکے ہیں جب کہ انفرا اسٹرکچر تباہ ہوچکا ہے۔

محکمہ موسمیات نے آئندہ ہفتے ایک بار پھر گرج چمک کے ساتھ بارشوں اور طوفانوں کی پیشگوئی کرتے ہوئے گلیشیئر پھٹنے کا الرٹ جاری کیا ہے۔

محکمہ موسمیات نے گلگت بلتستان، خیبر پختونخوا کے لیے برفانی جھیل کے پھٹنے سے ممکنہ سیلاب کا الرٹ جاری کرتے ہوئے اچانک سیلاب اور لینڈ سلائیڈنگ کے خدشات ظاہر کیے ہیں۔

محکمہ موسمیات نے متاثرہ علاقوں میں صورتحال سے نمٹنے کے لیے متعلقہ اداروں کو الرٹ رہنے اور پیشگی اقدامات کرنے کی ہدایت کی ہے۔ ریسکیو 1122 اور ڈیزاسٹر مینجمنٹ اتھارٹیز کو بھی الرٹ رہنے کی ہدایت کی گئی ہے

الرٹ میں کہا گیا ہے کہ گلگت بلتستان اور خیبر پختونخوا کے برفانی علاقوں میں ہنگامی صورتحال پیدا ہو سکتی ہے۔ اس لیے سیاحوں کو محتاط رہنے اور متعلقہ علاقوں کا سفر محدود کرنے کا مشورہ دیا گیا ہے۔

https://urdu.arynews.tv/flooding-threat-in-rivers-across-the-country-from-tomorrow/

اسلام آباد : پی ڈی ایم اے پنجاب نے آندھی اوربارشوں کا الرٹ جاری کردیا، جس میں ملک بیشتر علاقوں میں تیزہواؤں کے ساتھ بارش کی پیشگوئی کی گئی ہے۔

تفصیلات کے مطابق جڑواں شہروں راولپنڈی، اسلام آباد اور نواحی علاقوں میں کہیں ہلکی کہیں تیزبارش اور ٹھنڈی ہواوں سے موسم خوشگوار ہوگیا۔

لاہورمیں گلبرگ،مال روڈ، سمن آباد، اچھرہ اور دہگرعلاقوں میں ہلکی سے درمیانی بارش ہوئی، پسرور،ناروا ل اورگردونواح میں بارش سے گرمی کی شدت میں کمی آگئی۔

خیبرپختونخوا کے علاقوں ملاکنڈ اور لوئر دیر میں بھی بارش سے درجہ حرارت کم ہوگیا جبکہ ضلع مہمند کے مختلف علاقوں میں موسلا دھاربارش سے ندی نالوں میں طغیانی آگئی۔

موسم کی خبریں

محکمہ موسمیات نے آج سے بارہ مئی تک ملک بھرمیں گرج چمک کے ساتھ بارش کی پیش گوئی کردی، مغربی لہر بالائی اور وسطی علاقوں کو متاثر کرے گی۔

موسم کا حال بتانے والوں ملک کے وسطی، جنوبی حصوں میں بارش برسانے والی ہوائیں چلنےکی توقع ہے، جس کے باعث اسلام آباد، پشاورسمیت بیشترعلاقوں میں تیزہواؤں کے ساتھ بارش متوقع ہے جبکہ کشمیر، گلگت بلتستان میں بھی گرج چمک کیساتھ بارش اور ژالہ باری کا امکان ہے۔

کراچی میں گرمی کی شدت برقرار ہے، محکمہ موسمیات کے مطابق شہر میں اج پارہ اڑتیس ڈگری سنٹی گریڈ تک جانے کا امکان ہے۔

پشاور : خیبرپختونخوا میں میں آج شام سے بارشوں کا سلسلہ شروع ہونے کی پیشگوئی کردی، یہ سلسلہ 20 اپریل تک جاری رہنے کا امکان ہے۔

تفصیلات کے مطابق پی ڈی ایم اے نے خیبرپختونخوا میں میں آج شام سے بارشوں کا سلسلہ شروع ہونے کی پیشگوئی کردی، بارشوں کا سلسلہ 20 اپریل تک جاری رہنے کا امکان ہے۔

چترال، دیر، سوات، کوہستان، شانگلہ، بٹگرام، مانسہرہ، ایبٹ آباد ،ہری پور،ملاکنڈ،بونیر،باجوڑ، مہمند، وزیرستان، خیبر،اورکزئی اورکرم میں بارشوں کاسلسلہ 20 اپریل تک جاری رہے گا۔

پشاور، چارسدہ، نوشہرہ، صوابی، بنوں، کرک اور کوہاٹ میں وقفے وقفے سے بارش متوقع ہیں۔

بارشوں کے پیش نظر پی ڈی ایم اے نے تمام ضلعی انتظامیہ کو مراسلہ جاری کردی ، جس میں کسی بھی نا خوشگوار واقعے سے پیشگی نمٹنے کیلئے مشینری کی دستیابی یقینی بنانے کی ہدایت کی ہے۔

مراسلے میں کہا ہے کہ بالائی علاقوں میں سیاحوں،آبادی کو احتیاتی تدابیر اپنانے کے پیغامات پہنچائے جائیں اور سیاح سفر سے قبل پی ڈی ایم اےکی ہیلپ لائن پررابطہ کریں۔

پی ڈی ایم اے کا کہنا تھا کہ بارشوں میں بجلی کے تاروں، بوسیدہ عمارتوں و تعمیرات، سائن بورڈز سےدوررہیں، کسی بھی ناخوشگوارواقعےکی اطلاع فری ہیلپ لائن 1700 پر دیں۔

دوسری جانب سندھ، جنوبی پنجاب اور بلوچستان کے چند علاقوں میں 18 اپریل تک گرمی کی لہر برقرار رہنے کا امکان ہے۔