Tag: بارشوں کا اسپیل

کراچی : شہر قائد میں بارش کا ایک اور اسپیل آنے کو تیار ہیں ، محکمہ موسمیات نے کراچی میں6 تا 9 اگست درمیانی اور تیزبارش جبکہ 10 سے طوفانی بارشوں کی پیش گوئی کردی۔

تفصیلات کے مطابق محکمہ موسمیات نے سندھ میں آج سے بارشوں کا نیا اسپیل شروع ہونے کا امکان ظاہر کرتے ہوئے کہا کہ تھرپارکر ، عمر کورٹ ،سانگھڑاور خیرپورمیں آج شام سے بارشین متوقع ہے۔

محکمہ موسمیات کا کہنا تھا کہ بارشون کے نئے اسپیل میں کہیں ہلکی اور کہی تیز جبکہ ٹھٹہ اور بدین میں بھی تیز بارش ہونے کا امکان ہے۔

کراچی میں کل شام سے بارشوں کے نئے اسپیل کی انٹری متوقع ہے ، جس کے باعث 6 اگست سے 9 اگست تک کہیں ہلکی اور کہی تیز بارشیں ہوں گی۔

محکمہ موسمیات نے بتایا کہ سندھ میں 5 اگست سے 9 اگست تک بارشوں کا یہ سلسلہ جاری رہے گا۔

چیف میٹرولوجسٹ سردار سرفراز نے بتایا کہ 10اگست سے پھر بارشوں کا ایک اور نیا اسپیل بن رہا، جو انڈیا سے پاکستان کی طرف بڑھے گا ، سندھ بھر میں 10اگست سے بنے والا بارشون کا نیا اسپیل کے نتیجے میں تیز بارشیں ہوں گی۔

سردار سرفراز کا کہنا تھا کہ نئے بارشوں کے اسپیل کے نتیجے میں مشرقی بلوچستان کے اضلاع سبی،نصیر آباد، جعفر آباد قلعہ سیف اللہ میں تیز بارشیں ہوں گی جبکہ سندھ کے جنوبی اضلاع جن میں خصدار ، لسبیلہ،مکران ڈسٹرکٹ میں بھی تیز بارشیں متوقع ہیں۔

محکمہ موسمیات نے مزید بتایا کہ بارشوں کے نئے اسپیل سے کراچی میں 10 اگست سے تیز بارشیں ہوں گی

کراچی: شہر قائد میں بارشوں کا چوتھا اسپیل شروع ہو چکا ہے جس کی وجہ سے شہریوں کو شدید ترین مسائل کا سامنا کرنا پڑ رہا ہے۔

تفصیلات کے مطابق کراچی میں بارشوں کے چوتھے اسپیل کا آغاز ہو گیا ہے، جس کی وجہ سے آج شہر کے مختلف علاقوں کی سڑکوں پر شدید ٹریفک جام رہا، کورنگی سمیت بیش تر شاہ راہوں پر سگنل بند اور ٹریفک پولیس غائب رہی۔

کورنگی صنعتی ایریا میں سیکڑوں گاڑیاں گھنٹوں سے پھنسی رہیں، بروکس چورنگی، قیوم آباد چورنگی، کورنگی کراسنگ، جام صادق پل، کورنگی کاز وے، کورنگی ایکسپریس وے، نرسری اور ٹیپو سلطان پل پر شدید ٹریفک جام رہا۔

لیاقت آباد، سخی حسن، کے ڈی اے چورنگی، سولجر بازار، نشتر روڈ، ملیر کالا بورڈ، کشمیر روڈ اور طارق روڈ پر بھی گاڑیوں کی قطاریں لگ گئیں، نمایش، جہانگیر روڈ، تین ہٹی اور لیاقت آباد میں بھی ٹریفک جام رہا۔

ادھر چیف میٹرولوجسٹ سردار سرفراز نے کہا ہے کہ کراچی میں بارش کا یہ چوتھا اسپیل ہے، شہر میں کل بھی بارش کا امکان ہے، خلیج بنگال میں ہوا کے کم دباؤ کا ایک اور سسٹم بن رہا ہے، جس کی وجہ سے مزید بارش کے ایک سے دو اسپیل کا امکان ہے۔

دوسری طرف محکمہ موسمیات نے صبح 8 بجے سے رات 8 بجے تک کا بارش کا ریکارڈ پیش کرتے ہوئے کہا ہے کہ لانڈھی میں 18 ملی میٹر، اولڈ ایئر پورٹ پر 5 ملی میٹر بارش ریکارڈ کی گئی۔

موسمیات کے مطابق فیصل بیس پر 13 ملی میٹر، جناح ٹرمینل میں 6.8 ملی میٹر جب کہ یونی ورسٹی روڈ پر 6.5 ملی میٹر بارش ریکارڈ کی گئی ہے۔