Tag: بارشوں کی پیشگوئی

کراچی : وزیراعلیٰ سندھ مراد علی شاہ نے بارشوں کی پیشگوئی کے پیش نظر صوبے میں رین ایمرجنسی نافذ کردی اور تمام بلدیاتی اداروں، انتظامیہ اور اسپتالوں کو ہائی الرٹ کردیا۔

تفصیلات کے مطابق وزیراعلیٰ سندھ کی زیر صدارت بارشوں کی پیشگوئی کے حوالے سے اجلاس ہوا، وزیراعلیٰ سندھ سید مراد علی شاہ نے صوبے میں رین ایمرجنسی نافذ کرتے ہوئے تمام بلدیاتی اداروں، انتظامیہ اور اسپتالوں کو ہائی الرٹ کردیا۔

وزیراعلیٰ سندھ کو ڈی جی پی ڈی ایم اےسلمان شاہ نے بریفنگ دیتے ہوئے کہا خضدار کے پہاڑی سلسلے سے بارش کا پانی سندھ میں آئے گا ، کراچی میں بارش سے شاہراہ فیصل پر پانی کا دباؤآتا ہے ، جس پر مراد علی شاہ نے ہدایت کی کہ ٹریفک انتظامات بہتر کئے جائیں۔

وزیراعلیٰ سندھ کی کمشنر لاڑکانہ کو بھرپور انتظامات کرنے کی ہدایت کرتے ہوئے کہا خضدار کے پہاڑی سلسلے سے بارش کا پانی سندھ میں آئے گا ۔

خیال رہے ملک بھر میں آج سےدھواں دھاربارشوں کا نیا اسپیل شروع ہونے کا امکان ہے، ایران کے راستے داخل ہونے والا مغربی ہواؤں کا ایک اور تگڑا سسٹم بلوچستان، سندھ ، خیبرپختونخوا اور گلگت بلتستان کے بیشتر حصوں پر اثراندازہوگا۔

نیشنل ڈیزاسٹر مینجمنٹ اتھارٹی نے ممکنہ بارشوں اور برف باری سے متعلق الرٹ جاری کردیا ہے، این ڈی ایم اے کے مطابق تیز بارشوں سےکراچی، حیدرآباد، گوادر،پشاور،مردان، میں سیلابی صورتحال ہوسکتی ہے۔

کوئٹہ : محکمہ موسمیات نے25 فروری سے بارشوں کے نئے سلسلے کا الرٹ جاری کردیا، جس میں بلوچستان کے بیشتر علاقوں میں بارش اور پہاڑوں پر برفباری کی پیشگوئی کی  گئی ہے۔

تفصیلات کے مطابق بارشوں کے نئے سلسلے کی پیشگوئی کے بعد محکمہ موسمیات نے الرٹ جاری کردیا، جس میں کہا ہے کہ مغربی ہواوں کا سلسلہ 25 فروری سے بلوچستان میں داخل ہوگا، مغربی ہواؤں کا یہ سلسلہ 26 فروری تک ملک کے بیشتر علاقوں کو اپنی لپیٹ میں لے گا۔

محکمہ موسمیات نے 25 کی رات اور 26 فروری کو بلوچستان کے بیشتر علاقوں میں بارش اور پہاڑوں برفباری کی پیشگوئی کی ہے۔

محکمہ موسمیات کا کہنا ہے کہ کوئٹہ، چاغی، نوشکی ، خاران ، گوادر ،پنجگور ، آواران خضدار ، سبی میں بارش متوقع ہے جبکہ کوئٹہ، قلات، کوئٹہ، زیارت، چمن ،پشین قلعہ عبداللہ، قلعہ سیف اللہ میں پہاڑوں پر برفباری بھی ہوگی۔

، محکمہ موسمیات نے کوئٹہ، ژوب ، شیرانی ، بارکھان، موسی خیل اور کوہلو میں بھی بارش کی پیشگوئی کرتے ہوئے کہا ہے کہ کوئٹہ، چند مقامات پر موسلادھار بارش بھی متوقع ہے۔

شمالی بلوچستان میں برفباری سے سڑکیں بند اور ٹریفک میں خلل کا امکان ہے جبکہ کوئٹہ، گوادر ،کیچ پنجگور آواران میں ندی نالوں میں طغیانی آسکتی ہے۔

محکمہ موسمیات نے تمام متعلقہ اداروں کو اس دوران الرٹ رہنے کی ہدایت جاری کردی ہے۔

کراچی : محکمہ موسمیات نے کل سے سولہ اگست تک ملک میں بارشوں کی پیشگوئی کردی اور کہا پنجاب، خیبرپختونخوا، آزاد کشمیر اور گلگت بلتستان میں موسلادھاربارش کا امکان ہے۔

تفصیلات کے مطابق محکمہ موسمیات کی جانب سے کہا گیا ہے کہ بحیرہ عرب سے مون سون ہوائیں ملک کے بالائی علاقوں میں داخل ہورہی ہیں ، 13 اگست کو مغربی ہوائیں بھی بالائی علاقوں میں اپنا اثر دکھائیں گی۔

محکمہ موسمیات نے کل سے 16 اگست تک ملک میں بارشوں کا امکان ظاہر کرتے ہوئے کہا کہ پنجاب، خیبرپختونخوا ، آزاد کشمیر اور گلگت بلتستان میں موسلادھار بارش متوقع ہے۔

13 سے 16 اگست کشمیر، گلگت، مری،اسلام آباد،راولپنڈی ودیگرشہروں میں جبکہ 14 سے 16 اگست تک کرم ، لکی مروت، ڈی آئی خان، کرک ، وزیرستان میں بارش کا امکان ہے۔

پندرہ اور سولہ اگست کے دوران ڈیرہ غازی خان، راجن پور، موسیٰ خیل، بارکھان، ژوب، قلات اور خضدار میں تیزہواؤں اورگرج چمک کے ساتھ بارش کا امکان ہے۔

اسلام آباد،راولپنڈی، پشاور،گوجرانوالہ اورلاہورمیں موسلادھاربارش کےباعث نشیبی علاقے زیرآب آنے جبکہ پہاڑی علاقوں میں لینڈ سلائیڈنگ کا خدشہ ہے۔

دوسری جانب این ڈی ایم اے کی جانب سے کہا گیا ہے کہ ملک کے مختلف حصوں میں گرج چمک کے ساتھ بارش کا امکان ہے تاہم سندھ کےساحلی علاقوں میں موسم گرم اور مرطوب رہے گا اور سندھ کےساحلی علاقوں میں بوندا باندی بھی جاری رہےگی۔

بارشوں کے باعث ندی نالوں میں پانی کا بہاؤ بڑھ سکتا ہے، گلگت بلتستان کے دریاؤں اور ندی نالوں میں پانی کے بہاؤ میں اضافے کا امکان ہے۔

کراچی : محکمہ موسمیات نے 15 اپریل سے 20 اپریل کے دوران وقفے وقفے کے ساتھ بارشوں کی پیشگوئی کردی، جس سے عید پر موسم خوشگوار رہنے کا امکان ہے۔

تفصیلات کے مطابق محکمہ موسمیات نے ملک میں ایک بار پھر بارشوں کی پیشگوئی کردی اور کہا کہ اسلام آباد سمیت پنجاب، سندھ، بلوچستان اور خیبر پختونخوا کے مختلف علاقوں میں بادل برسیں گے۔

محکمہ موسمیات کا کہنا ہے کہ ویک اینڈ سے مغربی ہوائیں ملک کے بالائی علاقوں میں داخل ہوں گی، جس کے بعد یہ سلسلہ مغربی اور وسطی علاقوں تک پھیلیں گے، اس دوران تیزہوائوں اورگرج چمک کے ساتھ بارش کا امکان ظاہر کیا گیا ہے۔

بارش برسانے والے نئے سلسلے کے باعث آزاد کشمیر، گلگت بلتستان اور خیبرپختونخوا کے بیشتر مقامات پرتیزہواؤں کے ساتھ بارش ہوگی جبکہ اسلام آباد، مری گلیات، راولپنڈی، اٹک، جہلم چکوال میں گرج چمک کے ساتھ بارش متوقع ہے۔

محکمہ موسمیات کا کہنا ہے کہ تیز ہواؤں اوربارش کےساتھ ہی ژالہ باری بھی ہوسکتی ہے جبکہ سکھر ، لاڑکانہ اورجیکب آباد میں 17 اور 18 اپریل کو ہلکی بارش متوقع ہے۔

محکمہ موسمیات نےبارشوں کے پیش نظر الرٹ جاری کردیا، جس میں کہا کہ 17 اور 18 اپریل کووزیرستان، کوہاٹ، کرم ، ڈیرہ اسماعیل خان میں گرج چمک کے ساتھ بارش متوقع ہے جبکہ لاہور، گوجرانوالہ، حافظ آباد، خوشاب، میانوالی میں بارش کی پیشگوئی کی گئی ہے۔