(15 اگست 2025): آزادکشمیر میں بارش اور لینڈ سلائیڈنگ سے تباہی کے باعث تعلیمی ادارے 2 دن تک بند رکھنے کا اعلان کیا گیا ہے۔
تفصیلات کے مطابق آزاد جموں و کشمیر کے تمام سرکاری اور نجی اسکول 15 اگست 2025 سے 2 دن کیلئے بند رہے گی، آزاد جموں و کشمیر (اے جے کے) ایلیمنٹری اینڈ سیکنڈری ایجوکیشن نے اس سلسلے میں نوٹیفکیشن جاری کر دیا ہے۔
نوٹیفکیشن کے مطابق 15 اور 16 اگست کو آزاد کشمیر کے تمام سرکاری و نجی تعلیمی ادارے بند رہیں گے، فیصلے کا مقصد طلبہ و اساتذہ کی حفاظت کو یقینی بنانا ہے۔
نوٹیفکیشن میں مزید کہا گیا کہ یہ تعطیلات موسم کی خراب صورتحال کے باعث ندیوں اور نالوں میں سیلاب اور لینڈ سلائیڈنگ کے خطرے کے پیش نظر جاری کی گئی ہیں۔
اس سے قبل ضلع پونجھ کی محکمہ تعلیم نے اعلان کیا تھا کہ موسم کی شدید صورتحال کی وجہ سے تمام تعلیمی ادارے 15 اگست کو بند رہیں گے۔
https://urdu.arynews.tv/cloudburst-wreaks-havoc-in-kashmir-46-dead/
اسسٹنٹ کمشنر حویلی سرفراز شاد کا یہ بھی کہنا تھا کہ ’’خراب موسمی حالات اور لینڈ سلائیڈنگ کے باعث 15 اگست کو وادی جہلم میں بھی تمام سرکاری اور نجی تعلیمی ادارے بند رہیں گے۔‘‘
واضح رہے کہ محکمہ تعلیم کی جانب سے یہ اعلان آزاد کشمیر میں کلاؤڈ برسٹ کے بعد سامنے آیا ہے جس سے متعدد علاقوں میں بڑے پیمانے پر نقصان ہوا، پل اکھڑ گئے، سڑکوں کے رابطے منقطع ہو گئے اور مکانات تباہ ہو گئے ہیں جبکہ جانی نقصان بھی ہوا ہے۔