ARYNews.tv | Urdu – Har Lamha Bakhabar

Tag: بارش کا امکان

  • ہوشیار! کراچی میں ایک بار پھر بارش کی پیشگوئی

    ہوشیار! کراچی میں ایک بار پھر بارش کی پیشگوئی

    کراچی: محکمہ موسمیات نے کراچی میں 4 اور 5 اکتوبر کو بارش پیشگوئی کرتے ہوئے کہا ہے کہ دو اور تین اکتوبر کو مطلع ابرآلود رہے گا جبکہ راچی  میں سمندری ہوائیں چلنے سے گرمی کی شدت میں کمی آگئی ہے۔

    تفصیلات کے مطابق محکمہ موسمیات نے کراچی میں ایک بار پھر بارش کی نویدسنا دی ، ایران، مغرب بلوچستان کی جانب سے بادل کراچی کا رخ کریں گے، جس کے باعث شہر میں چار اور پانچ اکتوبر کو درمیانے درجے کی بارش متوقع ہے۔

    چیف میٹرولوجسٹ کا کہنا ہے کہ دو اور تین اکتوبر کو مطلع ابرآلود رہے گا۔

    مزید پڑھیں : کراچی میں سمندری ہوائیں چلنے سے درجہ حرارت میں کمی

    دوسری جانب کراچی میں سمندری ہوائیں بحال ہونے سے گرمی کی شدت میں کمی آگئی، پنجاب اورخیبر پختونخوا کے مختلف شہروں میں بارش اور ٹھنڈی ہواؤں نے موسم بدل دیا ہے جبکہ ملک کے بالائی علاقوں میں پہاڑوں پر برفباری نے موسم سرما کی نوید سنا دی۔

    خیال رہے کہ کراچی میں گزشتہ کئی روز سے گرج چمک کے ساتھ تیز بارشیں ہورہی تھی، مسلسل بارشوں سے نشیبی علاقے زیر آب آگئے جبکہ کئی علاقوں میں جگہ جگہ پانی کھڑا ہوگیا۔

    بارشوں کے دوران کرنٹ لگنے سے 5 افراد جاں بحق بھی ہوئے تھے۔

  • کراچی میں ایک بار پھر بارش کا امکان

    کراچی میں ایک بار پھر بارش کا امکان

    اسلام آباد : محکمہ موسمیات کا کہنا ہے بارش برسانے والا نیا سسٹم کل سے پاکستان میں داخل ہوگا، کراچی میں آئندہ 24 گھنٹے میں ہلکی بارش کا امکان ہے ، جس سے سردی کی شدت میں اضافہ متوقع ہے۔

    تفصیلات کے مطابق  محکمہ موسمیات نےملک بھر میں کل سے موسلا دھار بارشوں کی پیش گوئی کردی ہے جبکہ ملک کے بیشتر شہروں میں موسم سرد اور خشک ہے۔

    محکمہ موسمیات کا کہنا ہے کہ بارش برسانے والا نیا سسٹم کل سے پاکستان میں داخل ہوگا، جس سے بدھ سےجمعرات کے دوران کراچی ،لاہور، کوئٹہ، پشاور، اور اسلام آباد سمیت ملک کے بیشتر علاقوں میں ہلکی اور تیز بارش کا امکان ہے۔

    کراچی میں آج موسم سرد اور خشک رہے گا تاہم آئندہ 24 گھنٹےمیں بوندا باندی کاامکان ہے، مغرب سےبارش برسانےوالےسسٹم کےباعث بونداباندی ہوگی۔

    محکمہ موسمیات کے مطابق کراچی میں صبح کے وقت درجہ حرارت 13 ڈگری ریکارڈکیاگیا، جبکہ موجودہ درجہ حرارت 23 ڈگری اور ہوامیں نمی کا تناسب 28 فیصدہے جبکہ ہوا 3 ناٹیکل میل فی گھنٹہ کی رفتارسےچل رہی ہے۔

    دوسری جانب سوات، چترال، مری، گلگت بلتستان اور کشمیر میں شدید برفباری کی توقع ہے ،اس دوران مالاکنڈ، ہزارہ ڈویژن، گلگت بلتستان اور کشمیر میں لینڈ سلائیڈ کا خدشہ ہے۔

    محکمہ موسمیات نے رواں ہفتےکےوسط میں ملک میں بارش اورپہاڑوں پربرفباری کی پیشگوئی بھی کی ہے ، مغربی علاقوں میں آج رات مغربی ہواؤں کا سلسلہ داخل ہوگا، بدھ کومغربی ہواؤں کاسلسلہ مختلف علاقوں میں پھیل جائےگا اور یہ سلسلہ جمعرات تک بالائی علاقوں میں برقراررہےگا،مغربی ہواؤں کےزیراثر بارشیں اوربعض مقامات پربرفباری متوقع ہے۔

    واضح رہے یاد رہے کہ ہفتے کو رات گئے کراچی کے مختلف علاقوں میں ہلکی بارش کے باعث سردی کی شدت میں اضافہ ہوا تھا۔

  • آئندہ چوبیس گھنٹوں میں کہیں برف باری اور کہیں بارش کا امکان

    آئندہ چوبیس گھنٹوں میں کہیں برف باری اور کہیں بارش کا امکان

    اسلام آباد: محکمہ موسمیات کا کہنا ہے کہ آئندہ چوبیس گھنٹوں میں ملک کے بالائی علاقوں میں بارش اور پہاڑوں پر برفباری کا امکان ہے جب کہ سندھ کے ساحلی علاقوں میں ہلکی بوندا باندی بھی متوقع ہے۔

    محکمہ موسمیات کی جانب سے آج رات سے سوموار کے دوران خیبرپختونخوا، فاٹا، گلگت بلتستان سمیت کشمیر کے کئی علاقوں میں کہیں کہیں بارش اور پہاڑوں پر برفباری کی پیشنگوئی کی گئی ہے۔

    آئندہ 24گھنٹوں میں خیبرپختونخوا ہ کے علاقوں مالاکنڈ، ہزارہ، پشاور، کوہاٹ، مردان، بنوں اور ڈی آئی خان ڈویژن سمیت فاٹا، گلگت بلتستان اور کشمیر کے پہاڑی علاقوں میں کہیں کہیں برف باری جبکہ کوئٹہ، ژوب ڈویژن، بالائی پنجاب کے راولپنڈی، گوجرانوالہ، سرگودھا، لاہور، فیصل آباد ڈویژن اور اسلام آباد میں چند مقامات پر گرج چمک کے ساتھ بارش کا امکان ہے۔

    جب کہ مکران اور سندھ کے ساحلی علاقوں میں ہلکی بارش، بوندا باندی کا بھی امکان ہے اس کے علاوہ ملک کے دیگر علاقوں میں موسم خشک رہے گا اور پنجاب کے میدانی علاقوں سمیت اور بالائی سندھ میں رات اور صبح کے اوقات میں شدید دھند کا بھی امکان ہے۔

  • ملک بھر میں گرج چمک کے ساتھ مزید بارش کا امکان

    ملک بھر میں گرج چمک کے ساتھ مزید بارش کا امکان

    اسلام آباد / لاہور /پشاور / فاٹا / کشمیر / کراچی : آئندہ 24گھنٹوں کے دوران کراچی سمیت سندھ ، اسلام آباد، پنجاب(راولپنڈی، گوجرانوالہ، لاہور، فیصل آباد ، سرگودھا،ساہیوال، بہاولپور، ملتان، ڈی جی خان ڈویژن)،خیبر پختونخواہ (مالاکنڈ، ہزارہ،پشاور، مردان، کوہاٹ، بنوں، ڈی آئی خان ڈویژن)، بلوچستان (ژوب ، سبی ، کوئٹہ، نصیرآباد، قلات اور مکران ڈویژن )، فاٹا، کشمیراور گلگت بلتستان میں کہیں کہیں گرج چمک کے ساتھ مزید بارش کا امکان ہے۔

    محکمہ موسمیات کے مطابق اگلے تین سے چار روز کے دوران مزید مون سون ہوائیں ملک کے بالائی علاقوں میں داخل ہوں گی۔ جس کے باعث مالاکنڈ، ہزارہ، مردان، پشاور، راولپنڈی، سرگودھا، گوجرانوالہ، لاہور ڈویژن، کشمیر ، گلگت بلتستان، باجوڑ، مہمند، خیبر، اورکزئی، کرم ایجنسیز میں اتوار سے منگل کے دوران اکثر مقامات پر بارش جبکہ کہیں کہیں موسلادھار بارش کی پیشنگوئی کی گئی ہے۔

    تین روز بعد مون سون ہوائیں ملک کے جنوبی علاقوں سندھ اور بلوچستان میں داخل ہونا شروع ہو جائیں گی۔جس کے باعث سکھر، لاڑکانہ، کراچی، حیدرآباد، میرپور خاص، ڈی جی خان، ملتان، بہاولپور، ژوب، سبی، نصیرآباد، ڈی آئی خان ڈویژن میں سوموار سے جمعرات کے دوران اکثر مقامات پر بارش جبکہ کہیں کہیں موسلادھار بارش کا امکان ہے۔

    مون سون کی غیر معمولی بارشوں کے باعث پنجاب، بالائی خیبر پختونخواہ،کشمیر ،شمال مشرقی بلوچستان اور سندھ میں  اور کے خطرے کے پیش نظر متعلقہ اداروں کو احتیاطی تدابیر اور ضروری انتظامات کرنے کی ہدایت۔ گزشتہ 24 گھنٹوں کے دوران ریکارڈ کی گئی بارش(ملی میٹر): گوجرانوالہ81 ، مری 53، کراچی (لانڈھی 49، فیصل بیس33، صدر30، ماڈل اوبزرویٹری18، جناح ٹرمینل24، آئی۔ایم-جی18، گلشن حدید 15، نارتھ کراچی12، مسرور بیس، ناظم آباد11)، ڈپلو 46، راولاکوٹ 42، کاکول34، شہید بینظر آباد 25، سانگھڑ23، پڈعیدن22، قصور21، لاہور(سٹی14، ائیرپورٹ 02)،بھکر10، بہاولپور(ائیرپورٹ)، چھاچھرو07، جوہرآباد، لاڑکانہ06، کوٹلی، مظفرآباد، رسالپور 05، موہنجوداڑو 04، بدین، ٹوبہ ٹیک سنگھ03 ، سیالکوٹ(ائیرپورٹ03، سٹی01)، نگر پارکر02، بہاولنگر، ٹھٹھہ اور چترال میں01 ملی میٹر ریکارڈ کی گئی۔

    آج ریکارڈ کیے گئے گرم ترین مقامات: سب سے زیادہ درجہ حرارت دالبندین میں44 ڈگری سینٹی گریڈ جبکہ نوکنڈی 43،سبی41، جیکب آباد، چلاس اور سکھر میں40 ڈگری سینٹی گریڈ ریکارڈ کیا گیا۔

  • کراچی، سندھ ، پنجاب، بلوچستان میں بارش کا امکان

    کراچی، سندھ ، پنجاب، بلوچستان میں بارش کا امکان

    اسلام آباد: ملک بھر میں سردی زوروں پر ہے، محکمہ موسمیات نے بالائی علاقوں سمیت کراچی ، سندھ ، پنجاب اور بلوچستان بھر میں بارش نوید سنا دی ہے۔

    محکمہ موسمیات کے مطابق کراچی ، سندھ، پنجاب، بلوچستان میں زبردست بارش کا امکان ہے، عوام گرم کپڑے اور چھتریاں نکال لیں ، سندھ سمیت پنجاب کے کئی شہروں میں موسم سرما کی بارش سردی کا زور بڑھا دے گی۔

    لاہور، گوجرانوالہ، فیصل آباد سمیت پنجاب بھر میں تیز ہواؤں کے ساتھ بارش کا امکان ہے۔

    موسم کا حال بتانے والوں نے بلوچستان ، گلگت بلتستان اور مالاکنڈ سمیت کئی بالائی اور میدانی علاقوں میں تیز ہواؤں کیساتھ بارش اور برفباری کی پیشگوئی بھی کی ہے۔

    محکمہ موسمیات کے مطابق گزشتہ روز سب سے کم درجہ حرارت پارہ چنار میں منفی نو ڈگری سینٹی گریڈ،اسکردو اور استور میں منفی آٹھ، قلات اور مالم جبہ میں منفی پانچ،کوئٹہ میں منفی دو اور چترال میں منفی ایک ڈگری سینٹی گریڈ ریکارڈ کیا گیا۔

  • ملک کے بالائی شہروں میں سردی اوربارش کی پیشگوئی

    ملک کے بالائی شہروں میں سردی اوربارش کی پیشگوئی

    اسلام آباد : ملک بھر میں کہیں بارش کا امکان کہیں ٹھنڈی ہواؤں کا زور ہے محکمہ موسمیات کا مطابق اس بار سردی پچھلے سارے ریکارڈ توڑے گی جبکہ بالائی شہروں میں بارش کی پیشگوئی بھی کردی ہے۔

    ملک بھر میں موسم جوبن پر ہے۔ گرمی سے پریشان شہریوں کے لیے ٹھنڈی ٹھار ہوائیں موسم سرما کا تحفہ لے آئیں۔محکمہ موسمیات کا کہنا ہے کہ اس بار ریکارڈ توڑ سردی  پڑے گی۔

    شہری گرم کپڑے تیار کرلیں۔کراچی اوراسلام آباد میں بھی ٹھنڈی ٹھار ہوائیں چلیں گی۔شمالی اور بالائی علاقے بھی سخت سردی کی لپیٹ میں ہیں۔

    مالاکنڈ،ہزارہ ،گلگت بلتستان اور کشمیرسمیت پہاڑی علاقوں میں بادل چھائے ہیں۔ جس کے باعث بالائی علاقوں میں تیز بارش اور برفباری کابھی امکان ہے ۔

    محکمہ موسمیات کے مطابق گزشتہ چوبیس گھنٹے کے دوران سب سے کم درجہ حرارت اسکردو میں منفی پانچ جبکہ کالام میں منفی ایک ڈگری سینٹی گریڈ رہا۔

  • ملک میں گرمی بڑھنےکا خدشہ، بالائی علاقوں میں بارش کاامکان

    ملک میں گرمی بڑھنےکا خدشہ، بالائی علاقوں میں بارش کاامکان

    اسلام آباد: محکمۂ موسمیات کا کہنا ہے کہ کراچی سمیت سندھ کے کئی شہروں میں گرمی بڑھے گی، تاہم کشمیراورگلگت بلتستان سمیت چند مقامات پربارش کا امکان ہے۔

     محکمۂ موسمیات نے کراچی سمیت سندھ کے دیگر علاقوں میں گرمی کے مزید بڑھنے کی خبردے دی ہے، شدید گرمی کی لہر نے شہریوں کا برا حال کر دیا ہے، پریشان حال لوگوں کو شدت سے اَبر کرم برسنے کا انتظار ہے جبکہ بالائی علاقوں میں رہنے والوں کے لئے بارش کا سندیسہ ہے۔

    مالاکنڈ، ہزارہ، راولپنڈی ڈویژن، اسلام آباد، کشمیر اور گلگت بلتستان سمیت چند مقامات پر تیز ہواؤں اورگرج چمک کے ساتھ بارش ہوگی۔

    گزشتہ روز ملک میں سب سے زیادہ درجۂ حرارت دالبندین میں بیالیس ڈگری سینٹی گریڈ جبکہ سبی،ڈی جی خان، نوکنڈی، روہڑی، شہید بینظیر آباد اور سکھر میں اکتالیس ڈگری سینٹی گریڈ ریکارڈ کیا گیا۔

  • محکمہ موسمیات نے کراچی میں بارش کی پیش گوئی کردی

    محکمہ موسمیات نے کراچی میں بارش کی پیش گوئی کردی

    کراچی : شہریوں کا انتظار ختم ہوا اب کراچی میں بھی بادل کھل کر برسیں گے۔  چوبیس گھنٹوں کے دوران کراچی میں بارش کا امکان کے مطابق کراچی اور ساحلی علاقوں میں جمعرات سے بارشوں کا نیا سلسلہ شروع ہوگا، کہیں گر می کا زور برقرار ہے تو کہیں بارش سے موسم خوشگوار کراچی والوں کو شدت سے بارش کا انتظار ہے ۔ اب  انتظار ختم ہوگاکیونکہ محکمہ موسمیات نے کراچی والوں کو خوشی کی نوید سنادی ۔

    آئندہ چوبیس گھنٹے کے دوران سندھ بھر میں مون سون کا نیا سسٹم داخل ہوگا ۔جس سے سندھ کے مشرقی علاقوں میں بارش کا امکان ہے ۔ جبکہ کراچی اور ساحلی علاقوں میں جمعرات سے بارشوں کا سلسلہ شروع ہوگا۔اندرون سندھ ابر آلود موسم نے گرمی کی شدت کو کم کیا۔جس سے گرمی سے بلبلائے شہریوں نے سکھ سانس لیا ہے۔

    جبکہ راولپنڈی، گوجرا نوالہ، سرگودھا، ساہیوال اور ملتان سمیت پنجاب کے مختلف شہروں میں بھی بارش کی پیش گوئی کی گئی ہے ۔ آئندہ چوبیس گھنٹے کے دوران خیبر پختونخوا،گلگت بلتستان اور کشمیر بادلوں کے سائے میں رہیں گے،تاہم بیشتر شہروں میں موسم گرم اور مرطوب رہنے کی توقع ہے۔

  • سندھ بھر میں آئندہ چند روز میں بارش کا امکان

    سندھ بھر میں آئندہ چند روز میں بارش کا امکان

    محکمہ موسمیات بھی تجزیہ کا روں کی طرح پیشنگوئی کررہا ہے کہ ملک کے بیشتر حصوں میں مطلع ابر آلود رہے گا۔

    کہیں گر می کا زور برقرار ہے تو کہیں بارش سے موسم خوشگوار کردیا ہے، کراچی والوں کو شدت سے بارش کا انتظار ہے، اندرون سندھ میں ابر آلود موسم نے گرمی کی شدت کو کم کردیا ہے،جس سے گرمی سے بلبلائے شہریوں نے سکھ سانس لیا۔

    محکمہ موسمیات کے مطابق سندھ بھر میں آئندہ چند روز میں بارش کا امکان ہے، راولپنڈی، گوجرا نوالہ، سرگودھا، ساہیوال اور ملتان سمیت پنجاب کے مختلف شہروں میں بھی بارش کی پیشگوئی کی گئی ہے، آئندہ چوبیس گھنٹے کے دوران خیبر پختون خوا، گلگت بلتستان اور کشمیر بادلوں کے سائے میں رہینگے، تاہم بیشتر شہروں میں موسم گرم اور مرطوب رہنے کی توقع ہے ۔

    گزشتہ چوبیس گھنٹے کے دوران ما لاکنڈ ڈیویژن، گلگت سمیت بیشتر شہروں میں بارش ہوئی، آئندہ چوبیس گھنٹے کے دوران ملک کے اہم شہروں کا درجہ حرارت کچھ اس طرح رہے گا،اسلام آباد بتیس،لاہور تیس ، کراچی تیس، حیدر آباد پینتیس ،کوئٹہ چھتیس اور پشاور میں بتس سینٹی گریڈ رہے گا۔

  • عید کا دوسرا دن:ملک کے مختلف شہروں میں بارش کی پیش گوئی

    عید کا دوسرا دن:ملک کے مختلف شہروں میں بارش کی پیش گوئی

    موسم خوشگوارہے تو مزاج پر بھی بہارہے، کئی علاقوں میں بارش کی نوید عید آئی ہے خوشیاں لائی ہے، اگر موسم بھی خوشگوار ہوجائے تو مزا دوبالا ہوجائے ۔محکمہ موسمیات نے ملک کے بیشتر علاقوں میں بارش کی نوید سنائی ہے ۔

    محکمہ موسمیات کا کہنا ہے کہ عید کا سماں ہے عید کے دنوں میں نکلتے وقت چھتریاں ضرور ہاتھ میں لیجئے گا کیونکہ موسم بھی ابر آلود رہے گا۔ مزاج خوشگوار ہے تو موسم بھی حسین ہوگیا ہے۔ملک بھر میں عید کے پہلے دن تو پنجاب کے کئی علاقوں میں خوب بارش ہوئی۔ابر کرم برسا تو گجرانوالہ میں بارش کا تئیس ملی میٹر ریکارڈ قائم ہوگیا۔

    جبکہ آئندہ چوبیس گھنٹوں میں میدانی اور گرم علاقوں میں بھی جل تھل کی پیش گوئی ہے۔محکمہ موسمیات کے مطابق سندھ مشرقی بلوچستان ،ملتان ڈی جی خان اور اسلام آباد اور مشرقی پنجاب اور خیبرپختونخواہ کے چند علاقوں میں گرج چمک کے ساتھ بارش کا امکان ہے