Tag: بارش

کراچی: حالیہ بارشوں کے نتیجے میں پاکستان ریفائنری کی پائپ لائن کو شدید نقصان پہنچا ہے جس کے باعث پاکستان ریفائنری نے عارضی شٹ ڈاؤن کا خدشہ ظاہر کر دیا۔

تفصیلات کے مطابق پاکستان ریفائنری نے عارضی شٹ ڈاؤن کا خدشہ ظاہر کر دیا ہے، کراچی میں شدید بارشوں سے ریفائنری کی پائپ لائن کو بہت نقصان پہنچا ہے، اس سلسلے میں پاکستان ریفائنری کی جانب سے اسٹاک ایکسچینج کو ایک خط بھی لکھا گیا ہے۔

ترجمان پاکستان ریفائنری کا کہنا ہے کہ حالیہ بارشوں سے انٹر سٹی آئل پائپ لائن شدید متاثر ہو گئی ہے، جس سے کیماڑی ٹرمینل سے کورنگی کریک کو سپلائی رک گئی ہے۔

ترجمان نے بتایا کہ فی الوقت پائپ لائن کو ہونے والے نقصانات کا جائزہ لیا جا رہا ہے، جس کے بعد پائپ لائن کی بحالی کا ٹائم فریم دیا جا سکے گا۔

پاکستان ریفائنری کی جانب سے اسٹاک ایکسچینج کے جنرل منیجر کو لکھے گئے خط میں کہا گیا ’’گزشتہ روز 25 اگست کو کراچی میں ہونے والی غیر معمولی تیز بارش سے پائلز برج کا ایک حصہ بہہ گیا ہے، جو کمپنی کی شہر کے اندر آئل پائپ لائن کو لے کر جاتا ہے، اور جو خام تیل اور پروڈکٹس کی ترسیل کے لیے کیماڑی ٹرمنل کو کورنگی کریک پر واقع ریفائنری سے جوڑتا ہے، واقعے میں مذکورہ پائپ لائنز کو شدید نقصان پہنچا ہے۔‘‘

کراچی: شہر قائد کے مختلف علاقوں میں کہیں تیز اور کہیں ہلکی بارش سے موسم سہانا ہوگیا، ٹھنڈی ہواؤں سے شہریوں کے چہرے کھل اٹھے اور شہری گھروں سے باہر نکل آئے۔

تفصیلات کے مطابق کراچی میں گلشن حدید،اسٹیل ٹاؤن،کورنگی،لانڈھی، ڈیفنس،منظور کالونی،سائٹ ایریا،نارتھ ناظم آباد، صدر، کلفٹن، ملیر، شاہ فیصل کالونی، باغ کورنگی، الفلاح، لیاری،گلشن اقبال،نارتھ کراچی اور سرجانی میں تیز ہواؤں کے ساتھ بارش کا سلسلہ جاری ہے۔

بارش کا سلسلہ شروع ہوتے ہی کراچی کے مختلف علاقوں میں بجلی کی بندش سے شہریوں کو شدید مشکلات کا سامنا ہے۔

سندھ میں طوفانی بارشوں کی پیشگوئی، پی ڈی ایم اے نے الرٹ جاری کردیا

دوسری جانب پی ڈی ایم اے سندھ نے صوبے بھر میں طوفانی بارشوں کی پیشگوئی کرتے ہوئے الرٹ جاری کر دیا۔

پی ڈی ایم اے سندھ نے طوفانی بارشوں اور اربن فلڈنگ کے حوالے سے متعلقہ ڈپٹی کمشنرز کو بارشوں سے نمٹنے کے لیے اقدامات کرنے کی ہدایت کی ہے۔

اس سے قبل محکمہ موسمیات نے پیشگوئی کی تھی کہ آج موسلادھار بارش برسانے والا سسٹم دوپہر کے بعد داخل ہوگا۔