ARYNews.tv | Urdu – Har Lamha Bakhabar

Tag: بارش

  • لاہور:مختلف علاقوں میں موسلادھار بارش،چھتیں گرنے سے 5افراد جاں بحق

    لاہور:مختلف علاقوں میں موسلادھار بارش،چھتیں گرنے سے 5افراد جاں بحق

    لاہور: شہر کے مختلف علاقوں میں موسلادھار بارش کے باعث بند روڈ،ملتان چونگی اور وحدت روڈ پر مکانات کی چھتیں گرنے سے تین بچے،ایک مزدور اور خاتون جاں بحق ہو گئے.

    تفصیلات کے مطابق بند روڈ پر مکان کی چھت گرنے سے 3 بچے جاں بحق ہو گئے جن کی عمریں 10سے 14 سال کے درمیان بتائی جا رہی ہیں جبکہ وحدت روڈ پر خستہ حال مکان منہدم ہونے سے ایک خاتون اور ملتان چونگی کے علاقے میں ایک مزدور جاں بحق ہو گیا.

    اس سے قبل لاہور سمیت پنجاب کے مختلف علاقوں میں صبح کے وقت گرمی کی شدت میں اضافہ دیکھنے میں آرہا تھاتاہم گزشتہ رات سے ہونے والی بارش نے گرمی کا زور خاصی حد تک کم کر دیااوربارش کا سلسلہ بند ہونے کے بعد بھی باد ل چھائے ہوئے ہیں.

    واضح رہے کہ محکمہ موسمیات کے مطابق اگلے دو روز تک لاہور سمیت پنجاب اور ملک کے دیگر علاقوں میں وقفے وقفے سے بارش کا امکان ہے جس سے گرمی کی شدت میں ہوگی.

  • کراچی : ایک بار پھرتیز بارش کا سلسلہ شروع ہوگیا

    کراچی : ایک بار پھرتیز بارش کا سلسلہ شروع ہوگیا

    کراچی : شہر قائد میں ایک بار  پھرتیز بارش کا سلسلہ جاری گرمی کا زور ٹوٹ گیا۔

    تفصیلات کے مطابق علی الصباح شہر میں حبس اور گرمی کے باعث موسم دوبارہ گرم ہوگیا تھا، جس کے بعد شہر کے مختلف علاقوں میں اچانک کالے بادل چھائے اور مون سون کا سلسلہ شرو ہوگیا۔

    POST 4

    ابتدائی طور پر ضلع وسطی کے مختلف علاقوں ناگن چورنگی، نارتھ ناظم آباد، سائٹ ایریا، لیاقت آباد، فیڈرل بی ایریا، نیو کراچی، بلدیہ ٹاؤن، ملیر، گلشن اقبال سمیت دیگر علاقوں میں موسلادھار بارش کا سلسلہ پھر سے شروع ہوگیا ہے۔

    POST 5

    اس موقع پر شہریوں اور بچوں کے چہرے خوشی سے کھل اور عوام کی بڑی تعداد بارش کا لطف اٹھانے کے لئے سڑکوں پر نکل آئے ہیں، تاہم برسات شروع ہوتے ہی کئی علاقوں میں بجلی منقطع ہوگئی ہے۔

    ڈائریکٹر محکمہ موسمیات نے پیش گوئی کی ہے کہ بارش کا یہ سلسلہ وقفے وقفے سے کل تک جاری رہے گا  جبکہ آج کراچی میں 20 سے 25 ملی میٹر بارش ہونے کی توقع  ظاہر کی گئی ہے، انہوں نے مزید کہا کہ محکمہ بلدیات کو اطلاع دی جاچکی ہے کہ ممکنہ بارشوں کے پیش نظر  شہر میں سیلاب آنے کا بھی خطرہ ہے۔

    POST 3

    دوسری جانب سندھ حکومت اور محکمہ بلدیات کی جانب سےگزشتہ روز جمع ہونے والے پانی کی نکاسی نہیں کی جاسکی ، جس کے باعث شہریوں کو شدید مشکلات کا سامنا ہے جبکہ گزشتہ روز بارش کے بعد کئی علاقوں میں منقطع ہونے والی بجلی تاحال بحال نہیں جاسکی۔

  • سمندر میں طغیانی کا خدشہ ، سندھ حکومت نےساحل پر دفعہ 144 نافذ کردی

    سمندر میں طغیانی کا خدشہ ، سندھ حکومت نےساحل پر دفعہ 144 نافذ کردی

    کراچی : بارشوں  کے باعث سمندر میں طغیانی کے خطرے کے پیش نظر وزارتِ داخلہ سندھ نےساحلِ سمندرپر دفعہ 144 نافذ کرتے ہوئے 30 روز تک نہانے پر پابندی عائد کردی ہے۔

     تفصیلات کے مطابق ملک بھر میں مون سون بارشوں کے بعد سمندر میں طغیانی کے خطرے کو پیش نظر رکھتے ہوئے وزارتِ داخلہ سندھ کی جانب سے اعلامیہ جاری کیا گیا ہے، جس میں  شہریوں کو ہدایت کی ہے کہ سمندر میں طغیانی  کے باعث قیمتی جانی ضائع ہونے کا خطرہ ہے، اعلامیہ میں شہریوں سے درخواست کی گئی ہے کہ انتظامیہ کے ساتھ تعاون کریں۔

    وزارتِ داخلہ سندھ کی جانب سے ڈسٹرکٹ ساؤتھ کے تمام تھانوں میں نوٹیفکشن جاری کرتے ہوئے ڈسٹرکٹ کے مختلف تھانوں سے نفری کو ساحل سمندر پر تعینات کردیا گیا ہے۔

    واضح رہے گزشتہ روز ہونے والی بارش سے گرمی کا زور ٹوٹنے اور موسم خوش گوار ہونے کے بعد مقامی اور دیگر شہروں سے آئے ہوئے لوگوں کی بڑی تعداد نے ساحل سمند ر کا رخ کیا ۔

    دوسری جانب  گزشتہ روز ہونے والی بارش کے بعد اہم شاہراوں پر تاحال پانی کی نکاسی نہیں ہوسکی ، پانچوں ڈسٹرکٹس  ( سینٹرل، کورنگی ملیر، ایسٹ، ساؤتھ، ویسٹ) میں عملہ اور افسران غیر حاضر ہیں۔

    بارش کے بعد محکمہ بلدیات سمیت پانچوں ڈی ایم سیز کی کارکردگی کی قلعی کھول دی ہے،  کسی بھی ڈسٹرکٹ میں رین ایمرجنسی سینٹر قائم نہیں کیا گیا جبکہ شہر کے کئی علاقوں میں بارش کے بعد سے اب تک بجلی معطل ہے۔

  • کراچی میں موسم گرما کی پہلی بارش، شہری خوشی سے جھوم اٹھے

    کراچی میں موسم گرما کی پہلی بارش، شہری خوشی سے جھوم اٹھے

    کراچی: مختلف علاقوں میں موسم گرما کی پہلی بارش سے جل تھل ایک ہوگیا، شہری خوشی سے جھوم اٹھے، چھتوں،گلیوں اور سڑکوں پر لوگ بارش کے پانی سے لطف اندوز ہونے لگے۔

    تفصیلات کے مطابق طویل انتظار کے بعد بالآخر بارش ہو ہی گئی، موسم گرما کی یہ افطار کے وقت کے آس پاس ہونے والی پہلی بارش زور دار قسم کی تھی جس سے کراچی کے شہری خوشی سے جھوم اٹھے اور سڑکوں ،گلیوں میں نوجوان نہاتے ہوئے اور بچے ایک دوسرے پر پانی اچھالتے ہوئے نظر آئے جب کہ خواتین بھی گھروں کی چھتوں پر نہانے پہنچ گئیں۔

    5

    شہر قائد کے علاقے سائٹ ایریا، گلستان جوہر، ملیر، ناظم آباد ، سُپر ہائی وے کے علاقوں میں تیز بارش کا سلسلہ جاری ہے، جبکہ بارش کی ابتداء ہوتے ہی کے الیکٹرک کے 220 فیڈر ٹرپ ہونے کے باعث مختلف علاقوں میں بجلی منقطع ہوگئی ہے۔

    3

    گلشن اقبال، حسن اسکوائر، نیو کراچی، لانڈھی، کورنگی، ملیر، سوسائٹی، ڈیفنس، لیاقت آباد، گلشن اقبال سمیت دیگر علاقوں میں بھی بارش کا سلسلہ شروع ہوگیا ہے، بارش شروع ہوتے ہی عوام کے چہرے خوشی سے کھل اٹھے اور بڑی تعداد میں عوام سڑکوں پر آگئے۔


    Rain in different parts of Karachi, weather… by arynews

    واضح رہے محکمہ موسمیات کی جانب سے پیش گوئی کی گئی تھی گزشتہ ہفتے سے ملک بھر میں پری مون سون بارشوں کا سلسلہ شروع ہوجائے گا، جس کے بعد ملک کے مختلف علاقوں میں بارش ریکارڈ کی گئی تھی، کراچی میں بارش نہ ہونے کے سبب گرمی کا زور بڑھ گیا تھا اور شہریوں کی جانب سے باران رحمت کے لئے مسلسل دعائیں کی جارہی تھیں۔

    قبل ازیں اندرون سندھ کے مختلف علاقوں میں موسلادھار بارش کا سلسلہ بھی وقفے وقفے سے جاری ہے۔

    2

  • اندرون سندھ اور کراچی میں بارش کی پیش گوئی

    اندرون سندھ اور کراچی میں بارش کی پیش گوئی

    کراچی: ماہر موسمیات نے اگلے چوبیس گھنٹوں میں اندرون سندھ اور دو روز کے دوران کراچی میں بارش کی پیش گوئی کردی۔

    ماہر موسمیات ڈاکٹر حنیف کا کہنا ہے کہ مون سون کی ہوائیں سندھ میں داخل ہورہی ہیں، حیدرآباد اورمیرپور خاص میں آئندہ چوبیس گھنٹے میں اور کل شام یا رات بدین اور ٹھٹھہ میں بارش ہونے کے قوی امکانات ہیں۔

    ماہرموسمیات کے مطابق اگلے دو روز کے دوران کراچی میں بارش کا امکان ہے.

    دریں اثنا محکمہ موسمیات کی رپورٹ میں امکان ظاہر کیا گیا ہے کہ کراچی میں  پیر اور منگل کو مون سون بارش متوقع ہے، آئندہ 24 گھنٹوں ملک کے بیشتر علاقوں میں موسم گرم اور خشک رہے گا، تاہم میرپور خاص، حیدرآباد، قلات ،مکران ، بہاولپور ، ڈیرغازی خان اور سکھر ڈویژن  کے مختلف مقامات پر گرج چمک کے ساتھ بارش متوقع ہے۔

    یہ بھی پڑھیں‌:آئندہ ہفتے مون سون بارشوں کا سلسلہ شروع ہوگا، محکمہ موسمیات

  • پنجاب میں بارش، محکمہ موسمیات کی کراچی میں بھی برسات کی پیشگوئی

    پنجاب میں بارش، محکمہ موسمیات کی کراچی میں بھی برسات کی پیشگوئی

    اسلام آباد /کراچی  : پنجاب کے مختلف علاقوں میں موسلادھا بارش کے باعث گرمی کا زور ٹوٹ گیا۔

    تفصیلات کے مطابق راولپنڈی اور اسلام آباد میں تیز ہواؤں کے ساتھ ہونے والی بارش نے گرمی کا زور توڑ دیا اور موسم خوشگوار بنا دیا ہے، دوسری جانب لاہور میں تیز ہواؤں کے چلنے سے گرمی کا زور بھی ٹوٹ گیا۔

    علاوہ ازیں فیصل آباد، گجرات، گوجرانوالہ، سیالکوٹ، چکوال، ننکانہ، منڈی بہاؤالدین، پنڈی بھٹیاں، جہلم، ڈسکہ اور شیخوپورہ میں تیزہواؤں کے ساتھ موسلادھار بارش کے باعث گرمی کی شدت میں کمی آگئی اور موسم کافی بہتر ہوگیا جبکہ گوجرانوالہ میں تیز ہواﺅں کے ساتھ بارش سے 86 فیڈر ٹرپ کر گئے جس سے مختلف علاقوں کی بجلی منقطع ہو گئی ۔

    دوسری جانب محکمہ موسمیات نے شہر کراچی میں آئندہ تین روز تک موسم ابر آلود رہنے کا امکان ظاہر کیا ہے، میٹ آفس نے مزید کہا کہ پری مون سسٹم وقت سے پہلے شروع ہوجائے گا اور کراچی میں یہ سسٹم 15 جون سے فعال ہوگا۔

    جس کے تحت کراچی کے مخلتف علاقوں میں ہلکی بارش کی توقع ہے۔

  • فرانس میں طوفانی بارشوں نےسیلابی صورتحال پیداکردی

    فرانس میں طوفانی بارشوں نےسیلابی صورتحال پیداکردی

    پیرس :فرانس میں طوفانی بارشوں نے سیلابی صورتحال پیداکردی،دریاوں میں پانی کی سطح چھ میٹر تک بلند ہوگئی ہے۔

    تفصیلات کے مطابق فرانس میں گذشتہ چند روز سےجاری بارشوں نےدریاوں میں سیلابی صورتحال پیداکردی ہے،دریاوں میں پانی کی سطح میں مسلسل اضافہ ہورہا ہےاور پانی کی سطح معمول سے چھ میٹر تک بلند ہوگئی ہے.

    محکمہ موسمیات نے فرانس میں مزید بارشوں کی پیشنگوئی کی ہے،جس کی وجہ سے دریاوں کی سطح میں مزید اضافے کا خدشہ ہے.

    گذشتہ دنوں فرانس میں شدید بارشوں کےبعد کئی شہروں میں سیلاب کےباعث سڑکیں تالاب کا منظر پیش کرنے لگیں تھی،
    سیلاب کی وجہ سےمواصلاتی نظام بری طرح متاثرہواتھا.

    دارالحکومت پیرس کےساتھ گزرنےوالےدریائے سین میں پانی کی سطح میں مسلسل اضافے کےبعدپیرس کی زیر زمین میٹروکوبند کردیاگیاتھا.

    واضح رہے کہ فرانس کےکئی قصبوں کو سیلاب کےباعث آفت زدہ قراردےدیاگیاتھا،یورپ میں شدیدبارشوں کےباعث دس افراد ہلاک ہوچکےہیں.

    واضح رہے کہ جرمنی میں طوفانی بارشوں کےبعد اب تک نو افرادجاں بحق ہوچکے ہیں،محکمہ موسمیات نے فرانس،بیلجئیم،جرمنی،جنوبی پولینڈ، رومانیہ، مالدووا،یوکرین آسٹریاسمیت یورپ کےدیگرممالک میں شدید بارشوں کی پیشنگوئی کی ہے.

  • پشاورمیں تیزآندھی کے سبب پانچ افرادزخمی ہوگئے

    پشاورمیں تیزآندھی کے سبب پانچ افرادزخمی ہوگئے

    پشاور: پشاور میں 110 کلو میٹر کی رفتار سے چلنے والی تیزآندھی کے باعث سے تناآوردرخت اورسائن بورڈز گرنے سے 5 افراد زخمی ہو گئے۔

    کےمطابق پشاوراورنوشہرہ میں ایک سودس کلومیٹرفی گھنٹہ کی رفتارسے چلنے والی تیزآندھی نے تناآوردرخت زمین سےاکھاڑدیے جبکہ کئی سائن بورڈ گر گئے اس آندھی کی زدمیں آگئے آندھی کی وجہ سے شہرکے بعض علاقوں میں بجلی کی فراہمی بھی متاثرہوئی جبکہ ٹریفک کی روانی میں بھی خلل پڑا۔

    صوبائی ڈیزاسسٹرمنیجمنٹ اتھارٹی کے مطابق تیزآندھی کی وجہ سے دیوار گرنے اوردیگرحادثات کے نتیجے میں پانچ افرادزخمی بھی ہوگئے جنہیں فوری طبی امداد کے لیے قریبی ہسپتال منتقل کردیاگیاہے۔

    ،تیزآندھی کے ساتھ بونداباندی سے گرمی کی شدت میں کمی واقع ہوئی اور موسم بھی خوش گوارہوا،تا ہم شہریوں کا کہنا کہ بارشوں اورآندھی سے نمٹنے کے لیے شہری انتظامیہ کی جانب سے ناکافی انتظامات کیے گئے ہیں۔

  • ملک کے بیشترعلاقوں میں بارشوں سے موسم خوشگوار

    ملک کے بیشترعلاقوں میں بارشوں سے موسم خوشگوار

    اسلام آباد /کوئٹہ / لاہور : ملک کے مختلف علاقوں میں بارش اور ژالہ باری نے گرمی کا زور توڑ دیا۔ کوئٹہ میں کالی گھٹائیں خوب جم کر برسیں تو موسم ٹھنڈا ٹھار ہوگیا۔

    گرمی کا زور ٹوٹا اور بارش کا سلسلہ چل پڑا۔ شام کے وقت اسلام آباد اورگرد و نواح میں گرد آلود ہواؤں کے ساتھ بارش سے گرمی کی شدت میں کمی ہو گئی اور موسم خوشگوار ہو گیا۔

    محکمہ موسمیات نے اتوار تک بارشوں کی نوید سنا دی، اسلام آباد میں بارش کی ٹھنڈی ٹھنڈی بوندوں نے گرمی کو گڈ بائے کہہ دیا۔

    بارش پر ژالہ باری کا تڑکا لگا تو شہر حسین منظر پیش کرنے لگا، علاوہ ازیں ملک کے اکثر علاقے شدید گرمی کی لپیٹ میں ہیں، آج سبی اور تربت میں پارہ 47 ڈگری تک جا پہنچا۔

    مغربی ہواؤں کا سلسلہ وسطی اور بالائی علاقوں میں داخل ہو گیا، لاہور میں بھی جھلسا دینے والی گرمی نے شہریوں کو بے حال کر دیا۔

    بعد ازاں لاہور میں بھی رم جھم کی پھوار نے گرمی سے ستائے شہریوں کا موڈ خوشگوار کردیا۔ کوئٹہ میں بھی بارش نے جل تھل ایک کردیا۔

    تیزہواؤں اور کالی گھٹاؤں کے ساتھ موسم نے رت بدلی تو گرمی سے پریشان شہریوں نے بھی بارش کو دل کھول کر انجوائے کیا۔

     

  • ویمنز ورلڈ ٹی ٹوئنٹی ، پاکستان ویمنز ٹیم نے بھارت کو 2 رنز سے شکست دیدی

    ویمنز ورلڈ ٹی ٹوئنٹی ، پاکستان ویمنز ٹیم نے بھارت کو 2 رنز سے شکست دیدی

    دہلی: ورلڈ ٹی ٹوئنٹی کے گروپ میچ میں پاکستان ویمنز ٹیم نے بھارت کو ڈک ورتھ لیوس میتھڈ کے تحت دو رنز سے شکست دے دی۔

    دہلی کے فیروز شاہ کوٹلہ اسٹیڈیم میں کھیلے جانے والا پاک بھارت ویمنز میچ میں بھی بارش کی مداخلت ہوئی جس کے باعث میچ پاکستان کے حق میں رہا۔

    پاکستان ویمن کرکٹ ٹیم نے ٹاس جیت کر بھارت کو پہلے بیٹنگ کی دعوت دی تو بھارتی اوپنرز خاطر خواہ کارکردگی کا مظاہرہ نہ کر سکیں اور صرف پانچ رنز کے مجموعی اسکور پر 2 کھلاڑی پویلین لوٹ گئیں۔

    انعم امین اور اسماویہ اقبال نے عمدہ باﺅلنگ کرتے ہوئے بھارتی بلے بازوں کو محتاط انداز میں کھیلنے پر مجبور کر دیا اور بھارت کی پوری ٹیم صرف 96 رنز ہی بنا سکی۔

    بھارت کی جانب سے ویلاسوامی وانیتھا نے 2، مندھانا نے 1، ہرمن پریت کور نے 16، میتھالی راج نے 16،کرشنا مورتی نے 24 اور انوجا پٹیل نے 3 رنز بنائے۔ پاکستان کی جانب سے انعم امین، اسماویہ اقبال، ثناءمیر، سعدیہ یوسف اور ندا ڈار نے ایک، ایک کھلاڑی کو پویلین کی راہ دکھائی۔

    ہدف کے تعاقب میں انیس رنز کے مجموعی سکور پر ناہیدہ خان 14 رنز بنا کر پویلین لوٹ گئیں جبکہ سدرہ امین نے 26 اوربسمہ معروف نے 5 رنز سکور کیے ۔

    ویمن ورلڈ ٹی ٹوئنٹی اہم میچ بارش کے باعث روک دیا گیا تھا بھارت کیخلاف پاکستان ویمنز کو 4اوورز میں مزید 20رنز درکار تھے جبکہ پاکستان کی چار وکٹیں باقی تھیں۔ واضح رہے کہ ڈک ورتھ لیوس میتھڈ کے تحت پاکستان نے بھارت کو دو رنز سے شکست دے دی۔

    بھارتی ویمنز ٹیم نے پہلے میچ بنگلہ دیش کو یک طرفہ مقابلے کے بعد بہتر رنز سے شکست دی تھی۔ قومی ویمنز ٹیم کو پہلے میچ میں ویسٹ انڈیز کے خلاف سنسنی خیز مقابلے کے بعد ناکامی کا سامنا ہوا تھا، ایونٹ میں رہنے کے لئے پاکستان ویمنز ٹیم کو بھارت کے خلاف کامیابی حاصل کرنا ضروری تھی۔

    پاک بھارت ٹیمیں