ARYNews.tv | Urdu – Har Lamha Bakhabar

Tag: بارش

  • کراچی کا مطلع ابرآلود، بارش ہوگی یا نہیں؟ محکمہ موسمیات کا اہم بیان

    کراچی کا مطلع ابرآلود، بارش ہوگی یا نہیں؟ محکمہ موسمیات کا اہم بیان

    کراچی: محکمہ موسمیات کا کہنا ہے کہ کراچی کا مطلع ابرآلود، موسم مرطوب ہے، شہر کا کم سے کم درجہ حرارت 28 ڈگری سینٹی گریڈ ریکارڈ کیا گیا ہے۔

    محکمہ موسمیات کے مطابق ہوا میں نمی کا تناسب 82 فیصد ریکارڈ کیا گیا، کراچی میں جنوب مغربی سمت سے 11 کلومیٹر فی گھنٹہ کی رفتار سے ہوائیں چل رہی ہیں۔

    جبکہ شہر کے مختلف علاقوں میں بوندا باندی کی اطلاعات ہیں، شارع فیصل، صدر، مزارقائد، لیاری ، کلفٹن اوراطراف میں بوندا باندی سے موسم خوش گوار ہوگیا۔

    کراچی میں آج زیادہ سے زیادہ درجہ حرارت 35 ڈگری سینٹی گریڈ تک رہنے کا امکان ہے، آئندہ چند روزتک مطلع جزوی ابرآلود رہنے کے ساتھ صبح یا رات میں بوندا باندی کا امکان ہے۔

    دوسری جانب نیشنل ڈیزاسٹر مینجمنٹ اتھارٹی (این ڈی ایم اے) نے 10 جولائی 2025 تک ملک بھر میں شدید بارشوں اور سیلابی صورتحال کا الرٹ جاری کر دیا۔

    جاری کیے گئے الرٹ کے مطابق پنجاب، سندھ، بلوچستان، خیبرپختونخوا، آزاد کشمیر اور گلگت بلتستان میں طغیانی کا خطرہ ہے جبکہ دریائے چناب کے مرالہ اور قادر آباد پر کم درجے کے سیلاب کا امکان ہے۔

    اسی طرح دریائے کابل، سندھ، چناب، سوات، چترال و دیگر ندی نالوں کے بہاؤ میں اضافہ متوقع ہے، شمال مشرقی پنجاب، جنوبی بلوچستان اور آزاد کشمیر میں مقامی سیلاب کا خدشہ ہے۔

    این ڈی ایم اے کے الرٹ کے مطابق آزاد کشمیر میں دریائے جہلم اور معاون نالوں میں اچانک طغیانی کا خطرہ ہے جبکہ گلگت بلتستان میں دریائے ہنزہ اور نالوں میں پانی کی سطح میں اضافے کا امکان ہے۔

    کیرتھر رینج کے ندی نالوں، آواران، خضدار، جھل مگسی اور موسیٰ خیل میں بھی سیلابی کیفیت کا خدشہ ہے۔

    این ڈی ایم اے نے شہریوں کو ہدایت کی ہے کہ تیز بہاؤ والے ندی نالوں، پلوں اور ڈوبی سڑکوں سے گزرنے سے گریز کریں، نشیبی علاقوں کے مکین قیمتی اشیاء اور مویشی محفوظ مقامات پر منتقل کریں۔

    سیلاب اور لینڈ سلائیڈنگ : محکمہ موسمیات کی بڑی پیش گوئی

    اتھارٹی نے ہدایت کی کہ حساس علاقوں کے مکین 3 سے 5 دن کی خوراک، پانی و ادویات پر مشتمل ایمرجنسی کٹ تیار رکھیں، متعلقہ ادارے فوری نکاسی آب کیلیے مشینری اور پمپس تیار رکھیں۔

  • آج کراچی کا موسم کیسا رہے گا؟ کیا بارش ہوگی؟

    آج کراچی کا موسم کیسا رہے گا؟ کیا بارش ہوگی؟

    کراچی: محکمہ موسمیات نے بارش کے حوالے سے خوش خبری سنائی ہے کہ کراچی میں آج وقفے وقفے سے بوندا باندی متوقع ہے۔

    محکمہ موسمیات کے مطابق آج کراچی میں مطلع ابرآلود اور موسم مرطوب رہے گا، شہر میں سمندری ہوائیں بحال ہو چکی ہیں تاہم کم رفتار سے چل رہی ہیں، جنوب مغرب سے 8 کلو میٹر فی گھنٹہ کی رفتار سے ہوائیں چل رہی ہیں۔

    آج کراچی میں زیادہ سے زیادہ درجہ حرارت 33 سے 35 ڈگری تک رہنے کا امکان ہے، اور موسمیات کا کہنا ہے کہ مون سون ہوائیں سندھ کے جنوب مشرقی علاقوں پر اثر انداز ہو رہی ہیں۔

    واضح رہے کہ کراچی کے مختلف علاقوں میں رات گئے ہلکی بارش ہوئی ہے، جس سے گرمی کی شدت میں کمی آئی، محکمہ موسمیات نے آئندہ چوبیس گھنٹوں کے دوران کراچی، کوئٹہ، لاہور، اسلام آباد، پشاور سمیت ملک کے بیش تر علاقوں میں کہیں ہلکی تو کہیں تیز بارش کی پیشگوئی کی ہے، کشمیر اور گلگت بلتستان میں بھی بارش کا امکان ہے، جب کہ ملک کے دیگر علاقوں میں موسم گرم اور حبس برقرار رہنے کا امکان ہے۔

    محرم پر رین ایمرجنسی، راولپنڈی اسلام آباد میں موسلادھار بارش

    ادھر راولپنڈی اور اسلام آباد میں آج صبح سے وقفے وقفے سے موسلادھار بارش ہو رہی ہے، محکمہ موسمیات کی پیشگوئی کے بعد واسا راولپنڈی نے رین ایمرجنسی بھی نافذ کر دی ہے، ترجمان واسا کے مطابق سید پور کے مقام پر ایک گھنٹے میں 80 ملی میٹر بارش ریکارڈ کی گئی، پی ایم ڈی میں 40، شمس آباد میں 20، پیر ودھائی میں 15 ملی میٹر بارش ریکارڈ کی گئی۔

  • محرم پر رین ایمرجنسی، راولپنڈی اسلام آباد میں موسلادھار بارش

    محرم پر رین ایمرجنسی، راولپنڈی اسلام آباد میں موسلادھار بارش

    راولپنڈی: راولپنڈی اور اسلام آباد میں وقفے وقفے سے موسلادھار بارش ہو رہی ہے، محکمہ موسمیات کی پیشگوئی کے بعد واسا راولپنڈی نے رین ایمرجنسی نافذ کر دی ہے۔

    ترجمان واسا نے کہا ہے کہ تمام عملہ اور مشینری ہائی الرٹ ہے، اور انھیں نشیبی علاقوں میں تعینات کر دیا گیا ہے، بارش شروع ہوتے ہی کمیٹی چوک انڈر پاس اور مری روڈ پر مشینری پہنچا دی گئی ہے۔

    ترجمان کے مطابق سید پور کے مقام پر ایک گھنٹے میں 80 ملی میٹر بارش ریکارڈ کی گئی، پی ایم ڈی میں 40، شمس آباد میں 20، پیر ودھائی میں 15 ملی میٹر بارش ریکارڈ کی گئی، نالہ لئی کے کیچمنٹ ایریا سید پور میں شدید بارش کے بعد صورت حال کا جائزہ لیا جا رہا ہے۔

    15 جولائی کے بعد …….. محکمہ موسمیات نے کراچی والوں کو خبردار کردیا

    واسا ترجمان نے کہا کہ نالہ لئی میں پانی کا بہاؤ اس وقت معمول کے مطابق ہے، کٹاریاں کے مقام پر پانی کی سطح 5 فٹ تک پہنچ چکی ہے، گوالمنڈی پل پر نالہ لئی کی سطح 4 فٹ ریکارڈ کی گئی ہے۔

    خیال رہے کہ پی ڈی ایم اے پنجاب نے عاشورہ پر بارشوں کا الرٹ جاری کیا ہے، ترجمان نے بتایا کہ 10 محرم کے دن پنجاب کے بیش تر اضلاع میں شدید بارشوں کی پیشگوئی ہے، جن میں راولپنڈی، گوجرانوالہ، گجرات، لاہور، سیالکوٹ، سرگودھا اور فیصل آباد شامل ہیں۔

    ڈی جی پی ڈی ایم اے عرفان علی کاٹھیا نے تمام اضلاع کو مؤثر اور بروقت اقدامات کی ہدایات جاری کی ہے، اور کہا کہ وزیر اعلیٰ پنجاب کی ہدایات کے پیشِ نظر تمام متعلقہ محکمے الرٹ رہیں، موسمی صورت حال کے پیش نظر جلوسوں کے لیے خصوصی انتظامات اور ضلعی ایمرجنسی آپریشن سینٹرز میں 24 گھنٹے عملے کی دستیابی کو یقینی بنایا جائے۔

  • محکمہ موسمیات نے گرج چمک کے ساتھ بارش کی پیشگوئی کردی

    محکمہ موسمیات نے گرج چمک کے ساتھ بارش کی پیشگوئی کردی

    اسلام آباد: محکمہ موسمیات کا اپنے بیان میں کہنا ہے کہ اسلام آباد میں مطلع جزوی ابر آلود رہے گا، حبس اور بارش کا امکان ہے، بعض مقامات پر تیز ہواؤں اور گرج چمک کیساتھ بارش کی توقع ہے۔

    محکمہ موسمیات کے مطابق اسلام آباد میں بارش کا امکان تقریباً 45 فیصد ہے، راولپنڈی، لاہور، ملتان، سیالکوٹ سمیت پنجاب کے کئی شہروں میں بارش کی پیشگوئی کی گئی ہے۔

    پشاور، بنوں، مانسہرہ، ایبٹ آباد، چارسدہ اور دیر میں بارش کی توقع ہے، تھرپارکر، عمرکوٹ، سانگھڑ، سکھرمیں ہلکی سے درمیانی شدت کی بارش کی توقع ہے۔

    محکمہ موسمیات کے مطابق کراچی اورحیدرآباد میں بھی آج ہلکی سے درمیانی شدت کی بارش کا امکان ہے، بلوچستان کے متعدد علاقوں میں آج گرج چمک کے ساتھ تیز بارش ہوسکتی ہے، گزشتہ روز سب سے زیادہ بارش خیبرپختونخوا چراٹ میں 98 ملی میٹر ریکارڈکی گئی۔

    این ڈی ایم اے الرٹ:

    این ڈی ایم اے نے 6 سے 10 جولائی تک ملک بھر میں بارش، آندھی، طوفان اور سیلاب کا الرٹ جاری کردیا۔

    این ڈی ایم اے کی جانب سے جاری کردہ الرٹ میں کہا گیا ہے کہ اسلام آباد، راولپنڈی، لاہور، اٹک، جہلم، چکوال، میانوالی میں آندھی، طوفانی اور بارش کا امکان ہے۔

    سرگودھا، خوشاب، گوجرانوالہ، گجرات، فیصل آباد، لاہور، قصور، اوکاڑہ میں بھی بارش متوقع ہے، ملتان، خانیوال، بہاولپور، بہاولنگر، رحیم یار خان، ڈی جی خان میں تیز ہواؤں کےس اتھ بارش کا امکان ہے۔

    این ڈی ایم اے کا کہنا ہے کہ دیر، سوات، چترال، کوہستان، صوابی میں گرج چمک کے ساتھ بارش کا امکان ہے، شانگلا، بونیر، بٹگرام، چارسدہ، ایبٹ آباد، مانسہرہ، ہری پور، بنوں میں گرج چمک کے ساتھ بارش متوقع ہے۔

    گلگت، اسکردو، ہنزہ، استور، دیامر، شگر میں موسلادھار بارش متوقع، سیلابی صورت حال کا خطرہ ہے، مظفرآباد، وادی نیلم، راولا کوٹ، حویلی، باغ میں بھی شدید بارش کا امکان، سیلابی صورت حال کا خدشہ ہے۔

    ادھر سندھ کے شہر سکھر، نوابشاہ، کشمور، حیدرآباد، کراچی، تھرپارکر، میرپورخاص، عمر کوٹ میں بارش کی توقع ہے، گھوٹکی، خیرپور، شکارپور، لاڑکانہ جیکب آباد، دادو میں بھی شدید بارشیں متوقع ہے۔

    این ڈی ایم اے کا کہنا ہے کہ بارشوں کے باعث شہری علاقوں میں ممکنہ طور پر سیلابی صورت حال کا خدشہ ہے، کوئٹہ، ژوب، زیارت، قلات، خضدار، آواران، لسبیلہ، نصیر آباد میں بارش کی توقع ہے۔

    این ڈی ایم اے کا 6 سے 10 جولائی تک طوفانی بارش، آندھی اور سیلاب کا الرٹ جاری

    شدید بارشوں سے اربن فلڈنگ، لینڈ سلائیڈنگ کا خدشہ، ٹریفک کی روانی متاثر ہونے کا امکان ہے، کمزور تعمیرات، کچی دیواروں، بجلی کے کھمبوں اور بل بورڈز سے دور رہیں، آندھی اور طوفان کے دوران حد نگاہ کم ہوسکتی ہے عوام احتیاط کریں۔

  • کراچی والے ہوجائیں تیار! محکمہ موسمیات نے مزید بارش کی پیشگوئی کردی

    کراچی والے ہوجائیں تیار! محکمہ موسمیات نے مزید بارش کی پیشگوئی کردی

    کراچی میں آج بھی مطلع ابر آلود ہونے سے موسم خوشگوار ہے جبکہ شہر میں وقفے وقفے سے بوندا باندی کا سلسلہ جاری ہے۔

    محکمہ موسمیات کے مطابق مون سون ہوائیں سندھ کے جنوب مشرقی علاقوں میں داخل ہوچکی ہے، تھرپارکر، ننگر پارکر، مٹھی اور ملحقہ علاقوں میں 5 جولائی تک بارش ہوسکتی ہے۔

    محکمہ موسمیات کا کہنا ہے کراچی میں اس دوران ہلکی بارش اور بوندا باندی کا امکان رہے گا جبکہ 8 سے 11 جولائی کے دوران کراچی میں شدت کی بارش ہوسکتی ہے۔

    شہر میں بادلوں کے ڈیرے ہیں جبکہ کہیں کہیں پھوار ہونے سے موسم خواش گوار ہے لیکن بعض علاقوں میں حبس کی کیفیت بھی برقرار ہے، ہوا میں نمی کا تناسب 75 فیصد ہے۔

    مزید پڑھیں : موسم سے متعلق خبریں

    محکمہ موسمیات کے مطابق اسلام آباد میں مطلع جزوی ابر آلود، تیز ہواؤں اور گرج چمک کے ساتھ بارش کا امکان ہے، اسلام آباد میں چند مقامات پر موسلادھار بارش بھی ہو سکتی ہے، آج اسلام آباد میں درجہ حرارت زیادہ سے زیادہ 33 ڈگری سینٹی گریڈ رہنے کا امکان ہے۔

      اس کے علاوہ 24 گھنٹے میں مری میں سب سے زیادہ 48 ملی میٹر بارش، اسلام آباد ایئرپورٹ پر 29 ملی میٹر ریکارڈ ہوئی، راولپنڈی میں چکلالہ 21، پیرودھائی 08، اٹک میں 14 ملی میٹر بارش ہوئی۔

    پنجاب کے مختلف اضلاع میں تیز ہواؤں کے ساتھ گرج چمک اور بارش کی توقع ہے، خیبرپختونخوا کے کئی اضلاع میں بارش، تخت بائی میں 38 اور کاکول میں 17 ملی میٹر بارش ریکارڈ کی گئی۔

    کشمیر میں گرج چمک کے ساتھ بارش ہوئی، مظفر آباد میں 13 ملی میٹر بارش ریکارڈ کی گئی، بلوچستان کے ژوب میں 18 ملی میٹر اور گلگت بلتستان کے استور میں 6 ملی میٹر بارش ریکارڈ کی گئی۔

  • بارش سے اسکول ڈوب گیا، 162 بچے رات بھر چھت پر پھنسے رہے

    بارش سے اسکول ڈوب گیا، 162 بچے رات بھر چھت پر پھنسے رہے

    مون سون شدید بارشوں کا سلسلہ جاری ہے طوفانی بارشوں نے ایک اسکول کو بھی ڈبو دیا سینکڑوں بچے جان بچانے کے لیے رات پر چھت پر رہے۔

    پاکستان اور بھارت سمیت خطے کے دیگر ممالک میں مون سون بارشیں جاری ہیں۔ بھارت میں بھی کئی ریاستوں میں شدید بارشوں کا سلسلہ جاری ہے۔ جھارکھنڈ ضلع میں موسلادھار بارش نے تباہی مچائی اور ندی اوور فلو ہونے کے بعد پانی گاؤں میں داخل ہو گیا۔

    بھارتی میڈیا کے مطابق اسی گاؤں میں ایک نجی رہائشی اسکول بھی واقع ہے۔ سیلابی پانی نے پہلے اسکول میں داخل ہوکر پہلے پورے اسکول کو ڈبو دیا اور وہاں کھڑی گاڑیاں بھی مکمل طور پر ڈوب گئیں۔

    اسکول سے متصل ہاسٹل بھی تھا وہ بھی پانی میں ڈوب گیا اور ہاسٹل میں مقیم 162 بچے جان بچانے کے لیے چھت پر بھاگے اور رات بھر وہاں پناہ گزین رہے۔

    رپورٹ کے مطابق ہاسٹل میں رات میں اس وقت اچانک پانی تیزی سے داخل ہوا، جب بچے سو رہے تھے۔ انہیں عملے نے فوری طور پر اٹھا کر چھت پر منتقل کیا جہاں انہوں نے پوری رات برسات میں بھیگتے ہوئے خوف کے عالم میں گزاری۔

    واقعہ کی اطلاع فوری طور پر پولیس اور انتظامیہ کو دی گئی اور اگلی صبح ریسکیو آپریشن شروع کر کے چھت پر پناہ گزین بچوں کو کشتیوں اور رسیوں کے ذریعہ بحفاظت ریسکیو کیا گیا۔

    ریسکیو ہونے والے تمام بچوں کا قریبی اسپتال سے طبی معائنہ کرایا گیا تاہم بچوں کی بڑی تعداد واقعہ اور رات بھر خوف کے عالم میں برسات میں چھت پر رہنے کے باعث اضطراب کا شکار تھے۔ بعد ازاں بچوں کے والدین آکر انہیں اپنے ساتھ گھر لے گئے۔

    مذکورہ واقعہ کے بعد انتظامیہ نے مقامی اسکولوں اور ہاسٹلز کو خبردار کیا ہے کہ وہ بارش کے دوران حفاظتی اقدامات کو ترجیح دیں اور ندیوں کے نزدیک رہنے والے افراد احتیاطی تدابیر اختیار کریں۔

    واضح رہے کہ بھارت شدید بارشوں کی لپیٹ میں ہے اور مقامی محکمہ موسمیات کے مطابق یکم جون سے 29 جون کے دوران مشرقی سنگھ بھوم ضلع میں 537.9 ملی میٹر بارش ریکارڈ کی گئی ہے، جو معمول سے 137 فیصد زیادہ ہے، جب کہ اگلے چار دنوں میں یہاں مزید معمول سے 76 سے 100 فیصد زیادہ بارش کی پیشگوئی کی گئی ہے۔

  • کراچی: 24 گھنٹوں میں سب سے زیادہ بارش کہاں ہوئی؟

    کراچی: 24 گھنٹوں میں سب سے زیادہ بارش کہاں ہوئی؟

    شہر قائد میں گزشتہ رات مون سون کی پہلی بارش سے موسم خوشگوار ہوگیا، سب سے زیادہ بارش سرجانی ٹاؤن میں ریکارڈ کی گئی۔

    تفصیلات کے مطابق کراچی میں جمعرات کی رات سے کہیں ہلکی تو کہیں تیز بارش کا سلسلہ جاری ہے جس سے گرمی کا زور تو ٹوٹ گیا لیکن شہر کا نظام درہم برہم ہوگیا، محکمہ موسمیات کا کہنا ہے کہ شہر میں آج بھی بادل برسیں گے، آج شام ھی وقفے وقفے سے بوندا باندی اور بارش متوقع ہے۔

    محکمہ موسمیات کی جانب سے کراچی میں گزشتہ روز سے اب تک ہونیوالی بارشوں کے اعدادوشمار جاری کردیے جس کے مطابق شہر میں سب سے زیادہ بارش سرجانی ٹاؤن میں 58.2 ملی میٹر ریکارڈ کی گئی ہے۔

    کراچی میں آج بارش ہوگی یا نہیں، محکمہ موسمیات نے بتادیا

    محکمہ موسمیات کے مطابق سعدی ٹاؤن میں 47.5،گلشن معمار میں 37.4،گلشن حدید 37 ملی میٹر بارش ریکارڈ کی گئی ہے، شارع فیصل 32، نارتھ کراچی 29.8 اور جناح ٹرمینل پر 29.2 ملی میٹر بارش ہوئی۔

    محکمہ موسمیات نے بتایا کہ ڈی ایچ اے فیز 2 میں 25.5، کورنگی میں 25.2 ملی میٹر بارش ہوئی، یونیورسٹی روڈ پر 24، ناظم آباد میں 20.5، کیماڑی میں 19.5، اورنگی ٹاؤن میں 19.4 ملی میٹر بارش ریکارڈ ہوئی۔

    محکمہ موسمیات کا مزید بتانا ہے کہ ایئرپورٹ اولڈ ایریامیں18.2 ملی میٹر جبکہ مسرور بیس پر 10 ملی میٹر بارش ریکارڈ ہوئی۔

  • کراچی کے مختلف علاقوں میں موسلادھار بارش ،بیشتر سڑکوں پر پانی جمع، ٹریفک متاثر

    کراچی کے مختلف علاقوں میں موسلادھار بارش ،بیشتر سڑکوں پر پانی جمع، ٹریفک متاثر

    کراچی کے مختلف علاقوں میں موسلادھار بارش کے بعد جل تھل ہوگیا، شہر کی بیشتر سڑکوں پر برسات کا پانی جمع ہوگیا۔

    شہر میں ہفتے کو ہونے والے بارش کے بعد کراچی کےلیے پھر سے وہی پرانی کہانی سامنے آئی ہے، بارش کے بعد ہر طرف سڑکوں پر پانی ہی پانی نظر آرہا ہے، مرکزی اور دیگر شاہراہوں پر پانی جمع ہونے کے باعث کئی سڑکوں پر ٹریفک بھی متاثر ہورہی ہے۔

    بولٹن مارکیٹ کی اندرونی سڑکوں اور گلیوں میں پانی جمع ہے، بولٹین مارکیٹ کی گلیوں میں کئی فٹ پانی جمع ہوگیا جس سے آنے جانے والوں کو شدید مشکلات ہیں۔

    وزیرمینشن کے اطراف بھی بارش کا پانی جمع ہوچکا ہے، ایم اے جناح روڈ نمائش چورنگی کے قریب بھی برساتی پانی بڑی مقدار میں موجود ہے۔

    برساتی پانی جمع ہونے اور اس کی نکاسی کا کوئی خاص انتظام نہ ہونے کے باعث ایم اے جناح روڈ اور اطراف میں بدترین ٹریفک جام کا منظر نظر آرہا ہے۔

    https://urdu.arynews.tv/k-electric-350-feeders-trip-after-rainfall-in-karachi/

  • کراچی میں بارش ، متعدد علاقوں میں بجلی کی فراہمی مکمل بند

    کراچی میں بارش ، متعدد علاقوں میں بجلی کی فراہمی مکمل بند

    کراچی : شہر میں بارش کے کئی فیڈرز بند ہونے سے متعدد علاقوں میں بجلی کی فراہمی مکمل بند ہے، جس سے شہری کو مشکلات کا سامنا ہے۔

    تفصیلات کے مطابق کراچی میں بارش کا سلسلہ جاری ہے، جس کے باعث مختلف علاقوں میں بجلی کا نظام درہم برہم ہوگیا ہے۔

    بارش کے بعد کے الیکٹرک کے 350 سے زائد فیڈرز بند ہوگئے ، جس کے باعث شہر کے متعدد علاقوں میں بجلی کی فراہمی مکمل معطل ہے۔

    3 روز میں 1110 سے زائد فیڈرز کی بندش سے شہری کو مشکلات کا سامنا ہے، ڈی ایچ اے، گلشن اقبال، گلستان جوہر، سرجانی، اورنگی اور بلدیہ ٹاؤن میں فیڈرز ٹرپ ہے۔

    بارش رکنے کے باوجود بحالی کا کام شروع نہ ہوسکا ، کے الیکٹرک کی ٹیکنیکل ٹیموں کو گراوٴنڈ کلیئرنس نہ ملنے پر بحالی میں تاخیر ہورہی ہے، جس کے باعث گلبہار، ناظم آباد، لانڈھی، کورنگی، سائٹ، گڈاپ سمیت کئی علاقے متاثر ہے۔

    مزید پڑھیں : کراچی میں بارش سے کے الیکٹرک کے 340 سے زائد فیڈرز ٹرپ کرگئے

    خیال رہے کراچی کے مختلف علاقوں میں کہیں ہلکی تیز بارش کا سلسلہ جاری ہے، ٹیپوسلطان روڈ، ڈیفنس، صدر،آئی آئی چندریگرروڈ، پی ای سی ایچ ایس سوسائٹی، شاہراہ فیصل اوراطراف میں بارش کا سلسلہ جاری ہے۔

    تیزبارش کے بعد مختلف علاقوں میں سڑکوں پر پانی جمع ہوگیا ہے، نارتھ ناظم آباد اورناظم آباد کی سڑکوں پربھی پانی جمع ہونے سے شہریوں کومشکلات کا سامنا ہے۔

    شادمان نالہ اوور فلوہونے سے پانی سڑکوں پرآگیا، جس کے بعد شادمان ون اورٹو کی سڑکیں تالاب کا منظرپیش کرنےلگیں۔

  • کراچی میں سرمئی بادلوں نے ڈیرے ڈال دیے، بارش شروع

    کراچی میں سرمئی بادلوں نے ڈیرے ڈال دیے، بارش شروع

    کراچی: شہر قائد میں سرمئی بادلوں نے ڈیرے ڈال دیے ہیں اور موسم خوش گوار ہو گیا ہے، کراچی میں آج بھی بادل جم کربرسیں گے، اور متعدد علاقوں میں بارش شروع ہو گئی ہے۔

    محکمہ موسمیات کے مطابق مغربی ہواؤں کے زیر اثر کراچی میں 29 جون تک بارش کا سلسلہ جاری رہے گا، آج بھی وقفے وقفے سے گرج چمک کے ساتھ بارش متوقع ہے۔

    صبح سویرے مختلف علاقوں میں وقفے وقفے سے رم جھم کا سلسلہ جاری ہے، محکمہ موسمیات کا کہنا ہے کہ آج زیادہ سے زیادہ درجہ حرارت 34 ڈگری تک جانے کا امکان ہے، سمندری ہوائیں منقطع، شمال مشرقی سمت سے 9 کلو میٹر فی گھنٹہ کی رفتار سے ہوا چل رہی ہے، جب کہ ہوا میں نمی کا تناسب 88 فی صد ہے۔

    مون سون بارشوں کا دوسرا اسپیل 5 جولائی سے ملک پر اثر انداز ہوگا۔

    حیدرآباد میں بارش کو 20 گھنٹے گزرنے کے بعد بھی بلیک آؤٹ

    ادھر اسلام آباد اور گرد و نواح میں جزوی ابر آلود موسم کے ساتھ بارش کی توقع ہے، گرج چمک اور تیز ہواؤں کے ساتھ بارش کا 60 فی صد امکان ہے، سندھ، جنوبی اور شمال مشرقی بلوچستان میں کئی مقامات پر تیز بارش کی پیشگوئی ہے۔

    موسمیات کے مطابق کراچی، حیدرآباد، لاڑکانہ اور سکھر کے نشیبی علاقوں میں اربن فلڈنگ کا خدشہ ہے، ڈی جی خان، موسیٰ خیل، دادو، قمبر شہداد کوٹ، خضدار کے ندی نالوں میں طغیانی کا خدشہ ہے، گلگت بلتستان میں اسکردو، استور اور غذر میں کہیں کہیں بارش کی توقع ہے۔

    خیبرپختونخوا کے اکثر اضلاع میں گرج چمک اور تیز ہواؤں کیساتھ بارش کا امکان ہے، مانسہرہ، کوہستان، شانگلہ، سوات، دیر میں لینڈ سلائیڈنگ کا خدشہ ہے۔