شبقدر : سیکورٹی فورسز نے شبقدر کے کھیتوں میں بھاری مقدار میں دبایا گیا گولہ بارود اور تخریب کاری کا سامان برآمد کر لیا۔
تفصیلات کے مطابق حساس اداروں اور سیکورٹی فورسز نے شبقدر کے علاقہ منسوکہ میں کارروائی کرتے ہوئے کھیتو ں سے پچاس کلو گرام بارودی مواد ، نو دستی بم ، چار آئی ای ڈی ، ایک اسٹیکر بم ، ساٹھ ڈیٹونیٹر ، چھ سو گز پرائما کارڈ ، بیس بیٹری سیل ، سولہ ریموٹ اور پانچ ریسیور برآمد کرکے تخریب کاری کا خطر ناک منصوبہ ناکام بنا دیا۔
سیکورٹی اداروں کے مطابق تخریب کاروں نے بارودی مواد تیس مئی کو خیبر پختونخوا میں ہونے والے بلدیاتی انتخابات میں بڑے پیمانے پر تخریبی کاروائی کیلئے جمع کیا تھا مگر ان کو موقع نہیں ملا اور اب بارودی مواد کو کہیں دوسری جگہ منتقل کرنے کا منصوبہ بنایا جا رہا تھا۔
