Tag: باسط علی

سابق ٹیسٹ کرکٹر باسط علی کا کہنا ہے کہ میں نہیں مانتا کہ آسٹریلیا میں کھیلنا مشکل ہے، کھلاڑیوں کو ہار کا ڈر نکالنا ہوگا۔

اے آر وائی کے پروگرام میں میزبان نے ان سے سوال کیا کہ آسٹریلیا میں بھارت کی پرفارمنس کافی بہتر ہے لیکن وہاں کھیلنا ہمارے لیے اتنا مشکل کیوں ہے، جس کے جواب میں باسط علی کا کہنا تھا کہ میں اس چیز کو نہیں مانتا کہ آسٹریلیا میں کھیلنا مشکل ہے۔

انھوں نے کہا کہ بھارت بھی تو آسٹریلوی سرزمین پر جیت کرآیا ہے اور وہ ایسا کرنے والی ایشیا کی واحد ٹیم ہے۔ ہمیں بھی مثبت رہ کر کھیلنا ہوگا۔

باسط علی نے کہا کہ سب کو پتا کہ ہم آسٹریلیا میں کبھی جیت نہیں پائے۔ کھلاڑیوں کو ہار کا ڈر نکالنا ہوگا۔ بھارت کی مثال ان کے سامنے ہے۔ آپ کی یہ اپروچ ہونی چاہیے کہ ہمیں جیتنا ہے۔

"آسٹریلیا کیخلاف مختلف بابر اعظم نظر آنا چاہیے۔" سابق کرکٹر باسط علی کا تجزیہ#ARYNews #ARYSports #BabarAzam pic.twitter.com/D26vkPVjhc

— ARY NEWS (@ARYNEWSOFFICIAL) November 30, 2023

سابق کرکٹر نے کہا کہ ٹیسٹ میچ میں ٹیم کا ٹاپ آرڈر ٹھیک ہے اور ایک سال سے ٹیسٹ ٹیم اچھا پرفارم کررہی ہے۔ امام، عبداللہ اور شان کے بعد نمبر چار پر بابر اعظم بیٹنگ کریں گے اور انھیں آسٹریلیا کی سیریز میں مختلف نظر آنا چاہیے۔

انھوں نے کہا کہ بابراعظم شاندار بیٹر ہیں اور وہ اب کپتانی سے بھی ہٹ چکے ہیں۔ میرے خیال میں ان پر اب دباؤ نہیں ہوگا۔

پچز کے حوالے سے انھوں نے کہا کہ ماضی کی طرح آسٹریلیا کی پچز باؤنسی نہیں رہیں۔ سڈنی اور میلبرن میں پچز کی صورتحال ایشیا کی طرح ہی ہوگی۔ ٹیم کے پاس ان دنوں گراؤنڈز میں جیتنے کا بہترین موقع ہے۔

سابق کرکٹر باسط علی نے انکشاف کیا ہے کہ ورلڈکپ سے قبل محمد حفیظ نے کرکٹ کمیٹی کی میٹنگ میں کہا تھا کہ آپ کس طرح سرفراز کو باہر کرسکتے ہیں اور کس بنیاد پر حارث آیا۔

اے آر وائی کے پروگرام میں میزبان وسیم بادامی نے ان سے سوال کرتے ہوئے کہا کہ کیا یہ ٹھیک ہے کہ کپتان کو اختیار دینا چاہیے اور پھر اسی کو ذمہ دار بھی ٹھہرانا چاہیے کہ اچھا یا برا جو بھی ہے۔

اس پر پاکستان کرکٹ ٹیم کے سابق بیٹر باسط علی کا کہنا تھا کہ گراؤنڈ میں ٹیم کو کون لڑاتا ہے تو کپتان کو پاور دینی چاہیے سیدھی سی بات ہے کوئی بھی کپتان ہو۔

انھوں نے کہا کہ میں دو باتیں کہنا چاہتا ہوں حفیظ نے جو باتیں بولیں اس میں انھوں نے بہت ساری چیزیں چھپا دیں حفیظ کرکٹ کمیٹی کی اس میٹنگ میں موجود تھے جس میں کوچز بھی تھے، کپتان بھی تھے اور سلیکٹر بھی تھے اور وہاں لڑکوں کے حوالے سے گفتگو ہوئی تھی۔

حفیظ نے وہاں بحث کی تو تھی سابق کپتان کو یہ بولا گیا کہ آپ بیٹھ جائیں یہ ہماری ٹیم ہے، مکی آرتھر بھی وہاں موجود تھے انھوں نے کہا کہ ہم اس ٹیم سے مطمئن ہیں۔

باسط علی نے بتایا کہ محمد حفیظ نے کہا کہ آپ کس طرح سرفراز احمد کو باہر کرسکتے ہیں کس بنیاد پر حارث آیا ہے، اس کے بعد حفیظ کو جو باتیں سنائی گئی ہیں اس کے بعد حفیظ نے استعفیٰ دیدیا۔

وہ جو حفیظ کا استعفیٰ تھا اس وقت کسی نے اس پر دھیان نہیں دیا۔ اب مکی آرتھر نے پریس کانفرنس کی ہے کہ ہم سب سے غلطیاں ہوئی ہیں، ہم سیکھ رہے ہیں۔

باسط نے کہا کہ یہ دورہ آسٹریلیا کے لیے چاہتے ہیں کہ انھیں اور موقع ملے۔ باسط علی نے ہاتھ جوڑ کر حکام کو مخاطب کرتے ہوئے کہا کہ میں یہ ہاتھ جوڑ رہا ہوں کہ اللہ کے واسطے انھیں موقع مت دیجیےگا۔

انھوں نے کہا کہ جو بھی چیئرمین ہیے جس کے پاس بھی پاور ہے چاہے وہ وزیراعظم ہو اللہ کے واسطے انھیں پاور مت دیجیے گا۔ اگر یہ چلے جائیں گے تو اس ملک کے ساتھ بہت بڑا نقصان کریں گے۔

سابق کرکٹر باسط علی پاکستان کرکٹ ٹیم کی کاکردگی سے مایوس نظر آتے ہیں، ان کا کہنا ہے کہ ہم نے اس ٹورنامنٹ میں اچھی کرکٹ نہیں کھیلی۔

اے آر وائی نیوز کے پروگرام میں گفتگو کرتے ہوئے باسط علی نے کہا کہ پاکستان کے لیے تو میں یہ کہوں گا کہ کوئی انہونی نہیں ہوسکتی تھی۔ یہاں کوئی بھی ٹاس جیتتا تو پہلے بیٹنگ کرتا کیوں کہ کولکتہ کا آپ کو پتا ہے۔

انھوں نے کہا کہ ہمارا پینل بھی دو دن سے یہی بات کررہا ہے کہ یہ وہ گراؤنڈ نہیں ہے جہاں آپ 400 رنز بنانے کا سوچیں تو سچ بولنا چاہیے۔ ہم نے اچھی کرکٹ نہیں کھیلی لیکن یہ میچ جیت کر اب چھا اختتام کریں یہ ہونا چاہیے۔

سابق کرکٹر نے کہا کہ بابر اعظم نے کہا کہ ہم نے پلان بنایا ہوا ہے، ہمارے پاس فخر زمان، افتخار اور محمد رضوان ہے۔ مگر یہاں کی پچز پر غلط کا مارجن بہت کم ہوتا ہے۔ ہمارے سب سے اچھے بیٹرنے ابھی تک سو نہیں کیے ہمارے بولرز آف کلر رہے۔

باسط علی نے کہا کہ جیت کے لیے آپ کی بیٹنگ، بولنگ، فیلڈنگ کے ساتھ پلاننگ ضروری ہے۔ کیا رضوان کپتان ہے جو وہ اس بابر کے ہوتے ہوئے خطاب کررہا ہے۔ اس پر اظہر علی نے کہا کہ سینئر پلیئر اس طرح خطاب کرتے ہیں۔

باسط علی کا پاکستانی ٹیم کی کارکردگی پر مایوسی کا اظہار#ARYNews #PAKvsENG #CWC23 pic.twitter.com/QdkiifDFPQ

— ARY NEWS (@ARYNEWSOFFICIAL) November 11, 2023

انھوں نے کہا کہ ٹورنامنٹ میں کپتانی کے حوالے سے جو باتیں چل رہی ہیں یہ تو صاف اشارہ مل رہا ہے۔ ہوسکتا ہے کہ کیمرہ اس وقت پر لیے گئے جب وہ تقریرکررہے تھے.

اظہر علی نے کہا کہ سیمی فائنل میں جانے کے چانسز تو پہلے ہی بہت کم تھے لیکن پاکستان ٹیم کا یہ مقصد ہونا چاہیے کہ یہ میچ جیتنا کیسے چاہیے۔ اگر پاکستان پہلے بیٹنگ کرتا تو مشکلات ہوتی زیادہ وکٹیں گرنے کے چانسز ہوتے۔

سابق پاکستانی کرکٹر باسط علی نے کہا کہ ہم سے اچھی کرکٹ تو افغانستان نے کھیلی ہے جو سچ ہے وہ یہی ہے۔ ہمیں انھیں کریڈٹ دینا چاہے۔

اے آر وائی نیوز کے پروگرام میں نیوزی لینڈ کے حوالے سے گفتگو کرتے ہوئے ان کا کہنا تھا کہ کسی ٹیم کا چار میچ ہارنا اور پھر آخری میچ وہ ہارنا جس میں 400 رنز بنے تھے، اس صورتحال میں بھی وہ گھبراہٹ کا شکار نہیں ہوئے۔

باسط علی نے کہا کہ آپ نے ان کے کوچ اور کپتان کے کوئی بیانات نہیں دیکھے نہ ہی انھوں نے ادھر اُدھر کی باتیں کیں، وہ نہایت اطمینان سے تھے انھیں پتا تھا کہ ہم اچھی ٹیم ہیں اور ہم کم بیک کریں گے اور انھوں نے کرلیا۔

اظہر علی کا کہنا تھا کہ ایک دو میچز کے علاوہ نیوزی لینڈ نے بری کرکٹ نہیں کھیلی اور میرے خیال میں نیوزی لینڈی کی ٹیم سیمی فائنل میں پہنچتی بھی ہے تو یہ ہم سے زیادہ اس کی مستحق تھی۔

ہم سے اچھی کرکٹ تو افغانستان نے کھیلی ہے جو سچ ہے، باسط علی کا دبنگ تجزیہ#ARYNews pic.twitter.com/7qhukGU72g

— ARY NEWS (@ARYNEWSOFFICIAL) November 9, 2023

میزبان نے کامران اکمل سے سوال کرتے ہوئے کہا کہ کین ولیمسن نے کہا تھا کہ میں تو خود گراؤنڈ میں فخر زمان کے شارٹس دیکھ کر انجوائے کررہا تھا اگر ہماری طرف سے ایسی بات کسی نے کی ہوتی تو ہم اسے نہیں چھوڑتے۔

اس پر کامران اکمل کا کہنا تھا کہ یہ ولیمسن کی عظمت ہے کہ اس نے فخر کی تعریف کی ہے، نیوزی لینڈ نے ہمیشہ ہی آئی سی سی ایونٹس میں اچھا پرفارم کیا ہے اس بار تھوڑا ان کی حالت خراب رہی ہے۔

سابق کرکٹر باسط علی نے کہا کہ ہم نے کسی نئے لڑکے کو نہیں آنے دینا، بہت اچھا ہوگا تو آئے گا! یہ ابھی سے نہیں چل رہا ہے یہ 80 کی دہائی سے چل رہا ہے۔

اے آر وائی کے اسپورٹس پروگرام میں گفتگو کرتے ہوئے ان کا کہنا تھا کہ 80 کی دہائی کی کرکٹ میں جو مڈل آرڈر کا بیٹر ہوتا تو وہ مڈل آرڈر بلے باز کو نہیں آنے دیتا تھا۔ جو اوپنر تھا وہ اوپنر کو نہیں آنے دیتا تھا، یہ چیز ہمیں وراثت میں ملی ہے۔

بدقسمتی سے ہم وہ چیز نہیں اپنا رہے جس کی جدید کرکٹ میں ضرورت ہے، ہمارا جو سسٹم چل رہا ہے 5، 6 سال والا ہے اور ہم اسی کے ساتھ چپکے ہوئے ہیں۔ ہم نے اپنے گیئر کو نہیں بدلنا۔

سابق ٹیسٹ پلیئر نے کہا کہ یہ چیز ابھی تک چل رہی ہے جو کہ بہت غلط ہے، ان کی بات پر میزبان کا کہنا تھا کہ اسے ختم کرنا بہت ضروری ہے، جس پر باسط علی کا کہنا تھا کہ کون کرے گا سبھی بورڈ آتے ہیں۔

باسط علی کا فٹنس کے حوالے سے اظہار خیال کرتے ہوئے کہنا تھا کہ ہمارے یہاں بھی جتنے فزیو ہیں سب باہر کے ہیں مگر ہمارے یہاں ایسی ڈیولپمنٹ نہیں ہوتی ہے۔

فخر زمان ٹیم کے ساتھ ہیں اس سے پہلے شاہین آفریدی ٹیم کے ساتھ رہے تو کیا فائد ہوا، مائنڈ سیٹ بدلنے کی ضرورت ہے۔

انھوں نے کہا کہ میں مثال دیتا ہوں کہ ہاکی جب گھاس پر ہوتی تھی تو ایشیا بادشاہ تھا مگر انھوں نے اسے تبدیل کردیا۔ اسی طرح ٹی ٹوئنٹی لا کر کرکٹ کو تبدیل کردیا گیا۔

ورلڈکپ کے اہم میچ میں بھارت کے خلاف شکست کے بعد سابق کرکٹر باسط علی نے کہا ہے کہ پاکستان کے بیٹنگ آرڈر میں تبدیلیوں کی ضرورت ہے.

اے آر وائی کے پروگرام میں گفتگو کرتے ہوئے باسط علی کا کہنا تھا کہ ہمارے ایک سے 5 تک تمام بیٹرز ایک جیسے ہیں، آغاز میں ایسے بیٹرز ہونے چاہیئں جو تیز کھیلیں۔ ہمارے شروع کے بلے باز 6 بال پر6 رنز بنانے والے ہیں۔

انھوں نے کہا کہ آغاز میں 6 بالز پر10 رنز بنانے والے پلیئرز آنے چاہیئں۔ بابر اعظم یا محمد رضوان کو بطور اوپنر جبکہ سعود شکیل کو 3 نمبر پر کھیلنا چاہیے۔

باسط علی نے کہا کہ آغا سلمان اچھا کھلاڑی ہے اس سے اوپننگ کرا سکتے ہیں۔ دیگر ٹیموں کے پاس 5 فاسٹ بولرز ہیں اور ہمارے پاس صرف4 ہیں.

انھوں نے کہا کہ حارث ٹی 20 پلیئر ہے ون ڈے کھلا رہے ہیں کوئی پوچھنے والا نہیں۔ انڈر19 میں حارث کو میں نے سلیکٹ کیا تھا، ٹی ٹوئنٹی کا بہترین کھلاڑی ہے۔

سابق کرکٹر نے انکشاف کیا کہ جب میں سندھ کا ہیڈ کوچ تھا تو ڈومیسٹک کرکٹ سے سرفراز کو نکالنے کا کہا گیا تھا۔ گرانٹ بریڈ برن نے کہا کہ سرفراز کی جگہ کسی نوجوان کو موقع دیا جائے۔ میں نے بریڈ برن کو انکار کیا اس دن سے میں برا ہوگیا۔