ARYNews.tv | Urdu – Har Lamha Bakhabar

Tag: باغ

  • سعودی عرب میں کھجوروں کا 200 سال پرانا باغ سیاحوں کی توجہ کا مرکز

    سعودی عرب میں کھجوروں کا 200 سال پرانا باغ سیاحوں کی توجہ کا مرکز

    ریاض : ایگزیکٹو ڈائریکٹر ڈاکٹر منصور المشطی کا کہنا ہے کہ باغ میں بڑی تعداد میں شہری دیگر سرگرمیوں میں حصہ لینے یا ان سے لطف اندوز ہونے آتے ہیں۔

    تفصیلات کے مطابق سعودی عرب کے شہر بریدہ میں واقع کھجوروں کا ایک تاریخی باغ مقامی میلے کے شرکاءکی توجہ کا خاص مرکز بن گیا،تاریخی ریکارڈ سے پتا چلتا ہے کہ کھجوروں کا یہ باغ 200 سال پرانا ہے۔ اس میں کھجور کے سیکڑوں فلک بوس پھل دار درخت موجود ہیں۔

    عرب ٹی وی کے مطابق جنوبی الصباخ کالونی میں واقع یہ باغ 70ہزار مربع میٹر پرپھیلا ہوا ہے، اس باغ کو مقامی لوگوں کی پبلک بیٹھک بھی قرار دیا گیا تھا مگر وقت کے ساتھ ساتھ علاقے کے سیاحوں کی توجہ کا مرکز بن گیا۔

    بریدہ کھجور میلے میں بڑی تعداد میں لوگ کھجوریں خریدنے آتے ہیں،یہ میلہ سعودی عرب میں کھجوروں کے شہر کہلاتا ہے۔

    عرب خبر رساں ادارے کے مطابق میلے میں کجھوروں کی خریدو فروخت کے ساتھ ساتھ کئی دیگر ثقافتی سرگرمیاں بھی ہوتی ہیں، ان سرگرمیوں کو حکومت، فلاحی اداروں اور سماجی بہبود کی تنظیموں کا تعاون حاصل ہوتا ہے۔

    میلے کے ایگزیکٹو ڈائریکٹر ڈاکٹر منصور المشطی نے کہا کہ بریدہ میلے میں کھجوروں کے خریداروں کے علاوہ بڑی تعداد میں شہری دیگر سرگرمیوں میں حصہ لینے یا ان سے لطف اندوز ہونے آتے ہیں۔

  • بغاوت کے علم بردار حبیب جالب کے اہل خانہ کو بجلی کا اضافی بل موصول

    بغاوت کے علم بردار حبیب جالب کے اہل خانہ کو بجلی کا اضافی بل موصول

    لاہور: شاعری میں بغاوت کے علم بردار جالب کے اہل خانہ کو مبینہ طور پر اضافی بل موصول ہوا ہے.

    ممتاز شاعر کی صاحب زادہ طاہرہ حبیب جالب کے مطابق  گذشتہ دو ماہ سے ان کا بجلی کا بل توقع سے بہت زیادہ آرہا ہے، جس کی وجہ سے شدید اذیت میں مبتلا ہیں۔

    طاہرہ حبیب جالب کے مطابق دو ماہ قبل انھیں 63253 روپے  کا بل موصول ہوا تھا، جس کی بہ مشکل 22326 روپے کی اقساط کروائیں، مگر پھر موسم کی تبدیلی اور بجلی کی کھپت میں کمی کے باوجود 31267 روپے کا بھاری بل آگیا.

    ان کا کہنا ہے کہ بقایا جات ملا کر اب موجودہ بل 78527 روپے واجب الادا ہے۔

    جالب کی صاحب زادی کا کہنا ہے کہ وہ لگ بھگ ڈھائی مرلے کے پورشن میں رہائش پذیر ہیں، اے سی، استری اور واشنگ مشین کا استعمال بے حد کم ہے.

    ایک نجی ٹیکسی کمپنی سے بہ طور ڈرائیور منسلک طاہرہ حبیب جالب کا کہنا تھا کہ انھیں سمجھ میں نہیں‌ آرہا کہ یہ بھاری بل کیسے ادا کریں.

     مزید پڑھیں: باغی جالب کی فائل آج بھی کھلی ہے؟

    انھوں‌ نے اندیشہ ظاہر کیا کہ ان کے میٹر سے کوئی بجلی چوری کر رہا ہے، کیوں کہ ماضی میں بھی ایسا واقعہ ہوچکا ہے.

    طاہرہ حبیب کا کہنا تھا کہ انھوں‌ نے بھاگ دوڑ کرکے بل کی قسطیں کروائی ہیں، جو  27000  روپے بنتی ہیں اور یہ بھی ایک سفید پوش شخص کے لیے بہت بھاری رقم ہے.

  • سنگا پور کا سمندر کنارے قائم خوبصورت باغ

    سنگا پور کا سمندر کنارے قائم خوبصورت باغ

    سنگا پور میں ایک کھاڑی کے کنارے قائم کیا گیا خوبصورت عمودی باغ دنیا کے خوبصورت ترین باغات میں سے ایک سمجھا جاتا ہے۔

    بظاہر دیکھنے میں یہ خلائی دنیا کے اسکائی اسکریپرز نظر آتے ہیں کیونکہ ان کا طرز تعمیر نہایت انوکھا ہے۔

    بڑے بڑے ستونوں پر اگائے گئے پودے اس مقام کو ایک جنگل کی شکل دے دیتے ہیں۔

    یہ باغ مرینہ بے کے کنارے قائم ہے اور 101 ایکڑ کے رقبے پر پھیلا ہوا ہے۔ باغ میں دنیا بھر کے پھول لا کر لگائے گئے ہیں۔

    ستونوں کے اوپر 22 میٹر بلند ایک راستہ تعمیر کیا گیا ہے جہاں سے شہر کا نہایت خوبصورت نظارہ دکھائی دیتا ہے۔

    رات کے وقت یہ ستون روشنیوں میں نہا جاتے ہیں جبکہ موسیقی بھی سنائی دیتی ہے۔

    اس مقام پر روزانہ سیاحوں کی بڑی تعداد یہاں کی سیر کرنے آتی ہے۔

  • ٹرک پر شجر کاری کا انوکھا مقابلہ

    ٹرک پر شجر کاری کا انوکھا مقابلہ

    بڑے شہروں میں آبادی کے بے تحاشہ اور بے ہنگم اضافے کے بعد چھوٹے چھوٹے گھروں اور فلیٹس کا رواج نہایت عام ہوگیا ہے۔ بڑے شہروں کی زیادہ تر آبادی فلیٹس یا نہایت چھوٹے گھروں میں رہتی ہے۔

    ان گھروں میں ہوا کا گزر اور کھلی جگہیں نہیں ہوتی جہاں پر شجر کاری کی جاسکے۔ یوں آہستہ آہستہ شہروں سے درختوں کا رقبہ کم ہورہا ہے اور تازہ دم کردینے والے سرسبز مقامات کے بجائے شہر کنکریٹ کا قبرستان بنتے جارہے ہیں۔

    اسی مقصد کے لیے جاپان میں شجر کاری کے ایک انوکھے مقابلے کا انعقاد کیا گیا۔

    جاپان فیڈریشن آف لینڈ اسکیپ کانٹریکٹرز نے ٹرک پر گارڈن بنانے کے منفرد مقابلے کا اعلان کیا۔

    یہ مقابلہ ان افراد کے لیے تھا جو تعمیراتی شعبے سے منسلک ہیں اور آمد و رفت کے لیے ان کے زیر استعمال چھوٹے ٹرکس ہیں۔

    مقابلے میں ملک بھر سے ہزاروں افراد نے شرکت کی اور اپنے ٹرک کو منی ایچر گارڈن میں تبدیل کردیا۔

    ٹرک کے مالکان نے روایتی جاپانی باغات سے لے کر جدید باغات تک کے آئیڈے استعمال کیے۔

    کچھ نے اپنے ٹرکوں میں گارڈن کے اندر فوارے بھی بنا دیے جبکہ کچھ نے خوبصورت روشنیاں لگا کر انہیں مزید شاندار بنا دیا۔

    اگر آپ بھی شجر کاری کرنا چاہتے ہیں تو اس کے لیے کھلی جگہ کی چنداں ضرورت نہیں، ہر وہ شے جو آپ کے کام کی نہیں شجر کاری کرنے میں آپ کے کام آسکتی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • گھر کے گارڈن کی صفائی کرنے والا ننھا روبوٹ

    گھر کے گارڈن کی صفائی کرنے والا ننھا روبوٹ

    گھر کے گارڈن میں اگ آنے والی خودرو جھاڑیاں اور پودے بعض اوقات پودوں کو نقصان پہنچانے کا سبب بن سکتے ہیں، تاہم اگر آپ اس پریشانی کا شکار ہیں تو یہ ننھا سا روبوٹک ویکیوم آپ کے لیے خاصا کارآمد ثابت ہوسکتا ہے۔

    کچھ عرصہ قبل گھریلو استعمال کے لیے بنائے جانے والے ننھے روبوٹک ویکیوم رومبا کے تخلیق کاروں نے اس روبوٹ کو مزید جدید شکل دیتے ہوئے اسے گارڈن روبوٹ کی شکل دے دی ہے۔

    یہ روبوٹ اپنے اوپر نصب شمسی توانائی کے ننھے پینل کی مدد سے کام کرتا ہے۔

    اس کے اندر موجود سینسرز گارڈن میں خودرو پودوں کی شناخت کرتے ہیں۔ اس کے بعد یہ روبوٹ خود کار طریقے سے چلتا ہوا ان پودوں کے اوپر سے گزرتا ہے اور اس دوران انہیں جڑ سے اکھاڑ پھینکتا ہے۔

    یہ ننھا روبوٹ دیکھ بھال کے حوالے سے بھی نہایت آسان ہے تاہم اس کی قیمت 300 ڈالرز یعنی 31 ہزار پاکستانی روپے ہے۔

    اور ہاں، اگر آپ اس کو استعمال کرنے کا اراداہ رکھتے ہیں تو اپنے لان کے گرد باڑھ لگانا نہ بھولیں، ورنہ یہ روبوٹ ٹہلتا ہوا پڑوسیوں کے گارڈن میں بھی جا سکتا ہے اور ان کے ضروری و غیر ضروری پودوں کو بھی اکھاڑ سکتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • روشنی بھرے نرگس کے پھولوں کی بہار

    روشنی بھرے نرگس کے پھولوں کی بہار

    لندن: برطانوی دارالحکومت لندن کا سینٹ پال کیتھڈرل مصنوعی نرگس کے پھولوں سے جگمگا اٹھا۔ مصنوعی پھولوں کا یہ باغ جان لیوا بیماریوں کا شکار افراد کی حالت زار سے آگاہی کے لیے قائم کیا گیا ہے۔

    روشنیاں بکھیرنے والے نرگس کے یہ پھول برطانوی فنکار اینڈریو شوبن اور ان کے ساتھیوں نے ہاتھ سے تخلیق کیے ہیں اور مصنوعی پھولوں کے اندر ایل ای ڈی روشنیاں لگا کر انہیں روشن کیا گیا ہے۔

    روشنیوں کے باغ کے نام سے سجایا جانے والا یہ دلچسپ باغ فلاحی مقاصد کے لیے قائم کیا گیا ہے۔

    london-6

    london-3

    یہی نہیں یہاں روشن کیے گئے ان 21 ہزار پھولوں کو برطانیہ میں کام کرتی ان نرسوں سے منسوب کیا گیا ہے جو خود راتوں کو جاگتی ہیں، مگر علالت کا شکار مریضوں اور ان کے خاندان کے لیے روشنی کی کرن ہیں۔

    london-5

    london-4

    باغ میں وہ خطوط بھی رکھے گئے ہیں جو مختلف مریضوں نے صحت یابی کے بعد اپنی نرسوں کا شکریہ ادا کرنے کے لیے لکھے۔

    london-2

    london-7

    باغ میں ہر خاص و عام کا داخلہ مفت ہے اور لوگ بے حد دلچسپی سے روشنیوں بھرے مصنوعی نرگس کے پھولوں کو دیکھنے کے لیے آرہے ہیں۔

  • آزاد کشمیر: ٹرک اسکول میں جا گھسا، 3 طالبات اور ٹیچر جاں بحق

    آزاد کشمیر: ٹرک اسکول میں جا گھسا، 3 طالبات اور ٹیچر جاں بحق

    آزاد کشمیر: آزاد کشمیر کے علاقے باغ میں ٹرک بریک فیل ہونے کے باعث اسکول میں جا گھسا۔ حادثے میں 3 طالبات اور ایک ٹیچر جاں بحق ہوگئیں۔

    تفصیلات کے مطابق المناک سانحہ ڈرائیور کی غفلت سے رونما ہوا۔

    آزاد کشمیر باغ کے نواحی علاقے بیر پانی کے سرکاری اسکول کے میدان میں پڑھائی جاری تھی کہ اچانک ٹرک دیوار کو توڑتا ہوا اسکول میں گھس گیا۔

    تیز رفتار ٹرک نے 3 طالبات اور ایک ٹیچر کی جان لے لی جبکہ 30 طالبات زخمی بھی ہوئیں۔ پولیس کے مطابق علاقے میں برفباری کی وجہ سے کلاس اسکول کے میدان میں لی جارہی تھی کہ یہ حادثہ پیش آیا۔

    حادثے میں زخمی طالبات کو ڈی ایچ کیو اسپتال منتقل کردیا گیا۔

  • غلامی قبول کر نے والوں کا کوئی مستقبل نہیں ہوتا، عمران خان

    غلامی قبول کر نے والوں کا کوئی مستقبل نہیں ہوتا، عمران خان

    آزاد کشمیر: تحریک انصاف کے چیئرمین عمران خان نے کہا ہے کہ غلامی قبول کر نے والوں کا کوئی مستقبل نہیں ہوتا۔

    آزاد کشمیر کے علاقہ پلندری میں جلسہ عام سے خطاب کرتے ہوئے عمران خان کا کہنا تھا کہ ہم برابر کے شہری ہیں کوئی کسی کا غلام نہیں ،نیلسن مینڈیلا نے حقوق کے لیے 27 سال جیل میں گزارے، جو حق اور انصاف کے لیے لڑتے ہیں ان کا بڑا مرتبہ ہوتا ہے ورنہ غلامی قبول کرنے والوں کاکوئی مستقبل نہیں ہوتا اور آزادی کی جنگ لڑنے والا کبھی نہیں مرتا۔

    تحریک انصاف کے چیئرمین کا کہنا تھا کہ حکم خداوندی بھی ہے کہ جب تک کوئی قوم خود اپنی حالت نہیں بدلتی میں بھی اس کی حالت نہیں بدلتا، ہمیں اپنی حالت بدلنے کے لیے حقوق کی جنگ لڑنی ہے ان کے خلاف جو ہمارے حقوق پر قبضہ کرکے بیٹھ گئے ہیں، میں آزاد کشمیر کے عوام کو کہنے آیا ہوں کہ اپنی حالت بدلنے کے لیے جنگ لڑیں،اختیارات کی نچلی سطح پر منتقلی سے ہی نظام تبدیل ہوگا۔

    انہوں نے کہا کہ دنیا کی تاریخ کتنے امیر لوگوں کو جانتی ہے، کتنے ہی لوگ آئے اور محلات بنا کر چلے گئے، ہم نے کرپٹ لوگوں کے سامنے سرنہیں جھکایا۔

    عمران خان نے الزام عائد کیا کہ الیکشن کمیشن میں بے ضمیر لوگ بیٹھے ہیں، نادرا میں ایسے لوگ بیٹھے ہیں جو ڈیٹا تبدیل کردیتے ہیں، عوام پٹرول پر پچاس اور ڈیزل پر سو فیصد ٹیکس دے رہے ہیں جو کہ ظلم ہے، کرپٹ افراد نے معاشرے پر قبضہ کرلیا ہے۔

    چیئرمین تحریک انصاف نے کہا کہ اختیارات نچلی سطح پر منتقل نہ کرنے کے لیے کرپٹ حکمران بلدیاتی انتخابات کرانے سے گریز کرتے ہیں، کرپٹ افراد نے ہمارے معاشرے پر قبضہ کرلیا، عوام آگے بڑھیں اور انہیں شکست دیں، مسلم لیگ ن کی حکومت نے بجلی کی قمیت 80 فیصد بڑھائی جبکہ لوڈ شیڈنگ کے دورانیے میں بھی کمی نہیں آئی۔

    پولیس نظام کے حوالے سے ان کا کہنا تھا کہ پنجاب پولیس میں سیاسی پشت پناہی اور معاوضوں کے عوض بھرتیاں ہوئیں جن میں مجرم بھی شامل تھے ، اس عمل سے پنجاب پولیس کوتباہ کردیا گیا، بتایا جائے کہ نااہل پولیس چھوٹو گینگ کا کیسے مقابلہ کرے گی، اگر کوئی بڑا گینگ آگیا تو پولیس کیا کرے گی ۔

     

  • عمران خان نے خیبر پختونخواہ میں سیاحت کے فروغ کا بیڑہ اٹھا لیا

    عمران خان نے خیبر پختونخواہ میں سیاحت کے فروغ کا بیڑہ اٹھا لیا

    اسلام آباد: عمران خان نے خیبر پختونخواہ میں سیاحت کے فروغ کا بیڑہ اٹھا لیا، سیاحتی مقامات کے تلاش میں صوبے کے ان علاقوں میں جا پہنچے جو خوبصورتی میں اپنی مثال آپ ہونے کے باوجود دنیا کی نظروں سے اوجھل تھے۔

    عمران خان کو خیبر پختونخواہ کے خوبصورت اور قدرتی نظاروں سے بھرپور سیاحتی مقامات کی تلاش ہے، اسی سلسلے میں عمران خان پہلے قدری حسن و جمال سے بھرپور کوہستان کے علاقے پالس پہنچے اور پھر کوہ ہندو کش کے نشیب میں واقع کمراٹ کی جنت نظیر وادی کا دورہ کیا۔

    دلکش نظاروں،برف پوش چوٹیوں اور دریاؤں کی روانی کے ساتھ ساتھ آبشاروں کے بہتے پانی نے دنیا گھومنے والے عمران خان کو بھی سحر میں جکڑ لیا۔


    Imran reaches scenic Kumrat valley in KP by arynews

    عمران خان حسین وادیوں کے لوگ عمران خان کو اپنے درمیان پا کر بے حد خوش نظر آئے، عمران نے بھی وعدہ کیا کہ مقامی افراد ماحولیات کا خیال رکھیں توان کے روز گار کے لئے ان دلفریب مقامات کو سیاحتی پوائنٹس میں بدل دیں گے۔

    عمران خان نے صوبائی حکومت کو ہدایت کی ہے جنت جیسی ان وادیوں تک سیاحوں کی رسائی یقینی بنانے کے لئے روڈ انفراسٹڑکچر فوری بہتر کیا جائے۔

  • آزاد کشمیرسے کرپشن کو ختم کرکے دکھائیں گے، عمران خان

    آزاد کشمیرسے کرپشن کو ختم کرکے دکھائیں گے، عمران خان

    باغ : پاکستان تحریک انصاف کے چیئر مین عمران خان نے کہا ہے کہ آزاد کشمیر سے کرپشن کو ختم کر کے دکھائیں گے،یہاں سب سے زیادہ کرپٹ مافیا بیٹھی ہے، اداروں کو تباہ کرنے والے انہیں ٹھیک نہیں کر سکتے۔

    ان خیالات کا اظہار انہوں نے باغ آزاد کشمیر میں پی ٹی آئی کے زیر اہتمام جلسے سے خطاب کرتے ہوئے کیا، عمران خان نے کہا کہ ملک اللہ کے فضل سے تمام معدنی وسائل سے مالا مال ہے، سونا، تیل، گیس کوئلہ کے ذخائر وافر مقدار میں موجود ہیں۔

    عمران خان نے کہا کہ برطانیہ میں غریب شہری کو قانونی سہولیات مفت فراہم کی جاتی ہیں ان کے ادارے میرٹ پر اور قانون کے مطابق چلتے ہیں، کسی پر ظلم نہیں ہو سکتا وہاں کی پولیس میں سیاسی مداخلت نہیں ہوتی۔ جب تک بندہ بے روزگار ہوتا ہے تو اس کو بیروزگاری الاؤنس ملتا ہے۔

    ، عمران خان نے وزیر اعظم نواز شریف پر تنقید کرتے ہوئے کہا کہ موٹر وے اورسڑکیں بنانے سے ملک ترقی نہیں کرتے۔ 27 کلومیٹر کے اورنج ٹرین منصوبے پر 200 ارب روپے لگائے جا رہے ہیں، اگر یہ پیسہ بچوں کی تعلیم اور صحت پر لگایا جاتا تو زیادہ بہتر ہوتا۔

    عمران خان نے کہا کہ ہم آزاد کشمیر میں کرپشن ختم کرکے دکھائیں گے ہمارا نیب بیرسٹر سلطان محمود کے رشتہ داروں کو بھی نہیں بخشے گا، احتساب وہ ہوتا ہے جو قانون کے مطابق چلے اور کسی کو نہ چھوڑے۔

    انہوں نے کہا کہ نواز شریف کا ماڈل ہے، پروجیکٹ بناؤ مال کماؤ۔ جس ملک کا وزیر اعظم کرپشن میں ملوث ہو وہاں کا کرکٹر میچ فکسنگ کیوں نہیں کرے گا، چور کبھی کسی چور کا احتساب نہیں کر سکتا۔