ARYNews.tv | Urdu – Har Lamha Bakhabar

Tag: بالی ووڈ اداکارہ

  • دپیکا اپنی شادی میں کتنی قیمت کا زیور پہنیں گی؟

    دپیکا اپنی شادی میں کتنی قیمت کا زیور پہنیں گی؟

    ممبئی: بالی ووڈ اداکارہ دپیکا پڈوکون نے اپنی شادی کے لیے جیولری اور رنویر کو تحفے میں دینے کے لیے سونے کی چین خرید لی جس کی قیمت ایک کروڑ روپے سے زائد ہے۔

    تفصیلات کے مطابق بالی ووڈ اداکارہ اور رنویر سنگھ کی شادی کی تقریبات کا آغاز ہوچکا، دونوں اداکاروں کے اہل خانہ نے شادی کی تقریبات کا آغاز پوجا سے شروع کرنے کا فیصلہ کیا تھا جس کے تحت چار روز قبل بنگلور میں موجود دپیکا کے گھر  پرمذہبی رسم کا انعقاد کیا گیا۔

    مذہبی رسم کی تصاویر اداکارہ نے سوشل میڈیا پر شیئر کیں جس میں رنویر یا اُن کے اہل خانہ نظر نہیں آئے البتہ دپیکا کی ٹیم اور اُن کے اہل خانہ موجود تھے، اس موقع پر باجی راؤ مستانی نے نارانجی رنگ کا لباس زیب تن کیا ہوا تھا۔

    دپیکا نے جو لباس زیب تن کیا اُسے سبیاسچی نے خصوصی طور پر تیار کیا جبکہ شادی کی تقریب کے لیے بھی اداکارہ نے اُن کے ہی تیار کردہ لباس پہننے کا فیصلہ کیا ہے۔

    مزید پڑھیں: دپیکا کے دلہا کا بچپن ، تصویر وائرل

    پوجا کی رسم میں دپیکا نے بالوں میں جوڑا باندھا ہوا تھا جبکہ اُن کے کانوں میں جھمکے بھی تھے۔ بالی ووڈ ذرائع کے مطابق اداکارہ نے معروف میک اپ آرٹسٹ کی خدمات حاصل کی تھیں۔

    View this post on Instagram

    To new beginnings ❤️❤️ @deepikapadukone

    A post shared by Shaleena Nathani (@shaleenanathani) on

    مذہبی رسم کے بعد دونوں خاندان 2 نومبر کو اٹلی روانہ ہوگئے جہاں اُن کی 14 اور 15 نومبر کو علیحدہ علیحدہ روایات کے مطابق شادی کی تقاریب منعقد کی جائیں گی۔

    بھارتی میڈیا کے مطابق دونوں اداکاروں کے اہل خانہ نے شادی کی تیاریاں مکمل کرلی جبکہ انہوں نے اٹلی میں واقع ’لیک کومو‘ بھی بک کرلیا جہاں دو روز تک تقاریب ہوں گی، اٹلی میں ہونے والی تقاریب کو مختصر رکھنے کا فیصلہ کیا گیا جس میں صرف قریبی رشتے دار اور 2 بالی ووڈ اداکار شرکت کریں گے جبکہ مہمانوں کے موبائل استعمال کرنے پر بھی پابندی ہوگی۔

    بعد ازاں بھارت واپسی پر دونوں اداکاروں کی طرف سے علیحدہ علیحدہ تقاریب کا انعقاد کیا جائے گا، دپیکا کی طرف سے بنگلور جبکہ رنویر نے تقریب کے لیے ممبئی کا انتخاب کیا۔

    View this post on Instagram

    ❣️ @deepikapadukone wearing @celine @burberry

    A post shared by Shaleena Nathani (@shaleenanathani) on

    میڈیا رپورٹ کے مطابق دپیکا پڈوکون تین روز قبل ممبئی میں واقع سُنار کی دکان پر پہلے سے منتخب کی جانے والی جیولری لینے پہنچیں اور انہوں نے سونے نقد رقم ادا کر کے خریدا۔

    یہ بھی پڑھیں: دپیکا اور رنویر سوشل میڈیا سے خوفزدہ کیوں؟

    بھارتی میڈیا کے مطابق اداکارہ کی جیولری میں جھمکے  بھی شامل ہیں جس کی قیمت  ایک کروڑ روپے ہے جبکہ دپیکا نے رنویر سنگھ کو شادی کا تحفہ دینے کے لیے جو سونے کی چین اور لاکٹ خریدا اُس کا وزن 200 گرام اور  قیمت 20 لاکھ روپے ہے۔

    دپیکا اپنی شادی میں ایک کروڑ مالیت سونے کا سیٹ پہنیں گی جبکہ انہوں نے رنویر کو تحفے میں دینے کے لیے 20 لاکھ روپے مالیت کی چین کا انتخاب کیا۔

    یاد رہے کہ رواں سال کے آغاز سے ہی دپیکا اور رنویر کی شادی کے حوالے سے قیاس آرائیاں جاری تھی البتہ دونوں نے اس پر خاموشی اختیار کی ہوئی تھی تاہم پدمنی کے اداکاروں نے 21 اکتوبر کو اپنی شادی کی تاریخ کا خود ہی اعلان کرتے ہوئے دعوت نامہ شیئر کیا۔

    سماجی رابطے کی ویب سائٹ پر اداکاروں نے اپنی شادی کی تصدیق کی اور بتایا کہ 14 اور 15 نومبر کو ہم ازدواجی بندھن میں بندھ جائیں گے۔

    یہ بھی پڑھیں: بھارتی ادکارہ دپیکا نے اسلام قبول کرلیا

    یہ بھی یاد رہے کہ دپیکا پڈوکون اور رنویر سنگھ 6 برس قبل فلم رام لیلا کے سیٹ پر ایک دوسرے کے قریب آئے اور پھر اُن کی دوستی ہوئی جس کے بعد محبت کے چرچے میڈیا کی زینت بھی بنے مگر کچھ عرصے بعد دونوں کے تعلقات ختم ہونے کی خبریں بھی سامنے آئیں تھیں۔

    واضح رہے کہ رنویر سنگھ اور دپیکا پڈوکون نے سنجے لیلا بھنسالی کی 2013 میں ریلیز ہونے والی فلم رام لیلا، باجی راؤ مستانی میں کام کیا تھا بعد ازاں چار سال وقفے کے بعد دونوں ایک بار پھر پدمنی میں مرکزی کردار ادا کرتے ایک ساتھ نظر آئے۔

  • بالی ووڈ اداکارہ تنوشری دتہ نے نانا پاٹیکر کے خلاف ایف آئی آر درج کرادی

    بالی ووڈ اداکارہ تنوشری دتہ نے نانا پاٹیکر کے خلاف ایف آئی آر درج کرادی

    ممبئی: بالی ووڈ اداکار نانا پاٹیکر پر جنسی طور پر ہراساں کرنے کا الزام لگانے والی اداکارہ تنوشری دتہ نے ان کے خلاف ایف آئی آر درج کرادی ہے۔

    بھارتی میڈیا رپورٹس کے مطابق بالی ووڈ اداکارہ تنوشری دتہ نے اداکار نانا پاٹیکر کے خلاف ایف آئی آر درج کرادی ہے، تنوشری نے نانا پاٹیکر کے ساتھ کوریو گرافر گنیش اچاریا کو بھی ایف آئی آر میں نامزد کیا ہے۔

    34 سالہ اداکارہ نے ایف آئی آر اوشیواڑہ میں درج کرائی اور موقف اختیار کیا کہ نانا پاٹیکر نے انہیں 2008 میں فلم کے گانے کی شوٹنگ کے دوران ہراساں کیا تھا۔

    دوسری جانب ایڈیشنل کمشنر پولیس کا کہنا ہے تنوشری دتہ کی جانب سے اداکار نانا پاٹیکر کے خلاف کوئی کمپلین درج نہیں کرائی گئی ہے۔

    ممبئی ایئرپورٹ پر میڈیا سے گفتگو کرتے ہوئے اداکار نانا پاٹیکر نے کہا تھا کہ جو جھوٹ ہے وہ جھوٹ ہے دس سال پہلے اس کا جواب دے چکا ہوں، الزام بے بنیاد ہے۔

    مزید پڑھیں: جنسی ہراسانی کا الزام، نانا پاٹیکر کا تنوشری دتہ کو قانونی نوٹس

    واضح رہے کہ نانا پاٹیکر کے وکیل نے اداکارہ تنوشری دتہ کو قانونی نوٹس ارسال کیا تھا اور اس میں تمام الزامات کو مسترد اور اداکارہ سے معافی مانگنے کا مطالبہ بھی کیا گیا تھا۔

    اداکارہ نے دعویٰ کیا کہ قانونی نوٹس کے نام پر مجھے دھمکی اس لیے دی جارہی ہے کہ آئندہ بھی خاتون خوف کی وجہ سے اداکاروں کا گھناؤنا چہرہ عوام کے سامنے نہ لائے۔

    خیال رہے کہ تنوشری کا کہنا تھا کہ ’میں آج نام لے کر بتانا چاہتی ہوں کہ نانا پاٹیکر میرے ساتھ 2008 میں ایک فلم کی شوٹنگ کررہے تھے، اس دوران وہ بہت غلط طریقے سے پیش آئے‘۔

    اداکارہ نے جنسی ہراسگی کا الزام عائد کرتے ہوئے کہا کہ ’نانا پاٹیکر نے میرے ساتھ ایک گانے پر ڈانس کرنے کی شرط بھی رکھی اور زبردستی رقص بھی کیا‘۔

  • معصوم نظر آنے والا بچہ جس نے بالی ووڈ اداکارہ کا دل چرا لیا

    معصوم نظر آنے والا بچہ جس نے بالی ووڈ اداکارہ کا دل چرا لیا

    ممبئی: انٹرنیٹ پر ایک تصویر سامنے آئی جسے پہچاننا انتہائی دشوار ہے کیونکہ یہ ایک چھوٹا اور معصوم سا بچہ ہے۔

    تفصیلات کے مطابق انٹرنیٹ کے بڑھتے ہوئے رجحان کو مدنظر رکھتے ہوئے تقریباً تمام ہی معروف شخصیات سوشل میڈیا پر موجود ہیں تاکہ اپنے مداحوں سے   وقتاً فوقتاً رابطے میں رہ سکیں۔

    معروف شخصیات کی انٹرنیٹ پر بعض اوقات ایسی تصاویر سامنے آتی ہیں جنہیں دیکھ کر یقین کرنا مشکل ہوجاتا ہے اسی طرح گزشتہ روز امریکی گلوکار کے بچپن کی تصاو یر وائرل ہوئی جسے دیکھ کر اندازے لگانا بھی ناممکن ہے۔

    مزید پڑھیں: بالی ووڈ اداکارہ پریانکا کی امریکی گلوکار سے منگنی

    اداکار ہوں یا پھر کوئی بھی معروف شخصیت اپنی روز مرہ کے معمول اور دیگر نئی چیزوں کو سوشل میڈیا پر اپ لوڈ کرتے ہیں جنہیں مداح بہت پسند بھی کرتے ہیں اور بعض اوقات تو یہ عام سی تصاویر وائرل بھی ہوجاتی ہیں۔

    حال ہی میں بالی ووڈ اداکارہ پریانکا چوپڑا سے منگنی کرنے والی امریکی اداکار نک جونس کی تصویر بھارتی میڈیا نے شیئر کی اور بالخصوص انڈین شہریوں کو چلینج دیا کہ وہ بتائیں یہ بچہ کون ہے۔

    واضح رہے کہ بالی ووڈ اداکارہ پریانکا چوپڑا نے اپنے دوست اور امریکی گلوکار نک جونس سے گزشتہ ماہ اگست کی 18 تاریخ کو منگنی کی تھی۔ منگنی کی تقریب اداکارہ کے گھر پر منعقد کی گئی جس میں صرف مخصوص لوگوں نے ہی شرکت کی تھی۔

    اسے بھی پڑھیں: پریانکا چوپڑا ’مرد‘ بننے کو تیار

    منگنی ہندو مذہب اور پنجابی رسم و رواج کے تحت ادا کی گئی تھی جس میں پریانکا نے زرد (پیلے) اور نک جونس نے سفید رنگ کا کرتا پاجامہ زیب تن کیا ہوا تھا۔ مہمانِ گرامی نے جوڑے کے لیے نیک تمناؤں کا اظہار کیا اور اُن کی کامیابیوں کے لیے بھی دعا کی۔

  • بالی ووڈ اداکارہ پریانکا کی امریکی گلوکار سے منگنی

    بالی ووڈ اداکارہ پریانکا کی امریکی گلوکار سے منگنی

    ممبئی: بالی ووڈ اداکارہ پریانکا چوپڑا نے اپنے دوست اور امریکی گلوکار نک جونس سے منگنی کرلی۔

    بھارتی میڈیا کے مطابق پرپریانکا اور نک جونس کی منگنی کی تقریب اداکارہ کے گھر پر منعقد کی گئی جس میں صرف مخصوص لوگوں نے شرکت کی۔

    منگنی کی تقریب ہندو مذہب اور پنجابی رسم و رواج کے تحت ادا کی گئی جس میں پریانکا نے زرد (پیلے) اور نک جونس نے سفید رنگ کا کرتا پاجامہ زیب تن کیا ہوا تھا۔ تقریب میں شریک مہمانِ گرامی نے جوڑے کے لیے نیک تمناؤں کا اظہار کیا اور اُن کی کامیابیوں کے لیے بھی دعا کی۔

    بھارتی میڈیا کے مطابق منگنی کی تقریب کے سلسلے میں آج یعنی 18 اگست کی رات شاندار تقریب کا انعقاد کیا جائے گا جس میں معروف شخصیات ، شوبز ستارے اور امریکی گلوکار کے قریبی رشتے دار شرکت کریں گے جو خصوصی طور پر امریکا سے تشریف لارہے ہیں۔

    بالی ووڈ اداکارہ کے اہل خانہ نے امریکا سے آنے والے 200 مہمانوں کے لیے ہوٹل کے کمرے بک کروالیے جہاں وہ قیام کریں گے، بیرونِ ملک سے آنے والے افراد نک جونس کے رشتے دار ہیں۔

    مزید پڑھیں: بالی ووڈ اداکارہ پریانکا چوپڑا ’مرد‘ بننے کو تیار

    ذرائع کے مطابق امریکی گلوکار نک جونس آج شام پہلی بار پریانکا کا تعارف اپنے رشتے داروں اور عزیز و اقارب سے کروائیں گے کیونکہ قربتوں کے حوالے سے انہوں نے اس سے قبل کسی کو کچھ نہیں بتایا تھا۔

    واضح رہے کہ بالی ووڈ اداکارہ نے ممکنہ منگنی کے پیش نظر اپنی نئی آنے والی فلم ’بھارت‘ سے کنارہ کشی اختیار کرلی تھی جس کے بعد کترینہ کیف کو اُن کی جگہ مرکزی کردار دیا گیا۔

    ’بھارت‘ کے ہدایت کار علی عباس ظفر نے سماجی رابطے کی ویب سائٹ پر تصدیق کی کہ اب پریانکا فلم کی کاسٹ کا حصہ نہیں ہیں ساتھ ہی انہوں نے منگنی کی طرف اشارہ بھی دیا تھا۔

    یہ بھی پڑھیں: پریانکا چوپڑا چوتھی بار دنیا کی پرکشش ترین خاتون قرار

    قبل ازیں بھارتی میڈیا کے ذرائع نے جون کی 27 تاریخ کو دعویٰ کیا تھا کہ پریانکا چوپڑا جولائی یا اگست میں امریکی گلوکار نک جانس کے ساتھ رشتہ ازدواج میں منسلک ہونے کا ارادہ رکھتی ہیں۔

    ذرائع ابلاغ کے مطابق بالی ووڈ اداکارہ اور امریکی گلوکار کی پہلی ملاقات گزشتہ برس میٹ گالا پر ہوئی جس کے بعد دونوں کے درمیان قربت بڑھی اور پھر یہ لوگ ایک دوسرے کی محبت میں گرفتار ہوئے۔ نک جانس نے امریکی ڈرامے کوانٹیکو کی شوٹنگ کے دوران اداکارہ سے محبت اور شادی کی خواہش کا اظہار کی جسے پریانکا نے قبول کرلیا تھا۔

    اسے بھی پڑھیں: ’پریانکا کو پاکستان بھیج دو‘ انتہا پسند ہندوؤں کی پکار

    امریکی گلوکار ماہ جون کے آخری ایام میں پریانکا کے ساتھ بھارت پہنچے تھے، اُن کے دورے کا مقصد اداکارہ کی والدہ کو راضی کرنا اور منگنی کی تاریخ کے ساتھ دن بھی طے کرنا تھا جس میں وہ کامیاب ہوگئے۔

    شادی کے حوالے سے دونوں شخصیات نے کوئی تصدیق یا تردید نہیں کی تھی تاہم قریبی ذرائع نے اس بات کا دعویٰ ہے کیا تھا کہ جولائی کے آخری یا اگست کے اوائل میں دونوں منگنی کرلیں گے۔

    یاد رہے کہ رواں سال مئی میں بالی ووڈ میں اچانک شادیوں کا سیزن شروع ہوا تھا، سب سے پہلے سونم کپور پھر اداکارہ نیہا دھوپیا اور پھر میوزک کمپوزر ہمیش ریشمیا نے ایک ہی ہفتے میں شادی کی تھی۔

  • کنگنا کی تقریب میں وزیراعلیٰ اور پارٹی صدر کی شرکت، تصویر وائرل

    کنگنا کی تقریب میں وزیراعلیٰ اور پارٹی صدر کی شرکت، تصویر وائرل

    ممبئی: بالی ووڈ اداکارہ کنگنا رناوت کی حکمراں جماعت بھارتیہ جنتا پارٹی سے قربت بڑھتی جارہی ہے یہی وجہ ہے کہ اُن کی فلم کے ریڈ کارپیٹ پر  پہلی بار کسی وزیراعلیٰ نے شرکت کی۔

    بھارتی میڈیا کے مطابق کنگنا گزشتہ دنوں سیاست میں آنے کا اعلان کرچکی ہیں، کچھ دن قبل نئی دہلی میں ہونے والی سرکاری تقریب کے دوران انہوں نے مستقبل میں سیاست شروع کرنے کا عندیہ دیا۔

    اس تقریب میں نریندر مودی بھی موجود تھے، بالی ووڈ اداکارہ نے اُن کی شان میں قصیدہ گوئی بھی کی اور انہیں ملک کا سب سے بہترین بھارتی وزیراعظم قرار دیا۔

    کنگنا کا کہنا تھا کہ وہ سیاسی میدان میں آکر ملک کی خدمت کرنے کے لیے تیار ہیں کیونکہ انہیں لگتا ہے کہ یہی ایک بہترین راستہ ہے جس کے ذریعے بھارت کی خدمت کی جاسکے۔

    بعد ازاں میڈیا سے گفتگو کرتے ہوئے اُن کا کہنا تھا کہ ’مودی بھارت کے جمہوری وزیراعظم ہیں جن کی قیادت میں ملک درست سمت پر گامزن ہے، ہمیں چار سال کی کارکردگی کو نہیں بلکہ ماضی کو دیکھ کر بی جے پی کی حکومت کا موازانہ کرنا چاہیے‘۔

    حکمراں جماعت کے حق میں اچانک کنگنا کے بیانات کا آنا ساتھی اداکاروں کے لیے حیران کُن تھا کیونکہ اداکارہ کافی عرصے سے خاموش بیٹھی تھیں اور شوبز انڈسٹری میں مصروف تھیں۔

    بی جے پی حکومت نے کنگنا کی حمایت کے بعد اُن کی نئی آنے والی فلم کی مکمل حمایت کا فیصلہ کیا جس کا عملدرآمد اُس وقت دیکھا گیا کہ جب ’چلو جیتے ہیں‘ کی تعارفی تقریب ہوئی تو اُس میں بھارتی ریاست مہاشٹرا کے وزیراعلیٰ دیوندرا اور بھارتیہ جنتا پارٹی کے صدر امیت شاہ نے بطور مہمان خصوصی شرکت کی۔

    دونوں مہمانِ گرامی نے اداکارہ کی نئی آنے والی فلم کے لیے نیک خواہشات کا اظہار کیا اور انہیں مودی کا خصوصی پیغام بھی پہنچایا۔

    اطلاعات کے مطابق ’چلو جیتے ہیں‘ فلم مودی کے بچپن پر بنائی گئی ہے جس میں اکشے کمار اور کنگنا سمیت دیگر اداکار کردار ادا کرتے نظر آئیں گے جبکہ ہدایت کاری کے فرائض آنند ایل رائے نے سرانجام دیے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • معروف بالی ووڈ اداکارہ کے بچپن کی تصویر وائرل، کیا آپ پہچان سکتے ہیں؟

    معروف بالی ووڈ اداکارہ کے بچپن کی تصویر وائرل، کیا آپ پہچان سکتے ہیں؟

    ممبئی: شوبز انڈسٹری سے وابستہ شخصیات مداحوں کے ساتھ رابطہ رکھنے کے لیے سماجی رابطے کی ویب سائٹ پر متحرک نظر آتی ہیں تاکہ وہ اپنی ماضی، حالیہ اور مستقبل کی اپ ڈیٹس شیئر کرسکیں۔

    شوبز شخصیات کی جانب سے وقتاً فوقتاً سوشل میڈیا پر تصاویر اور ویڈیوز شیئر کی جاتی ہیں جن کا مقصد مداحوں کے ساتھ رابطہ رکھنا اور انہیں اپنے کام یا زندگی سے متعلق آگاہی دینا ہوتا ہے۔

    کسی بھی اداکار یا معروف شخصیت کی سوشل میڈیا پوسٹ کو مداح اس انداز سے سرہاتے ہیں کہ بعض اوقات وہ چیز یا تصویر  اس قدر وائرل ہوتی ہے کہ کروڑوں لوگ اس تک رسائی حاصل کرلیتے ہیں۔

    دیکھیں: تصویرمیں کون کون سے بالی ووڈ اداکار موجود ہیں؟

    اسے بھی دیکھیں: مہوش حیات بچپن میں کیسی نظر آتی تھیں؟ اداکارہ کی تصویر وائرل

    آج ہم بات کررہے ہیں بالی ووڈ کی خوبرو حسینہ زرین خان کی جنہوں نے اپنے بچن کی تصویر خود شیئر کی اور انسٹاگرام پر لکھا کہ ’یہ اُس وقت کی بات ہے جب میں خوبصورت اور معصوم نظر آتی تھی اور اب ایسا ہوگیا‘۔

    مداحوں نے بالی ووڈ اداکارہ کی تصویر دیکھی تو اُس کے جواب میں حسین ، حوبصورت اور اچھی لگ رہی ہیں جیسے کمنٹس کیے اور کئی صارفین نے اسے شیئر بھی کیا۔

    واضح رہے کہ  زرین خان چودہ مئی انیس سو ستاسی کو بھارتی شہر ممبئی میں ایک مسلم پٹھان گھرانے میں پیدا ہوئیں،انہوں نے اپنی تعلیم ممبئی میں ہی مکمل کی، انہوں نے اپنے کریئر کا آغاز ماڈلنگ سے کیا اور 2009 میں فلم ویر میں سلمان خان کے ساتھ جلوہ گر ہوئیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بالی ووڈ اداکارہ سری دیوی دل کا دورہ پڑنے سے چل بسیں

    بالی ووڈ اداکارہ سری دیوی دل کا دورہ پڑنے سے چل بسیں

    دبئی : بھارتی فلموں کی مشہور اداکارہ سری دیوی حرکت قلب بند ہوجانے سے دبئی میں انتقال کر گئیں، ان کی عمر55 سال تھی۔

    تفصیلات کے مطابق بالی ووڈ کی معروف اداکارہ سری دیوی 55 برس کی عمر میں انتقال کر گئیں, وہ ایک شادی کی تقریب میں شرکت کیلئےدبئی گئی تھیں، جہاں انہیں دل کا دورہ پڑا جو جان لیوا ثابت ہوا، ان کی عمر 55 سال تھی۔

    سری دیوی 13اگست 1963کو پیدا ہوئیں، انہوں نے تامل، تیلگو، ملیالم اور ہندی فلموں میں اپنی صلاحیتوں کے جوہر دکھائے، وہ نوے کی دہائی میں اپنے کیریئر کے عروج پر تھیں۔

    انہیں بالی ووڈ انڈسٹری میں پہلی خاتون سپراسٹار تصور کیا جاتا ہے، جس نے انڈیا سنیما کو اپنی بے پناہ صلاحیت سے یکسر بدل ڈالا، انہیں دو ہزار تیرہ میں بھارت کے چوتھے بڑے شہری ایوارڈ پدم شری سے بھی نوازا گیا۔

    سری دیوی کے انتقال کی خبر سے ان کے لاکھوں مداح سوگوار ہوگئے، وہ ممتاز فلم پروڈیوسر اور انیل کپور کے بھائی بونی کپور کی اہلیہ تھیں۔

    انہوں نے فلم ہمت والا سے بالی ووڈ کو اپنی جانب متوجہ کیا، اس کے علاوہ مسٹر انڈیا، چاندنی، ناگن، لمحے، وقت کی آواز جیسی بلاک بسٹر فلمیں دیں۔

    انیل کپور اور ارمیلا کے ساتھ کی جانے والی فلم جدائی کے بعد 1997 وہ انڈسٹری سے دور ہوگئیں تھیں تاہم پندرہ سال بعد وہ انڈسٹری میں فلم انگلش ونگلش کے ذریعے واپس آئیں، جسے ناقدین نے بہت پسند کیا۔

    گذشتہ دنوں وہ فلم موم میں بھی نظر آئیں تھیں، اس فلم میں پاکستانی ادکارہ سجل اور عدنان صدیقی نے بھی اپنی اداکاری کے جوہر دکھائے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانےکے لیے سوشل میڈیا پر شیئر کریں۔ 

     

  • اداکارہ کرینہ کپور خان عرف بے بو آج اپنی 36 ویں سالگرہ منا رہی ہیں

    اداکارہ کرینہ کپور خان عرف بے بو آج اپنی 36 ویں سالگرہ منا رہی ہیں

    ممبئی: بالی ووڈ کی صفِ اول کی اداکارہ کرینہ کپور خان عرف بے بو آج اپنی 36 ویں سالگرہ منا رہی ہیں ایک طرف تو وہ اپنے برتھ ڈے پر انتہائی خوش ہیں جبکہ دوسری جانب اُن کی شادی کی سالگرہ اور ننھے مہمان کی آمد کی تیاریاں بھی زور و شور سے جاری ہیں۔

    اکیس ستمبر 1980 کو ہندوستانی ریاست مہاراشٹرا کے شہر ممبئی میں بالی ووڈ کے نامور کپور خاندان میں جنم لینے والی کرینہ نے بالی ووڈ میں اپنا پہلا قدم سن 2000 میں فلم ‘رفیوجی’ کے ذریعے رکھا جس میں ناقدین نے ان کی کارکردگی کو بے حد سراہا۔

    CrBquQiXYAAnpsc

    سلمان خان کی فلم دبنگ ٹو کیلئے کرینہ کپور خان کے آئٹم سونگ ‘فیویکول سے’ نے جہاں حال ہی میں سال کا بہترین آئٹم سونگ اور بہترین آئٹم گرل کا خطاب بیبو کو دلوایا وہیں اُن کی پولیٹیکل تھرلر فلم ستیا گرھا نے بھی باکس آفس پر شاندار برنس کیا۔

    10wjv2d

    دو ہزار ایک میں فلم ‘مجھے کچھ کہنا ہے’ سے باکس آفس پر بے پناہ کامیابی سمیٹنے والی کرینہ نے اجنبی، اشوکا، کبھی خوشی کبھی غم، چمیلی، دیو، اومکارہ، جب وی میٹ، گول مال، تھری ایڈیٹس، باڈی گارڈ، را ون اور ہیروئن سمیت مختلف فلموں میں بہترین اداکاری کا مظاہرہ کرتے ہوئے انھوں نے اپنے بارہ سالہ کریئر میں ڈھیروں کامیابیاں سمیٹیں ہیں اور آج ان کا نام فلم کی کامیابی کی ضمانت بن چکا ہے، بے بو کی کامیابیوں کا سفر ابھی جاری ہے۔

    کرینہ نے بالی ووڈ کے تمام بڑے ستاروں-عامر، سلمان اور شاہ رخ سب کے ساتھ کام کیا، کرینہ ہر رول میں فٹ بیٹھتی ہیں۔

    kareena-sssssssssssssssss

    کرینہ کی زندگی میں ایک وقت ایسا بھی تھا جب شاہد کپور خاص اہمیت رکھتے تھے، دونوں لیو ان میں رہتے تھے، دونوں کا پیار دیکھ کر یہی لگتا تھا کہ جلد شادی بھی کر لیں گے، اہم کرینہ اور شاہد کے رشتہ میں اس وقت دراڑ پڑ گئی جب فلم ٹشن کے دوران ان کی زندگی میں سیف علی خان آئے، دونوں کا رشتہ اس دور میں اخبارات کی سرخیاں بننے لگا۔

    20kareena5

    دو بچوں کے باپ سیف کرینہ سے 12 سال بڑے ہیں، لیکن دونوں کی محبت کے درمیان عمر کا فاصلہ حائل نہیں ہوا اور وہ 16 اکتوبر 2012 کو پٹودی کے نواب اور بالی ووڈ اداکار سیف علی خان کے ساتھ ازدواجی بندھن میں منسلک ہوئیں۔

    saif-and-kareena-marriahe

  • ٹوئنکل کھنہ کا ٹوئٹر پر مداح کی جانب سے پوچھے گئے سوال پر انوکھا جواب

    ٹوئنکل کھنہ کا ٹوئٹر پر مداح کی جانب سے پوچھے گئے سوال پر انوکھا جواب

    ممبئی : بالی ووڈ اداکارہ اور اداکار اکشے کمار کی اہلیہ ٹوئنکل کھنہ نے ٹوئٹر پر مداح کی جانب سے پوچھے گئے سوال پر انوکھا جواب دیا۔

    بالی ووڈ اداکارہ ٹوئنکل کھنہ نے سماجی رابطے کی ویب سائٹ ٹوئٹر پر اپنے مداح کی جانب سے اپنے خاندانی نام کے حوالے سے منفرد جواب دے کر حیران کردیا ۔سال 2001 میں اکشے کمار کے ساتھ شادی کرنے کے بعد ٹوئنكل کھنہ نے فلم انڈسٹری کو الوداع کہہ دیا تھا،جس کے بعد انہوں انٹیرئر ڈیزائینگ اور کالمسٹ کے طور پر کام کیا ۔ لیکن شادی کے پندرہ برس گزرنے کے بعد بھی انہوں اپنا خاندانی نام ’کھنہ ‘ تبدیل نہیں کیا ۔

    تاہم اسی حوالے سے ٹوئٹر پر ان کے ایک مداح نے سوال کیا کہ شادی کے پندرہ برس بعد بھی آپ نے اپنا نام ’کھنہ‘ سے ’کمار‘ میں تبدیل کیوں نہیں کیا ؟

    جس کے جواب میں اداکارہ ٹوئنکل کھنہ کا کہنا تھا کہ شادی کوئی برانڈ نہیں ہے انہوں نے مزید کہا کہ ان کے نام کے ساتھ کھنہ ہمیشہ رہے گا ۔مداح کے سوال پر اداکارہ ناراض بھی ہوئیں انہوں نے کہا کہ جس طرح سختی سے بار بار یہ سوال پوچھا اس طرح کسی نے نہیں پوچھا ۔

    اداکارہ ٹوئنکل کھنہ نے بطور اداکارہ اپنے فلمی کیریئر کا آغاز 1995 میں آئی فلم’برسات‘‘ سے کیااس فلم میں ان کے مقابل ہیرو کا کردار بابی دیول نے نبھایا تھا، یہ فلم سپر ہٹ ثابت ہوئی اوران کی اداکاری کو کافی سراہا گیا۔

    ٹوئنکل کھنہ کا شمار ان گنی چنی اداکاراؤں میں ہوتا ہے جنہوں نےتینوں خان کے ساتھ کام کیا ہے، انہوں نے 1998 میں سلمان خان کے ساتھ ’’جب پیارکسی سے ہوتا ہے ‘‘، 1999 میں شاہ رخ خان کے ساتھ بادشاہ اور 2000 میں عامر خان کے ساتھ ’’میلہ‘‘ فلم میں کام کیا ہے۔

    اس کے علاوہ انہوں نے اکشے کمار، سیف علی خان ، اجے دیوگن جیسے بڑے ستاروں کے ساتھ بھی کام کیا۔

  • ڈائریکٹر کو خوش نہ کرنے پر فلم سے نکال دیا گیا، بھارتی اداکارہ

    ڈائریکٹر کو خوش نہ کرنے پر فلم سے نکال دیا گیا، بھارتی اداکارہ

    ممبئی: بھارتی اداکارہ سروین چاؤلہ نے انکشاف کیا ہے کہ فلم میں کام حاصل کرنے پر ہدایت کار کے ساتھ رات گزارنے کی پیش کش کی گئی تھی تاہم میں نے اسے مسترد کر دیا۔

    تفصیلات کے مطابق ہندو مذہب چھوڑنے والی بالی ووڈ اداکارہ سروین چاؤلہ نے اپنے ایک انٹرویو میں کہا ہے کہ ’’فلمی دنیا میں قدم رکھنے کے بعد بڑی فلم میں کام کرنے کی پیش کش ہوئی جس کے لیے میں نے ہامی بھر لی تھی‘‘۔

    اُن کا کہنا تھا کہ ’’ہدایت کار کے قریبی دوست نے فلم میں کام دینے کے بدلے کچھ شرائط رکھیں جن میں رات ساتھ گزارنے اور فلم کی شوٹنگ تک ہدایت کار کے ساتھ سونے کی شرط رکھی گئی تھی‘‘۔

    اداکارہ نےمزید کہا کہ ’’میں نے ہدایت کار کی شرائط ماننے سے فوری طور پر انکار کرتے ہوئے شرائط مسترد کردیں تو مجھے فلم اور جہاں رہائش پذیر تھی اُس گھر سے آدھی رات کو بے دخل کردیا گیا‘‘۔

    پڑھیں:  بالی ووڈ اداکارہ ’’سروین چاولہ‘‘ ہندو مذہب چھوڑ دیا

     یاد رہے کہ فلم نگری میں قدم رکھنے کے لیے اداکاراؤں کے ساتھ اس قسم کے مسائل درپیش ہوتے ہیں، فلم انڈسٹری میں قسمت آزمائی کرنے والی اداکار اور اداکاؤں کو بہت تلخ مصائب جھیلنے پڑتے ہیں جس کے بعد وہ کوئی مقام حاصل کرنے میں کامیاب ہوتے ہیں۔

    ماضی میں بھی بالی ووڈ اداکارؤں کی جانب سے اس قسم کے تحفظات کا اظہار کیا جاچکا ہے ،ہندو مت چھوڑ نے والی اداکارہ نے فلم نگری میں کام ملنے کے لیے کی جانے والی پیش کش سے پردہ اٹھادیا ہے۔

    واضح رہے کہ سروین چاؤلہ نے رواں سال جون میں ہندو مذہب چھوڑ کر بدھ مت مذہب اختیار کرنے کا اعلان کیا تھا۔