بالی ووڈ کے لیجنڈ اداکار امیتابھ بچن کی سوشل میڈیا کے پوسٹ سے ان کے مداحوں میں تشویش کی لہر دوڑ اُٹھی ہے۔
بالی ووڈ کے بگ بی لیجنڈری اداکار امیتابھ بچن نے حال ہی میں سوشل میڈیا پلیٹ فارم پر ایک نیا پیغام شیئر کیا ہے جس نے بہت سے مداحوں کو پریشان اور الجھن میں ڈال دیا ہے۔
بالی ووڈ کے شہنشاہ امیتابھ بچن نے اپنے پیغام میں مختصر الفاظ میں لکھا کہ ’جانے کا وقت آگیا‘، سوشل میڈیا صارفین اور اداکار کے مداح ان کی صحت سے متعلق خدشات کا اظہار کرتے ہوئے نیک تمناؤں کا اظہار کر رہے ہیں۔
View this post on Instagram
مداح اب خود اداکار کی جانب سے مزید وضاحت کا بے صبری سے انتظار کر رہے ہیں، کیونکہ ان کی اس پوسٹ سے کئی سوالات اٹھ رہے ہیں۔
کام کے محاذ پر، امیتابھ بچن کون بنے گا کروڑ پتی کے میزبانی کررہے ہیں، جبکہ وہ ’کالکی 2898 اے ڈی‘ کے سیکوئل میں نظر آئیں گے اس فلم کی شوٹنگ جلد ہی شروع کریں گے۔
فلم ’کالکی 2898 اے ڈی‘ میں ان کا کردار اشوتتھاما کا ہے، اس کے ساتھ ہی اداکار دیپیکا پڈوکون کے ساتھ فلم ’دی انٹرن‘ کے ہندی ریمیک میں نظر آنے والے ہیں۔
