ARYNews.tv | Urdu – Har Lamha Bakhabar

Tag: بالی ووڈ

  • شاہ رخ خان کے بیٹے کی بالی ووڈ میں مختلف انداز میں انٹری

    شاہ رخ خان کے بیٹے کی بالی ووڈ میں مختلف انداز میں انٹری

    بالی ووڈ کنگ شاہ رخ خان کے بیٹے آریان خان منشیات کیس میں کلین چٹ پانے کے بعد اب کام پر توجہ دے رہے ہیں، وہ جلد ہی ایک ویب سیریز تحریر کرنے جارہے ہیں۔

    بھارتی میڈیا کے مطابق آریان خان یونیورسٹی آف ساؤتھ کیلیفورنیا سے فلم سازی میں تعلیم حاصل کر چکے ہیں اور ساتھ ہی اپنے والد کی آنے والی فلم پٹھان میں اسسٹ بھی کر رہے ہیں۔

    اب آریان خان بطور ویب سیریز رائٹر اپنے پروفیشنل کیریئر کا آغاز کرنے جا رہے ہیں، ان کی تحریر کردہ ویب سیریز بہت جلد منظر عام پر آجائے گی۔

    اس سے قبل آریان خان بطور چائلڈ اسٹار کبھی خوشی کبھی غم میں مختصر کردار میں نظر آ چکے ہیں، ساتھ ہی ہالی وڈ فلم دی انکریڈیبلز اور دی لائن کنگ کے لیے ہندی ورژن میں اپنے والد کے ہمراہ ڈبنگ بھی کروا چکے ہیں۔

  • ریتھک اور سیف کی فلم ’وکرم ویدھا‘ کے بزنس میں بہتری آ گئی

    ریتھک اور سیف کی فلم ’وکرم ویدھا‘ کے بزنس میں بہتری آ گئی

    ممبئی: ریتھک روشن اور سیف علی خان کی فلم ’وکرم ویدھا‘ کے بزنس میں بہتری آ گئی۔

    بھارتی میڈیا کے مطابق وکرم ویدھا کا پانچویں دن کا باکس آفس کلیکشن بہتر رہا، فلم نے دسہرے کی تیاریوں سے فائدہ اٹھایا، اور اس کے بزنس میں 12 فی صد اضافہ دیکھا گیا۔

    چند دن قبل تک اس ہندی ری میک کو باکس آفس پر ناکام قرار دیا جا رہا تھا، تاہم اپنے پہلے پیر کو اچھے بزنس کے بعد منگل کو فلم کے کلیکشن میں اضافے کا رجحان دیکھا گیا۔

    یہ فلم 2017 کی تمل ’وکرم ویدھا‘ کا ہندی ری میک ہے جس میں مرکزی کردار آر مادھون اور وجے سیتھوپتی نے ادا کیا تھا۔

    فلم نے پیر کو 5.39 کروڑ روپے بزنس کیا تھا، منگل کو اس میں تقریباً 12 فی صد اضافہ ہوا، منگل کا بزنس 5.80 سے 6.20 کروڑ روپے رہا، جو کہ فلم کے ویک اینڈ کلیکشن کے لحاظ سے ایک اچھا بزنس تھا، آج بدھ کو دسہرے کی چھٹی پر 50 کروڑ روپے کا ہندسہ عبور کرنے کی امید ہے۔

    دوسری طرف فلمی تجزیہ کار ترن آدرش نے کہا کہ فلم باکس آفس پر توقع کے مطابق نتائج نہ دے سکی اور تین دنوں کے دوران مجموعی طور پر 36.94 کروڑ روپے کا بزنس کر سکی۔

  • اداکارہ کا بدتمیزی پر تماشائی کو تھپڑ مارنے کی ویڈیو وائرل

    اداکارہ کا بدتمیزی پر تماشائی کو تھپڑ مارنے کی ویڈیو وائرل

    بھارتی ریاست کیرلہ میں ملیالم اداکارہ نے اپنی فلم کی پروموشن کے دوران بدتمیزی پر ایک تماشائی کو تھپڑ مار دیا۔

    تفصیلات کے مطابق کیرلہ کے ساحلی شہر کالیکٹ کے ہائی لائٹ مال میں فلم ’سیٹر ڈے نائٹ‘ کی پروموشن کے دوران دو ملیالم اداکاراؤں کے ساتھ تماشائیوں نے بدتمیزی کی۔

    بھارتی میڈیا کے مطابق ملیالم اداکارہ سانیا ایاپن نے مال میں پروموشن کے بعد جاتے ہوئے، ہجوم میں موجود ایک تماشائی کو کَس کر تھپڑ مار دیا۔

    سوشل میڈیا پر اس واقعے کی ویڈیوز وائرل ہو گئی ہیں، لوگوں نے ملیالم اداکاراؤں کے ساتھ دست درازی کے ان واقعات پر افسوس کا اظہار کیا۔ اس سلسلے میں موجود ویڈیوز میں اداکارہ کو ہال میں موجود ایک شخص کو تھپڑ مارتے دیکھا جا سکتا ہے۔

    فلم پروموشن کے بعد جب سارے فن کار ہال سے باہر نکل رہے تھے تو ہجوم بے قابو ہو گیا اور بھگدڑ مچ گئی، اسی دوران کسی نے اداکاراؤں کے ساتھ بدتمیزی کی۔

    سانیا ایاپن نے اپنی انسٹاگرام پوسٹ میں بتایا کہ ’میں اور میری فلم کی ٹیم کالیکٹ کے ایک مال میں اپنی نئی فلم کی تشہیر کر رہے تھے، کالیکٹ کے تمام مقامات پر پروموشن ایونٹس اچھی طرح سے ہوئے اور کالی کٹ کے لوگوں کی طرف سے محبت کا شکریہ۔‘

    انھوں نے تفصیل سے آگاہ کرتے ہوئے لکھا کہ ’مال لوگوں سے کھچاکھچ بھرا ہوا تھا اور سیکیورٹی کو ہجوم کو قابو کرنے کے لیے مشکلات کا سامنا تھا، تقریب کے بعد میں اور میرے ساتھی اداکار وہاں سے جا رہے تھے کہ کسی شخص نے میری ساتھی کے ساتھ بدتمیزی کی۔‘

    اداکارہ نے بتایا کہ ’اس کے بعد مجھے بھی اسی طرح کی بدسلوکی کا سامنا کرنا پڑا اور میں نے اس پر ردعمل دیا جیسا کہ آپ ویڈیو میں دیکھ چکے ہیں۔ میں چاہوں گی کہ کسی کو بھی اپنی زندگی میں اس قسم کے صدمے سے نہ گزرنا پڑے۔ خواتین کے خلاف تشدد اور بدسلوکی کرنے والے افراد کو کارروائی کا سامنا کرنا پڑے گا۔‘

  • سلمان خان کی وجہ سے ایشوریا رائے پروگرام میں شرکت سے گریزاں

    سلمان خان کی وجہ سے ایشوریا رائے پروگرام میں شرکت سے گریزاں

    نئی دہلی: بالی ووڈ کی معروف اور خوبصورت اداکارہ اور سابق مس ورلڈ ایشوریا رائے آج بھی اپنی جھلک سے دلوں کی دھڑکنیں تیز کردیتی ہیں، حال ہی میں انہوں نے سلمان خان کی وجہ سے کپل شرما کے شو میں شرکت کرنے سے انکار کردیا۔

    بھارتی میڈیا کے مطابق ایشوریا رائے بچن اپنی پین انڈین فلم پونین سیلون 1 کی تشہیر کے لیے ٹیم کے ساتھ معروف کامیڈین کپل شرما کے شو میں شرکت کے لیے آنے والی تھیں۔

    تاہم انہوں نے شو میں شرکت سے گریز کیا اور سوشل میڈیا صارفین کا خیال ہے کہ چونکہ سلمان خان اس کی پروڈکشن کا حصہ ہیں اس لیے اداکارہ نے پروگرام میں شرکت نہیں کی۔

    بعض صارفین کا کہنا تھا کہ سنہ 2010 میں انہوں نے اپنی فلم ایکشن ری پلے کی تشہیر کے لیے کون بنے گا کروڑ پتی میں بھی شرکت نہیں کی تھی کیونکہ اس قسط میں جیتی جانے والی رقم سلمان خان کے فلاحی ادارے کو دی جانی تھی، اس وقت ایشوریا رائے نے کہا تھا کہ امیتابھ بچن کے اہل خانہ کو پروگرام میں شرکت کی اجازت نہیں ہے۔

    خیال رہے کہ ایشوریا رائے اور سلمان خان ایک عرصے تک محبت کے بندھن میں بندھے رہے تاہم بعد میں ایشوریا نے ان سے اپنی راہیں جدا کرلیں۔

    بعد میں دیے جانے والے کئی انٹرویوز میں ایشوریا نے بتایا کہ سلمان خان انہیں جسمانی، زبانی اور جذباتی تشدد کا نشانہ بناتے رہے تھے۔

    اداکارہ کا کہنا تھا کہ انہوں نے طویل عرصے تک سلمان خان کی تمام بدسلوکیاں، بے وفائیاں اور بدتمیزیاں برادشت کیں لیکن بالآخر جب یہ سب ان کی برادشت سے باہر ہوگیا تو انہوں نے سلمان خان سے اپنا تعلق ختم کردیا۔

    ایشوریا رائے نے بعد ازاں ابھیشک بچن سے شادی کرلی اور اب بھی وہ اکثر تقاریب میں سلمان خان کا سامنا کرنے سے گریز کرتی ہیں۔

  • ریچا چڈھا اور علی فضل کی شادی میں ہالی ووڈ اداکار بھی مدعو

    ریچا چڈھا اور علی فضل کی شادی میں ہالی ووڈ اداکار بھی مدعو

    نئی دہلی: معروف بھارتی اداکار علی فضل اور ریچا چڈھا شادی کے بندھن میں بندھنے والے ہیں اور جلد ہی دونوں کی شادی کی تقریبات کا آغاز ہوجائے گا۔

    بھارتی میڈیا کے مطابق دونوں کی شادی کی تقریبات چند روز میں شروع ہوجائیں گی جو اکتوبر کے آغاز تک جاری رہیں گی۔ شادی میں ہالی ووڈ کے بھی کئی بڑے ناموں کو مدعو کیا گیا ہے۔

    بھارتی میڈیا رپورٹ کے مطابق جوڑے نے اپنی شادی میں جوڈی ڈینچ اور جیرارڈ بٹلر کو بھی مدعو کیا ہے۔ ان دونوں کے ساتھ علی فضل نے مختلف فلموں میں کام کیا ہے۔

     

    View this post on Instagram

     

    A post shared by ali fazal (@alifazal9)

     

    View this post on Instagram

     

    A post shared by ali fazal (@alifazal9)

    بھارتی میڈیا کا کہنا ہے کہ ریچا اور علی فضل گزشتہ 10 برسوں سے ایک دوسرے کے دوست ہیں، دونوں میڈیا میں ایک دوسرے سے اپنے تعلق کے بارے میں گفتگو کرنے سے گریز کرتے رہے لیکن مختلف مواقعوں پر ایک دوسرے کو سپورٹ کرتے دکھائی دیے۔

    دونوں کی شادی کی تقریبات کا آغاز 29 ستمبر سے ممبئی میں ہوگا، 3 اکتوبر کو شادی کی مرکزی تقریب ہوگی جبکہ 4 اکتوبر کو دونوں مہمانوں کے لیے ریسیپشن کا اہتمام کریں گے۔

  • سیف علی خان کو سرکاری محکمے سے ایوارڈ کیوں ملتے ہیں؟

    سیف علی خان کو سرکاری محکمے سے ایوارڈ کیوں ملتے ہیں؟

    نئی دہلی: معروف بھارتی اداکار سیف علی خان، جو نواب خاندان سے تعلق رکھتے ہیں، کا کہنا ہے کہ انہیں بروقت ٹیکس ادا کرنے پر انکم ٹیکس ڈپارٹمنٹ سے ایوارڈ ملتے ہیں۔

    بھارتی ویب سائٹ کے مطابق بالی ووڈ کے نواب سیف علی خان نے حال ہی میں اپنی نئی فلم وکرم ویدھا کی ٹیم کے ساتھ کپل شرما شو میں شرکت کی۔

    ان کے ساتھ رادھیکا آپٹے، ستیا دیپ مشرا اور دیگر اداکار بھی موجود تھے۔

    میزبان کپل شرما نے ہمیشہ کی طرح اپنے مہمانوں کی کچھ ایسی باتیں سب کو بتائیں جو پہلے کبھی کسی نے نہیں سنی تھیں۔

    شو میں لوگوں کو پتہ چلا کہ ستیا دیپ مشرا اداکار بننے سے پہلے انکم ٹیکس ڈپارٹمنٹ میں اسسٹنٹ کمشنر تھے، ستیادیپ نے کپل کو بتایا کہ انہوں نے سول سروسز کا امتحان پاس کیا تھا لیکن وہ کبھی بھی اسسٹنٹ کمشنر نہیں تھے۔

    اس موقع پر سیف علی خان کا کہنا تھا کہ میں ایک اچھا شہری ہوں، مجھے انکم ٹیکس ڈپارٹمنٹ سے ایوارڈ ملتے ہیں۔

  • شاہ رخ خان آئرن مین معلوم ہو رہے ہیں: ناکام ترین بالی ووڈ فلم کے ڈائریکٹر کا دعویٰ

    شاہ رخ خان آئرن مین معلوم ہو رہے ہیں: ناکام ترین بالی ووڈ فلم کے ڈائریکٹر کا دعویٰ

    حال ہی میں ریلیز کی گئی بالی ووڈ فلم براہمسترا کو شائقین اور تجزیہ کاروں نے شدید تنقید کا نشانہ بنایا ہے، تاہم فلم کے تخلیق کاروں کا دعویٰ ہے کہ اس فلم نے مقبولیت اور کمائی کے ریکارڈ توڑ دیے ہیں۔

    اب اس کے ہدایت کار ایان مکھرجی نے اس حوالے سے ایک اور بیان دے دیا۔

    فلم کے ڈائریکٹر ایان مکھرجی کا کہنا تھا کہ فلم میں بالی ووڈ کنگ شاہ رخ کا کمیو (مختصر جھلک) شہرہ آفاق ہالی ووڈ فلم آئرن مین سے مشابہہ ہے۔

    ڈائریکٹر کا کہنا ہے کہ شاہ رخ خان کو فلم میں سائنس دان دکھایا گیا ہے جو اپنی لیبارٹری میں کام کر رہا ہوتا ہے، یہ مناظر مشہور کردار آئرن مین سے ملتے جلتے ہیں، وہ بھی اکثر اپنی تجربہ گاہ میں مختلف تجربات کرتا دکھائی دیتا ہے۔

     

    View this post on Instagram

     

    A post shared by SHAH RUKH KHAN (@iamsrk_fans)

    انہوں نے کہا کہ براہمسترا رومانوی فلم ہے جس میں مرکزی کرداروں رنبیر کپور اور عالیہ بھٹ کی محبت دکھائی گئی ہے، تاہم جب شاہ رخ خان کے مناظر آتے ہیں تو فلم بالکل تبدیل ہوجاتی ہے اور ایک سائنس فکشن فلم دکھائی دیتی ہے۔

    خیال رہے کہ براہمسترا اپنی نمائش سے قبل ہی تنازعات کا شکار ہوگئی تھی۔

    فلم کی ریلیز کے بعد خراب مکالموں اور کمزور اسکرین پلے کی وجہ سے شائقین نے تو اسے مسترد کردیا، تاہم فلم کی ٹیم اسے ریکارڈ کمائی کرنے والی فلم قرار دے رہی ہے۔

    شائقین نے فلم کی کمائی کے بڑے ہندسوں کو جھوٹا قرار دیتے ہوئے کہا ہے کہ سینما ہال کی نشستیں تو خالی ہیں، تو پھر کیا اس فلم کو دیکھنے کے لیے خلائی مخلوق آرہی ہے جو فلم دھڑا دھڑ پیسہ کما رہی ہے؟

  • بالی ووڈ کی 70 فیصد فلمیں فلاپ، کیا بھارتی فلم انڈسٹری زوال پذیر ہورہی ہے؟

    بالی ووڈ کی 70 فیصد فلمیں فلاپ، کیا بھارتی فلم انڈسٹری زوال پذیر ہورہی ہے؟

    نئی دہلی: ایک طویل عرصے تک اپنا تسلط قائم رکھنے والا بالی ووڈ اب بحران کا شکار ہوگیا ہے جس کا ثبوت یہ ہے کہ رواں سال ریلیز ہونے والی 70 فیصد سے زائد فلمیں ناکام رہی ہیں۔

    برطانوی اخبار دی گارڈین کے رپورٹ کے مطابق رواں سال انڈین باکس آفس پر 77 فیصد ریلیز فلمیں فلاپ ہونے کے بعد سنیما ہالز بے حد خاموش ہیں اور کبھی نہ ختم ہونے والے بالی ووڈ کے تسلط کے مستقبل پر اب غیر یقینی کے بادل منڈلا رہے ہیں۔

    فلم انڈسٹری پر نظر رکھنے والے تجزیہ کار سومت کادل کا اس حوالے سے کہنا ہے کہ جہاں تک باکس آفس کا تعلق ہے، یہ سال ہندی فلم انڈسٹری کے لیے انتہائی خراب رہا۔

    انہوں نے کہا کہ صرف 3 یا 4 ہٹ فلمیں تھیں، جبکہ باقی سب کچھ تباہ ہو چکا ہے۔ انہوں نے کہا کہ یہ ایک ایسی صنعت کے لیے بہت بڑی تباہی ہے جو اپنی بقا کے لیے سال میں 10 کامیاب فلموں پر انحصار کرتی ہے۔

    سومت کادل کے مطابق گذشتہ دو یا تین دہائیوں میں یہ بالی وڈ کا بدترین دور ہے جس سے انڈسٹری گزر رہی ہے۔

    بالی وڈ کی حالیہ ناکامی کا ملبہ کرونا وبا پر ڈالا جا رہا ہے جس کے باعث پوری دنیا میں سنیما گھروں کو بحران کا سامنا کرنا پڑا۔

    وبا کے دوران چونکہ انڈیا کا عام طور پر سینما جانے والا ہجوم اپنے گھروں تک ہی محدود تھا، نیٹ فلکس، ایمیزون پرائم اور ہاٹ سٹار جیسے پلیٹ فارمز کی مقبولیت میں اضافہ ہوا۔

    یہ پلیٹ فارمز انڈیا کی ایک ارب 40 کروڑ آبادی کا ایک چوتھائی حصہ استعمال کرتا ہے۔ وہ فلمیں جو پہلے صرف سنیما گھروں میں قابل رسائی تھیں اب ان پلیٹ فارمز پر ملٹی پلیکس ٹکٹ کی قیمت کے ایک حصے میں دیکھی جا سکتی ہیں۔

    تجزیہ کار سومت کادل کے مطابق وبا کے بعد موجودہ حالات میں فلم بین صرف ایسی مووی کے لیے اتنی قیمت ادا کر کے سنیما گھروں کا رخ کرتے ہیں جس کے لیے وہ متجسس ہوں۔

    آن لائن پلیٹ فارمز پر فلمیں اور سیریز دیکھنے والے شائقین کی فلموں کے حوالے سے پسند میں بھی تنوع آیا ہے۔

    اب بالی وڈ کے بڑے ناموں والی فلموں اور انڈسٹری کے طویل عرصے سے قومی سنیما کے تصور کو بھی پیچھے چھوڑ دیا گیا۔

    سوشل میڈیا پر تبصروں کو دیکھ کر اب ہندی سینما کے ناظرین اپنے گھروں میں تامل (کولی وڈ)، تیلگو (ٹالی وڈ)، ملیالم، کنڑ (سندل وڈ) اور مراٹھی زبان کی فلمیں بھی دیکھ رہے ہیں۔

    صحافی و مصنف انا ایم ایم ویٹیکاد کے مطابق علاقائی سینما دیکھنے والے اب ہندی سینما کی یکسانیت سے اکتا چکے ہیں اور فلمیں بنانے والے اس بات کا بروقت احساس کرنے میں ناکام ہیں کہ شائقین کے پاس اب زیادہ آپشنز ہیں۔

  • سلمان خان نے جیکولین فرنینڈس سے دوستی ختم کرلی

    سلمان خان نے جیکولین فرنینڈس سے دوستی ختم کرلی

    نئی دہلی: معروف بھارتی اداکار سلمان خان نے اداکارہ جیکولین فرنینڈس سے اپنی دوستی ختم کرلی، سلمان خان انہیں منی لانڈرنگ کے ملزم سکیش چندرا شیکھر سے تعلق رکھنے سے منع کرتے رہے اور اب جیکولین کے نہ ماننے پر انہوں نے خود ہی جیکولین سے دوستی ختم کرلی۔

    بھارتی میڈیا کے مطابق معروف بالی ووڈ اداکار سلمان خان نے اداکارہ جیکولین فرنینڈس سے دوری اختیار کر لی ہے، سلمان خان نے جیکولین کی منی لانڈرنگ اور فراڈ کے جرائم میں ملوث ملزم سکیش چندرا شیکھر سے دوستی کے بعد ان سے تعلق ختم کیا ہے۔

    سکیش چندرا شیکھر منی لانڈرنگ، فراڈ اور دھوکہ دہی کے جرائم میں ملوث ہیں اور تہاڑ جیل میں قید ہیں، سکیش پر 200 کروڑ روپے کی منی لانڈرنگ کا الزام ہے۔

    جیکولین نے سکیش سے مبینہ طور پر قیمتی تحائف اور مالی فوائد حاصل کیے جس کے بعد سلمان خان نے ان کے ساتھ اپنا تعلق ختم کر لیا۔

    سکیش کے ساتھ دوستی کے باعث بالی ووڈ کے دیگر اسٹارز نے بھی جیکولین کے ساتھ قربت ختم کردی ہے۔

    بھارتی میڈیا کا کہنا ہے کہ بالی ووڈ سپرسٹار اکشے کمار نے بھی جیکولین کو سکیش سے دوستی کرنے سے منع کیا تھا تاہم اس وقت جیکولین سکیش سے محبت کرتی تھیں اور اس سے شادی تک کرنے کا سوچ رہی تھیں۔

  • جیکولین فرنینڈس فراڈ کے ملزم سے شادی کرنا چاہتی تھیں

    جیکولین فرنینڈس فراڈ کے ملزم سے شادی کرنا چاہتی تھیں

    نئی دہلی: بالی ووڈ اداکارہ جیکولین فرنینڈس نے اپنے دوست سکیش چندر شیکھر سے متعلق نئے انکشافات کیے ہیں، سکیش 200 کروڑ روپے کی بھتہ خوری اور منی لانڈرنگ میں ملوث اور قید ہے۔

    بھارتی میڈیا کے مطابق 200 کروڑ روپے کی بھتہ خوری اور منی لانڈرنگ میں ملوث، تہاڑ جیل میں قید ملزم سکیش چندر شیکھر سے اپنے تعلق سے متعلق اداکارہ جیکولین فرنینڈس نے نئے انکشافات کیے ہیں۔

    منی لانڈرنگ کیس کے مرکزی ملزم سکیش کی منی لانڈرنگ میں مدد کرنے اور اس سے تحائف لینے کے الزام میں آج کل بھارتی اداکارائیں جیکولین فرنینڈس اور مشہور رقاصہ نورا فاتحی کو تفتیش کا سامنا ہے۔

    دہلی پولیس کے اقتصادی جرائم ونگ کی جانب سے دونوں اداکاراؤں سمیت بالی ووڈ کی مزید مشہور شخصیات سے بھی تفتیش کی جا رہی ہے۔

    اسپیشل کمشنر آف پولیس رویندر یادو نے میڈیا سے گفتگو کے دوران جیکولین کی جانب سے دیے گئے بیان سے متعلق بتایا ہے۔

    رویندر یادو نے بتایا ہے کہ تفتیش کے دوران اداکارہ جیکولین نے اعتراف کیا ہے کہ ان کے ملزم سکیش کے ساتھ تعلقات تھے، جیکولین سکیش سے متعلق کافی سنجیدہ تھیں اور اسے اپنے خوابوں کا شہزادہ سمجھتی تھیں، جیکولین کا سکیش چندر شیکھر سے شادی کا بھی ارادہ تھا۔

    دوسری جانب بھارتی میڈیا رپورٹس کے مطابق جیکولین فرنینڈس سکیش چندر شیکھر کے جرائم بے نقاب ہونے کے باوجود بھی مسلسل ان سے رابطے میں تھیں۔

    واضح رہے کہ گزشتہ روز رویندر یادو نے اس کیس سے متعلق کہا تھا کہ اداکارہ جیکولین کے لیے زیادہ پریشانی کی بات ہے کیونکہ اس نے سکیش کے مجرمانہ کردار کو جاننے کے بعد بھی اس سے تعلق نہیں توڑا مگر سکیش سے متعلق جب نورا کو شک ہوا کہ کچھ گڑبڑ ہے تو نورا نے خود ہی سے سکیش سے رابطہ ختم کر لیا تھا۔