Tag: بالی ووڈ

اسٹار کڈز کے حوالے سے اظہار خیال کرتے ہوئے بھارتی اداکار ہرش وردھن کپور نے کہا ہے کہ بالی ووڈ کے 10 اسٹار کڈز میں سے 8 غائب ہوچکے ہیں۔

ہرش وردھن کپور اور ماورا حسین کی فلم ’صنم تیری قسم‘ کو دوبارہ سے ریلیز کیا گیا ہے اور اسے شائقین کی جانب سے کافی عمدہ رسپانس مل رہا ہے، یہ فلم پہلے 2016 میں ریلیز کی گئی تھی جب یہ فلاپ ثابت ہوئی تھی، تاہم دونوں کی اداکاری کو سراہا گیا تھا۔

اب میکرز نے اسے 2025 میں دوبارہ سے سینما گھروں میں ریلیز کیا ہے اور فلم نے کمال کردیا ہے، صنم تیری قسم نے کمائی میں نئی ریلیز ہونے والی کئی فلموں کو پیچھے چھوڑ کر باکس آفس پر کافی بہترین بزنس کیا ہے۔

بھارتی ذرائع ابلاغ سے گفتگو کرتے ہوئے ہرش وردھن نے کہا کہ جب لوگ بات کرتے ہیں کہ اسٹار کڈز کو زیادہ مواقع ملتے ہیں تو میں ان کے نام لکھ کردیکھتا ہوں اور احساس ہوتا ہے کہ ان 10 اسٹار کڈز میں سے 8 منظرنامے سے غائب ہوچکے ہیں۔

انھوں نے کہا کہ میرے خیال میں آؤٹ سائیڈرز ایسے لوگ میں جنھوں نے اچھا کام کرنا جاری رکھا ہوا ہے، بس بات یہ ہے کہ ہم ان کی کامیابی کو کس طرح دیکھتے ہیں۔

ہرش وردھن کا مزید کہنا تھا کہ میں اس حوالے سے کبھی شکایت نہیں کرتا، بہت سے اسٹار کڈز کو بعد میں کام نہیں ملا اور یہ آؤٹ سائیڈرز ہی ہیں جو ٹاپ پر ہیں۔

معروف بھارتی نجوم سشیل کمار سنگھ نے بالی ووڈ کے نوبیاہتا جوڑے سوناکشی سنہا اور ظہیر اقبال کے طلاق کے حوالے سے چونکا دینے والا دعویٰ کیا ہے۔

بھارت کے معروف نجوم نے حال ہی مین جے گنگن کی میزبانی میں دی آوارہ مسافر پوڈ کاسٹ پر شرکت کی جہاں انہوں نے سوناکشی سنہا اور ظہیر اقبال کی طلاق کی پیشگوئی کی ہے۔

بھارتی میڈیا کے مطابق ماہر نجوم سشیل کمار نے پیشگوئی کرتے ہوئے بتایا کہ بالی ووڈ کی جوڑی سوناکشی سنہا اور ظہیر اقبال کی جلد طلاق ہوجائے گی۔

سوناکشی کے بھائیوں نے شادی میں شرکت کیوں نہیں کی؟ شتروگھن سنہا نے بتادیا

سشیل کمار کا کہنا تھا کہ ’’سوناکشی سنہا کی طلاق پہلے بچے کے بعد ہوگئی، ان کے درمیان خوب جھگڑا بھی ہوگا، بچے کی پیدائش کے بعد دونوں میں بحث ہوگی، پھر نوبت ہاتھا پائی تک جاپہنچے گی جس کے بعد طلاق ہوجائے گی، اس شادی کا اختتام بہت خراب ہوگا‘‘۔

یاد رہے کہ بھارتی ماہر نجوم سشیل کمار اس سے قبل ایشوریہ رائے اور ابھیشیک بچن کے درمیان بھی طلاق کی پیشگوئی کرچکے ہیں، لیکن بالی ووڈ کے اس جوڑے کی طلاق کی افواہیں اب دم توڑ چکی ہیں۔

واضح رہے کہ شتروگھن سنہا کی صاحبزادی سوناکشی سنہا اپنے دوست ظہیر اقبال سے 7 سال کے ریلیشن میں رہنے کے بعد 23 جون 2024 کو شادی کے بندھن میں بندھ گئیں۔

بالی ووڈ فلمساز انوراگ کشیپ کا کہنا ہے کہ بالی ووڈ کے پاس پشپا جیسی فلم بنانے کے لیے دماغ ہی نہیں ہے۔

بھارتی میڈیا رپورٹس کے مطابق فلمساز انوراگ کشیپ نے صحافی کو انٹرویو دیتے ہوئے کہا کہ وہ بالی ووڈ کو کچھ نہیں سمجھتے، وہ پشپا بھی نہیں بنا سکتے وہ نہیں کرسکتے کیونکہ ان کے پاس فلم بنانے کا دماغ نہیں ہے۔

انہوں نے کہا کہ بالی ووڈ والے نہیں سمجھتے کہ فلم سازی کیا ہوتی ہے، پشپا صرف سو کمار ہی بنا سکتا ہے۔

انوراگ کشیپ نے کہا کہ جنوب میں وہ فلم سازوں میں سرمایہ کاری کرتے ہیں اور انہیں فلمیں بنانے کے لیے بااختیار بناتے ہیں، یہاں ہر کوئی ایک یونیورس بنانے کی کوشش کررہا ہے لیکن کیا وہ یونیورس کو سمجھتے ہیں اور وہ اس میں کتنے معمولی ہیں؟

فلمساز نے کہا کہ یہی انا ہے جب آپ یونیورس بناتے ہیں تو آپ کو لگتا ہے کہ آپ خدا ہیں۔

یاد رہے کہ پشپا 2 تیلگو فلم انڈسٹری کی 2024 کی سب سے زیادہ کمائی کرنے والی فلم ہے جس نے بھارت سمیت دنیا بھر سے خوب کمائی کی ہے۔ اس فلم میں تیلگو سپر اسٹار الو ارجن اور رشمیکا مندانا نے مرکزی کردار نبھائے ہیں۔