Tag: بالی ووڈ

ممبئی: بالی ووڈ کنگ خان شاہ رخ خان کا کہنا ہے کہ اچھا ہے میرے والد اس وقت دنیا میں نہیں ہیں،ورنہ وہ کچھ لوگوں کی باتیں سن کر اداس ہوجاتے۔

تفصیلات کے مطابق بالی ووڈ کے کنگ خان رومانس کی پہچان کروڑوں دلوں کی جان سپراسٹار شاہ رخ خان جو اپنی عمدہ اداکاری کی وجہ سے انڈسٹری میں مشہور ہیں اس کے علاوہ اداکار اکثر وبیشتر سماجی رابطے کی ویب سائٹس پر فینز کے ساتھ اپنے جذبات شیئر کرتے رہتے ہیں۔

خیال رہے کہ گزشتہ ہفتے کنگ خان نے نےسماجی رابطے کی ویب سائٹ ٹوئٹر پر اپنے والد میر تاج محمد مرحوم کی یاد میں ان کے کچھ الفاظ شیئر کیے۔

I follow my Freedom Fighter father’s advice ‘quieter u bcome the more u r able 2 hear’.Good he’s no more, he’d be sad 2 hear wot sum ppl say

— Shah Rukh Khan (@iamsrk) September 19, 2016

شاہ رخ خان نے لکھا، ‘میں اپنے فریڈم فائٹر والد کی اس نصیحت پر عمل کرتا ہوں، ‘آپ جتنے خاموش ہوتے ہیں،اتنے ہی زیادہ آپ سننے کے قابل ہوجاتے ہیں’۔

اداکار کا مزید کہنا تھا، ‘اچھا ہے وہ (میرے والد) اس وقت دنیا میں نہیں ہیں، ورنہ وہ کچھ لوگوں کی باتیں سن کر اداس ہوجاتے’۔

اگرچہ شاہ رخ خان نے اپنے اس پیغام کے پسِ منظر کے حوالے سے کچھ نہیں بتایا،تاہم ان کی ٹوئٹ سے بظاہر ایسا لگتا ہے کہ وہ کسی دکھ کا شکار ہیں۔

یاد رہے کہ شاہ رخ اس وقت ایمسٹرڈیم میں امتیاز علی کی فلم ‘جب ہیری میٹ سیجل’  کی شوٹنگ میں مصروف ہیں،جس میں ان کے ہمراہ انوشکا شرما ایک گجراتی لڑکی کے کردار میں نظر آئیں گی جبکہ شاہ رخ خان پنجابی ٹورسٹ گائیڈ کا کردار ادا کریں گے۔

واضح رہے کہ پاکستانی اداکارہ ماہرہ خان کے ساتھ ان کی فلم ‘رئیس’ اگلے برس ریلیز کی جائے گی۔

ممبئی: بالی ووڈ ڈائریکٹر انوراگ کشیپ کا کہنا ہے کہ انہیں اس بات پر افسوس ہے کہ وہ بولی وڈ میں رنبیر کپور کی مقبولیت میں کمی کے ذمہ دار ہیں۔

تفصیلات کےمطابق انوراگ کشیپ کے بھائی ابھیناو کشیپ کی 2013 میں ریلیز ہونے والی فلم ‘بے شرم’ سے رنبیر کی مقبولیت کا گراف کچھ کم ہوا،جو اس سے قبل ‘برفی’ اور ‘یہ جوانی دیوانی’ جیسی فلموں کی بدولت بولی وڈ پر راج کر رہے تھے.

انوراگ کشیپ کی 2015 کی فلم ‘بمبئی ویلوٹ’ نےرہی سہی کسر پوری کردی،جو باکس آفس پر بری طرح سے فلاپ ہوئی۔

بالی ووڈ ہدایت کار انوراگ کا کہنا تھا، ‘بمبئے ویلوٹ’ اور ‘بے شرم’ نے مجھے ذاتی طور پر متاثر کیا،رنبیر کی مقبولیت میں کمی نے بھی مجھے متاثر کیا اور جیسا کہ آپ اپنے کاموں کی ذمہ داری قبول کرتے ہیں لہذا میں بھی خود کو رنبیر کے کیریئر کی ناکامی کا ذمہ دار محسوس کرتا ہوں’۔

انوراگ کا کہنا تھا، ‘رنبیر ایک بہت اچھے اداکار ہیں جو تجربات کے لیے تیار رہتے ہیں،لیکن ہم نے مجموعی طور پر انہیں ناکام کروا دیا’۔

اگرچہ رنبیر کپور کی فلم ‘بے شرم’ اور ‘بمبئے ویلوٹ’ باکس آفس پر ناکام ثابت ہوئیں تاہم اس سے اداکار اور ڈائریکٹر کے درمیان رشتہ خراب نہیں ہوا،انوراگ کا کہنا تھا، ‘ہاں ہم معمول کی طرح ہی بات کرتے ہیں’۔

جب ان سے رنبیر کے ساتھ کسی نئے پراجیکٹ کے حوالے سے پوچھا گیا تو انوراگ کا کہنا تھا، ‘فی الوقت ایسا کچھ نہیں، وہ اور رنبیر اس وقت بہت سی فلموں مثلاً راجو ہیرانی کی فلم ‘جگا جاسوس’ اور ایان مکھرجی کی فلم میں مصروف ہیں، درحقیقت وہ اگلے 2 برس تک مصروف ہیں’۔

یاد رہے کہ انوراگ کشیپ کی فلم ‘بمبئے ویلوٹ’ میں رنبیر کپور کے ساتھ انوشکا شرما نے مرکزی کردار ادا کیا تھا، فلم ایک چور کی کہانی پر مبنی تھی۔

ممبئی: بالی ووڈ خوبرو اداکارہ نرگس فخری کا کہنا ہے کہ’چاہے بالی ووڈ ہو یا ہالی ووڈ،میں فلموں کے پیچھے نہیں بھاگتی بلکہ مجھے میری قابلیت کی بنیاد پر کام مل رہا ہے۔

تفصیلات کےمطابق بالی وڈ کی امریکی نژاد اداکارہ نرگس فخری کو اس فلم انڈسٹری میں قدم رکھے مشکل سے چند سال ہی ہوئے ہیں لیکن ان کا اعتماد ساتویں آسمان پر ہے۔اور یہی وجہ ہےکہ وہ ان دنوں بالی ووڈ کے ساتھ ساتھ ہالی ووڈ میں بھی کافی سرگرم نظر آ رہی ہیں۔

رواں سال ’ہاؤس فل تھری‘ جیسی ہٹ فلم کے بعد نرگس جلد ہی اداکار رتیش دیش مکھ کے ساتھ فلم ’بینجو‘ میں نظر آئیں گی۔اس فلم میں وہ نیو یارک میں رہنے والی ایک ڈی جے کا کردار ادا کر رہی ہیں۔

نرگس فخری کا کہنا ہے کہ ’بینجو کی کہانی ناظرین کو ضرور پسند آئےگی۔رتیش دیش مکھ کے ساتھ کام کرنا بھی ایک شاندار تجربہ رہا۔‘

خوبرواداکارہ کے مطابق بالی وڈ کی فلموں میں نغمے اور رقص کافی اہمیت کے حامل ہیں،اس کے باوجود یہاں بہت سنجیدہ اور انٹینس فلمیں بن رہی ہیں۔

مزید پڑھیں: بالی ووڈ میں مختصر ملبوسات پسند کیے جاتے ہیں،نرگس فخری

یاد رہے گزشتہ دنوں اداکارہ نے اپنے بیان میں کہا تھا کہ’بد قسمتی سے یہ ایک ایسی انڈسٹری ہے جہاں لوگوں کے جسم کو پسند کیا جاتا ہے،سب ہی مجھ جیسی لڑکی کو ڈانس کرتے دیکھنا چاہتے ہیں

ممبئی: بالی ووڈ خوبرو اداکارہ نرگس فخری کا کہنا ہے بدقسمتی سے بالی ووڈ میں مختصر ملبوسات میں اداکاراؤں کو پسند کیا جاتا ہے۔

تفصیلات کے مطابق بالی ووڈ اداکارہ نرگس فخری کا شمار شوبز کی خوبصورت اداکاراؤں میں کیا جاتا ہےجنہوں نے بہت کم عرصے میں بالی ووڈ میں بہت مختصر عرصے میں اپنی جگہ بنالی۔

بالی ووڈ اداکارہ نے حال ہی میں ایک انٹرویو کےدوران اپنی فلم ’ہاؤس فل 3‘ کی پرفارمنس کے حوالے سے کہنا تھا کہ ’مجھے اچھا لگا کہ لوگوں نے مجھے پسند کیا۔

نرگس فخری کا کہنا تھا کہ میں کافی شرمیلی ہوں اور مجھے ایسے کپڑے پہننا پسند نہیں جن میں بہت زیادہ نمایاں لگوں لیکن بولی وڈ میں اداکاراؤں کو مختصر ملبوسات میں پسند کیا جاتا ہے‘۔

ایک سوال پر اداکارہ کا ہنستے ہوئے کہنا تھا ’بد قسمتی سے یہ ایک ایسی انڈسٹری ہے جہاں لوگوں کے جسم کو پسند کیا جاتا ہے، سب ہی مجھ جیسی لڑکی کو ڈانس کرتے دیکھنا چاہتے ہیں‘۔

نرگس نے مزید کہا کہ ’مجھے زبان کی وجہ سے مشکلات کا سامنا کرنا پڑا،مجھے ہندی سمجھ آتی ہے لیکن میں اب بھی اسے ٹھیک سے بول نہیں پاتی، اس وجہ سے مجھے لگتا ہےکہ لوگ مجھے پسند نہیں کررہے۔

انہوں نے بتایا کہ ’مجھے کئی بار تنقید کا بھی سامنا کرنا پڑا، کسی اور جگہ سے بالی ووڈ آنا مشکل ہے کیوں کہ یہاں مختلف انداز میں کام ہوتا ہے‘۔

واضح رہے کہ کچھ عرصہ قبل نرگس فخری کا اداکار ادے چوپڑا سے بریک اَپ قرار دیا گیا تھا جس کے وہ امریکہ روانہ ہوگئی تھیں۔