Tag: بالی ووڈ

ممبئی : بالی ووڈ حسینہ عالیہ بھٹ اپنی منفر اداکاری کی وجہ سے اندسٹری میں جانی جاتی ہیں،اداکارہ کا کہنا ہے اب وہ کامیڈی اور مزاح سے بھرپور فلموں میں کام کرنا چاہتی ہیں.

تفصیلات کے مطابق بالی وڈ کی خوبرو اداکارہ عالیہ بھٹ نے فلم اندسٹری میں اپنی منفرد اداکاری سے ناصرف فلم نگری کے بڑے اسٹارز کو متاثر کیا بلکہ اپنی بہترین اداکاری کی وجہ سے ان کا شمار بالی ووڈ کی مقبول ادکارؤں میں ہونے لگا ہے.

عالیہ بھٹ نے فلم نگری میں اپنے کیریئر کا آغاز فلم’اسٹوڈنٹ آف دی ایئر‘سے کیا اور ’اڑتا پنجاب‘ اور ’ہائی وے‘ جیسی فلموں میں چیلنجنگ کردار نبھائے،جسے مداحوں کی جانب سے سراہا گیا،اور یہی وجہ ہے کہ اداکارہ کا مخصوص انداز اور مخصوص ادائیں شائقین کے دلوں میں اتر گئیں.

بالی ووڈ حسینہ عالیہ کا کہنا ہے کہ ’میں ایک بات واضح کردینا چاہتی ہوں کہ میں ان اداکاروں میں شمار نہیں ہونا چاہتی جو ایک ہی انداز کی فلمیں کرتے ہوں، ظاہر ہے میں سچائی پر مبنی فلمیں کرنا چاہتی ہوں،لیکن مجھے ایسی فلمیں بھی کرنی ہیں جو ان سے بالکل منفرد ہوں،مجھے انٹرٹینمنٹ فلموں میں بھی کام کرنا ہے‘.

اداکارہ کا مزید کہنا تھا کہ ’میں کامیڈی فلموں میں بھی کام کرنا چاہتی ہوں،لوگوں کولگا تھا کہ میری فلم ’شاندار‘ کامیڈی ہے لیکن مجھے ایسا بالکل نہیں لگا‘.

*بالی ووڈ اداکارہ عالیہ بھٹ پاکستانی فلموں میں کام کرنے کی خواہشمند

یاد رہے کہ گزشتہ دنوں بالی ووڈ اداکارہ عالیہ بھٹ نے پاکستانی فلموں میں کام کرنے کی خواہش کا اظہار کیا تھا.

واضح رہے کہ اداکارہ ان دنوں کرن جوہر کی فلم ’بدریناتھ کی دلہنیا‘ کی شوٹنگ میں مصروف ہیں جس میں ان کے ہمراہ ورن دھون اہم کردار نبھارہے ہیں.

ممبئی : بالی ووڈ حسینہ اور معروف اداکار انیل کپور کی بیٹی سونم کپور کا کہنا ہے کہ انہوں نے کیرئیر میں کامیابی حاصل کرنے کے اپنے والد کا سہار انہیں لیا،بلکہ ان کے والد نے ان کو اٹھارہ سال کی عمر میں علیحدہ کردیا تھا.

بالی ووڈ پرکشش اداکارہ سونم کپور کے مطابق ان کے والد نامور اداکار انیل کپور نے انہیں پروفیشنل زندگی میں خود سے فیصلے کرنے کے لیے اٹھارہ سال کی عمر میں علیحدہ کردیا تھا.

پڑھیں :       فواد کو اپنے گھر کا حصہ سمجھتی ہوں، سونم کپور

سونم کپو ر کے مطابق ان کے والد نے ان سے کہا کہ میں تمہارے لیے کبھی کوئی فیصلہ نہیں کرنا چاہوں گا،میں یہ بتا سکتا ہوں کہ کیا غلط اور کیا صحیح ہے لیکن آخر میں اپنا فیصلہ تمہیں خود کرنا ہوگا‘.

پڑھیں :         سونم کپور بالی ووڈ پر راج کرنے کی خواہاں

یاد رہے کہ سونم کپور نے بالی ووڈ اندسٹری میں اپنے کیرئیر کا آغاز 22 سال کی عمر میں سنجے لیلا بھنسالی کی فلم ’سانوریا‘ کے ساتھ کیا تھا،اس فلم میں سونم کپور کے ہمراہ رنبیر کپور مرکزی کاسٹ میں شامل تھے،فلم ’سانوریا‘ باکس آفس پر توبری طرح فلاپ ہوئی لیکن اس ناکامی سےاداکارہ کے کیرئیر پر کوئی فرق نہیں پڑا، سونم کپور کی آخری ریلیز فلم ’نیرجا‘ نے ہندوستانی باکس آفس پر بڑی کامیابی حاصل کی تھی،اس فلم میں سونم کی اداکاری کو بھی کافی سراہا گیا تھا.

واضح رہے سونم کپور 9 جون 1985 کو بھارت کے شہر مہاراشٹر میں پیدا ہوئی، انہوں نے اپنی فلمی کیریئر کا آغاز فلم ساوریا سے کیا، سونم کپور اب تک کئی فلموں میں کام کر چکی ہیں وہ پاکستانی اداکار فواد خان کے ساتھ خوبصورت فلم میں اپنے فن کا مظاہرہ کیا تھا۔

ممبئی: بالی ووڈ معروف اداکارہ دپیکا پڈوکون کا کہنا ہے کہ نہ تو میری منگنی ہوئی ہے اور نہ ہی میری شادی ہوئی ہے،میرا اس وقت شادی کرنے کا کوئی ارادہ نہیں ہے.

تفصیلات کے مطابق بالی ووڈ اداکارہ دپیکا پڈوکون اور رنویر سنگھ کے بارے میں افواہیں گردش کررہی تھیں کہ دونوں اداکاروں کے اہلخانہ نے ایک دوسرے سے ملاقات کی ہے اور دونوں کی خاموشی کے ساتھ رنویر سنگھ کے گھر میں منگنی بھی ہوچکی ہے،تاہم دپیکا پڈوکون نے ان تمام خبروں کو بے بنیاد قرار دے دیا.

یاد رہے کہ دپیکا پڈوکون نے ہندوستانی ڈیزائنر منیش ملہوترا کے لیے ریمپ پر پاکستانی اداکار فواد خان کے ہمراہ واک کی،اس فیشن شو کے دوران دپیکا عروسی لباس پہنے نظر آئیں.

اس فیشن شو کے بعد دپیکا پڈوکون سے رنویر سنگھ سے منگنی کے متعلق سوال کیا گیا جس پر دپیکا پڈوکون کا کہنا تھا کہ ’اس بات کی وضاحت کا یہ سب سے اچھا موقع ہے،نہ تو میری منگنی ہوئی ہے،نہ ہی میری شادی ہوئی ہے اورمیرا اس وقت شادی کرنے کا کوئی ارادہ نہیں ہے‘.

فیشن شو میں پیش کیے گئے ملبوسات کے حوالے سے اداکارہ کا کہنا تھا کہ ’ہر دلہن اپنی شادی کے روز خوبصورت نظر آنا چاہتی ہے اور جب میں شادی کروں گی تو میں بھی یہی چاہوں گی‘.

یاد رہے کہ رنویر سنگھ اور دپیکا پڈوکون ایک ساتھ دوفلموں میں کام کرچکے ہیں جن میں ’گولیوں کی راس لیلا رام لیلا‘ اور ’باجی راؤ مستانی‘ شامل ہیں۔

واضح رہے کہ دونوں اداکار ایک ساتھ سنجے لیلا بھنسالی کی ایک اور فلم ’پدماوتی‘ میں کام کرتے نظر آئیں گے.

ممبئی: بالی ووڈ کے ادکار ورن دھون نے اپنی نئی آنے والی فلم ”ڈشوم“ کی پروموشن کے لیے پاکستانی گلوکار طاہر شاہ کے گیت ”مین کائنڈ اینجل“ کاروپ دھار کر دھوم مچا دی.

تفصیلات کے مطابق پاکستانی گلوکارطاہر شاہ کے گیت ”آئی ٹو آئی“ نے سوشل میڈیا پر دھوم مچادی تھی جسے بالی ووڈ کی معروف شخصیات نے بھی پسند کیا تھا جبکہ اداکاررنویر سنگھ نے ہریتھک روشن کے چیلنج پر”آئی ٹو آئی “ کا روپ دھار کرڈب میش وڈیو بھی شیئر کرائی تھی.

بالی ووڈ اداکار رنویز سنگھ کی ڈب میش وڈیو کومداحوں کی جانب سے بے حد پسند کیا گیا تھا لیکن اب طاہر شاہ کے گانے ”مین کائنڈ اینجل“ نے بھی بالی ووڈ میں دھوم مچادی.

بالی ووڈ اسٹار ورن دھون نے اپنی نئی آنے والی فلم ”ڈشوم“ کی تشہیر کے لیے مشہور کامیڈی شو”دی کپل شرما شو“ میں شرکت کی جہاں انہیں پاکستانی گلوکار طاہر شاہ کے گیت ”مین کائنڈ اینجل“ کا روپ دھارنے کاچیلنج دیا گیا.

جس پر نوجوان اداکار نے ”اینجل“ کا روپ دھار کر سب کو حیران کردیا جبکہ اداکار کے ”اینجل“ روپ کو سوشل میڈیا پے بے حد پذیرائی مل رہی ہے.

بالی ووڈ کے نامور فلمساز کرن جوہر نے سماجی رابطے کی ویب سائٹ ٹویٹر پر نوجوان اداکار کے روپ کی تعریف کی ہے.

Watch out when @Varun_dvn took up the ultimate #Dishoom challenge and became an ANGEL on the @KapilSharmaK9 show pic.twitter.com/V1JsaQnEtS

— Karan Johar (@karanjohar) July 18, 2016

ممبئی : بالی ووڈ کے پہلےسپر اسٹار ستر کی دہائی میں فلموں کے لیے کامیابی کی ضمانت سمجھے جانے والے رومانوی ہیرو راجیش کھنہ کو مداحوں سے بچھڑے چار سال بیت گئے.

تفصیلات کے مطابق راجیش کھنہ کو بالی وڈ کا پہلا سپر اسٹار کہا جاتا ہے اور انیس سو ساٹھ اور ستر کےعشرے میں انہوں نے جس فلم میں بھی کام کیا وہ باکس آفس پر ہٹ ہوئی.

ایسا نہیں کہ ان سے پہلے بڑے اسٹار نہیں تھے، دلیپ کمار، دیو آنند اور راج کپور،سب نے مقبولیت کی بلندیوں کو چھوا لیکن فلمی تجزیہ نگار کہتے ہیں کہ جس جنون کا شکار راجیش کھنہ کے چاہنے والے ہوئے،بالی وڈ میں اس کی کوئی نظیر نہیں ہے.

ان کے کیرئیر کا آغاز 1966 میں چیتن آنند کی فلم ’آخری خط‘ سے ہوا لیکن انیس سو 1969 میں ’آرادھنا‘ کی ریلیز کے بعد وہ راتوں رات اسٹار بن گئے،اس گولڈن جوبلی فلم میں انہوں نے باپ اور بیٹے کا ڈبل رول نبھایا تھا اور ان کا وہ سر کو ایک خاص انداز میں جھٹکنا،وہ منفرد چال،وہ غمگین آنکھیں اور وہ مخصوص ادائیں شائقین کے دلوں میں اتر گئیں.

اس کے بعد ہٹ فلموں کا ایک ایسا سلسلہ شروع ہوا کہ جس نےتھمنے کا نام ہی نہیں لیا،بالی وڈ میں صرف راجیش کھنہ کی گونج تھی اور پروڈیوسر انہیں سائن کرنے کے لیے کسی بھی حد تک جانے کے لیے تیار تھے.

راجیش کھنہ اور ممتاز کی جوڑی کو فلم ناظرین نے بے حد پسند کیا،فلم ’دو راستے‘،’خاموشی‘، ’آنند‘ اور ’سفر‘ جیسی فلموں سے انہوں نے ثابت کر دیا کہ وہ کردار کی گہرائی میں بھی اترسکتے ہیں.

راجیش کھنہ اور ممتاز کی جوڑی نے ’آپ کی قسم‘، ’دو راستے‘، ’دشمن، ’روٹی‘ اور ’سچا جھوٹا‘ جیسی سپر ہٹ فلمیں دیں.

انیس سو تہتر میں بالی ووڈ کی مقبول ہیروئن ڈمپل کپاڈیہ سے شادی کی لیکن انیس سو چوراسی میں ان دونوں کے درمیان علیحدگی ہوگئی.

انہوں نے پچاس سولو سپرہٹ اور 35 گولڈن جوبلی فلموں کا ریکارڈ قائم کیا جو ابھی تک برقرار ہے،انہوں نے اپنے کیرئیر میں ایک سو اسی سے زائد فلموں میں کام کیا اور تین مرتبہ بہترین اداکار کا فلم فیئر ایوارڈ حاصل کیا.

راجیش کھنہ نے پچاس سولو سپرہٹ اور 35 گولڈن جوبلی فلموں کا ریکارڈ قائم کیا جو ابھی تک برقرار ہے،انہوں نے اپنے کیرئیر میں ایک سو اسی سے زائد فلموں میں کام کیا اور تین مرتبہ بہترین اداکار کا فلم فیئر ایوارڈ حاصل کیا.

راجیش کھنہ نے سیاست کا رخ کیا اور کانگریس کی جانب سےوہ پانچ سال تک بھارتی پارلیمنٹ کے ممبر بھی رہے.

اپنے انداز اور کرداروں کو لازوال بنانے والے سپراسٹار راجیش کھنہ خود تو انہتر برس کی عمر میں اس دنیا سے گزر گئے لیکن ان کا بے مثال فن انہیں مدتوں چاہنے والوں کے دلوں میں زندہ رکھے گا.