Tag: بالی ووڈ

ممبئی : بالی ووڈ سُپر اسٹار سلمان خان کے والد سلیم خان نے اپنے بیٹے کو بوڑھا کہنے والوں کو فلم سلطان دیکھنے کی نصیحت کردی.

تفصیلات کے مطابق بالی ووڈ سُپر اسٹار سلمان خان کے والد سلیم خان نے ایک ٹی وی ڈبیٹ کا حوالہ دیتے ہوئے ٹویٹ کیا،ایک ٹی وی بحث کے دوران بار بار کہا جا رہا تھا کہ سلمان خان اتنے بوڑھے ہو گئے ہیں کہ اب انھیں دادا کا رول نبھانا چاہیے.

In a TV debate Salman was mentioned as old enough to be a grandfather over and over. I request them to watch #Sultan in a theatre.

— Salim Khan (@luvsalimkhan) July 11, 2016

بالی ووڈ دبنگ خان کے والد سلیم خان نے ان کے بیٹے پر تنقید کرنے والوں کو فلم سلطان دیکھنے کی نصیحت کردی.

انہوں نے دوسرے ٹویٹ میں لکھا، ’ایک بزرگ اداکار وہ سب کیسے کر سکتا ہے جو سلمان نے سلطان میں کیا؟ کچھ لوگوں کو دوسروں کو ٹھیس پہنچانے میں بڑا لطف آتا ہے،اگر وہ اپنی اس عادت پر قابو پا لیں تو انسان بن جائیں گے.

but to resist this temptation will make them human which is the greatest of all religions

— Salim Khan (@luvsalimkhan) July 11, 2016

And wonder how could a man old enough to be a grandfather do this. People have strong temptation to hurt people .

— Salim Khan (@luvsalimkhan) July 11, 2016

یاد رہے کہ سلمان خان کی فلم ’سلطان‘ عید پر ریلیز ہوئی تھی اور صرف چھ دنوں میں ہی196 کروڑ روپے سے زیادہ کما چکی ہے.

ممبئی: بالی ووڈ اداکار شنجے دت ایک بار پھر ’’بلو بل رام‘‘ کے روپ میں نظر آئیں گے،اداکار نے1993 میں ریلیز ہونے والی فلم’’کھل نائیک‘‘ کے سیکوئل میں کام کرنے کی پیش کش قبول کرلی.

تفصیلات کے مطابق بالی ووڈ اداکار سنجے دت کا شمار فلم نگری کے صف اول کے اداکاروں میں ہوتا ہے جنہوں نے اپنے فلمی کیرئیر میں متعدد بلاک بسٹر فلموں میں اداکاری کے جوہر دکھائے.

بالی ووڈ اسٹارایک بار پھر ’’بلو بل رام ‘‘ کا کردار نبھائیں گے،اداکار نے 1993 میں فلم ’’کھل نائیک‘‘میں یہ کردار نبھایاتھا جسے مداحوں نے بہت پسند کیا گیا تھا.

یاد رہے کہ سنجے دت نے رواں سال جیل سے رہائی کے بعد فلم نگری میں واپسی کا فیصلہ کیا تھا، اداکار کے فیصلے پر ان کے مداحوں کی جانب سے خوشی کا اظہار کیا گیا.

واضح رہے کہ بالی ووڈ اسٹار سنجے دت کو 1993 میں ممبئی حملوں اور غیر قانونی اسلحہ رکھنے کے جرم میں ساڑھے تین سال قید کی سزا دی گئی تھی.

ممبئی: بالی ووڈ کے نامور ہدایت کارسنجے لیلا بھنسالی نئی فلم کے ساتھ سامنے آنے والے ہیں جس میں کوئی اور نہیں بلکہ ان کے پسندیدہ اداکار رنویر سنگھ اور دپیکا پڈوکون جلوہ گر ہوں گے.

تفصیلات کے مطابق سنجے لیلا بھنسالی اپنی نئی فلم ’پدماوتی‘ کی شوٹنگ رواں سال ستمبر میں کریں گے اور ان کا ارادہ ہے کہ وہ فلم کو شوٹنگ چھ ماہ میں مکمل کرلیں.

بالی ووڈ فلم میں مرکزی کردار کے لیے رنویر سنگھ اور دپیکا پڈوکون کو کاسٹ کیا گیا ہے جس میں رنویر ’علاؤالدین خلجی‘ اور دپیکا ‘رانی پدماوتی‘ کا کردار نبھائیں گی.

یاد رہے کہ فلم ’پدماوتی‘ کی کہانی ایک ظالم بادشاہ علاؤ الدین خلجی اور ان کے چتور کی رانی پدماوتی سے لگاؤ کے گرد گھومتی ہے.

واضح رہے کہ رنویر سنگھ اور دپیکا پڈوکون اس سے قبل ایک ساتھ سنجے لیلا بھنسالی کے ساتھ دو فلموں میں کام کرچکے ہیں جس میں ’گولیوں کی راس لیلہ، رام لیلہ‘ اور ’باجی راؤ مستانی‘ شامل ہیں.

نئی دہلی: بالی ووڈ اداکار شاہد کپور اور عالیہ بھٹ کی فلم ’اڑتا پنجاب نے باکس آفس پر صرف پانچ روز میں بیالیس کروڑ ہندوستانی روپے سے زائد کمالیے.

تفصیلات کے مطابق بالی ووڈ فلم اڑتا پنجاب نے اپنی ریلیز کے دن دس کروڑ روپے سے زائد، ہفتے کوگیارہ کروڑ سے زائد، اتوار کو تقریباًتیرہ کروڑ، پیر کو چارکروڑ سے زائد اور منگل کو چارکروڑ ہندوستانی روپے حاصل کمائے.

یاد رہے کہ اس فلم میں موجود نازیبا ڈائیلاگس کے باعث اسے سنسر بورڈ کی جانب سے بہت مشکلات کے بعد ریلیز کی اجازت ملی اور حال ہی میں اسے پاکستان میں بھی سو مناظر حذف کرنے کے بعد ریلیز کرنے کا فیصلہ کیا گیا ہے.

واضح رہے کہ فلم ’اڑتا پنجاب‘ ہندوستانی پنجاب میں نوجوانوں کے درمیان بڑھتی ہوئی منشیات کی فروغ پر مبنی ہے جس میں شاہد اور عالیہ کے ہمراہ کرینہ کپور اور دلجیت دوسانجھ نے اہم کردار ادا کیے.