Tag: بالی ووڈ

بھارتی فلم انڈسٹری نے پرانے دور کے ایک اور کلاس گانے ’میرے محبوب‘ کو ریمیکس کرکے اس کا بیڑا غرق کردیا، شائقین برہم ہوگئے۔

وکی کوشل اور ترپتی دیمری کی نئی رومانوی کامیڈی فلم بیڈ نیوز کے ٹریلر اور گانوں کو مداحوں کے ملے جلے ردعمل کا سامنا ہے، فلم کے گانے توبہ توبہ کو فلمی مداحوں میں کافی پذیرائی ملی ہے جبکہ ایک اور گانے اپنی شہوانیت کی وجہ سے خبروں کی زینت بنا ہوا ہے۔

بیڈ نیوز میں شاہ رخ خان اور جوہی چاؤلہ کی 90 کی دہائی میں ریلیز ہونے والی فلم ڈپلیکیٹ کا مشہور گانا ’میرے محبوب میرے صنم‘ کو ریمیک کیا گیا ہے جس پر لوگوں نے سخت مایوسی کا اظہار کیا ہے۔

سوشل میڈیا صارفین کی جانبھ سے اس کلاسک میلوڈی گانے کو برباد کرنے پر بیڈ نیوز کے ریمیک ورژن کو تنقید کا نشانہ بنایا ہے۔

مذکور گانا ایک پرسکون مقام سے شروع ہوتا ہے جہاں وکی اور ترپتی کا رومانوی رقص دکھایا گیا ہے، آخر میں ترپتی وکی کو خوفناک کہانی سنا کر ڈرانے کی کوشش کرتی نظر آتی ہیں جبکہ گانے کی ساؤنڈ مکسنگ بھی صحیح نہیں کی گئی۔

View this post on Instagram

A post shared by Triptii Dimri (@tripti_dimri)

شائقین اصل گانے کے مقابلے میں اس ورژن سے بالکل بھی متاثر نظر نہیں آتے اور فلم میکرز سے پوچھ رہے ہیں کہ وہ کلاسک گانے کو کیوں خراب کرتے ہیں۔

ایک مداح نے تبصرہ کیا کہ ’ایک اور کلاسک گانے کو خراب کردیا گیا،‘ ایک شخص نے لکھا کہ ’اس گانے میں شاہ رخ کی بطور گیسٹ انٹری ایک خراج تحسین کے طور پر سب سے خوبصورت چیز ہوتی‘۔

ایک صارف نے لکھا کہ ’گانے کو اچھی طرح سے خراب کیا گیا ہے‘۔ ایک اور صارف نے سخت تنقید کرتے ہوئے کہا کہ ‘وہ نئے گانے کیوں نہیں بنا سکتے، پرانے کلاسک گانے کو خراب کرنا بند کرو‘۔

بالی ووڈ انڈسٹری میں اپنی اداکاری کی وجہ سے شہرت رکھنے والے اداکار نوازالدین صدیقی نے انڈسٹری کے تینوں ’خانز‘ کے ساتھ اپنے کام کا تجربہ شیئر کردیا۔

اداکار نوازالدین صدیقی نے حال ہی میں ایک انٹرویو میں تینوں خانز سلمان، شاہ رخ اور عامر خان کے کام کرنے سے متعلق اپنی رائے کا اظہار کیا اور ساتھ کام کرنے کا تجربہ بھی شیئر کیا۔

اداکار  نے کہا کہ میں تینوں خانز کی کامیابی سے کبھی بھی حسد میں مبتلا نہیں ہوا، دراصل میں پہلے اداکار بننا چاہتا ہوں، میری کبھی بھی سپر اسٹار بننے کی خواہش نہیں رہی۔

اس موقع پر جب پوچھا گیا کہ تینوں خانز میں سب سے بہترین کون ہے؟ تو انہوں نے صرف ایک نام لینے سے انکار کردیا اور بالی ووڈ کے تینوں سپر اسٹار کی خوبیوں پر بات شروع کردی۔

نواز الدین صدیقی نے کہا کہ سلمان خان حقیقی زندگی میں حیرت انگیز انسان ہیں وہ دیگر خانز کے مقابلے میں بہت زیادہ تفریح کرتے ہیں۔

نوازالدین صدیقی نے کہا کہ شاہ رخ خان بہت پرجوش انسان ہیں، وہ کام کو اُس وقت تک کرتے رہتے ہیں جب تک وہ مکمل نہ ہوجائے، وہ بہت محنتی انسان ہیں، عاجزی میں نے ان ہی سے سیکھی ہے۔

ان کا کہنا تھا کہ عامر خان پرفیکشنسٹ ہیں، ہمیں انہوں نے بے مثال قسم کا سنیما دیا ہے، ان کی فلم سازی وسیع اور متنوع ہے، وہ قابل ذکر انسان ہیں اور باقیوں سے بہت اوپر ہیں۔

نوازالدین صدیقی نے سلمان خان کے ساتھ بجرنگی بھائی جان اور کک میں کام کیا، شاہ رخ خان کے ساتھ انہوں نے رئیس فلم کی جبکہ عامر خان کے ساتھ فلم تلاش اور سرفروش کی تھی۔