بھارت کے معروف ہدایت کار انوراگ کشیپ نے بالی وڈ انڈسٹری کو خیر باد کہہ دیا، انہوں نے کہا کہ بالی وڈ فلمی دنیا کے لوگوں سے دور رہنا چاہتا ہوں۔
بھارتی میڈیا کے مطابق انوراگ کشیپ نے انڈسٹری کو زہریلا قرار دیتے ہوئے باضابطہ طور پر بالی وڈ چھوڑنے کی تصدیق کر دی ہے۔ وہ ممبئی چھوڑ کر ممکنہ طور پر بنگلور منتقل ہو گئے ہیں۔
گینگز آف واسع پور جیسی مشہور فلم کے ہدایت کار انوراگ کا کہنا تھا کہ وہ بالی وڈ فلمی دنیا کے لوگوں سے دور رہنا چاہتے ہیں۔ یہ انڈسٹری بہت زہریلی ہو چکی ہے۔
بھارتی میڈیا کے مطابق انوراگ کا مزید کہنا تھا کہ ہر کوئی غیر حقیقی اہداف کے پیچھے دوڑ رہا ہے، تخلیقی ماحول ختم ہو چکا ہے۔
اس سے قبل بھی ہندی سینیما کے ابھرتے ہوئے آؤٹ سائیڈر معروف اداکار کارتک آریان نے بالی ووڈ انڈسٹری سے شکوہ کیا تھا۔
بالی ووڈ انڈسٹری کے معروف اداکار کارتک آریان حال ہی میں بھارتی میگزین کو انٹرویو دیا جس میں انہوں نے ابتدائی طور پر انڈسٹری میں درپیش چیلنجوں کے بارے میں بات کی۔
اداکار کارتک آریان کے لیے رواں برس یادگار رہا ایک طرف ان کی فلم چندو چیمپئن کے لیے انکی اداکاری کو سراہا گیا تو وہیں انہوں نے سال کے اختتام پر بھول بھلیاں 3 جیسی سپر ہٹ فلم بھی دی۔
تاہم اداکار کا کہنا ہے فلموں کی کامیابی کے بعد بھی انڈسٹری سے کوئی مجھے سپورٹ نہیں کرے گا اس لیے میرا ماننا ہے کہ فلم انڈسٹری میں آگے بڑھنے اور اپنی جگہ بنانے کیلئے مجھے مزید اکیلے جنگ کرنے کی ضرورت ہے۔
اداکار کا کہنا تھا کہ اس انڈسٹری میں میں ایک تنہا جنگجو ہوں، یہ گھر جو آپ دیکھ رہے ہیں، یہ میں نے اپنی کمائی سے لیا ہے، میں نے یہاں تک پہنچنے کیلئے سخت محنت کی ہے اور یہ محنت ابھی ختم نہیں ہوئی ہے۔
کارتک آریان کا کہنا تھا کہ میں جانتا ہوں مجھے مستقبل میں بھی انڈسٹری سے کوئی مدد نہیں ملے گی، میں اس حقیقت کے ساتھ آگے آیا ہوں کہ بھول بھولیاں 3 جیسی سپر ہٹ فلم کے باوجود میرے پیچھے کوئی نہیں ہوگا اور مجھے آئندہ فلم کیلئے مزید محنت کرنی ہوگی۔
تمنا بھاٹیہ اور وجے ورما کے درمیان بریک اپ کی حیران کن وجہ سامنے آگئی
اداکار کا کہنا تھا کہ انڈسٹری میں کئی لوگ میری ناکامی کا انتظار کر رہے ہیں اور مجھے لگتا ہے یہ ہر کوئی یہ محسوس کرسکتا ہے، اس انڈسٹری میں کچھ اچھے لوگ بھی ہیں جن سے میں اب تک ملا ہوں، لیکن ایک بڑا طبقہ ایسا بھی ہے جنہیں میں کبھی مطمئن نہیں کر پاؤں گا اور مجھے ایسے افراد کو مطمئن کرنے کوئی خواہش بھی نہیں ہے۔
2023 میں ریلیز ہونے والی پٹھان بڑی فلموں میں سے ایک ہے، اس فلم میں کنگ شاہ رخ خان کی 4 سال کے بعد واپسی ہوگی۔
