Tag: بالی وڈ کنگ شاہ رخ خان

بالی وڈ کنگ شاہ رخ خان اور جنوبی بھارت کے سپراسٹار مہیش بابو میں کافی اچھی دوستی ہے اور دونوں ہی اکثر ایک دوسرے کے کام کو سراہتے نظر آتے ہیں۔

بلاک بسٹر فلم ’جوان‘ کے اداکار نے مہیش کی اسی ہفتے ریلیز ہونے والی نئی فلم ’گنتور کارام‘ کو دیکھنے کی خواہش کا اظہار کیا ہے۔ شاہ رخ خان نے سوشل میڈیا پلیٹ فارم ’ایکس‘ پر مہیش بابو کی نئی فلم کو ’ایکش سے بھرپور‘ قرار دیتے ہوئے اس کا ٹریلر بھی شیئر کیا۔

فلم کے ٹریلر کو شیئر کرتے ہوئے، شاہ رخ نے اپنی پوسٹ میں لکھا کہ میرے دوست مہیش میں فلم ’گنتور کارام‘ کا انتظار کر رہا ہوں! یقیناً یہ فلم ایکشن، جذبات اور ماس سے بھرپور ہوگی۔

شاہ رخ نے اپنی پوسٹ میں فلم کے لیے ’انتہائی آتش گیر‘ کے لفظ بھی استعمال کرتے ہوئے مہیش اور ان کی ٹیم کے کام کی تعریف کی۔

اس پوسٹ کو دیکھنے کے بعد مہیش بابو کی خوشی دیدنی تھی، انھوں نے فوراً لپک کر شاہ رخ کا شکریہ ادا کیا اور اپنی پوسٹ میں لکھا کہ آپ کے تعاون کے لیے شکریہ شاہ رخ، آپ اور آپ کے اہلخانہ کے لےی بہت سا پیار!

Thank you for all your support @iamsrk!! Love to you and all at home! ♥️🤗🤗

— Mahesh Babu (@urstrulyMahesh) January 13, 2024

واضح رہے کہ یہ پہلا موقع نہیں ہے جب شاہ رخ اور مہیش نے ایک دوسرے کی فلموں کی تعریف کی ہو۔ جب پچھلے سال بالی وڈ کنگ کی ’جوان‘ ریلیزہوئی تھی تو مہیش نے اپنے ایکس اکاؤنٹ پر فلم کے لیے تعریفی کلمات لکھے تھے۔

انھوں نے لکھا تھا کہ ’جوان، بلاک بسٹر سنیما، ایٹلی سر خود بادشاہ کے ساتھ مل کر کنگ سائز کی تفریح فراہم کی ہے۔ یہ اداکار کے کیرئیر کی بہترین فلم ہے۔ شاہ رخ خان کی چمک، کرشمہ اور اسکرین پر موجودگی بے مثال ہے۔‘

اس کے جواب میں شاہ رخ کا کہنا تھا کہ بہت شکریہ۔ ہر کوئی بہت پرجوش ہے کہ آپ نے اسے پسند کیا۔ آپ اور آپ کے خاندان کے لیے بہت سارا پیار۔

ممبئی: بالی وڈ کنگ شاہ رخ خان کی کا ایکشن سے بھرپور میگا فلم ’جوان‘ کا ٹریلر جاری کردیاگیا۔

شاہ رُخ خان کو جوان کے ٹریلر میں مختلف اوتار میں دکھایا گیا ہے، ایک سین میں اداکار کے چہرے کو مکمل طور پر پٹیوں سے ڈھکا ہوا دکھایا گیا جبکہ دوسرے سین میں شاہ رُخ نے آدھے چہرے پر ماسک لگا رکھا ہے، ایک اور ٹرین کے سین میں اداکار سرمنڈوائے نظر آئے۔

اس فلم میں کنگ خان نے دوہرا کردار ادا کیا ہے، ایک سپاہی کے طور پر ایک پٹی بند بدلہ لینے والے ولن کے طور پر نظر آرہی ہیں۔

شاہ رخ خان کی فلم ’ جوان‘ کی ٹریلر ’ میں کون ہوں، کون نہیں، پتا نہیں، میں اچھا ہوں، برا ہوں، میں پنے ہوں یا پاپ ہوں، یہ خود سے پوچھنا‘ یہ ڈائیلاگ بولتے ہوئے سنا جاسکتا ہے۔

شاہ رخ خان فلم میں کہتے ہیں کہ ’ جب میں ولن بنتا ہوں تو میرے سامنے کوئی بھی ہیرو ٹک نہیں سکتا ‘، ایک سین میں انہین ٹرین میں ڈانس کرتے ہوئے دیکھا گیا ہے۔

اس فلم کی دلچسپ بات یہ ہے کہ ساؤتھ انڈین فلم کے مشہور ہدایت کار ایٹلی کی ہدایت کاری میں بننے والی والی فلم ہے، ‘جوان’ 7 ستمبر کو بھارت سمیت مختلف ممالک متعدد زبانوں میں ریلیز کی جائے گی۔

بھارتی میڈیا کے مطابق ’جوان‘ میں بالی وڈ کے سپراسٹار سنجے دت اور دیپیکا پڈوکون بھی جلوہ گر ہوں گے۔