بالی ووڈ سپراسٹار سلمان خان نے ممبئی کے پوش ایریا باندرہ ویسٹ میں موجود اپنا برسوں پرانا اپارٹمنٹ فروخت کردیا۔
بھارتی میڈیا کے مطابق مہاراشٹرا حکومت کے انسپیکٹر جنرل رجسٹریشن (آئی جی آر) پورٹل کے ذریعے سامنے آنے والے پراپرٹی ڈاکومنٹس سے ظاہر ہوتا ہے کہ موجود اپارٹمنٹ کو 5.35 کروڑ بھارتی روپے میں فروخت کیا گیا ہے۔
سلمان خان کو قتل کی دھمکی، نجومی نے بڑی پیش گوئی کردی
سلمان خان کے اپارٹمنٹ کی فروخت کو جولائی 2025 میں رجسٹرڈ کیا گیا ہے، دستاویزات کے مطابق اداکار کا اپارٹمنٹ شیو آستھان ہائیٹس میں واقع ہے جو کہ شہر کے قیمتی علاقوں میں شمار ہوتا ہے۔
اس پراپرٹی کا پورا ایریا 122.45 اسکوائر میٹر پر مشتمل ہے جبکہ یہاں 3 پارکنگ اسپاٹس بھی موجود ہیں۔
اس اپارٹمنٹ کو 5.35 کروڑ روپے میں بیچا گیا جس میں اسٹیمپ ڈیوٹی کی مد میں 32.01 لاکھ ادا کیے گئے ہیں جبکہ 30 ہزار روپے رجسٹریشن چارجز ادا کیے گئے ہیں۔
https://urdu.arynews.tv/salman-khan-delete-ceasfire-twit-after-trolling/