Tag: بانی پی ٹی آئی ضمانت

اسلام آباد : بانی پی ٹی آئی نے توشہ خانہ اور 190 ملین پاؤنڈ کیس میں ضمانت کیلئے اسلام آباد ہائی کورٹ سے رجوع کرلیا۔

تفصیلات کے مطابق توشہ خانہ اور 190 ملین پاؤنڈ کیس میں بانی پی ٹی آئی نے ضمانت کی الگ الگ درخواستیں دائرکردیں۔

جس میں احتساب عدالت کا فیصلہ کلعدم قرار دینے کی استدعا کی ہے اور کہا گیا ہے کہ کیس کے حتمی فیصلے تک ضمانت منظور کی جائے۔

درخواست میں استدعا کی گئی کہ احتساب عدالت نے دونوں کیسوں میں بانی پی ٹی آئی کی ضمانت بعد از گرفتاری مسترد کر دی تھی چیئرمین نیب ، ڈی جی نیب، تفتیشی افسر درخواست میں فریق ہیں۔

دائر درخواستوں میں کہنا ہے کہ کیسز کا ٹرائل مکمل ہونے تک ضمانت منظور کی جائے ، میرے اوپر بنائے گئے مقدمات سیاسی انتقام اور بدنیتی پر مبنی ہیں، سابق چیئرمین نیب آفتاب سلطان نے دباؤ کے باوجود سیاسی نوعیت کے کیسز بنانے سے انکار کیا تھا۔