Tag: بانی پی ٹی آئی کی تصویر

اسلام آباد : سپریم کورٹ میں سماعت کے دوران بانی پی ٹی آئی کی تصویر لیک ہونے کے بعد بڑی پابندی عائد کردی گئی۔

تفصیلات کے مطابق بانی پی ٹی آئی کی تصویر لیک ہونے کے بعد سپریم کورٹ کے کمرہ عدالت میں موبائل لے جانے پر سختی کردی گئی۔

عدالتی عملے نے لاء کلرکس کو موبائل لے جانے سے روک دیا اور کمرہ عدالت میں بھی عملے کی جانب سے چیکنگ کا عمل جاری ہے۔

وکلاءکو بھی کمرہ عدالت کے باہر موبائل جمع کرانےکی ہدایت کی گئی ہے جبکہ صحافیوں پر موبائل اندر لے جانے پر پہلے سے ہی پابندی عائد ہے۔

گذشتہ روز نیب ترامیم کیس میں ویڈیو لنک کے زریعے پیش ہونے والے بانی پی ٹی آئی کی تصویر سوشل میڈیا پر وائرل ہوئی تھی۔

جس کے بعد سپریم کورٹ پولیس نے تحریک انصاف کے بانی کی تصویر سوشل میڈیا پر وائرل ہونے کی تحقیقات شروع کیں۔

ذرائع کا کہنا تھا کہ تحریک انصاف کے بانی کی تصویرکمرہ عدالت کےبائیں جانب بیٹھےافرادمیں سےکسی نےبنائی، کمرہ عدالت کی بائیں جانب موجود افراد سے پوچھ گچھ شروع کر دی گئی۔

پولیس ذرائع کے مطابق کمرہ عدالت میں جانیوالے افراد کی تلاشی میں بھی اضافہ کردیا گیا ہے۔

اسلام آباد : تحریک انصاف کے رہنما شوکت بسرا کا کمرہ عدالت میں بانی پی ٹی آئی کی تصویر بنانے کے حوالے سے اہم بیان آگیا۔

تفصیلات کے مطابق پاکستان تحریک انصاف کے رہنما شوکت بسرا نے سپریم کورٹ میں میڈیا سے گفتگو کرتے ہوئے واضح کیا کہ بانی پی ٹی آئی کی تصویر میں نے نہیں بنائی ،سوشل میڈیا پر میرے خلاف پروپیگنڈاکیا جا رہا ہے، میں نے تصویر بنائی ہوتی تو میں اسے تسلیم کرتا۔

رہنما پی ٹی آئی کا کہنا تھا کہ سیاسی ورکرکے ساتھ ساتھ وکیل بھی ہوں،میں نے کچھ کیا ہوتا تو انکار نہ کرتا، بانی پی ٹی آئی کی تصویر سے ویسے ہی سب ڈرتے ہیں۔

انھوں نے مزید کہا کہ میں چیف جسٹس سے کھڑے ہو کر سوال کروں گا، پاکستان کےسب سے بڑےسیاسی لیڈر کو کیوں براہ راست نہیں دکھایاجارہا، ہمارے وکیل نے بھی بتایابانی پی ٹی آئی کی ویڈیو لنک کی براہ راست نشریات نہیں ہو رہیں۔

خیال رہے نیب ترامیم کیس میں ویڈیو لنک کے زریعے پیش ہونے والے بانی پی ٹی آئی کی تصویر سوشل میڈیا پر وائرل ہوئی تھی، جس کے بعد سپریم کورٹ پولیس نے معاملے کی تحقیقات شروع کی۔

ذرائع کا کہنا تھا کہ بانی پی ٹی آئی کی تصویرکمرہ عدالت کےبائیں جانب بیٹھےافرادمیں سےکسی نے بنائی، کمرہ عدالت کی بائیں جانب موجود افراد سے پوچھ گچھ شروع کی گئی جبکہ کمرہ عدالت میں جانیوالے افراد کی تلاشی میں بھی اضافہ کردیا گیا ہے۔