لاہور : اڈیالہ جیل میں بانی پی ٹی آئی عمران خان سے چیئرمین بیرسٹر گوہر اور بیرسٹر سیف نے ملاقات کی ذرائع کا کہنا ہے کہ اس موقع پر بانی پی ٹی آئی نے ایک خصوصی ویڈیو پیغام ریکارڈ کرایا۔
اے آر وائی نیوز کی رپورٹ کے مطابق آج دوپہر بانی پی ٹی آئی سے اڈیالہ جیل میں بیرسٹر گوہر اور بیرسٹر سیف نے خصوصی ملاقات کی۔
ذرائع کے مطابق ملاقات کے دوران بیرسٹر گوہر کے پاس موبائل فون بھی موجود تھا، بانی پی ٹی آئی نے بیرسٹر گوہر کے موبائل فون پر اپنا ویڈیو پیغام ریکارڈ کرایا۔ جیل ذرائع کا کہنا ہے کہ مذکورہ ویڈیو پیغام صرف امین علی گنڈا پور اور بشریٰ بی بی کیلیے ہے کارکنان کیلئے نہیں۔
اس حوالے سے جیل ذرائع کا کہنا ہے ڈیڑھ گھنٹہ جاری رہنے والی اس ملاقات میں بیرسٹر گوہر اور بیرسٹر سیف نے عمران خان سے حکومت سے مذاکرات کی اجازت لی۔
ذرائع کا مزید کہنا ہے کہ بیرسٹر گوہر مذاکرات کے لیے کمیٹی تشکیل دیں گے، حکومت نے ڈی چوک کے بجائے کسی اور جگہ دھرنے کی پیشکش کی ہے، دوسری جگہ کے انتخاب پر سہولیات دینے کا بھی وعدہ کیا گیا ہے۔
بعد ازاں اڈیالہ جیل سے واپسی پر گفتگو میں بیرسٹر گوہر نے کہا کہ احتجاج کی کال بانی کی ہے اور وہ فائنل ہے۔
علاوہ ازیں پی ٹی آئی کے مرکزی رہنما شیخ وقاص اکرم نے ویڈیو پیغام ریکارڈ کرائے جائے سے متعلق خبر پر بتایا کہ عمران خان نے کسی کیلیے کوئی ویڈیو پیغام ریکارڈ نہیں کرایا۔
ترجمان پاکستان تحریک انصاف (پی ٹی آئی) نے کہا ہے کہ بانی پی ٹی آئی کے دیئے گئے اہداف کامیابی سے حاصل کریں گے۔
تفصیلات کے مطابق ترجمان پاکستان تحریک انصاف کے ترجمان نے جاری کردہ بیان میں کہا ہے کہ بشریٰ بی بی پشاور سے نکلنے والے پی ٹی آئی سب سے بڑے قافلے کا حصہ ہیں، قافلہ علی امین گنڈاپور کی قیادت میں پشاور سے روانہ ہو چکا ہے۔
ترجمان پی ٹی آئی کا کہنا ہے کہ بانی پی ٹی آئی کے دیئے گئے اہداف کامیابی سے حاصل کریں گے، بشریٰ بی بی ورکرز کے شانہ بشانہ مطالبات کے حق میں اسلام آباد جا رہی ہیں۔
پارٹی ترجمان نے بتایا کہ بشریٰ بی بی کا کہنا ہے کہ ورکرز کو اس وقت اکیلا نہیں چھوڑا جا سکتا، ہم ورکر سے فیملی کی شمولیت کی توقع رکھتے ہیں تو بانی کی فیملی پہلے سے مارچ کا حصہ ہوگی۔
پی ٹی آئی ترجمان کا کہنا ہے کہ اڈیالہ میں ناحق قید بانی پی ٹی آئی کی کال پر قوم آج متحرک ہے، حکومت ملک بھر میں کرفیو لگا کر خود رکاوٹوں، کنٹینرز کے پیچھے چھپ گئی ہے۔
ترجمان نے کہا کہ پنجاب، وفاق حکومت عوام کے خوف سے چھپ کر بیٹھی ہے، عوامی مینڈیٹ پر کھلے ڈاکے سے وجود پذیر نظام سر سے لیکر پیر تک لرز رہا ہے، کچھ بوریا بستر سروں پر اٹھائے فرار کی راہیں کھوج رہے ہیں۔
ترجمان پی ٹی آئی کے مطابق آبادیوں کو محصور، انٹرنیٹ بند کر کے خود کو محفوظ بنانے کیلئے ہاتھ پاؤں مار رہے ہیں، یہ لوگ ریاستی مشینری اور عوام میں پرتشدد تصادم کی امیدیں لگائے بیٹھے ہیں، عوام کے جان و مال کا تحفظ ریاستی مشینری کی ذمہ داری ہے۔
ترجمان نے مزید کہا کہ بانی پی ٹی آئی کی کال اور ہدایات کے مطابق عوام مکمل طور پرامن ہیں، پرامن احتجاج کے شرکا کیخلاف طاقت، تشدد، اشتعال انگیز کارروائی سےگریز کریں۔
پی ٹی آئی ترجمان کا مزید کہنا تھا کہ مینڈیٹ چوروں کیخلاف قوم کی پرامن جدوجہد کو ذاتی لڑائی بنانے سےگریز کیا جائے، 24 نومبر کا یہ دن ملکی تاریخ میں حقیقی آزادی کا عنوان بن کر طلوع ہوا ہے۔
توشہ خانہ ٹو کیس میں ضمانت ملنے کے بعد بانی تحریک انصاف عمران خان کی رہائی کے لیے روبکار جاری کر دیا گیا ہے۔
اے آر وائی نیوز کے مطابق اسلام آباد ہائیکورٹ نے دو روز قبل توشہ خانہ ٹو کیس میں بانی پاکستان تحریک انصاف عمران خان کی ضمانت منظور کرتے ہوئے رہائی کا حکم دیا تھا اور آج اس کے لیے روبکار جاری کر دیا گیا ہے۔
عمران خان کی ضمانت پر رہائی کے لیے 10، 10 لاکھ روپے کے دو مچلکے طارق نون اور راجا غلام سجاد نے دیے جس کے بعد اسپیشل جج سینٹرل شاہ رخ ارجمند نے بانی پی ٹی آئی کی رہائی کا روبکار جاری کیا۔
واضح رہے کہ دو روز قبل اسلام آباد ہائیکورٹ نے توشہ خانہ ٹو کیس میں بانی پی ٹی آئی عمران خان کی ضمانت منظور کرتے ہوئے انہیں رہا کرنے کا حکم دیا تھا۔
عدالت نے بانی پی ٹی آئی کو 10،10 لاکھ روپے کے 2 مچلکے جمع کرانے کا حکم دیتے ہوئے ضمانت کے بعد ٹرائل کورٹ میں پیش ہونے کا حکم دیا تھا اور کہا تھا کہ ٹرائل میں عدالت سے تعاون نہ کیا تو ضمانت کا آرڈر واپس ہو سکتا ہے۔
بعد ازاں اسی شام عمران خان کی تھانہ نیو ٹاؤن میں انسداد دہشتگردی ایکٹ کے تحت درج ایک اور مقدمے میں گرفتاری ڈال دی گئی تھی اور گزشتہ روز انسداد دہشتگردی کی خصوصی عدالت نے عمران خان کا پانچ روزہ جسمانی ریمانڈ منظور کر لیا تھا۔
خیال رہے بانی پی ٹی آئی اوربشریٰ بی بی کیخلاف توشہ خانہ ریفرنس ٹو سعودی ولی عہد کی جانب سے دیے گئے بلغاری جیولری سیٹ پر دائر کیا گیا تھا۔
ریفرنس میں کہا گیا تھا کہ بشریٰ بی بی کوبلغاری جیولری سیٹ 7 سے 10 مئی 2021 کے دورہ سعودی عرب پردیاگیا، جیولری سیٹ میں ایک انگوٹھی ، بریسلٹ ، نیکلس ، ایک جوڑی بالیاں شامل ہیں۔
ریفرنس میں بتایا گیا تھا کہ شواہدکےمطابق بانی پی ٹی آئی اور اہلیہ نے غیر قانونی طور پر بلغاری جیولری سیٹ اپنے پاس رکھا، ڈپٹی ایم ایس نے 18 مئی 2021 کوایس او توشہ خانہ کو قیمت کا تخمینہ لگانے کے بارے میں آگاہ کیا، سیکشن افسر توشہ خانہ کو ڈکلیئر کرنے کے بارے میں آگاہ کیا گیا لیکن سیٹ جمع نہیں کرایا گیا۔
ریفرنس میں کہنا تھا کہ بلغاری کمپنی نے فرنچائز سالوجنٹ ٹریڈنگ سعودی عرب کو ہار، بالیاں فروخت کی تھیں، 25 مئی 2018 کو ہار 3 لاکھ یورو، بالیاں 80 ہزار یورو میں فروخت کی گئی تھیں تاہم کمپنی سے بریسلٹ اورانگوٹھی کی قیمت کے بارے میں معلومات نہیں مل سکیں۔
ریفرنس کے مطابق بلغاری جیولری سیٹ کی ٹوٹل قمیت تقریباً 7 کروڑ 56 لاکھ 61 ہزار 600 پاکستانی روپے بنتی ہے، جیولری سیٹ میں شامل ہار کی قیمت 5 کروڑ 64 لاکھ 96 ہزار روپے بنتی ہے جبکہ جیولری سیٹ میں شامل بالیوں کی قیمت 1 کروڑ 50 لاکھ 65 ہزار 600 روپے بنتی ہے۔
نیب کا کہنا تھا کہ توشہ خانہ رولز کے مطابق 50 فیصد دے کرسیٹ کی قیمت 3 کروڑ 57 لاکھ 65 ہزار 800 روپے بنتی ہے، جیولری سیٹ کی کم قیمت لگوا کر قومی خزانے کو 3 کروڑ 28 لاکھ 51 ہزار 300 روپے کا نقصان پہنچایا گیا۔
ریفرنس میں مزید کہا گیا تھا کہ بانی پی ٹی آئی نے اہلیہ سے ملکرنیب آرڈیننس 1999 کی سیکشن 9، سب سیکشن 3 ،4،6 اور 12 کی خلاف ورزی کی ، یکم اگست 2022 کو بورڈ میٹنگ کے بعد چیئرمین نیب کی ہدایت پرانکوائری شروع ہوئی، بانی پی ٹی آئی اوربشریٰ بی بی نے اپنے اختیارات کا نا جائز استعمال کیا، بانی پی ٹی آئی نے وزارت عظمیٰ کے دور میں 108 تحائف میں سے 58 اپنے پاس رکھے۔
علیمہ خان نے کہا ہے کہ بانی پی ٹی آئی عمران خان نے بتایا ہے کہ انہیں 24 نومبر کا احتجاج 10 دن ملتوی کرنے کا پیغام بھجوایا گیا ہے۔
اے آر وائی نیوز کے مطابق بانی پی ٹی آئی عمران خان کی ہمشیرہ علیمہ خان نے راولپنڈی میں میڈیا سے گفتگو کرتے ہوئے کہا ہے کہ ان کے بھائی نے بتایا ہے کہ انہیں 24 نومبر کا احتجاج 10 دن ملتوی کرنے کا پیغام بھجوایا گیا ہے تو انہوں نے کہا کہ کہ ٹھیک ہے سب سے پہلے ناحق قیدیوں کو رہا کیا جائے، لیکن وہ رہا کیا کرتے ایک اور مقدمے میں گرفتاری ڈال دی گئی۔
علیمہ خان نے کہا کہ عمران خان کا پیغام ہے کہ 24 نومبر کی میری کال فائنل ہے اور یہ تاریخ آپ سب کیلیے بہت اہم ہے۔ انہوں نے کہا ہے کہ اسلام آباد میں تب تک بیٹھنا ہے، جب تک تمام قیدی رہا نہ کر دیے جائیں۔ انہوں نے تمام اوورسیز پاکستانیوں کو بھی گھروں سے نکل کر احتجاج کرنے کی ہدایت کی ہے۔ ہماری خواہش ہے کہ 24 نومبر کے احتجاج میں بانی پی ٹی آئی بھی شامل ہو سکیں۔
ان کا کہنا تھا کہ ہم گزشتہ ڈھائی سال سے سن رہے ہیں کہ عمران خان ڈیل کر رہے ہیں۔ وہ تو ڈیڑھ سال سے جیل میں بیٹھ کر مقدمات کا سامنا کر رہے ہیں اور جھوٹے کیسز آہستہ آہستہ دم توڑ رہے ہیں۔
علیمہ خان نے کہا کہ کل توشہ خانہ ٹو میں میرٹ پر ضمانت ہوئی تو کہا گیا کہ عمران خان رہا ہو جائیں گے، لیکن ہمیں ان کی بات پر یقین نہ تھا اور ہمارا یہ خدشہ درست ثابت ہوا جب سارے کیسز ختم ہو گئے تو کل رات ایک مزاحیہ کیس میں ان کی گرفتاری ڈال دی گئی اور جج نے آج اس نئے مقدمے میں بانی کا پانچ دن کا ریمانڈ دے دیا ہے۔
اسلام آباد : اسلام آباد ہائی کورٹ نے توشہ خانہ ٹو کیس میں بانی پی ٹی آئی کی ضمانت منظور کرتے ہوئے رہا کرنے کا حکم دے دیا۔
تفصیلات کے مطابق اسلام آباد ہائیکورٹ میں توشہ خانہ ٹوکیس میں بانی پی ٹی آئی کی درخواست ضمانت کی سماعت وقفہ کے بعد دوبارہ شروع ہوئی۔
دوران سماعت پراسیکیوٹر نے کہا ملزمان نے فرد جرم عائد کرنے کی کارروائی کے لیے تاخیری حربے استعمال کیے،ہم ٹرائل کورٹ کے حوالے سے بھی ملزمان کا کنڈیکٹ ریکارڈ پر لانا چاہتے ہیں، عدالت جوبھی فیصلہ کرےلیکن میڈیاپرپہلےسے ہے کہ ضمانت منظور ہوجائے گی۔
جسٹس گل حسن اورنگزیب نے کہا میڈیا کو چھوڑ دیں ان سے خود کو مستثنیٰ کرلیں، میڈیا میں کہا جاتا ہے جان کر بیمار ہوگیا، جان کر نہیں آیا۔
ایف آئی اے پراسیکیوٹر نے عدالت کو بتایا بلغاری سیٹ توشہ خانہ میں جمع ہی نہیں کرایا گیا، ریاست کے تحفے کی کم قیمت لگاکرریاست کونقصان پہنچایاگیا، بانی پی ٹی آئی اور ان کی اہلیہ دونوں نے فائدہ اٹھایا۔
جسٹس گل حسن نے سوال کیا عمران خان کو کیسے فائدہ ہوا؟ تو ایف آئی اے پراسیکیوٹر نے کہا جب بیوی کو فائدہ ملا تو شوہرکا بھی فائدہ ہوا۔
جس پر جسٹس گل حسن اورنگزیب نے کہا او پلیز،میری بیوی کی چیزیں میری نہیں ہیں،ہم پتہ نہیں کس دنیامیں ہیں، گزشتہ حکومت توشہ خانہ کی تفصیلات نہیں بتاتی تھی، ہم پوچھتے تھےتوتوشہ خانہ کی تفصیلات چھپائی جاتی تھیں۔
اسلام آباد ہائی کورٹ نے توشہ خانہ ٹو کیس میں عمران خان کی ضمانت منظور کرلی اور رہا کرنے کا حکم دے دیا۔
عدالت نے بانی پی ٹی آئی کو 10،10 لاکھ روپے کے 2 مچلکے جمع کرانے کا حکم دیتے ہوئے ضمانت کے بعد ٹرائل کورٹ میں پیش ہونے کا حکم دیا اور کہا ٹرائل میں عدالت سے تعاون نہ کیا تو ضمانت کا آرڈر واپس ہو سکتا ہے۔
توشہ خانہ ریفرنس ٹو کیا ہے؟
خیال رہے بانی پی ٹی آئی اوربشریٰ بی بی کیخلاف توشہ خانہ ریفرنس ٹو سعودی ولی عہد کی جانب سے دیے گئے بلغاری جیولری سیٹ پر دائر کیا گیا تھا۔
ریفرنس میں کہا گیا تھا کہ بشریٰ بی بی کوبلغاری جیولری سیٹ 7 سے 10 مئی 2021 کے دورہ سعودی عرب پردیاگیا، جیولری سیٹ میں ایک انگوٹھی ، بریسلٹ ، نیکلس ، ایک جوڑی بالیاں شامل ہیں۔
ریفرنس میں بتایا گیا تھا کہ شواہدکےمطابق بانی پی ٹی آئی اور اہلیہ نے غیر قانونی طور پر بلغاری جیولری سیٹ اپنے پاس رکھا، ڈپٹی ایم ایس نے 18 مئی 2021 کوایس او توشہ خانہ کو قیمت کا تخمینہ لگانے کے بارے میں آگاہ کیا، سیکشن افسر توشہ خانہ کو ڈکلیئر کرنے کے بارے میں آگاہ کیا گیا لیکن سیٹ جمع نہیں کرایا گیا۔
ریفرنس میں کہنا تھا کہ بلغاری کمپنی نے فرنچائز سالوجنٹ ٹریڈنگ سعودی عرب کو ہار، بالیاں فروخت کی تھیں، 25 مئی 2018 کو ہار 3 لاکھ یورو، بالیاں 80 ہزار یورو میں فروخت کی گئی تھیں تاہم کمپنی سے بریسلٹ اورانگوٹھی کی قیمت کے بارے میں معلومات نہیں مل سکیں۔
ریفرنس کے مطابق بلغاری جیولری سیٹ کی ٹوٹل قمیت تقریباً 7 کروڑ 56 لاکھ 61 ہزار 600 پاکستانی روپے بنتی ہے، جیولری سیٹ میں شامل ہار کی قیمت 5 کروڑ 64 لاکھ 96 ہزار روپے بنتی ہے جبکہ جیولری سیٹ میں شامل بالیوں کی قیمت 1 کروڑ 50 لاکھ 65 ہزار 600 روپے بنتی ہے۔
نیب کا کہنا تھا کہ توشہ خانہ رولز کے مطابق 50 فیصد دے کرسیٹ کی قیمت 3 کروڑ 57 لاکھ 65 ہزار 800 روپے بنتی ہے، جیولری سیٹ کی کم قیمت لگوا کر قومی خزانے کو 3 کروڑ 28 لاکھ 51 ہزار 300 روپے کا نقصان پہنچایا گیا۔
ریفرنس میں مزید کہا گیا تھا کہ بانی پی ٹی آئی نے اہلیہ سے ملکرنیب آرڈیننس 1999 کی سیکشن 9، سب سیکشن 3 ،4،6 اور 12 کی خلاف ورزی کی ، یکم اگست 2022 کو بورڈ میٹنگ کے بعد چیئرمین نیب کی ہدایت پرانکوائری شروع ہوئی، بانی پی ٹی آئی اوربشریٰ بی بی نے اپنے اختیارات کا نا جائز استعمال کیا، بانی پی ٹی آئی نے وزارت عظمیٰ کے دور میں 108 تحائف میں سے 58 اپنے پاس رکھے۔
پی ٹی آئی رہنما علی محمد خان نے کہا ہے کہ بانی پی ٹی آئی نے مذاکرات سے انکار نہیں کیا وہ چاہتے ہیں بامعنی مذاکرات ہوں۔
اے آر وائی کے پروگرام اعتراض ہے میں گفتگو کرتے ہوئے پاکستان تحریک انصاف کے مرکزی رہنما نے کہا ہے کہ بانی پی ٹی آئی سے ملاقات میں مذکرات سے متعلق پوچھا انھوں نے انکار نہیں کیا، بانی نے کہا کسی کو بات کرنی ہے تو مجھ سے براہ راست بات کریں
علی محمد خان نے کہا کہ جس سے بھی بات ہو بامعنی ہونی چاہیے اور اس کا نتیجہ نکلنا چاہیے، بانی پی ٹی آئی باہر آکر ایک بیان دیں گے تو معاملات بہتر ہونا شروع ہوجائیں گے۔
انھوں نے کہا کہ 24نومبر کو پی ٹی آئی جلسہ نہیں بلکہ پرامن دھرنا دے گی، 24نومبر کو جلسہ نہیں ہوگا، وہاں پرامن طور پر بیٹھے رہیں گے، اسلام آباد میں پہنچ کر کتنے دنوں تک بیٹھیں گے یہ وہیں پتا چلےگا۔
پی ٹی آئی رہنما نے کہا کہ پی ٹی آئی اس وقت عوام کی سب سے زیادہ مقبول جماعت ہے، ایسا نہیں ہے کہ بانی پی ٹی آئی کو پارٹی قیادت پر اعتماد نہیں۔
انھوں نے کہا کہ علیمہ خانم اپنے بھائی اور بشریٰ بی بی اپنے شوہر کےلیے جدوجہد کررہی ہیں، علیمہ خانم، بشریٰ بی بی کے کوئی سیاسی عزائم نہیں صرف بانی کی رہائی کیلئے جدوجہد کررہی ہیں، دونوں اگر سیاست کرنا چاہیں تو پارٹی میں کارکن کی حیثیت سے کرسکتی ہیں۔
علی محمد خان نے کہا کہ مسئلہ تب ہوتا ہے جب کسی کو رشتے کی بنیاد پر بڑا عہدہ ملے، یہ جب ہوگا تب دیکھا جائےگا، خواجہ آصف ریحانہ ڈار سے صحیح معنوں میں جیت کرآئیں گے تب ان کو اہمیت دیں گے۔
برطانوی وزیرخارجہ ڈیوڈ لیمی نے بانی پی ٹی آئی اور پاکستان کی صورتحال پر ممبران پارلیمنٹ کے خط کا جواب دیدیا ہے۔
اے آر وائی نیوز کے مطابق برطانوی وزیرخارجہ ڈیوڈ لیمی نے خط کا جواب دیتے ہوئے لکھا کہ پاکستان میں آزادی اظہار اور سیاسی مخالفین پر پابندیوں سے متعلق تشویش ہے، بانی پی ٹی آئی سمیت پاکستانیوں کیلئے شفاف عدالتی عمل ضروری ہے۔
انھوں نے کہا کہ باقاعدگی سے اہم معاملات پر سینئر سطح پر بات چیت کرتے ہیں، پاکستانی عدالتی معاملات داخلی ہیں لیکن عالمی قوانین کی پاسداری چاہتے ہیں، پاکستان بنیادی آزادیوں اور شفاف ٹرائل کے حق کا احترام کرے۔
خط میں سویلین کے فوجی عدالتوں میں ٹرائل کی شفافیت اور آزادانہ جانچ پر بھی تحفظات کا اظہار کیا گیا، ڈیوڈ نے کہا کہ معلومات کےمطابق حکومت کا بانی پی ٹی آئی کا فوجی عدالتون میں ٹرائل کا ارادہ نہیں۔
برطانوی وزیرخارجہ کا مزید کہنا تھا کہ آزادی اظہار رائے اور بغیر خوف کے اجتماع کا حق جمہوریت کی بنیاد ہے، متعلقہ وزیر نے پاکستانی وزیر انسانی حقوق کیساتھ سول اور سیاسی حقوق پربات کی۔
انھوں نے کہا کہ پاکستان میں آئینی ترامیم کی منظوری پارلیمنٹ کا معاملہ ہے، برطانوی وزیرخارجہ دیوڈ لیمی نے ممبران پارلیمنٹ کے خط کے جواب میں آزادعدلیہ کی اہمیت پر زوردیا۔
برطانوی وزیرخارجہ نے کہا کہ متعلقہ وزیرفالکنر دورہ پاکستان سے واپس آکر ممبران پارلیمنٹ سے ملاقات کرینگے، زلفی بخاری نے وزیرخارجہ کو خط لکھنے والے ممبر پارلیمنٹ کم جونسن اور دیگر کا شکریہ ادا کیا۔
اسلام آباد : پارٹی مخالف اقدامات پر بانی پی ٹی آئی نے سپریم کورٹ میں درخواست دائر کردی، جس میں بنیادی حقوق کی خلاف ورزی پر جوڈیشل انکوائری کی استدعا کی۔
تفصیلات کے مطابق بانی پی ٹی آئی نے پارٹی مخالف اقدامات پر سپریم کورٹ میں آئینی درخواست دائر کردی۔
درخواست میں موقف اختیار کیا گیا کہ سپریم کورٹ کے3سینئر ججز پی ٹی آئی مخالف اقدامات کی انکوائری کریں اور بنیادی حقوق کی بحالی کے احکامات جاری کئے جائیں۔
درخواست میں عمران خان کا کہنا تھا کہ دفعہ 144کے غلط استعمال کو روکنے کا حکم دیا جائے اور ایم پی او کے تحت گرفتاریوں کو روکا جائے ساتھ ہی جلسوں کے این اوسیزجاری نہ کرنے کیخلاف احکامات جاری کئے جائیں۔
عمران خان نے درخواست میں بنیادی حقوق کی خلاف ورزی پر جوڈیشل انکوائری کی بھی استدعا کی۔
درخواست میں وفاق، وزارت دفاع، وزارت داخلہ ، کابینہ ڈویژن اور چاروں صوبوں کو فریق بنایا گیا ہے۔
سابق وفاقی وزیر فواد چوہدری نے کہا ہے کہ بانی پی ٹی آئی کو پہلے عدالتوں سے امید تھی لیکن اب وہ بھی ختم ہوگئی، اب انھوں نے احتجاج کی کال دی۔
پروگرام آف دی ریکارڈ میں میزبان کاشف عباسی سے گفتگو کرتے ہوئے فواد چوہدری نے کہا کہ بانی پی ٹی آئی 26ویں آئینی ترمیم کے بعد عدالتوں سے بھی مایوس ہوچکے ہیں، بانی پی ٹی آئی کی جانب سے اب احتجاج کی کال دی گئی ہے، پی ٹی آئی کی جانب سے کسی ترمیم یا مدت میں توسیع کیخلاف کال نہیں دی گئی۔
فواد چوہدری نے کہا کہ بانی پی ٹی آئی کی جانب سے سیاسی معاملات پر احتجاجی کال دی گئی ہے، ڈو اور ڈائی کا نہیں کہا جاسکتا، پاکستان کی سیاست بہت مختلف ہے، پی ٹی آئی کے بجائے اپوزیشن الائنس احتجاج کال کرتا تو پھر دباؤ مختلف ہوتا۔
تحریک انصاف کے سابق رہنما نے کہا کہ پی ٹی آئی کو ڈو اور ڈائی احتجاج کی کال میں مولانا فضل الرحمان کو شامل کرنا چاہیے تھا، جماعت اسلامی کو ہی دیکھ لیں اچھےاحتجاج کیے مطالبات منوائے۔
فواد چوہدری نے کہا کہ پی ٹی آئی کی جانب سے اپوزیشن الائنس ہونا چاہیے تھا، گرینڈ اپوزیشن الائنس نہ بننے کا نقصان بھی پی ٹی آئی کو ہی ہورہا ہے۔
پی ٹی آئی کا احتجاج ناکام بھی ہوجاتا ہے تو پارٹی کا کوئی نقصان نہیں ہوا، حکومت اگلے ماہ پی ٹی آئی کو دوسرا ایشو دیگی وہ تو ویسے ہی اپوزیشن میں ہے، پی ٹی آئی والے تو ویسے ہی جیلیں بھگت رہے ہیں ہر روز نیا کیس بنادیا جاتا ہے۔
فواد چوہدری نے کہا کہ پی ٹی آئی والوں کو دیوار سے تو لگایا جاچکا ہے گولی مارنا ہی باقی رہ گیا ہے، پی ٹی آئی احتجاج کرتی ہے تو سیاسی عدم استحکام بڑھ جاتا ہے، پی ٹی آئی والے اس مرتبہ نہیں نکلتے تو اگلے ماہ نکل آئیں گے۔
انھوں نے کہا کہ زلمے خلیل زاد جیسےلوگ دوبارہ اہم کردار چاہتے ہیں تو ظاہر ہے پاکستان اہم ہے، ٹرمپ کی زیادہ تر پالیسی چین سے متعلق ہوتی ہے اس لیے پاکستان پرتوجہ زیادہ ہوگی۔
اسلام آباد : بانی پی ٹی آئی نے اسلام آباد میں فائنل احتجاج کی تاریخ کا اعلان کردیا، علیمہ خان نے احتجاج کی تاریخ کے حوالے سے بتایا۔
تفصیلات کے مطابق تحریک اںصاف کے بانی کی ہمشیرہ علیمہ خان نے میڈیا سے گفتگو کرتے ہوئے کہا کہ بانی پی ٹی آئی عمران خان نے اسلام آباد میں فائنل احتجاج کیلئے 24 نومبر کی کال دے دی۔
ان کا کہنا تھا کہ 9 فروری کو مینڈیٹ چوری کرکے گنے چنے لوگوں کو دے دیا گیا ، ان لوگوں کو قومی اسمبلی میں بٹھا کر وہ کیا گیا جو دل چاہتا تھا، 26 ویں ترمیم کے ذریعے عوام کے حقوق چھین لئے گئے ہیں۔
دوسری جانب وزیراعلیٰ علی امین گنڈاپور نے اپنے بیان میں کہا ہے کہ احتجاج کے لئے تیاریاں مکمل ہیں، علیمہ خان نے تاریخ کا اعلان کر دیا ہے، اس بار کوئی واپسی نہیں ہے ، جب تک مطالبات پورے نہیں ہوتے واپسی نہیں ہوگی۔
