Tag: بانی پی ٹی آئی

لاہور: انسداد دہشت گردی عدالت نے جناح ہاؤس حملہ کیس میں سپرنٹنڈنٹ اڈیالہ جیل کو بانی پی ٹی آئی کی ویڈیولنک پر حاضری کا حکم دے دیابیرسٹر سلمان صفدر نے استدعا کی تھی کہ بانی کی ایک جھلک ہی دکھادیں۔

تفصیلات کے مطابق لاہور کی انسداد دہشت گردی کی عدالت میں جناح ہاؤس حملہ سمیت 3مقدمات میں بانی پی ٹی آئی کی عبوری ضمانتوں پر سماعت ہوئی۔

بانی پی ٹی آئی کے وکیل بیرسٹر سلمان صفدر عدالت میں پیش ہوئے اور بتایا کہ بانی پی ٹی آئی کی 4مقدمات میں دوسری عدالت سے عبوری ضمانت کنفرم ہوچکی، دوسری عدالت نے ملزم کے پیش ہوئے بغیر ہی فیصلہ سنا دیا تھا۔

جس پر عدالت نے کہا کہ اس عدالت کے فیصلےکی کاپی پیش کر دیں تو بیرسٹر سلمان صفدر کا کہنا تھا کہ جب آپ کہیں میں ضمانتوں پردلائل دینےکو تیارہوں، بہت کوشش کی ملزم کی اڈیالہ جیل سےعدالت میں پیشی ہو سکے پھر سمجھوتہ کر لیا کہ بغیر ویڈیو لنک کیس سن کر فیصلہ ہوجائے۔

وکیل نے استدعا کی کہ بانی پی ٹی آئی کی ویڈیو لنک پر ایک جھلک ہی دکھادیں، تو فاضل جج نے کہا کہ بانی پی ٹی آئی کی ایک جھلک دکھا دیں گے۔

وکیل بیرسٹر سلمان صفدر کا کہنا تھا کہ ان کی منہ دکھائی سپریم کورٹ میں ہوچکی ہے، وکیل کی اس بات پر عدالت میں قہقہہ لگ گئے۔

عدالت کی وکیل کو ہدایت کی کہ آپ کل ضمانتوں پر دلائل مکمل کریں اور سپرنٹنڈنٹ اڈیالہ جیل کوبانی پی ٹی آئی کی ویڈیولنک پر حاضری کا حکم دیتے ہوئے عبوری ضمانت کی سماعت کل تک ملتوی کر دی۔

راولپنڈی: اڈیالہ جیل میں بانی پی ٹی آئی سے ملاقات کرنے والے رہنماؤں کی فہرست تیار کرلی گئی، پارٹی میں  اختلافات پر پارٹی رہنماؤں کو آج طلب کیا ہے۔

تفصیلات کے مطابق اڈیالہ جیل راولپنڈی میں بانی پی ٹی آئی سے ملاقات کرنے والے رہنماؤں کی فہرست فائنل کرلی گئی۔

پی ٹی آئی ذرائع نے بتایا کہ ملاقات کرنے والوں میں رؤف حسن، شبلی فراز اور عمر ایوب شامل ہوں گے جبکہ شہریار آفریدی ، شاندانہ گلزار اور جنید اکبر بھی ملاقات کرنے والوں میں شامل ہیں۔

پاکستان تحریک انصاف کے بانی نے پارٹی میں گروپنگ اور تقسیم پر پارٹی رہنماؤں کو اج اڈیالہ جیل طلب کیا ہوا ہے۔

گزشتہ سماعت پر پاکستان تحریک انصاف کے بانی نے پارٹی میں گروپنگ کا اعتراف کرتے ہوئے دونوں گروپوں کو اڈیالہ جیل ملاقات کیلئے بلانے کا اعلان کیا تھا۔

دوسری جانب سلام آباد ہائی کورٹ میں پاکستان تحریک انصاف کے بانی کی اڈیالہ جیل میں بغیرمداخلت ملاقات کی درخواست پر سماعت ہوئی۔3

عدالت نے سیکریٹری داخلہ، سیکریٹری دفاع، سپرنٹنڈنٹ اڈیالہ جیل اور،محکمہ داخلہ پنجاب کونوٹس جاری کردیئے اور فریقین سے آئندہ ہفتے تک جواب طلب کر لیا۔

اسلام آباد : اسلام آباد ہائی کورٹ نے ٹیریان وائٹ کیس کو بانی پی ٹی آئی کی زندگی میں مداخلت قرار دیتے ہوئے کہا ہے کہ درخواست گزاریہ ثابت کرنے میں ناکام رہا کہ ٹیریان وائٹ بانی پی ٹی آئی کی حقیقی اولاد ہے یا ان کے زیر کفالت رہی ہے۔

تفصیلات کے مطابق اسلام آباد ہائی کورٹ کے جسٹس طارق محمود جہانگیری، جسٹس ارباب محمد طاہر اور جسٹس ثمن رفعت امتیاز پر مشتمل تین رکنی لارجر بینچ نے ٹیریان وائٹ کیس کا فیصلہ دیا کہ اس کیس کا فیصلہ پہلے ہی محفوظ ہو چکا تھا اور چیف جسٹس کے بینچ سے الگ ہونے کے باوجود دو ججز کا اکثریتی فیصلہ موجود تھا اس لیے اس پر مزید سماعت کی گنجائش نہیں۔

اسلام آباد ہائی کورٹ کے سابقہ بینچ کے دو ججز جسٹس محسن اختر کیانی اور جسٹس ارباب محمد طاہر کے اکثریتی فیصلے پر انحصار کرتے ہوئے 54 صفحات پر مشتمل تفصیلی فیصلہ جاری کیا۔

درخواست ناقابل سماعت قرار دینے کی وجوہات میں لکھا درخواست گزار یہ ثابت نہیں کر سکا کہ عمران خان نے کبھی ٹیریان کی نگہداشت اور پرورش کی ذمہ داری نبھانے کا اقرار کیا ہو، کو وارنٹو کی رٹ کے قابل سماعت ہونے کے لیے ایسے غیر متنازعہ حقائق کو عدالتی ریکارڈ پر لانا ضروری تھا، جس سے مزید وضاحت، تفتیش یا تحقیقات کی ضرورت نا پڑے۔

عدالت نے کہا کہ پٹیشنرنے امریکا کی لاس اینجلس عدالت سے13 اگست1997 کویکطرفہ ڈگری ہونے والے مقدمہ کا حوالہ دیا، وہی فریق عدالت آسکتا ہے جوغیرملکی عدالت کی ڈگری کوپاکستان میں قابل عمل کروانا چاہتا ہو۔

ٹیریان وائٹ کیس کو بانی پی ٹی آئی کی زندگی میں مداخلت قرار دیتے ہوئے کہا صرف ٹیریان جیڈ خان وائٹ ہی قانونی حق وراثت یا ولدیت کیلئےغیرملکی عدالت کی ڈگری قابل عمل بنانےکا حق محفوظ رکھتی ہے، دیگر کوئی اورشخص قانونی طورپرایسا نہیں کرسکتا، درخواست گزارپاکستانی شہری اورامریکی عدالت کے فیصلے میں خود فریق نہیں ہے۔

تفصیلی فیصلے میں مزید کہا گیا ہے کہ درخواست میں بانی پی ٹی آئی پر زنا سمیت غیرقانونی وناجائز رشتوں کے الزامات لگائے گئے، پٹیشنراس بات کا عینی شاہد ہے نہ ہی وہ اس کی تصدیق کسی تسلیم شدہ عدالتی فیصلے سے ثابت کرسکا۔

عدالت کا کہناتھا کہ پٹیشنرنے بانی پی ٹی آئی کی ذاتی زندگی وکردارپرالزامات لگاکرٹیریان جیڈ خان کی زندگی پربھی سوالیہ نشان اٹھائے، اس سے عورت کی آئندہ زندگی پرگہرے اثرات مرتب ہوں گے۔ تمام الزامات قرآن وسنت کے منافی،غیرتسلیم شدہ ہیں، عدالت آئین کے آرٹیکل199 کے تحت متنازعہ امر پر کسی بھی قسم کے استقرار حق کا فیصلہ دینے کی مجاز نہیں۔

اسلام آباد : بانی پی ٹی آئی نے ملاقاتوں کی اجازت نہ دینے پر اسلام آبادہائیکورٹ سے رجوع کرلیا، جس میں استدعا کی کہ جیل میں پارٹی لیڈرشپ سے مختلف امور پر مشاورت کی اجازت دی جائے۔

تفصیلات کے مطابق پی ٹی آئی لیڈر شپ اور وکلا کو ملاقاتوں اور مشاورت کی اجازت نہ دینے کے معاملے پر بانی پی ٹی آئی نے ملاقاتوں کی اجازت نہ دینے پر اسلام آباد ہائیکورٹ میں درخواست دائر کردی۔

درخواست میں موقف اختیار کیا گیا عدالتی حکم کےباوجودسپرنٹنڈنٹ جیل وکلا،لیڈرشپ سےملاقات کی اجازت نہیں دیتی، عدالت نے پارٹی ٹکٹوں کی تقسیم کیلئے بانی پی ٹی آئی سےمشاورت کی اجازت دی تھی لیکن فریقین کی بدنیتی کی وجہ سےوہ عمل بھی مکمل نہ ہوا۔

درخواست میں کہا گیا کہ سول انتظامیہ کے کام میں مداخلت کے باعث لیڈرشپ سے مشاورت نہیں کرپاتے، نواز شریف کو جیل میں اسیری کے دوران دن میں 15افرادسےملاقات کی اجازت تھی، بانی پی ٹی آئی کواس حق سے محروم رکھا جارہا ہے۔

بانی پی ٹی آئی کوجیل میں پارٹی لیڈرشپ سےمختلف امورپرمشاورت کی اجازت دی جائے، سول انتظامیہ کے امور میں مداخلت سے روکا جائے۔

درخواست میں وزارت داخلہ، پنجاب حکومت اور جیل سپرنٹنڈنٹ و دیگر کو فریق بنایا گیا ہے۔

اسلام آباد : بانی پی ٹی آئی نے نااہلی کیخلاف زیر التوا درخواست پر جلد سماعت کیلئے سپریم کورٹ سے رجوع کرلیا۔

تفصیلات کے مطابق بانی پی ٹی آئی نے نااہلی کیخلاف زیر التوا درخواست پر جلد سماعت کیلئے درخواست دائر کردی۔

تحریک انصاف کےوکیل علی ظفر نے جلد سماعت کی درخواست سپریم کورٹ میں دائر کی ، جس میں کہا گیا کہدرخواست گزار سابق وزیراعظم اور سب سے بڑی سیاسی جماعت کا سربراہ ہے، ان کو نااہل کرنے کےبعدپارٹی سربراہ سے ہٹانے کی کارروائی جاری ہے۔

درخواست میں کہنا تھا کہ الیکشن کمیشن احکامات کے خلاف اسلام آباد اور لاہور ہائیکورٹ میں مقدمات زیر التواہیں، سپریم کورٹ میں زیر التوا کیس کی وجہ سے ہائیکورٹس میں کاروائی آگے نہیں بڑھ پا رہی۔

دائر درخواست میں کہا گیا کہ مقدمات کی وجہ سے درخواست گزار چیرمین پی ٹی ،ممبر اسمبلی منتخب نہیں ہو پا رہا اور زیر التوااپیل کی وجہ سے درخواست ضمنی انتخابات میں حصہ نہیں لے سکتا۔

درخواست میں استدعا کی گئی کہ بانی پی ٹی آئی کی نااہلی کیخلاف اپیل جلدسماعت کیلئے مقرر کی جائے۔

اسلام آباد : بانی پی ٹی آئی نے پھر سیاسی مذاکرات سے انکار کردیا اور واضح کہا کہ مینڈیٹ چور تین سیاسی جماعتوں سے کوئی بات نہیں ہوگی۔

تفصیلات کے مطابق بانی پی ٹی آئی نے حکومتی جماعتوں سے مذاکرات سے پھر انکار کردیا۔

اس حوالے سے ترجمان رؤف حسن نے بتایا کہ جیل میں ملاقات کے دوران بانی نے واضح کہہ دیا مینڈیٹ چور تین سیاسی جماعتوں سےکوئی بات نہیں ہوگی۔

رؤف حسن کا کہنا تھا کہ بانی نے کہا ہے اشاروں پر ناچنے والوں سے مذاکرات نہیں ہوں گے،مذاکرات سے پہلے ن لیگ اور پی پی اپنےسرپرستوں سےاین او سی تو لے لیں ، یہ اشاروں پرناچنے والی کٹھ پتلیاں ہیں،ان کی طنابیں کہیں اور سے ہلائی جاتی ہیں۔

عمر ایوب نے کہا کہ زرداری، شہباز، نواز شریف کوجیل میں اےسی میسرتھا، ہزاروں لوگ ملتے تھے، جیل میں کھابے چلتے تھے۔

اپوزیشن لیڈر کا کہنا تھا کہ یہ کیسے نظام میں ہم زندہ ہیں، چند ہزارروپے فراڈ کےملزم کوپندرہ سال قید سزا دے دی جاتی ہے اور اربوں کے ڈاکے مارنےوالےدندناتےپھرتےہیں، باربارحکمراں بن جاتے ہیں، یہ سب لندن پلان کا حصہ ہے۔

یاد رہے قومی اسمبلی میں اپوزیشن لیڈر عمر ایوب کا کہنا تھا کہ حکومت مذاکرات نہیں چاہتی تو پھر دما دم مست قلندر ہوگا تحریک چلائیں گے سڑکوں پر آئیں گے اس کے بعد پھر الیکشن ہی ہوں گے۔