Tag: بانی پی ٹی آئی

اسلام آباد : سپریم کورٹ نے نو مئی مقدمات میں بانی پی ٹی آئی کی ضمانت کی اپیلوں پر پنجاب حکومت کو نوٹسز جاری کردیئے ہیں اور چیف جسٹس نےضمانت کی درخواستیں خارج کرنے کے فیصلے پر سوالات اٹھا دیے۔

تفصیلات کے مطابق سپریم کورٹ میں چیف جسٹس یحییٰ آفریدی کی سربراہی میں تین رکنی بینچ نے بانی پی ٹی آئی کی نو مئی مقدمات میں آٹھ ضمانت کی اپیلوں پر سماعت کی۔

دوران سماعت اسپیشل پراسیکیوٹر پنجاب ذوالفقار نقوی اور  عمران خان  کے وکیل سلمان صفدر عدالت میں پیش ہوئے۔

چیف جسٹس نے لاہور ہائیکورٹ کے فیصلے پر سوال اٹھاتے ہوئے کہا کہ کیا ضمانت کے کیس میں حتمی آبزرویشنز دی جا سکتی ہیں؟ “فی الحال ہم اس فیصلے کی فائنڈنگز کو ٹچ نہیں کریں گے، کیونکہ اگر ابھی قانونی فائنڈنگز پر بات کی تو کسی ایک فریق کا کیس متاثر ہو سکتا ہے۔”

چیف جسٹس نے واضح کیا کہ سپریم کورٹ ایسی کوئی فائنڈنگ نہیں دے گی جس سے کسی کا مقدمہ متاثر ہو۔ دونوں فریقین کے وکلاء کو آئندہ سماعت تک قانونی سوالات پر تیاری کرنے کی ہدایت دی گئی۔

سماعت کے دوران  عمران خان کے وکیل سلمان صفدر نے دلائل دینے کی اجازت مانگی، تاہم چیف جسٹس نے اس وقت انہیں بولنے کی اجازت نہ دی۔

عدالت نے پنجاب حکومت کو نوٹسز جاری کرتے ہوئے کیس کی مزید سماعت 19 اگست تک ملتوی کردی۔

اسلام آباد : تحریک انصاف کے بانی  کی ہمشیرہ علیمہ خانم نے دعویٰ کیا ہے کہ بانی کے بیٹے پاکستانی شہری ہیں، ان کے پاس پاکستان کا آئی ڈی کارڈ ہے۔

تفصیلات کے مطابق تحریک انصاف کے بانی چیئرمین کی ہمشیرہ علیمہ خانم نے عدالت کے باہر میڈیا سے گفتگو کرتے ہوئے حکومت پر تنقید کی اور کہا کہ ” یہ بچوں سے ڈرے ہوئے ہیں۔”

ایک صحافی کی جانب سے جب احتجاج کی قیادت بانی کے بیٹوں کے حوالے سے سوال کیا گیا تو علیمہ خانم نے کہا، "ان کا باپ ہی کافی ہے، بچوں کو قیادت کی ضرورت نہیں۔”

انہوں نے واضح کیا کہ قاسم اور سلیمان پاکستانی شہری ہیں اور ان کے پاس پاکستان کا قومی شناختی کارڈ (CNIC) موجود ہے۔ اس کے باوجود اگر وہ والد سے ملنے پاکستان نہیں آ رہے تو اس کی وجہ کچھ ایسے عناصر ہیں جو نہیں چاہتے کہ وہ پاکستان آئیں۔

علیمہ خانم نے مزید کہا، "کبھی رانا ثناء اللہ کہتے ہیں کہ اگر قانون سے باہر نکلے تو گرفتار کر لیں گے، حکومت کی یہ دھمکیاں ان کے خوف کی علامت ہیں۔”

انہوں نے موجودہ صورتحال پر تبصرہ کرتے ہوئے کہا، "اب تک 80 ایف آئی آرز کاٹ چکے ہیں، لیکن ہم ہر صورتحال کے لیے تیار ہیں۔”

بانی پاکستان تحریک انصاف کے بچوں کو پاکستان آنے سے روکنے پر وزیردفاع خواجہ آصف نے اپنے ردعمل کا اظہار کیا ہے۔

قاسم اور سلمان کے پاکستان نہ آنے کی خبروں پر وزیردفاع خواجہ آصف نے کہا کہ بہت سے ڈراموں میں سے یہ بھی ایک ڈرامہ تھا، مقصد والد اور اولاد کی ملاقات نہیں سیاسی منافع تھا، بانی کی کوئی بھی تحریک بغیر سیاسی یا مالی منافع کے نہیں ہوتی۔

وزیردفاع خواجہ آصف کا مزید کہنا تھا کہ ورکرز اور ان کے بچے اقتدار کی ہوس و خواہشات کی تکمیل کیلئے استعمال ہونگے۔

پاکستان کو خالہ جی کا گھر نہ سمجھا جائے، افغانوں کو ڈی پورٹ کریں، خواجہ آصف

خبروں کے مطابق پاکستان تحریک انصاف کے بانی اور سابق وزیراعظم عمران خان نے اپنے بچوں سلیمان اور قاسم کو پاکستان آنے سے روک دیا ہے۔

اے آر وائی نیوز کو ملنے والی اطلاعات کے مطابق پاکستان تحریک انصاف کے بانی اور سابق وزیراعظم عمران خان نے اپنے بچوں قاسم اور سلیمان کو دونوں کو ہدایت کی ہے کہ وہ پاکستان نہ آئیں۔

اس سے قبل اطلاعات تھیں کہ عمران خان کے بیٹے پاکستان آ رہے ہیں اور گزشتہ چند روز کے دوران قاسم اور سلیمان نے امریکا میں کچھ اہم ملاقاتیں بھی کی تھیں۔

https://urdu.arynews.tv/imran-khan-stopped-his-children-from-coming-to-pakistan/

بانی پاکستان تحریک انصاف اپنی ہمشیرہ علیمہ خانم سے ناراض ہیں یا نہیں، وکیل بانی پی ٹی آئی فیصل چوہدری نے اس سوال کا جواب دیدیا۔

وکیل بانی پی ٹی آئی فیصل چوہدری سے صحافی نے سوال کیا کہ کیا بانی پی ٹی آئی علیمہ خانم سے ناراض ہیں؟ فیصل چوہدری نے اس سوال کا جواب دیتے ہوئے کہا کہ یہ ان کا خاندانی معاملہ ہے، علیمہ خانم کے ترجمان بتا سکتے ہیں۔

فیصل چوہدری نے کہا کہ بہتر ہے کہ علیمہ خانم اپنا ترجمان بھیجیں وہ بات کریں، میں ان کا ترجمان نہیں، میں خواتین اور خاندان کے معاملات میں بولتا نہیں ہوں۔

بانی پی ٹی آئی کے وکیل نے کہا کہ بہت سارے معاملات ایسے ہیں وہ خان صاحب جانیں، ان کے کام جانیں، میں کسی کا جواب نہیں دے سکتا۔

یہ بھی پڑھیں: بانی پی ٹی آئی نے کیا پیغام بھیجا ہے؟ علیمہ خانم نے بتا دیا

انھوں نے کہا کہ آج علیمہ خانم کا کسی نے دفاع نہیں کیا، جن کو علیمہ خانم نے لگوایا ہوا ہے وہ آکر دفاع کریں، علیمہ خانم جن کی پارٹی میں حمایت کرتی ہیں وہ ان کا دفاع کیوں نہیں کرتے۔

فیصل چوہدری نے کہا کہ جنرل سیکریٹری کوشرم نہیں آتی، اتنے سنگین الزامات ہیں تو آکر دفاع کریں، انھوں نے ہر بندے کو لگایا ہوا ہے، واٹس ایپ گروپ بھی چلاتے ہیں۔

وکیل بانی پی ٹی آئی نے کہا کہ میں اس بارے میں بات کرنا نہیں چاہتا، یہ فیملی کے معاملات ہیں، یہ میرے ساتھ بھی ہوا تھا، گارڈین اخبار میں بشریٰ بی بی کے حق میں میرا کمنٹ چھپ گیا تھا، گارڈین میں بشریٰ بی بی کے حق میں کمنٹ چھپنے پر یہ میرے گلے پڑگئے۔

فیصل چوہدری نے کہا کہ میں نے بانی پی ٹی آئی کو کہا تھا کہ میں فیملی مسائل میں نہیں پڑنا چاہتا، بانی نے کہا کسی کی باتیں نہیں سنو، میری سنو۔

https://urdu.arynews.tv/aleema-khanum-is-a-traitor-sher-afzal-marwat/

کراچی (15 جولائی 2025) سندھ کے وزیر اطلاعات شرجیل میمن نے کہا ہے کہ اگر بانی پی ٹی آئی کے بچے پاکستان میں سیاست کرنا چاہتے ہیں تو ضرور کریں۔

اے آر وائی نیوز کے مطابق سندھ کے وزیر اطلاعات شرجیل انعام میمن نے کراچی میں میڈیا سے گفتگو کرتے ہوئے بانی پی ٹی آئی عمران خان کے بچوں کی پاکستان آمد سے متعلق کہا کہ ایک باپ کو اپنے بچوں سے ملنے کا پورا اختیار ہے۔ اگر ان کے بچے پاکستان آ کر سیاست کرنا چاہتے ہیں تو ضرور کریں۔ تاہم نفرت اور جلاؤ گھیراؤ کی سیاست کرنے کی اجازت نہیں مل سکتی۔

شرجیل میمن کا یہ بھی کہنا تھا کہ کے پی حکومت کے پاس جتنا مینڈیٹ ہے، انہیں کام کرنے دینا چاہیے۔ وہاں کے وزیراعلیٰ علی امین گنڈاپور خود اور ان کی طرز حکمرانی ان کے لیے اپوزیشن ہے۔ کے پی حکومت کے پاس بیچنے کو منجن نہیں ہے۔

سندھ کے وزیر اطلاعات کا کہنا تھا کہ ہمیں اپنے صوبے سمیت پورے پاکستان میں صنعتیں لگانی ہیں۔ ٹیکنالوجی کا دور ہے، نوجوانوں کو سہولتیں فراہم کرنا ہوں گی۔

سندھ حکومت سالڈ ویسٹ منیجمنٹ کو ماہانہ اربوں روپے دے کر کچرا اٹھوا رہی ہے۔ کراچی میں کچروں کے پہاڑوں کو ختم کیا ہے۔

انہوں نے ایم کیو ایم اور جماعت اسلامی پر تنقید کرتے ہوئے کہا کہ اگر دونوں جماعتیں عوامی مسائل پر بات کریں تو ہم سنیں گے اور حل بھی کریں گے، لیکن نفرت انگیز اور تعصب کی بات کریں گے تو ان کی یہ سازش کامیاب نہیں ہونے دیں گے۔

شرجیل میمن کا کہنا تھا کہ جن کی کارکردگی صفر بٹا صفر ہے، وہ اپنی سیاسی چمکانے کے لیے نمبر پلیٹ پر سیاست کر رہے ہیں۔ جعلی نمبر پلیٹس پر حکومت کریک ڈاؤن کر رہی ہے تو انہیں کیوں اعتراض ہے۔

صوبائی وزیر بلدیات نے رواں ماہ لیاری بغدادی میں گرنے والی 6 منزلہ عمارت جس میں 27 افراد جان سے گئے تھے۔ اس سے متعلق گفتگو کرتے ہوئے کہا کہ انکوائری میں پتہ چلا منہدم عمارت کا نقشہ ہی موجود نہ تھا۔

انہوں نے بتایا کہ لیاری میں جو عمارت گری اس کا نقشہ منظور نہیں تھا, وہ غیر قانونی عمارت تھی جو 80 کی دہائی میں بنی تھی۔

صوبائی وزیر اطلاعات نے مزید کہا کہ بلڈنگ قوانین موجود ہیں۔ سندھ بلڈنگ کنٹرول اتھارٹی کے اگر کوئی انتظامی فیصلہ کیا ہے تو سوچ سمجھ کر ہی کیا ہوگا۔