نئی دہلی: بھارتی دارالحکومت کے علاقے چراغ دہلی میں قتل کا ایک ہولناک واقعہ پیش آیا ہے، جس میں کیبل ورکرز باپ بیٹے کو گلی میں بے دردی سے قتل کیا گیا اور گھیسٹا گیا۔
بھارتی میڈیا رپورٹس کے مطابق نئی دہلی کے علاقے چراغ دہلی میں باپ بیٹے کی جوڑی کے ہولناک قتل نے شہر کو ہلا کر رکھ دیا ہے، پولیس کے مطابق مرنے والوں کی شناخت 55 سالہ جے بھگوان اور اس کے 22 سالہ بیٹے سوربھ شبھم کےنام سے کی گئی ہے، دونوں کیبل ورکرز تھے۔
یہ واقعہ اتوار کو چراغ دہلی کے کمہار چوک کے قریب رات 8 بجے کے قریب پیش آیا، واقعے کی ایک سی سی ٹی وی فوٹیج بھی سامنے آئی ہے، جس میں کچھ لوگوں کو ایک شخص کو مارتے اور چھرا گھونپتے ہوئے دیکھا گیا، باپ خون میں لت پت تھا اور قاتلوں نے اسے گھیسٹا۔
#BreakingNews : दिल्ली में डबल मर्डर से सनसनी, पिता-पुत्र की चाकू मारकर हत्या#Delhi #DelhiCrime #CrimeNews #DelhiPolice #IndiaDailyLive @surabhi_tiwari_ @DelhiPolice pic.twitter.com/AMVLbcVWAj
— India Daily Live (@IndiaDLive) March 11, 2024
پولیس کا کہنا ہے کہ مقتول جے بھگوان کے خلاف مجرمانہ مقدمات درج تھے اور مالویہ نگر پولیس اسٹیشن میں اس کا اندراج ایک ’خراب کردار‘ کے طور پر کیا گیا تھا۔ تفتیش پر پولیس نے معلوم کیا کہ مقتول اور پڑوسیوں کے درمیان جھگڑا ہوا تھا جس میں پڑوسیوں نے باپ بیٹے کو چاقو مار کر قتل کر دیا۔
