Tag: باکسنگ کی خبریں

لاہور: پاکستانی نژاد برطانوی باکسر عامر خان نے کہا ہے کہ وہ بھاشا ڈیم کے لیے چیریٹی کے مختلف پروگرامز میں حصہ لیتے رہیں گے۔

تفصیلات کے مطابق بین الاقوامی شہرت یافتہ باکسر ان دنوں پاکستان کے دورے پر آئے ہوئے ہیں، انھوں نے کہا کہ وہ اے آر وائی نیٹ ورک کے صدر  سلمان اقبال کے ساتھ مل کر ملک میں باکسنگ لیگ کا انعقاد کر رہے ہیں۔

[bs-quote quote=”میری والدہ لاہور سے ہیں، 3 سال کی عمر میں لاہور آئی، پاکستان آ کر بہت اچھا لگتا ہے: فریال مخدوم” style=”style-7″ align=”left” color=”#dd3333″][/bs-quote]

عامر خان نے اے آر وائی نیوز سے گفتگو کرتے ہوئے کہا کہ سپر باکسنگ لیگ میں عالمی طرز کے مقابلے ہوں گے، لیگ سے ملک میں باکسنگ ٹیلنٹ سامنے آئے گا۔

ان کا کہنا تھا کہ معروف کرکٹرز بھی باکسنگ لیگ میں دل چسپی لے رہے ہیں، عمران خان کو کھیلوں کے فروغ کے لیے خصوصی اقدامات کرنے چاہئیں، وہ ایک عظیم لیڈر ہیں۔

باکسر عامر خان نے کہا کہ باکسنگ کا ٹیلنٹ پلیٹ فارم نہ ہونے سے ضائع ہو رہا ہے، سپر باکسنگ لیگ کے ذریعے یہ ٹیلنٹ سامنے آئے گا۔

یہ بھی پڑھیں:  ڈیمز کی تعمیر، باکسر عامر خان نے 10 لاکھ روپے عطیہ کردیے

انھوں نے کہا کہ پاکستان آنے پر بہت محبت ملی جس پر پاکستانی عوام کا بے حد مشکور ہوں۔ خیال رہے آج باکسر عامر خان نے داتا دربار پر حاضر ہو کر دعائیں مانگیں۔

عامر خان کی اہلیہ فریال مخدوم نے بھی گفتگو کرتے ہوئے کہا ’میری والدہ لاہور سے ہیں، 3 سال کی عمر میں لاہور آئی، پاکستان آ کر بہت اچھا لگتا ہے۔‘

لاہور: پاکستانی نژاد برطانوی باکسر عامر خان نے کہا ہے کہ اے آر وائی نیٹ ورک کے صدر اور سی ای او سلمان اقبال کی کھیلوں میں دل چسپی کے پیش نظر مل کر باکسنگ لیگ کرانے کا فیصلہ کیا۔

تفصیلات کے مطابق عامر خان نے کہا کہ صدر اور سی ای او اے آر وائی نیٹ ورک سلمان اقبال کی کھیلوں میں دل چسپی قابلِ قدرہے، سپر باکسنگ لیگ دنیا کی منفرد پروفیشنل لیگ ہوگی۔

[bs-quote quote=”کوئی بھارتی باکسر مجھے ہرا نہیں سکتا، چیلنج ہوا تو بھارت میں لڑنے کے لیے تیار ہوں: عامر خان” style=”style-7″ align=”left” color=”#dd3333″][/bs-quote]

بین الاقوامی شہرت یافتہ باکسر نے کہا کہ مارچ میں اپنی فائٹ کے بعد سپر باکسنگ لیگ کرائیں گے، لیگ ملتوی ہونے سے فرنچائزز کو اسپانسر کے لیے وقت مل جائے گا۔ باکسرز کو بھی تیاری کرنے کا وقت ملے گا، ملک بھر میں باکسرز کے ٹرائلز مکمل ہو چکے ہیں، پاکستان میں باکسنگ کا بے پناہ ٹیلنٹ موجود ہے۔

باکسر عامر خان نے کہا ’واہگہ بارڈر جا کر پریڈ دیکھ کر رونگٹے کھڑے ہو گئے، پاک فوج اور ینجرز کو سلام پیش کرتا ہوں، کوئی بھارتی باکسر مجھے ہرا نہیں سکتا، چیلنج ہوا تو بھارت میں لڑنے کے لیے تیار ہوں۔

یہ بھی پڑھیں:  باکسر عامرخان برطانیہ سے براستہ دبئی پاکستان پہنچ گئے

دریں اثنا باکسر عامر خان نے واہگہ بارڈر آمد کے موقع پر اے آر وائی نیوز سے گفتگو کرتے ہوئے کہا ’میں پاکستان کی خوب صورتی دیکھنے کے لیے آیا ہوں اور میری خواہش ہے کہ وزیرِ اعظم سے ملوں۔‘

[bs-quote quote=”وزیرِ اعظم عمران خان سے ملاقات کی خواہش ہے: باکسر” style=”style-7″ align=”right” color=”#dd3333″][/bs-quote]

انھوں نے عمران خان کو بہترین سیاست دان قرار دیتے ہوئے کہا ’کوشش کر رہا ہوں کہ وزیرِ اعظم عمران خان سے ملاقات ہو جائے، عمران خان پاکستان کے بہترین سیاست دان ہیں۔‘

خیال رہے کہ بین الاقوامی شہرت یافتہ پاکستانی نژاد باکسر غیر ملکی پرواز سے آج صبح لاہور پہنچے، انھوں نے پرواز میں موجود پاکستانی کرکٹر اظہر علی کے ساتھ تصویر بھی بنوائی، آسٹریلیا کے خلاف سیریز کے بعد اظہرعلی بھی اسی پرواز سے لاہور ایئر پورٹ پہنچے ہیں۔