Tag: باکسنگ

  • آرمی چیف کی باکسر محمد وسیم سے ملاقات

    آرمی چیف کی باکسر محمد وسیم سے ملاقات

    اسلام آباد: آرمی چیف جنرل قمر جاوید باجوہ کی باکسر محمد وسیم سے ملاقات ہوئی، آرمی چیف نے محمد وسیم کو مکمل تعاون کی یقین دہانی کروائی۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ آرمی چیف جنرل قمر جاوید باجوہ کی باکسر محمد وسیم سے ملاقات ہوئی۔ آرمی چیف نے محمد وسیم کو حالیہ کامیابی پر مبارکباد دی۔

    آرمی چیف نے کہا کہ محمد وسیم جیسا ٹیلنٹ ہمارے فخر کی علامت ہے، محمد وسیم جیسے باصلاحیت نوجوانوں کو ہمیشہ سپورٹ کریں گے۔

    آرمی چیف سے ملاقات کے بعد محمد وسیم نے اے آر وائی نیوز سے خصوصی گفتگو کرتے ہوئے کہا کہ سپورٹ کرنے پر پاکستانی قوم کا شکریہ ادا کرتا ہوں۔ پاک فوج نے ہمیشہ مجھے سپورٹ کیا ہے۔

    محمد وسیم کا کہنا تھا کہ پہلے بھی چیمپئن رہا ہوں آئندہ بھی پاکستان کا نام روشن کروں گا، پاکستان کی نمائندگی کرنا میرے لیے باعث فخر ہے۔ شعیب اختر اور وسیم اکرم نے بھی میری حوصلہ افزائی کی۔

    انہوں نے کہا کہ برطانیہ میں ٹریننگ کے دوران صورتحال سے لاعلم تھا۔ کشمیریوں پر بھارت میں بہت ظلم و بربریت ہورہی ہے۔ کشمیریوں کو ان کا حق دلانے کے لیے آواز اٹھاتا رہا ہوں۔ اپنی باکسنگ کٹ کشمیریوں کے لیے عطیہ کروں گا۔

    محمد وسیم نے مزید کہا کہ آرمی چیف نے حوصلہ افزائی کی اور مکمل سپورٹ کی یقین دہانی کروائی۔

    خیال رہے کہ محمد وسیم دبئی میں منعقدہ پروفیشنل باؤٹ جیت کر آئے ہیں، انہوں نے فلپائن کے باکسر کونراڈو تنومور کو پہلے ہی راؤنڈ میں ناک آؤٹ کر دیا تھا۔

    یہ ان کے پروفیشنل باکسنگ کیریئر کا نواں مقابلہ تھا جو انہوں نے جیتا۔ محمد وسیم نے اپنی حالیہ کامیابی مظلوم کشمیریوں کے نام کی تھی۔

  • جب بھی بیرون ملک سے جیت کر آیا صرف پاک فوج نے حوصلہ افزائی کی: باکسر محمد وسیم

    جب بھی بیرون ملک سے جیت کر آیا صرف پاک فوج نے حوصلہ افزائی کی: باکسر محمد وسیم

    کراچی: دبئی میں منعقدہ پروفیشنل باؤٹ جیتنے والے پاکستانی باکسر محمد وسیم نے کہا ہے کہ وہ جب بھی بیرون ملک سے جیت کر لوٹتے ہیں تو صرف پاک فوج ان کی حوصلہ افزائی کرتی ہے۔

    تفصیلات کے مطابق باکسر محمد وسیم نے میڈیا سے گفتگو کرتے ہوئے کہا ہے کہ انھیں پاکستان کی نمایندگی کرنے پر بہت خوشی ہے، پہلے بھی پاکستان کی نمایندگی کرتے رہے ہیں۔

    انھوں نے کہا کہ 15 سال سے پاکستان کا نام دنیا میں روشن کر رہا ہوں لیکن جب بھی بیرون ملک سے جیت کر آیا صرف پاک فوج نے حوصلہ افزائی کی، اس بار شاہد آفریدی، وسیم اکرم اور جہانگیر خان نے فون کر کے مبارک باد دی۔

    محمد وسیم کا کہنا تھا آیندہ پاکستان کے لیے ورلڈ ٹائٹل کھیلنے جا رہا ہوں، پاکستان کی ہسٹری میں کسی نے ورلڈ ٹائٹل نہیں کھیلا ہے، اکتوبر میں میری دوبارہ فائٹ ہونے جا رہی ہے، ٹاپ فائیو میں آ گیا ہوں فائٹ جیت کر ورلڈ ٹائٹل جیتنا چاہتا ہوں۔

    یہ بھی پڑھیں:  دبئی، پاکستانی باکسر محمد وسیم نے پروفیشنل باؤٹ جیت لی

    پاکستانی باکسر نے مزید کہا کہ حکومت سے درخواست ہے میری آیندہ ہونے والی فائٹ کو سپورٹ کرے، ملک میں ٹیلنٹ کی کمی نہیں ہے، بس حکومتی سپورٹ چاہیے۔

    خیال رہے کہ تین دن قبل محمد وسیم نے دبئی میں منعقدہ پروفیشنل باؤٹ جیتی ہے، انھوں نے فلپائن کے باکسر کونراڈو تنومور کو پہلے ہی راؤنڈ میں ناک آؤٹ کر دیا تھا، یہ پروفیشنل باکسنگ کیریئر کا 9 واں مقابلہ تھا جو انھوں نے جیتا۔

    تاہم باکسر محمد وسیم پاکستان واپس پہنچے تو ائیر پورٹ پر حکومتی عہدے داروں اور باکسنگ فیڈریشن کی جانب سے کسی قسم کا کوئی استقبال نہیں کیا گیا۔

  • پاکستانی نژاد برطانوی باکسر عامر خان کل اسلام آباد پہنچیں گے

    پاکستانی نژاد برطانوی باکسر عامر خان کل اسلام آباد پہنچیں گے

    لاہور: پاکستانی نژاد برطانوی باکسر عامر خان کل اسلام آباد پہنچیں گے، عامر خان لائن آف کنٹرول پر کشمیریوں سے اظہار یک جہتی کے لیے جائیں گے۔

    تفصیلات کے مطابق عالمی چیمپئن لائٹ ویٹ باکسر عامر خان کل اسلام آباد پہنچ کر ایل او سی کا دورہ کریں گے۔

    باکسر عامر خان کا کہنا ہے کہ وہ اظہارِ یک جہتیٔ کشمیر سے متعلق آیندہ کا پروگرام جلد جاری کریں گے۔

    خیال رہے کہ عامر خان نے گزشتہ روز اپنے آفیشل ٹویٹر اکاؤنٹ کے ذریعے بھارت کے یک طرفہ اقدامات اور مقبوضہ کشمیر میں وحشیانہ بربریت پر لائن آف کنٹرول کا دورہ کرنے کا اعلان کیا تھا۔

    عامر خان کا کہنا ہے کہ وہ کشمیر میں بد ترین صورت حال کے حوالے سے وسیع سطح پر آگاہی پھیلانا چاہتے ہیں۔

    اپنے ٹویٹ میں پاکستانی نژاد باکسر کا یہ بھی کہنا تھا کہ وہ اقوام متحدہ چارٹر کی خلاف ورزیوں اور کشمیر میں نسل کشی کے خلاف آواز بنیں گے۔

    تازہ ترین خبریں پڑھیں:  مقبوضہ کشمیر میں  21ویں روز بھی کرفیو

    باکسر عامر خان نے ایل او سی پر مظلوم کشمیریوں کے حق میں آواز بلند کرنے کا موقع فراہم کرنے پر ڈی جی آئی ایس پی آر کا شکریہ بھی ادا کیا تھا۔

    گزشتہ روز اقوام متحدہ کے سیکریٹری جنرل انتونیو گوٹیرس نے کہا تھا کہ مقبوضہ کشمیر میں تشویش ناک صورت حال پر ان کی نظر ہے، اقوام متحدہ اس سلسلے میں اپنا کردار ادا کرتا رہے گا۔

    یاد رہے کہ آرٹیکل 370 اے ختم کرنے کے بعد مقبوضہ کشمیر میں آج 21 ویں روز بھی کرفیو جاری ہے، موبائل فون، انٹرنیٹ سروس بند اور ٹی وی نشریات معطل ہیں۔

  • ایران کی پہلی خاتون باکسر رنگ میں اتر آئیں

    ایران کی پہلی خاتون باکسر رنگ میں اتر آئیں

    ایران کی پہلی خاتون باکسر رنگ میں اتر آئیں، وہ باکسنگ کے کسی باقاعدہ مقابلے میں حصہ لینے والی پہلی ایرانی خاتون بن گئی ہیں۔

    24 سالہ صدف خادم نے دو روز قبل فرانسیسی باکسر کے ساتھ اپنا پہلا میچ کھیلا اور اسے شکست دی، اپنے ملک میں خواتین کے لیے باکسنگ میں آنے کا راستہ کھولنے والی صدف اس وقت دنیا بھر کی توجہ کا مرکز بن گئی ہیں تاہم ان کا یہ سفر آسان نہیں تھا۔

    صدف نے 4 سال قبل باکسنگ شروع کی۔ انہوں نے تربیت حاصل کرنے کے لیے باکسنگ سینٹرز کا رخ کیا تو وہاں موجود تمام سہولیات کو مردوں کے لیے مخصوص پایا۔

    بالآخر جب انہیں ایرانی باکسنگ فیڈریشن کی جانب سے کہا گیا کہ صرف خواتین باکسر ہی انہیں تربیت فراہم کرسکتی ہیں (لیکن ایران میں کوئی خاتون باکسنگ ٹرینر موجود نہیں) تو صدف نے فرانس کا سفر کیا۔

    یہاں انہوں نے ایرانی نژاد باکسنگ ورلڈ چیمپئن مہر منشی پور سے تربیت لینی شروع کردی۔ فرانس منتقل ہونے کے بعد انہیں باکسنگ کا باقاعدہ لائسنس بھی فراہم کردیا گیا جس کے بعد ان کے لیے باقاعدہ میچز میں حصہ لینے کی راہ ہموار ہوئی۔

    اپنے پہلے ہی میچ میں فتح کو وہ ایرانی خواتین کی جیت سمجھتی ہیں۔ وہ کہتی ہیں کہ ان کی جیت مزید ایرانی خواتین کو اس کھیل کی طرف راغب کرے گی۔

    ایران میں اس وقت کئی خواتین باکسنگ کر رہی ہیں تاہم انہیں حکومت سے باقاعدہ اجازت حاصل نہیں ہے۔ وہ ترکی جا کر بغیر کسی ہیلتھ انشورنس کے مختلف میچز میں حصہ لیتی ہیں۔

    ایران نے خواتین کے لیے کچھ کھیلوں پر پابندی عائد کر رکھی تھی۔ یہ پابندی چند ماہ قبل ختم کی گئی لیکن خواتین کی ٹریننگ کے لیے خواتین ٹرینرز ضروری ہیں جس کے بغیر ایرانی خواتین کھیلوں میں حصہ نہیں لے سکتیں۔

  • امریکی باکسرفلائیڈ مے ویدر کے ہاتھوں جاپانی باکسرکو شکست

    امریکی باکسرفلائیڈ مے ویدر کے ہاتھوں جاپانی باکسرکو شکست

    ٹوکیو: امریکی باکسر فائیڈ مے ویدر نے جاپان کے کک باکسنگ چیمپئن تینشن ناسوکاوا کو صرف 2 منٹ میں ناک آؤٹ کردیا۔

    تفصیلات کے مطابق امریکی باکسر فلائیڈ مے ویدر نے نئے سال کے آغاز سے قبل نمائشی فائٹ میں جاپان کے کک باکسنگ چیمپئن تینشن ناسوکاوا کو محض دو منٹ میں شکست دے دی۔

    فائٹ کے آغاز میں ایسا لگا کہ امریکی باکسر شاید اپنے حریف کو سنجیدہ نہیں لے رہے لیکن پھر انہوں نے جاپانی باکسر پر مکوں کی برسات کردی جس کے نتیجے میں وہ ایک منٹ میں ہی رنگ میں گر پڑے۔

    تینشن ناسوکاوا کے ٹرینز نے فائٹ کو پہلے راؤند کے اختتام سے قبل ہی روک کر امریکی باکسرفلائیڈ مے ویدر کی جیت کا اعلان کردیا۔

    فائٹ جیتنے کے بعد فلائیڈ مے ویدر کا کہنا تھا کہ یہ فائٹ تفریح سے بھرپور تھی، میں اب بھی ریٹائرڈ ہوں اور میرا باکسنگ رنگ میں واپسی کا کوئی ارادہ نہیں ہے۔

    فلائیڈ مے ویڈر نے سماجی رابطے کی ویب سائٹ ٹویٹر پر اپنے پیغام میں عندیہ دیا کہ انہیں اس فائٹ کے عوض 9 ملین ڈالرز کی رقم ادا کی گئی۔

    فلائیڈ مے ویدر نے فائٹ آف دی سنچری کا ٹائٹل جیت لیا

    یاد رہے کہ 3 مئی 2015 کو امریکی باکسر فلائیڈ مے ویدر نے فلپائنی باکسر کو شکست دے کر فائٹ آف دی سنچری کا ٹائٹل جیتا تھا۔

  • بھاشا ڈیم کے لیے چیریٹی کے مختلف پروگرامز میں حصہ لیتا رہوں گا، عامر خان

    بھاشا ڈیم کے لیے چیریٹی کے مختلف پروگرامز میں حصہ لیتا رہوں گا، عامر خان

    لاہور: پاکستانی نژاد برطانوی باکسر عامر خان نے کہا ہے کہ وہ بھاشا ڈیم کے لیے چیریٹی کے مختلف پروگرامز میں حصہ لیتے رہیں گے۔

    تفصیلات کے مطابق بین الاقوامی شہرت یافتہ باکسر ان دنوں پاکستان کے دورے پر آئے ہوئے ہیں، انھوں نے کہا کہ وہ اے آر وائی نیٹ ورک کے صدر  سلمان اقبال کے ساتھ مل کر ملک میں باکسنگ لیگ کا انعقاد کر رہے ہیں۔

    [bs-quote quote=”میری والدہ لاہور سے ہیں، 3 سال کی عمر میں لاہور آئی، پاکستان آ کر بہت اچھا لگتا ہے: فریال مخدوم” style=”style-7″ align=”left” color=”#dd3333″][/bs-quote]

    عامر خان نے اے آر وائی نیوز سے گفتگو کرتے ہوئے کہا کہ سپر باکسنگ لیگ میں عالمی طرز کے مقابلے ہوں گے، لیگ سے ملک میں باکسنگ ٹیلنٹ سامنے آئے گا۔

    ان کا کہنا تھا کہ معروف کرکٹرز بھی باکسنگ لیگ میں دل چسپی لے رہے ہیں، عمران خان کو کھیلوں کے فروغ کے لیے خصوصی اقدامات کرنے چاہئیں، وہ ایک عظیم لیڈر ہیں۔

    باکسر عامر خان نے کہا کہ باکسنگ کا ٹیلنٹ پلیٹ فارم نہ ہونے سے ضائع ہو رہا ہے، سپر باکسنگ لیگ کے ذریعے یہ ٹیلنٹ سامنے آئے گا۔


    یہ بھی پڑھیں:  ڈیمز کی تعمیر، باکسر عامر خان نے 10 لاکھ روپے عطیہ کردیے


    انھوں نے کہا کہ پاکستان آنے پر بہت محبت ملی جس پر پاکستانی عوام کا بے حد مشکور ہوں۔ خیال رہے آج باکسر عامر خان نے داتا دربار پر حاضر ہو کر دعائیں مانگیں۔

    عامر خان کی اہلیہ فریال مخدوم نے بھی گفتگو کرتے ہوئے کہا ’میری والدہ لاہور سے ہیں، 3 سال کی عمر میں لاہور آئی، پاکستان آ کر بہت اچھا لگتا ہے۔‘

  • پاکستان کی پہلی سپر باکسنگ لیگ: تیسرے مرحلے کے ٹرائلز آج اسلام آباد میں مکمل

    پاکستان کی پہلی سپر باکسنگ لیگ: تیسرے مرحلے کے ٹرائلز آج اسلام آباد میں مکمل

    اسلام آباد: پاکستان کی پہلی سپر باکسنگ لیگ کے لیے ملک بھر میں ٹرائلز کا سلسلہ جاری ہے، تیسرے مرحلے کے ٹرائلز آج اسلام آباد میں مکمل ہو گئے۔

    تفصیلات کے مطابق سپر باکسنگ لیگ کے لیے باکسرز کی جانچ جاری ہے، گوجرانوالہ سے شروع ہونے والے ٹرائلز میں بہترین باکسرز کا انتخاب کیا گیا ہے۔

    باکسنگ لیگ کے لیے گوجرانوالہ کے بعد پنجاب کے دارلحکومت میں بھی نوجوان باکسرز نے خوب صلاحیتیں دکھائیں، لاہور کے ٹرائلز سے دس مرد اور دو خواتین باکسرز کا انتخاب کیا جا چکا ہے۔

    گوجرانوالہ اور لاہور کے بعد اب اسلام آباد میں بھی باکسرز نے بازوؤں کا زور دکھایا، تیسرے مرحلے کے ٹرائلز آج مکمل ہو گئے، 29 جولائی کو پشاور میں ٹرائلز شیڈول ہیں جب کہ 2 اگست کو کوئٹہ میں باکسرز کا انتخاب ہوگا۔

    سپر باکسنگ لیگ کے شیڈول کے مطابق کراچی میں ٹرائلز 5 اور 6 اگست کو رکھے گئے ہیں جب کہ 10 اگست کو فیصل آباد اور 11 اگست کو ملتان میں ٹرائلز ہوں گے۔

    پاکستان کی پہلی سپر باکسنگ لیگ، ملک بھر میں ٹرائلز کا آغاز

    یاد رہے کہ سی ای او اے آر وائی ڈیجیٹل نیٹ ورک سلمان اقبال اور ممتاز باکسر عامر خان کی مشترکہ کاوشوں سے پہلی سپر باکسنگ لیگ کا شاندار افتتاح کیا گیا تھا تاکہ ملک میں باکسنگ کے کھیل کو فروغ دیا جاسکے۔

    پاکستان سپر باسکنگ لیگ 28 ستمبر سے تین نومبر تک اسلام آباد میں واقع عامر خان اکیڈمی میں منعقد کی جائے گی، ایونٹ میں 8 ٹیمیں حصہ لیں گی، جن کے مالکان معروف کرکٹرز اور شوبز شخصیات ہیں۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سپر باکسنگ لیگ: لاہور کی ٹیم کے ٹرائلز مکمل، 10 مرد اور 2 خواتین باکسرز کی ٹیم منتخب

    سپر باکسنگ لیگ: لاہور کی ٹیم کے ٹرائلز مکمل، 10 مرد اور 2 خواتین باکسرز کی ٹیم منتخب

    لاہور: سپر باکسنگ لیگ کے لیے گوجرانوالہ کے بعد لاہور کی ٹیم کے ٹرائلز بھی مکمل ہوگئے، 10 مرد اور 2 خواتین باکسرز پر مشتمل ٹیم کا انتخاب کر لیا گیا۔

    تفصیلات کے مطابق پاکستان کی پہلی سپر باکسنگ لیگ کی ٹیموں کے انتخاب کے لیے ملک بھر میں باکسرز کے ٹرائلز جاری ہیں، ٹرائلز کے ذریعے لاہور کی ٹیم کا انتخاب عمل میں آ گیا ہے۔

    قبل ازیں گوجرانوالہ میں بھی باکسرز کی ٹیم کے انتخاب کے لیے ٹرائلز کیے گئے تھے، ملک بھر میں باکسنگ لیگ کے لیے ٹرائلز کا سلسلہ 11 اگست تک جاری رہے گا۔

    سپر باکسنگ لیگ میں ٹیموں کے انتخاب کے لیے ٹرائلز کے شیڈول کے مطابق اسلام آباد میں 28 کو ٹرائلز ہوں گے جب کہ پشاور میں 29 جولائی کو ہوں گے۔

    کوئٹہ میں سپر باکسنگ لیگ کے ٹرائلز 2 اگست کو شیڈول ہیں، جب کہ کراچی میں 5 اور 6 اگست کو سپر باکسنگ کے ٹرائلز ہوں گے۔

    پاکستان کی پہلی سپر باکسنگ لیگ کے ٹرائلز شروع

    فیصل آباد سے باکسنگ ٹیم کے انتخاب کے لیے ٹرائلز 10، جب کہ ملتان سے ٹیم کے انتخاب کے لیے 11 اگست کو شیڈول کیے گئے ہیں۔

    واضح رہے کہ ملک میں پہلی سپر باکسنگ لیگ کے لیے ’روڈ ٹو دا رِنگ‘ ٹرائلز 20 جولائی سے شروع ہیں، جن کا اختتام گیارہ اگست کو ملتان میں ہوگا۔

    سلمان اقبال اور باکسر عامر خان کی کاوش، پاکستان میں‌ سپر باکسنگ لیگ کا انعقاد

    ملک میں باکسنگ کے فروغ کے لیے پاکستان میں پہلی سپر باکسنگ لیگ کا شان دار آغاز اے آر وائی ڈیجیٹل نیٹ ورک کے سی ای او سلمان اقبال اور ممتاز باکسر عامر خان کی مشترکہ کاوشوں سے ہوا ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پروفیشنل باکسنگ میں نمبر ون محمد وسیم کی ایک اور کامیابی

    پروفیشنل باکسنگ میں نمبر ون محمد وسیم کی ایک اور کامیابی

    پاناما: پاکستان کے پروفیشنل باکسر محمد وسیم نے ایک اور کامیابی حاصل کرلی۔ محمد وسیم نے وسطی امریکی ملک پاناما کے باکسر کو دوسرے راﺅنڈ میں ناک آؤٹ کر کے عالمی رینکنگ میں اپنی پہلی پوزیشن مستحکم کرلی۔

    تفصیلات کے مطابق صوبہ بلوچستان کے شہر کوئٹہ سے تعلق رکھنے والے پاکستانی باکسر محمد وسیم کا پاناما میں میزبان باکسر ایلیسر ویلڈیز سے ڈبلیو بی سی رینکنگ کے لیے مقابلہ ہوا۔

    فلائی ویٹ کیٹگری کے 8 راﺅنڈز پر مشتمل مقابلے کے آغاز سے ہی محمد وسیم نے مخالف کھلاڑی پر بھر پور وار کیے جس سے ان کے مقابل ایلیسر ویلڈیز دفاع کرنے میں مکمل طور پر ناکام رہے۔

    مزید پڑھیں: محمد وسیم کی رواں سال باکسنگ کے اہم معرکوں میں کامیابی

    محمد وسیم کے مسلسل اور بھرپور حملوں سے مخالف باکسر دوسرے ہی راﺅنڈ میں ناک آﺅٹ ہوگیا۔

    نوجوان قومی باکسر محمد وسیم پروفیشنل مقابلوں میں اب تک ناقابل شکست ہیں اور یہ ان کی مسلسل چھٹی کامیابی ہے۔

    گزشتہ ماہ ورلڈ باکسنگ کونسل کی فلائی ویٹ کیٹیگری کی عالمی رینکنگ میں محمد وسیم کو پہلے نمبر پر رکھا گیا تھا۔

    اس مقابلے میں فتح کے بعد محمد وسیم کی ڈبلیو بی سی رینکنگ مزید مستحکم ہوگئی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عامر خان اورمینی پیکیو23اپریل کومدمقابل ہوں گے

    عامر خان اورمینی پیکیو23اپریل کومدمقابل ہوں گے

    لندن : پاکستانی نژاد برطانوی باکسرعامر خان اورگیارہ مرتبہ کےعالمی چیمپیئن مینی پیکیو سے23 اپریل کو فائٹ کریں گے۔

    تفصیلات کےمطابق باکسر عامر خان نے سماجی رابطے کی ویب سائٹ ٹویٹر پر اپنے پیغام میں مشہور زمانہ فلپائنی باکسر مینی پیکیوسےمقابلےکی تصدیق کی ہے۔

    خیال رہےکہ عامر خان کچھ عرصے سے ویلٹر ویٹ عالمی چیمپیئن مینی پیکیو کو مقابلے کے لیے للکار رہے تھے لیکن ماضی میں انہوں نے عامر خان سے مقابلہ کرنے سے انکار کیا تھا۔

    فلپائنی باکسرمینی پیکیونےاپنےٹویٹر اکاؤنٹ پراپنے مداحوں سے اپنےاگلےحریف کےبارے میں پوچھا تواکثریت نےعامر خان کےحق میں ووٹ دیا۔

    فلپائنی باکسرمینی پیکیو نے اپنے کریئر میں65 مقابلے کیے جن میں 59 میں کامیاب رہےجبکہ چھ میں انہیں شکست ہوئی۔

    دوسری جانب تیس سالہ پاکستانی نژاد برطانوی باکسر عامر خان نےاپنے کریئر میں 35 مقابلے کیےجن میں31 میں وہ فاتح رہے اور چار میں انہیں شکست کا سامنا کرنا پڑا۔

    واضح رہےکہ اگر عامر خان نے مینی پیکیو کو ہرا دیا تو وہ اپنے کریئر کو پھر سے صحیح سمت میں لانے میں کامیاب ہو پائیں گے لیکن اگر وہ کامیاب نہ رہے تو ان کے کریئر کو مزید خطرات لاحق ہو سکتے ہیں۔