Tag: باکسنگ

  • گلاسگو: باکسنگ، پاکستان کے محمد وسیم کوارٹر فائنل میں پہنچ گئے

    گلاسگو: باکسنگ، پاکستان کے محمد وسیم کوارٹر فائنل میں پہنچ گئے

    گلاسگو: پاکستان کیلئے کامن ویلتھ گیمز میں دوسرے میڈل کے حصول کیلئے پاکستانی باکسر محمد وسیم ملائیشین باکسر کو شکست دیکر کوارٹر فائنل میں پہنچ گئے۔

    گلاسگو میں جاری کامن ویلتھ گیمز میں پاکستان اپنے دوسرے میڈل کے قریب پہنچ گیا ہے، پاکستانی باکسر محمد وسیم نے ملائیشن حریف کو ناک آؤٹ کرتے ہوئے کوارٹرفائنل میں جگہ بنالی ہے۔ باکسنگ کی باون کلو گرام کیٹگری میں محمد وسیم نے عمدہ کارکردگی کا سلسلہ جاری رکھتے ہوئے حریف کو نہ صرف ٹف ٹائم دیا بلکہ حریف باکسر کے چھکے چھڑاتے ہوئے اسے شکست سے دوچار کیا۔

  • لیجنڈ باکسرمحمد علی آج اپنی بہترویں سالگرہ منارہے ہیں

    لیجنڈ باکسرمحمد علی آج اپنی بہترویں سالگرہ منارہے ہیں

    محمد علی۔ کھیلوں کی دنیا میں یہ نام کسی کے لئے نیا نہیں ہے۔ باکسنگ میں محمد علی کو شہنشاہ مانا جاتا ہے۔ کنگ آف رنگ کہلانے والے محمد علی کو صدی کا عظیم کھلاڑی قرار دیا جاچکا ہے۔ مسلمان اور سیاہ فام آج بھی محمد علی کو اپنا ہیرو سمجھتے ہیں۔لیجنڈ باکسر محمد علی آج اپنی بہترویں سالگرہ منارہے ہیں۔

    ان کے زور دار مکے آج تک کوئی نہیں بھول پایا ہے۔ سترہ جنوری انیس سو بیالیس کو امریکہ کے شہر لوئسویل میں پیدا ہونے والے محمد علی باکسنگ رنگ میں حریفوں کے لئے دہشت کی علامت سمجھے جاتے تھے۔

    محمد علی کے کیرئیر میں بہت سے نشیب وفراز بھی آئے۔ انیس سو ساٹھ میں روم اولمپک میں سونے کا تمغہ جیتنے کے بعد انہیں نسل پرستی کا سامنا رہا لیکن ان واقعات کے باوجود ان کی کامیابیوں کا سلسلہ چلتا رہا۔

    انیس سو پجھتر میں محمد علی نے باقاعدہ اسلام قبول کرلیا۔ چالیس سال کی عمر میں انہوں نے ریٹائرمنٹ کا اعلان کیا۔ باکسنگ میں محمد علی کی زندگی بیس سال رہی جس کے دوران انہوں نے چھپن مقابلے جیتے اور سینتیس میں ناک آوٹ کیا۔