Tag: بجلی بلوں

اسلام آباد : آئی ایم ایف شرط پر بجلی کے بھاری بلوں سے پریشان صارفین کیلئے نئی مصیبت آگئی ، جس سے مشکلات میں اضافہ ہوگا۔

تفصیلات کے مطابق سلیم مانڈوی والا کی زیر صدارت سینیٹ کمیٹی برائے خزانہ کا اجلاس ہوا، آئی ایم ایف شرط پر بجلی بلوں میں صارفین کیلئے اضافی سرچارج عائد کرنے کی منظوری دے دی گئی۔

بجلی بلوں پر وزارت توانائی کو اضافی سرچارج عائد کرنے کی فنانس بل میں منظوری دی گئی۔

سینیٹ کمیٹی برائے خزانہ اجلاس میں سرچارج پر وزارت توانائی حکام نے بریفنگ دیتے ہوئے کہا اسوقت زیادہ سے زیادہ 3 روپے 23 روپے تک سرچارج عائد ہے اور کم سے کم سرچارج 2 روپے 83 پیسے تک عائد ہے۔

حکام کا کہنا تھا کہ سرچارج عائد کرنے کیلئے کیپ کو ختم کر رہے ہیں جس سے مزید سرچارج عائد ہو گا۔

مزید پڑھیں : بجلی صارفین کو دی جانے والی بڑی سہولت ختم  

حکام نے مزید کہا کہ گردشی قرضہ ختم کرنے کیلئے کمرشل بینکوں سے1270 روپے قرض لیا گیا، کمرشل بینکوں کو قرض کی واپسی کیلئے صارفین سے اضافی رقم وصول ہو گی۔

سینیٹ کی قائمہ کمیٹی برائےخزانہ سے اس تجویز کو متفقہ طور پر منظور کیا گیا۔

کراچی : سندھ ہائیکورٹ نے بجلی بلوں میں ٹیکس وصولی کیخلاف درخواست مسترد کردی اور کہا کہ درخواست مسترد کرنے کی وجوہات بعد میں جاری کی جائیں گی۔

تفصیلات کے مطابق بجلی بلوں میں ٹیکس وصولی کیخلاف درخواست کی سندھ ہائیکورٹ میں سماعت ہوئی،درخواست گزار نے بتایا کہ بجلی بلوں میں ٹیکس بنیادی حقوق کی خلاف ورزی ہے، انکم ٹیکس دینے والے گھریلوصارفین پر ایڈوانس انکم ٹیکس کا نفاذ نہیں ہوتا۔

عدالت نے درخواست گزار سے استفسار کیا آپ ٹیکس اداکرتےہیں؟ تو درخواست گزار نے جواب دیا کہ عدالت حکم دے تو دستاویز پیش کردیں گے، جس پر عدالت نے کہا پٹیشن فائل کرنےکا حکم عدالت نے دیا تھا؟

درخواست گزار نے بتایا ک سپریم کورٹ نےسبسڈی دینےکاحکم دیااس بنیادپرپٹیشن دائرکی، چیف جسٹس سندھ ہائیکورٹ نے سوال کیا عدالت سبسڈی دینےکا حکم کیوں دےگی؟ آپ غلط ہیں، عدالت کاحکم رینٹل پاورپلانٹ کے کیس میں تھا۔

درخواست گزار کا کہنا تھا کہ ٹیکس کاٹتےہیں پتہ نہیں جمع کہاں کرایاجاتا ہے، سیلزٹیکس قانون میں بھی صارفین کیلئے بجلی پرٹیکس کاقانون نہیں ہے، اختیارات صرف وفاقی حکومت استعمال کرسکتی ہے۔

سندھ ہائیکورٹ نےبجلی بلوں میں ٹیکس وصولی کیخلاف درخواست مسترد کردی اور کہا کہ درخواست مسترد کرنے کی وجوہات بعد میں جاری کی جائیں گی۔

اسلام آباد : ملک بھر میں بجلی کی چوری روکنے کے لیے بجلی بلوں کیلئے اسمارٹ میٹرنگ نظام متعارف کرانے کی ہدایت کردی گئی۔

تفصیلات کے مطابق وزیراعظم شہباز شریف  کی زیرصدارت زرعی ٹیوب ویلز سولرآئیزیشن،بجلی چوری روک تھام پر اجلاس ہوا، جس میں وزیراعظم نے کہا کہ شمسی توانائی بجلی پیداکرنےکاسستا ترین ذریعہ ہے، شمسی توانائی کافروغ حکومت کی اولین ترجیح ہے

شہباز شریف کا کہنا تھا کہ زرعی ٹیوب ویلز کی شمسی توانائی پرمنتقلی کیلئےصوبوں کیساتھ مل کرکام کریں گے۔

وزیراعظم نے صوبائی حکومتوں سےمشاورت کےبعدجامع حکمت عملی ترتیب دینےکی ہدایت کرتے ہوئے کہا کہ بجلی چوری روک تھام کےاقدامات مزیدبہتربنانےکیلئےجامع حکمت عملی بنائی جائے۔

وزیراعظم نے بجلی چوری کے حوالے سے وزارت توانائی سےتعاون پرصوبائی حکومتوں کی تعریف کرتے ہوئے ملک بھرمیں بجلی بلوں کیلئے اسمارٹ میٹرنگ نظام متعارف کرانے کی ہدایت کردی۔

وزیراعظم نے اسمارٹ میٹرنگ نظام سےمتعلق جامع پلان پیش کرنے اور چاروں صوبوں کی ایک، ایک بجلی تقسیم کار کمپنیوں کو اسمارٹ میٹرنگ ماڈل بنانے کی ہدایت دی۔

انھوں نے واضح کہا کہ بجلی کےبلوں میں اووربلنگ کسی صورت قبول نہیں کی جائےگی۔

لاہور : گھریلو صارفین کے بجلی بلوں میں اضافے کا اقدام لاہور ہائیکورٹ میں چیلنج کردیا گیا، جس میں استدعا کی گئی ہے کہ اضافے کا اقدام کالعدم قرار دیا جائے۔

تفصیلات کے مطابق لاہور ہائی کورٹ میں گھریلو صارفین کے بجلی بلز میں اضافے کیخلاف درخواست دائر کردی گئی۔

درخواست میں مؤقف اختیار کیا گیا ہے کہ نیپرا نے ڈومیسٹک بلوں میں سلیپ ریٹ لگانے کا نوٹیفکیشن جاری کیا، یونٹ کی تعداد کے مطابق بل بھجوائے جارہے ہیں۔

درخواست میں مزید کہا کہ بجلی کے سلیپ ریٹ سے بلوں میں بے تحاشا اضافہ ہوگیا ہے، استدعا ہے کہ اضافے کا اقدام کالعدم قرار دیا جائے۔

یاد رہے وفاقی کابینہ نے بجلی کے فی یونٹ بنیادی ٹیرف میں سات روپے بارہ پیسےتک اضافے کی منظوری دی تھی اور گھریلو صارفین کیلئے بجلی کا فی یونٹ بنیادی ٹیرف 48 روپے چوراسی پیسے تک مقرر کردیا تھا۔

سیلز ٹیکس کے بعد فی یونٹ بنیادی ٹیرف ستاون روپے تریسٹھ پیسے جبکہ ایڈجسٹمنٹس اور ٹیکسوں کو ملاکر زیادہ سے زیادہ ٹیرف پینسٹھ روپے سے تجاوز کرجائے گا۔

جس کے تحت یکم جولائی 2024 سے بجلی کی قیمت میں پانچ روپے باہتر پیسے فی یونٹ اضافہ ہوگا جبکہ بلوں میں کم سے کم اضافے کیلئے حکومت 440 ارب سبسڈی دے گی۔

کراچی : تاجروں نے حکومت کی جانب سے بجلی بلوں میں ریلیف نہ دینے پر جیل بھرو تحریک کی دھمکی دے دی اور ملک گیرہڑتال بھی کی جائے گی۔

تفصیلات کے مطابق بجلی کے بھاری بلوں اور اضافی ٹیکسوں کیخلاف ملک کے کئی شہروں میں عوام سراپا احتجاج ہیں۔

تاجر رہنماؤں نے دھمکی دی کہ نگراں وزیراعظم بجلی بلوں میں ریلیف دینے کا وعدہ پوراکریں ، ایسانہ ہوا تو ملک گیر ہڑتال کے ساتھ جیل بھروتحریک شروع کی جائے گی۔

دوسری جانب جماعت اسلامی نے بھی گورنر ہاؤسز کے گھیراؤ کا اعلان کردیا ہے ، امیرجماعت اسلامی سراج الحق کا کہنا ہے کہ بجلی بلوں میں کمی نہیں کی تو تاجروں اور ٹرانسپورٹروں کےساتھ مل کرپہیہ جام ہڑتال کریں گے۔