Tag: بجلی بلوں میں ریلیف

لاہور : 200 سے 500 یونٹ تک بجلی استعمال کرنے والے صارفین کے لیے بڑی خوشخبری آگئی، جس سے مشکلات میں کمی آئے گی۔

تفصیلات کے مطابق سینئر وزیر مریم اورنگزیب نے پنجاب میں بجلی بلوں میں ریلیف کی تفصیلات جاری کردیں۔

جس میں بتایا کہ 201سے500یونٹ تک کے صارفین کو ریلیف پہنچنا شروع ہوگیا ہے، 5 بجلی کمپنیوں کے 35 لاکھ 16 ہزار 877صارفین کوریلیف دیاگیا، جن میں لاہور،ملتان،فیصل آباد،گوجرانوالہ،اسلام آبادکی بجلی کمپنیاں شامل ہیں۔

مریم اورنگزیب کا کہنا تھا کہ وزیراعظم نے 200 یونٹ تک کے صارفین کو 50ارب کا ریلیف دیا، 5کمپنیوں کی جانب سےریلیف والےبلوں کی پرنٹنگ ، ترسیل کاعمل جاری ہے۔

سینئر وزیر نے کہا کہ شمسی توانائی سےعوام کومستقل ریلیف دینےکااگلا مرحلہ جلدشروع کریں گے، 200یونٹ استعمال کرنے والے صارفین کومفت سولرسسٹم فراہم کریں گے، 201 سے 500 یونٹ تک صارفین کوبلاسودسولرسسٹم آسان اقساط پرملےگا۔

ان کا مزید کہنا تھا کہ عوام کومزیدریلیف دیں گے،ہرناممکن کوممکن کرنانوازشریف کی روایت ہے، نوازشریف دورکی سستی روٹی،بجلی کوبانی پی ٹی آئی نےمہنگاکیا۔

مریم اورنگزیب نے کہا کہ مہنگائی پرقوم کامجرم بانی پی ٹی آئی ہے،ہم چیزیں دوبارہ سستی کررہےہیں، نواز شریف نےآئی ایم ایف کو خدا حافظ کہا، بانی پی ٹی آئی کی معاشی تباہی کی وجہ سےدوبارہ آئی ایم ایف کی ضرورت پڑی۔

اسلام آباد : وفاقی وزیر توانائی اویس احمد لغاری نے بجلی کے بھاری بلوں سے پریشان عوام کو ریلیف کی ‌خوشخبری سنادی۔

تفصیلات کے مطابق وفاقی وزیر توانائی اویس احمد لغاری کا کہنا ہے کہ حکومت توانائی کے شعبے میں ہنگامی اقدامات اٹھا رہی ہے، اگلے دو سے تین ماہ میں چار پاور پلانٹس کو مقامی کوئلے پر منتقل کر دیں گے۔

وزیر توانائی نے بتایا کہ چین کے ساتھ قرضوں کی ری پروفائلنگ سے آٹھ ارب ڈالر کا فائدہ ہو گا، جس سے عوام کو بجلی بلوں میں ریلیف ملے گا۔

خیال رہے چین امپورٹڈ کوئلے سے چلنے والے 3 پاور پلانٹس کو مقامی کوئلے پر تبدیل کرنے پر رضا مند ہو گیا، امپورٹڈ کوئلے پر چلنے والی چین کے یہ تینوں پاور پلانٹس مہنگی ترین بجلی پیدا کر رہے ہیں۔

ذرائع کے مطابق ان پلانٹس میں 1320 میگاواٹ کا ساہیوال، 1320 میگاواٹ کا حب اور 1320 میگاواٹ کا پورٹ قاسم پاور پلانٹ شامل ہیں۔

دونوں ممالک کے حکام میں امپورٹڈ کوئلے سے چلنے والے پاور پلانٹس کے معاملات کو آگے بڑھانے کا طریقہ کار بھی طے پا گیا ہے، تینوں پاور پلانٹس کی کنورشن اور ری پروفائلنگ کے متعلق پاکستان اور چینی حکام کی ملاقاتیں جاری رہیں گی۔