اسلام آباد : بجلی صارفین کو اگست، ستمبر اور اکتوبر کے بلوں میں ریلیف ملنے کی توقع ہے، جس سے مہنگائی کے شکار عوام کو کچھ ریلیف ملنے کی امید ہے۔

تفصیلات کے مطابق ملک بھر کے بجلی صارفین کے لیے خوشخبری آگئی ، بجلی کی قیمت میں مزید0.77 روپے بشمول ٹیکس فی یونٹ کمی کا امکان ہے۔

قیمتوں میں یہ ممکنہ کمی چوتھی سہ ماہی ایڈجسٹمنٹ اور فیول پرائس ایڈجسٹمنٹ کی مد میں دی جائے گی، جس سے مہنگائی کے شکار عوام کو کچھ ریلیف ملنے کی امید ہے۔

بجلی تقسیم کار کمپنیوں نے چوتھی سہ ماہی ایڈجسٹمنٹ کی درخواست نیپرا (نیشنل الیکٹرک پاور ریگولیٹری اتھارٹی) میں جمع کرائی، جس پر 4 اگست 2025 کو باقاعدہ سماعت کی گئی۔

اس درخواست کے مطابق چوتھی سہ ماہی ایڈجسٹمنٹ کی مد میں 1.89 روپے فی یونٹ تک کی کمی متوقع ہے۔

مزید پڑھیں : صارفین کو اب بجلی کا بل کس شکل میں دیا جائے گا؟ بڑی خبر آگئی

حکام نے بتایا کہ ترمیمی معاہدوں کے باعث بجلی کی پیداواری لاگت میں کمی آئی، جو اس منفی ایڈجسٹمنٹ کی بنیادی وجہ قرار دی جا رہی ہے۔ اسی تناظر میں اگست کے بلوں میں 0.34 روپے فی یونٹ مزید کمی کی جائے گی۔

اس کے علاوہ جون 2025 کے مہینے کی فیول پرائس ایڈجسٹمنٹ کی درخواست بھی 16 جولائی کو نیپرا میں جمع کرائی گئی، جس کے تحت اگست کے بلوں میں 0.78 روپے فی یونٹ کمی کا امکان ظاہر کیا جا رہا ہے۔

یاد رہے کہ جولائی 2025 کے بلوں میں بھی صارفین کو منفی 0.50 روپے فی یونٹ فیول پرائس ایڈجسٹمنٹ واپس ملی تھی، اور اب اگست میں 0.28 روپے فی یونٹ کی مزید کمی متوقع ہے۔

ذرائع کے مطابق اگر نیپرا نے ان تجاویز کی منظوری دے دی، تو عوام کو اگست، ستمبر اور اکتوبر کے بجلی کے بلوں میں واضح ریلیف حاصل ہوگا، جو مہنگائی کے موجودہ حالات میں ایک خوش آئند اقدام ہو گا۔

اسلام آباد : ملک بھر کے بجلی صارفین کے لیے بجلی سستی ہونے کی دوہری خوشخبری آگئی ، اربوں روپے ریلیف کا امکان ہے۔

تفصیلات کے مطابق نیشنل الیکٹرک پاور ریگولیٹری اتھارٹی (نیپرا) کو دو مختلف درخواستیں موصول ہوئی ہیں، جن میں بجلی کی قیمتوں میں کمی کی سفارش کی گئی ہے۔ اگر دونوں درخواستیں منظور ہو جاتی ہیں تو صارفین کو اربوں روپے کا ریلیف مل سکتا ہے۔

سہ ماہی ایڈجسٹمنٹ کی مد میں فی یونٹ 1 روپے 75 پیسے کمی کی درخواست

سنٹرل پاور پرچیزنگ ایجنسی (CPPA) نے نیپرا کو مالی سال 2024-25 کی چوتھی سہ ماہی کے لیے بجلی کی قیمت میں 1 روپے 75 پیسے فی یونٹ کمی کی باقاعدہ درخواست جمع کرا دی ہے، نیپرا اس درخواست پر 4 اگست کو سماعت کرے گا۔

درخواست کی منظوری کی صورت میں صارفین کو 53 ارب 39 کروڑ روپے سے زائد کا مجموعی ریلیف ملنے کا امکان ہے۔

سہ ماہی ایڈجسٹمنٹ کا اطلاق کے الیکٹرک سمیت تمام سرکاری تقسیم کار کمپنیوں (DISCOs) پر ہوگا۔

مزید پڑھیں : 200 یونٹ بجلی استعمال کرنے والے صارفین کیلیے بڑی خبر، حکومت نے اہم فیصلہ کر لیا

ذرائع کا کہنا ہے کہ اگر ستمبر، اکتوبر اور نومبر کے لیے ایڈجسٹمنٹ بھی منظور ہوگئی تو فی یونٹ 2 روپے 10 پیسے تک کا مزید ریلیف ممکن ہے۔

فیول ایڈجسٹمنٹ کی مد میں 65 پیسے فی یونٹ کمی کی دوسری درخواست

نیپرا کو ایک اور درخواست جون 2024 کی ماہانہ فیول ایڈجسٹمنٹ کی مد میں دی گئی ہے، جس میں بجلی کی قیمت میں 65 پیسے فی یونٹ کمی کی سفارش کی گئی ہے، اس درخواست پر نیپرا کل سماعت کرے گا۔

درخواست کے مطابق جون میں بجلی کی فی یونٹ پیداواری لاگت 7 روپے 68 پیسے رہی، جب کہ ریفرنس لاگت 8 روپے 33 پیسے فی یونٹ مقرر تھی۔

درخواست میں بتایا گیا ہے کہ مجموعی طور پر جون میں 13 ارب 31 کروڑ یونٹس سے زائد بجلی پیدا کی گئی جبکہ پیداواری لاگت میں کمی کی وجہ پن بجلی کی پیداوار میں اضافہ ہے، جو جون کے مہینے میں 39 فیصد رہی۔

اس کے علاوہ مقامی و درآمدی کوئلے سے 20 فیصد اور درآمدی RLNG سے 16 فیصد بجلی حاصل کی گئی۔

تاہم نیپرا ان دونوں درخواستوں پر سماعت کے بعد بجلی کی قیمتوں میں کمی سے متعلق حتمی فیصلہ جاری کرے گا۔

اگر دونوں درخواستیں منظور ہو جاتی ہیں تو عوام کو ستمبر، اکتوبر اور نومبر کے مہینوں میں نمایاں مالی ریلیف ملے گا، جو مہنگائی کے اس دور میں ایک بڑی سہولت ہو گی۔

اسلام آباد: بجٹ آتے ہی بجلی صارفین کو دی جانے والی بڑی سہولت ختم کرنے کا فیصلہ کرلیا گیا، جس کا اطلاق یکم جولائی سے ہوگا۔

تفصیلات کے مطابق بجلی صارفین کو دی جانے والی سہولت سے متعلق بڑا فیصلہ کرلیا گیا۔

ڈاک خانوں میں بجلی بل جمع کرانے کی سہولت ختم کرنے کا فیصلہ کیا گیا ہے، یکم جولائی سے بجلی بل ڈاکخانوں میں جمع نہیں ہوسکیں گے۔

اس حوالے سے اسلام آباد الیکٹرک سپلائی کمپنی نے پاکستان پوسٹ کو فیصلے سے آگاہ کر دیا ہے۔

مزید پڑھیں : یکم جولائی سے بجلی کی قیمت میں 25 فیصد اضافہ، ترجمان پاور ڈویژن کا اہم بیان آگیا

ذرائع نے بتایا کہ آئیسکو کی جانب سے پاکستان پوسٹ کو خط لکھ دیا گیا ہے ، جس میں کہا ہے کہ اقدام کا مقصد وصولیوں کے نظام کا ڈیجیٹائز کرنا ہے بل وصولیوں کا نظام مینوئل سے ڈیجیٹل کلیکشن پرمنتقل کیاجارہاہے۔

حکام کا کہنا تھا کہ فیصلے کا مقصد نقد کیش سے ہونے والی وصولیوں میں نقصانات کو کم کرنا ہے۔

پاکستان کے اکثر بجلی صارفین کو بھاری بھرکم بلوں سمیت غلط ریڈنگ کی بھی شکایات ہیں وزارت توانائی نے اس مسئلے کا حل نکال لیا ہے۔

پاکستان میں بجلی پہلے ہی خطے کے دیگر ممالک کے تناسب سے مہنگی ہے۔ اس پر غلط اور زائد ریڈنگ بل صارفین کی مشکلات میں اضافہ کرتے ہیں۔ اکثر ایسی خبریں میڈیا کی زینت بنتی ہیں کہ بجلی تقسیم کار کمپنی نے ایک کمرے کے گھر کو لاکھوں کا بل بھیج دیا۔

وزارت توانائی نے اس مسئلے کا حل نکال لیا ہے اور اس سمت اہم قدم اٹھاتے ہوئے ’’اپنا میٹر، اپنی ریڈنگ‘‘ کے نام سے ایک نئی اسکیم متعارف کرانے کا اعلان کیا ہے۔

گزشتہ دنوں وفاقی وزیر توانائی اویس لغاری نے اعلان کیا تھا کہ اوور بلنگ کی شکایات دور کرنے کے لیے صارفین کو اپنی بلنگ خود کرنے کا اختیار دیا جا رہا ہے۔ اس کا مقصد بلوں کے نظام میں شفافیت پیدا کرنا، اوور بلنگ جیسے دیرینہ مسئلے کا موثر حل نکالنا اور صارفین کو اس عمل میں براہ راست شریک کرنا ہے۔

وفاقی وزیر نے اس حوالے سے ’’اپنا میٹر، اپنی ریڈنگ‘‘ کے نام سے ایک اسکیم کا اعلان کرتے ہوئے کہا تھا کہ اس اسکیم کے تحت بجلی صارفین اپنے موبائل فون سے اپنے میٹر کی ریڈنگ ایپ پر بھیج سکیں گے۔

اس سکیم کے تحت ملک بھر میں بجلی کے گھریلو صارفین کو یہ اختیار دیا جا رہا ہے کہ وہ ہر ماہ اپنے بجلی کے میٹر کی ریڈنگ خود لیں اور اسے ایک مخصوص موبائل ایپلیکیشن کے ذریعے متعلقہ بجلی کی تقسیم کار کمپنی کو ارسال کریں۔

اس مقصد کے لیے پاور انفارمیشن ٹیکنالوجی کمپنی (پی آئی ٹی سی) نے ایک موبائل ایپ تیار کی ہے جو عام اینڈرائیڈ فون پر استعمال کی جا سکے گی اور جسے اس انداز میں تیار کیا گیا ہے کہ عام صارف بھی اسے بآسانی استعمال کر سکے۔

صارف کو ہر ماہ مخصوص تاریخوں کے اندر اپنے میٹر کی واضح تصویر لینا ہو گی، جس میں ریڈنگ صاف دکھائی دے رہی ہو، اور اسے موبائل ایپ پر اپ لوڈ کرنا ہو گا۔ یہ تصویر اور ریڈنگ متعلقہ کمپنی کے ریکارڈ سے موازنہ کی جائے گی۔ اگر صارف کی بھیجی گئی اور سابقہ ریڈنگ میں کوئی فرق یا تضاد نہ پایا گیا تو اسے قبول کر لیا جائے گا۔

بصورتِ دیگر ادارہ میٹر ریڈر کے ذریعے اس کا جائزہ لے کر بل میں فوری طور پر درستگی کرے گا۔ اس نظام کی ایک خاص بات یہ بھی ہے کہ صارف کی بھیجی گئی تصویر بجلی کے بل پر بھی شائع کی جائے گی تاکہ اسے یقین ہو کہ اس کی فراہم کردہ معلومات پر عمل درآمد کیا گیا ہے۔

نیپرا نے عید سے قبل بجلی کی قیمتوں سے متعلق دو الگ الگ نوٹیفکیشن جاری کر کے کہیں خوشی اور کہیں غم کی کیفیت پیدا کر دی ہے۔

اے آر وائی نیوز کے مطابق نیشنل الیکٹرک ریگولیٹری اتھارٹی (نیپرا) کی جانب سے جہاں کراچی کے بجلی صارفین کو بجلی سستی کر کے عید سے قبل تحفہ دیا گیا، وہیں ملک بھر کے صارفین کے لیے بجلی مہنگی کر کے ان پر برق گرا دی ہے۔

نیپرا نے کراچی کے علاوہ ملک بھر کے صارفین کے لیے 93 پیسے فی یونٹ مہنگی کر دی ہے اور اس حوالے سے نوٹیفکیشن بھی جاری کر دیا گیا ہے۔

بجلی کی قیمت میں یہ اضافہ اپریل کی ماہانہ فیول ایڈجسٹمنٹ کی مد میں کیا گیا ہے اور بجلی صارفین کو یہ اضافی رقم جون کے بلوں کے ساتھ ادا کرنا پڑے گی۔

https://urdu.arynews.tv/eid-gift-for-karachiites-electricity-has-been-made-cheaper/