اسلام آباد : نیپرا کا کہنا ہے کہ بجلی تقسیم کارکمپنیوں کے نقصانات کا بوجھ بجلی صارفین سے وصول ہوگا، سرچارجز کے ذریعے وصولی کی جائے گی۔

تفصیلات کے مطابق کے الیکٹرک سمیت سرکاری بجلی تقسیم کار کمپنیوں کے نقصانات میں بڑا اضافہ ہوا، نیپرا دستاویز میں بتایا گیا کہ ایک سال میں بجلی تقسیم کارکمپنیوں کے نقصانات 150 فیصد بڑھ گئے، نقصانات کا بوجھ بجلی صارفین سے وصول ہوگا۔

نیپرا کا کہنا تھا کہ بجلی بلوں کی کم وصولی سے ایک سال میں380 ارب80 کروڑ روپےکا نقصان ہوا، گذشتہ مالی سال نقصانات میں کیسکو پہلے اور کے الیکٹرک دوسرے نمبر پر رہی۔

گزشتہ مالی سال کمپنیوں نےبجلی بلز کی مد میں 4ہزار487 ارب روپے وصول کئے، ایک سال میں بجلی کمپنیوں نے4ہزار867 ارب روپے کے بلز بھجوائے تھے اور بجلی کمپنیوں نے 380 ارب80 کروڑ روپے سے زائد کم وصولیاں کیں۔

بجلی کمپنیوں کے نقصانات سرچارجز کے ذریعے بجلی صارفین سے وصول کیے جائیں گے۔

مالی سال 2023-24 میں کیسکو نے104 ارب32 کروڑ روپے کی کم وصولیاں کیں، اسی مدت میں کےالیکڑک نے63 ارب69کروڑ روپے ، لیسکو39 ارب46 کروڑ،حیسکو نے 36 ارب789 کروڑ روپے کی کم وصولیاں کیں۔

پیسکو صارفین سے بلوں کی مد میں31 ارب روپےوصول کرنے میں ناکام رہی ، کم وصولیاں گردشی قرضے میں اضافہ کاسبب بن رہا ہے۔

پاکستان میں آج ڈالر اور دیگر کرنسیوں کی قیمت

اسلام آباد : گھریلو صارفین کو بجلی کے اضافی استعمال پر فی یونٹ کتنی بچت ہوگی ؟ اس حوالے سے بڑی خوشخبری آگئی۔

تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے بجلی صارفین کے لیے حکومتی ونٹر پیکج پر عوامی سماعت مکمل کر لی ہے، جس کا مقصد گھریلو اور صنعتی صارفین کو نمایاں بچت فراہم کرنا ہے۔

نیپرا اتھارٹی ڈیٹا کی جانچ پڑتال کے بعد فیصلہ جاری کرے گی ، حکومتی ونٹر پیکج کی مدت 3 ماہ دسمبر تا فروری ہوگی۔

نیپرا کے چیئرمین وسیم مختار کی سربراہی میں ہونے والی سماعت میں سرمائی ڈیمانڈ انیشیٹو مالی سال 2025 کا جائزہ لیا گیا، جس کی اقتصادی رابطہ کمیٹی (ای سی سی) پہلے ہی منظوری دے چکی ہے، یہ اقدام سبسڈی سے غیر جانبدار رہنے کے لیے ڈیزائن کیا گیا ہے اور گیس کی کھپت کو کم کرتے ہوئے سسٹم کی پیداواری صلاحیت کے زیادہ سے زیادہ استعمال پر توجہ مرکوز کی گئی ہے۔

ونٹر پیکج کے تحت گزشتہ سال کے مقابلے میں اضافی یونٹ کی قیمت 26 روپے 7 پیسے ہوگی، جس میں گھریلو صارفین کو کم سے کم اضافی استعمال پر 30 فیصد یعنی 11 روپے 42 پیسے فی یونٹ بچت ہوگی۔

پیکج کے تحت گھریلو صارفین کو زیادہ سے زیادہ استعمال پر 26 روپے فی یونٹ اور صنعتی صارفین کوبجلی کےکم سےکم اضافی استعمال پر 5 روپے 72 پیسے فی یونٹ بچت ہوگی۔

بجلی کے زیادہ سے زیادہ اضافی استعمال پر 15 روپے 5 پیسے فی یونٹ کی بچت ہوگی۔

نیپرا نے توانائی کے شعبے میں موثر اصلاحات کے ساتھ استطاعت کے توازن کے لیے اپنے عزم پر زور دیا ہے، اسٹیک ہولڈرز کو تحریری تاثرات جمع کرانے کے لیے مدعو کیا گیا ہے، جس کا حتمی فیصلہ جاری کرنے سے پہلے مزید ڈیٹا کے تجزیہ کے ساتھ جائزہ لیا جائے گا۔

نیپرا کا مقصد یہ یقینی بنانا ہے کہ پیکیج موسم سرما کے دوران توانائی کی طلب کو مستحکم کرتے ہوئے صارفین کو ریلیف فراہم کرنے کے اپنے مقاصد کو حاصل کرے۔

اسلام آباد : ونٹر پیکیج میں بھاری بلوں سے پریشان صارفین کے لیے بڑے ریلیف کا امکان ہے ، پیکیج کا اطلاق دسمبر سے کرنے کی تجویز ہے۔

تفصیلات کے مطابق سرما اور بہار کے موسم میں اضافی بجلی استعمال پر ونٹر پیکیج پلان تیار کرلیا گیا، ذرائع نے بتایا کہ پلان میں اضافی بجلی استعمال پر صارفین کو 12 روپے تک ریلیف دینے کی تجویز دی گئی ہے۔

ذرائع وزارت انرجی کا کہنا تھا کہ بجلی کی طلب 8 ہزار سے 15 ہزار میگا واٹ بڑھانا چاہتے ہیں، کیپیسٹی پیمنٹ چارجز کا بوجھ بھی کم ہو سکے گا جبکہ اضافی بجلی صنعت،کمرشل اورگھریلو صارفین استعمال کرسکیں گے۔

ذرائع نے کہا کہ ونٹرپیکیج کی حتمی منظوری کابینہ اور وزیراعظم شہبازشریف دیں گے اور پیکیج کی حتمی منظوری کےبعد وزیرخزانہ آئی ایم ایف سے بھی بات کریں گے۔

رعایتی پیکیج کا اطلاق دسمبر سےکرنےکی تجویز ہے، اپٹما فیڈریشن اور چیمبرز سے بھی مشاورت مکمل کر لی گئی ہے۔

اسلام آباد : بجلی کے بھاری بل ادا کرنیوالے صارفین کے لئے اہم خبر آگئی ، سہہ ماہی ایڈجسٹمنٹ کی مد میں مزید بوجھ ڈالنے کی تیاری ہے۔

تفصیلات کے مطابق کراچی سمیت ملک بھرکے لیے سہہ ماہی ایڈجسٹمنٹ میں بجلی مزید مہنگی کرنے کی تیاریاں کرلیں گئیں۔

بجلی صارفین پر 8 ارب 72کروڑ روپےکا بوجھ ڈالنے کی درخواست نیپرا میں جمع کرادی گئی، درخواست رواں مالی سال کی پہلی سہ ماہی ایڈجسٹمنٹ کی مد میں جمع کرائی گئی۔

نیپرا کی جانب سے درخواست پرسماعت20 نومبر کو ہوگی ، کیپیسٹی چارجز کی مد میں 8 ارب 6 کروڑ روپے اور آپریشنز اینڈ میٹیننس کی مد میں ایک ارب 25 کروڑ روپے مانگے گئے ہیں۔

سسٹم چارجز اور مارکیٹ آپریشنز فیس مد میں ایک ارب 65 کروڑ روپے کی درخواست کی گئی ہے، اس وقت گذشتہ مالی سال کی آخری سہہ ماہی ایڈجسٹمنٹ کی وصولی ہورہی ہے۔

کراچی سمیت ملک بھر کے صارفین سہہ ماہی ایڈجسٹمنٹ میں 1.74 روپے فی یونٹ ادا کررہے ہیں ، گذشتہ مالی سال کی آخری سہہ ماہی ایڈجسٹمنٹ کی وصولی رواں ماہ ختم ہوجائے گی۔