Tag: بجلی صارفین

اسلام آباد : وزیراعظم شہباز شریف نے بجلی صارفین کے لیے ایک اور بڑے ریلیف کا اعلان کردیا ، جس سے ان کی مشکلات میں کچھ کمی آئے گی۔

تفصیلات کے مطابق وزیراعظم شہباز شریف نے بھاری بجلی بلوں کی ادائیگی کے لیے پریشان صارفین کو سہولت دینے کا حکم دے دیا۔

شہباز شریف نے بجلی بلوں کی ادائیگی کی مقررہ تاریخ میں 10 روز توسیع کا حکم دیا ، جس کے بعد پاورڈویژن نے تمام بجلی تقسیم کار کمپنیوں کو احکامات جاری کردیے۔

جولائی اور اگست 2024 کے بلز کی ادائیگی کی مقررہ تاریخ میں 10 روزکی توسیع ہوگی، وزیراعظم نے بجلی صارفین کی مشکلات کےپیش نظرہدایات جاری کیں۔

وزیراعظم اور وزارت توانائی کے احکامات کی روشنی میں کیسکو نے صارفین کے بلز کی ادائیگی کی تاریخ میں10 روزکی توسیع کردی۔

ترجمان نے کا جولائی اوراگست کے بلز تاخیر سے بل جمع کرانے پر جرمانہ ختم کردیاگیا ہے ، تمام صارفین 9اگست تک بھی اپنے بجلی کے بل جمع کراسکیں گے۔

گیپکو نے بجلی صارفین کے بلز کی ادائیگی کی تاریخ میں 10 روز کی توسیع کردی۔

اسلام آباد : نیشنل الیکٹرک پاور ریگولیٹری اتھارٹی (نیپرا) نے بجلی صارفین کو بڑی سہولت دے دی ، جس سے بجلی کے مسئلے کی شکایت درج کرانے میں آسانی ہوگی۔

تفصیلات کے مطابق پاکستان میں بجلی کے صارفین کے بڑھتے ہوئے مسائل کو حل کرنے کے لیے نیشنل الیکٹرک پاور ریگولیٹری اتھارٹی نے ایپلی کیشن تیار کرلی۔

ترجمان نیپرا نے بتایا کہ "نیپراآسان اپروچ” کے نام سے کل موبائل ایپ لانچ کررہے ہیں۔

نیپرا آسان اپروچ ایک ایپ ہے۔ جہاں صارفین بجلی کے مسئلے کی شکایت جمع کرا سکتے ہیں اور وہ اپنی ٹریکنگ آئی ڈی کے ذریعے بھی اپنی شکایت کو ٹریک کر سکتے ہیں۔

گذشتہ روز جہلم میں آئیسکو نے مزدور کو ایک ماہ کا بجلی کا بل 18 لاکھ 45 ہزار روپے بھیج دیا تھا، دینہ لڈھر کے رہائشی مزدور نے گزشتہ ماہ 56ہزار کا بل ادھار لے کر جمع کرایا تھا۔

شہری کا کہنا تھا کہ ایک ہزار روپےدن کا کماتا ہوں،ساڑھے18 لاکھ کہاں سےجمع کراؤں۔

دوسری جانب ترجمان الیکٹرک کمپنی نے کہا تھا کہ متاثرہ شخص سےرابطہ کرنےکی کوشش کررہےہیں، بل اور یونٹس چیک کرکےاصل صورت حال بتائی جا سکتی ہے، اگر غلطی ہوئی تو بل درست کر دیا جائے گا۔

لاہور: وزیراعلیٰ مریم نواز نے بجلی صارفین کو خوشخبری سناتے ہوئے کہا کہ 45 لاکھ صارفین کیلئے سولر سسٹم لارہے ہیں۔

تفصیلات کے مطابق وزیراعلیٰ پنجاب مریم نوازکی زیر صدارت صوبائی کابینہ کا 11واں اجلاس ہوا، جس میں انھوں نے بتایا کہ 500 یونٹ تک خرچ کرنیوالے 45لاکھ صارفین کیلئے سولر سسٹم لا رہے ہیں، بجلی بل بڑھنے کی وجہ سے عوام میں بے چینی ہے، اپنی ٹیم سے ملکر حل تلاش کیا،مریم نواز

وزیراعلیٰ پنجاب کا کہنا تھا کہ پنجاب کی سوشل اکنامک رجسٹری کام شروع کررہی ہے، پروٹیکٹڈ صارفین کے لئے ٹیکس واپس لینا خوش آئند امر ہے۔

اجلاس کے بعد وزیراطلاعات پنجاب عظمیٰ بخاری نے پریس کانفرنس کرتے ہوئے کہا کہ آج پنجاب کابینہ کااہم اجلاس ہواہے، پنجاب کابینہ میں عوام کی بہتری کیلئےمنصوبےآتےہیں۔

عظمیٰ بخاری کا کہنا تھا کہ 64لاکھ خاندانوں کونگہبان رمضان پیکج دیاگیا، روٹی کی قیمت کم کی گئی ،صاف ستھراپنجاب پراجیکٹ شروع کیا، وفاقی کابینہ نے بھی 200 یونٹ تک صارفین کو ریلیف دیا ہے، پنجاب کابینہ نےبھی صارفین کوریلیف دینےکی بات کی ہے

انھوں نے بتایا کہ صارفین کے یونٹ کا طے ہونا باقی ہے کہ کتنے یونٹ تک والوں کو سولر دینا ہے، اب تک کی اطلاعات ہیں کہ 90 فیصد پیسے پنجاب حکومت دےگی، پنجاب کےخزانےمیں اتنےپیسےنہ تھےلیکن وزیراعلیٰ نےارینج کیے، سولر پلیٹس کی فراہمی کا یہ اربوں روپےکاپروگرام ہے۔

وزیراطلاعات پنجاب نے کہا کہ پنجاب حکومت نے کرپشن کے سامنے بند باندھ دیا ہے، اب پنجاب کے ہر محکمے کا ای ٹینڈر ہو گا ، اب انڈر دی ٹیبل اور ملی بھگت سفارش سےٹھیکےنہیں ہوں گے۔

اسلام آباد : بجٹ سے قبل بجلی صارفین پر اضافی بوجھ ڈال دیا گیا ، صارفین سے اضافی وصولیاں جون تا اگست 2024 میں کی جائیں گی۔

تفصیلات کے مطابق بجٹ سے قبل ہی مہنگائی کے مارے عوام پر ایک اور بم گرادیا گیا اور بجلی 3 روپے چھہتر پیسے مزید مہنگی کردی گئی۔

نیپرا نے سہہ ماہی ایڈجسٹمنٹ کی مد میں قیمتوں میں اضافے کا نوٹیفکیشن جاری کردیا،جس میں کہا صارفین پر 46 ارب61 کروڑ روپے کا اضافی بوجھ ڈال دیا گیا۔

نوٹیفکیشن میں کہا ہے کہ جون کے لیے فی یونٹ بجلی ایک روپے90 پیسے مہنگی کردی گئی جبکہ جولائی اور اگست کے لیے فی یونٹ بجلی کی قیمت میں93 پیسےکا اضافہ کیا گیا ، صارفین سے اضافی وصولیاں جون تا اگست 2024 میں کی جائیں گی۔

اضافہ رواں مالی سال کی تیسری سہہ ماہی ایڈجسٹمنٹ میں کیا گیا، اس سے قبل نیپرا نے بجلی کی قیمت میں اضافے کا فیصلہ وفاقی حکومت کو بھجوایا تھا۔

یاد رہے 3 روز قبل نیشنل الیکٹرک پاور ریگولیٹری اتھارٹی (نیپرا) نے بجلی کی فی یونٹ قیمت میں 3 روپے 76 پیسے اضافہ کر کے وفاقی حکومت کو فیصلے سے آگاہ کیا تھا۔

اسلام آباد : بجلی کی فی یونٹ قیمت میں بڑے اضافے کے بعد بلوں کو دیکھ کر صارفین کے ہوش اڑ جائیں گے۔

تفصیلات کے مطابق ایک جانب بجلی صارفین بھاری بلوں سے پریشان ہیں تو دوسری جانب بجلی کی قیمت میں بڑے اضافے کی تیاری کرلی گئی ہے۔

کے الیکٹرک کے لیے بجلی مہنگی کرنے کی درخواست پر نیپرا کل سماعت کرے گی ، کے الیکٹرک نے7ماہ کی ماہانہ ایڈجسٹمنٹ میں فی یونٹ18.86روپےکااضافہ مانگا۔

کے الیکٹرک نےایک ساتھ 9ماہ کی ماہانہ ایڈجسٹمنٹ کی درخواست نیپرامیں جمع کر رکھی ہے، جولائی2023 تا مارچ 2024کی ماہانہ ایڈجسٹمنٹ کی درخواست دائر کی۔

یاد رہے بجلی کی قیمت میں اضافے کیلئے کمپنیوں نے درخواست دائر کی تھی، درخواست رواں مالی سال کی تیسری سہ ماہی ایڈجسٹمنٹ کی مد میں دائر کی گئی۔

نیپرا اتھارٹی 17 مئی کو درخواست پر سماعت کرے گی ، قیمت میں اضافے کا اطلاق کے الیکٹرک صارفین پر بھی ہوگا۔

کیسپٹی چارجز کی مد میں 31 ارب 34 کروڑ 80 لاکھ روپے وصولی کی درخواست کی گئی،آپریشن اینڈ مینٹیننس کی مد میں 5 ارب 57 کروڑ روپے مانگے گئے ہیں۔

اسلام آباد : بجلی صارفین پر اضافی بوجھ ڈالنے کی تیاریاں کرلی گئیں، سی پی پی اے نے بجلی مزید مہنگی کرنے کی درخواست دے دی۔

تفصیلات کے مطابق بجلی مزید مہنگی ہونے کا امکان ہے ، جس سے صارفین پر 27 ارب روپے کا اضافی بوجھ پڑے گا۔

نیپرا میں بجلی دو روپے چورانوے پیسے فی یونٹ مہنگی کرنے کی درخواست دائر کردی گئی، اضافہ مارچ کی ماہانہ فیول ایڈجسٹمنٹ کی مد میں مانگا گیا ہے۔

نیپرا اتھارٹی چھبیس اپریل کو درخواست پر سماعت کرے گی ، سی پی پی اے کی جانب سے درخواست میں کہا گیا ہے کہ سالانہ بنیادوں پرمارچ میں بجلی کی پیداوارمیں 8.21 فیصد کمی ہوئی۔

سی پی پی اے کا کہنا تھا کہ مارچ میں بجلی کی پیداواری لاگت میں 1.13فیصداضافہ ہوا ، 7 ارب 75کروڑ60لاکھ یونٹس بجلی پیدا کی گئی، جس میں پانی سے27.63فیصد ، مقامی کوئلےسے10.74فیصد، مقامی گیس سے9.91فیصد ،درآمدی ایل این جی سے20.67فیصد اور جوہری ایندھن سے 25.79فیصد بجلی پیدا کی گئی۔

مزید پڑھیں : نیپرا نے بجلی 4 روپے 92 پیسے فی یونٹ مہنگی کر دی

یاد رہے گذشتہ ہفتے نیشنل الیکٹرک پاور ریگولیٹری اتھارٹی (نیپرا) نے ایک ماہ کے لیے بجلی 4 روپے 92 پیسے فی یونٹ مہنگی کی تھی۔

نیپرا نے بجلی مہنگی کرنے کے نوٹیفیکیشن میں کہا تھا کہ قیمت میں یہ اضافہ فروری کے ماہانہ فیول ایڈجسٹمنٹ کی مد میں کیا گیا ہے، جس کا اطلاق لائف لائن اور کے الیکٹرک صارفین پر نہیں ہوگا۔