Tag: بجلی صارفین

اسلام آباد : عالمی مالیاتی ادارے (آئی ایم ایف) نے 200 یونٹ استعمال کرنے والے بجلی صارفین کو ریلیف دینے پر رضا مندی ظاہر کرتے ہوئے چار سو یونٹ والے بجلی صارفین کیلئے ریلیف کی تجویز مسترد کردی۔

تفصیلات کے مطابق عالمی مالیاتی ادارے (آئی ایم ایف) نے حکومت پاکستان کی 400 یونٹ والے بجلی صارفین کیلئے ریلیف کی تجویز مسترد کردی اور 200 یونٹ والے بجلی صارفین کیلیے ریلیف پر رضا مند ہوگیا۔

گراں حکومت اور آئی ایم ایف کے درمیان صرف دو سو یونٹ استعمال کرنے والے صارفین کیلئے بل قسطوں میں وصول کرنے پر اتفاق ہوا۔

ذرائع کے مطابق اس اقدام سے تقریبا چالیس لاکھ بجلی صارفین کو وقتی ریلیف ملنے کا امکان ہے جبکہ چارسو یونٹ تک ریلیف کی صورت میں تین کروڑ بیس لاکھ صارفین مستفید ہوسکتے تھے۔

واضح رہے کہ بجلی کے بلوں میں ریلیف صرف اگست کے بلوں کے لیے ہوگا۔

یاد رہے حکومت نے بجلی بلوں میں ریلیف دینے کیلئے آئی پی پیز کے 15 ارب سے زائد استعمال کرنے کا فیصلہ کرتے ہوئے بجلی بلوں میں ریلیف کا نیا پلان آئی ایم ایف کو ارسال کیا تھا۔

اسلام آباد : بجلی کمپنیوں نے اپریل تاجون سہ ماہی ایڈجسٹمنٹ کی درخواست دائر کردی، جس سے صارفین پر 144ارب 69 کروڑ کا اضافی بوجھ پڑے گا۔

تفصیلات کے مطابق جلی صارفین پر 144 ارب 69 کروڑ کا اضافی بوجھ ڈالنے کی تیاریاں کرلی گئیں، بجلی کمپنیوں نےاپریل تاجون سہ ماہی ایڈجسٹمنٹ کی درخواست دائرکردی ہے۔

کیپسٹی چارجزکی مد میں 122ارب 41 کروڑ روپے وصولی اور نقصانات کی مدمیں 7 ارب 35کروڑ روپےوصول کرنےکی درخواست کی گئی ہے، نیپرا 23 اگست کو درخواست پر سماعت کرے گا۔

گیپکو نے 16ارب 14کروڑروپےوصولی ، حیسکو نے 9 ارب 33 کروڑ ،آئیسکو نے 9 ارب 89 کروڑ ، لیسکو نے صارفین سے31ارب 87 کروڑ 70 لاکھ وصولی کی درخواست کی۔

میپکو نے 27 ارب 28 کروڑ 60 لاکھ روپے، پیسکو نے صارفین سے 9 ارب 88 کروڑ، کیسکو نے 7 ارب 58 کروڑ ، سیپکو نے5 ارب 19کروڑ،ٹیسکو نے 4 ارب سےزائد وصول کرنے کی درخواست کی ہے۔

اسلام آباد : ملک بھر میں بجلی ایک روپے 88 پیسے فی یونٹ مہنگی ہونے کا امکان ہے، سی پی پی اے نے بجلی کی قیمت میں اضافے کی درخواست دے دی۔

تفصیلات کے مطابق ملک بھر کے بجلی صارفین کے لیے بری خبر آگئی ، سینٹرل پاور پرچیزنگ ایجنسی (سی پی پی اے) نے جون کی ماہانہ ایڈجسٹمنٹ کی مد میں بجلی کی قیمت میں ایک روپے 88 پیسے فی یونٹ اضافے کی درخواست دائر کر دی۔

نیپرا اتھارٹی 26 جولائی کو درخواست پر سماعت کرے گی، درخواست میں بتایا گیا جون میں 13 ارب 32 کروڑ 70 لاکھ یونٹ بجلی پیدا کی گئی، جون کے لیے ریفرنس لاگت 7 روپے 50 پیسے پی یونٹ مقرر تھی۔

سی پی پی اے کا کہنا تھا کہ جون میں بجلی کی فی یونٹ پیداوار 9 روپے 39 پیسے فی یونٹ رہی، جون میں پانی سے 30. 14 ، کوئلے سے 17.75 فیصد ، ہائی اسپیڈ ڈیزل سے 0.07 اور مہنگے فرنس آئل سے 5.43 فیصد بجلی پیدا کی گئی۔

ہائی اسپیڈ ڈیزل سے پیدا ہونے والی بجلی کی قیمت 30 روپے 45 پیسے فی یونٹ رہی جبکہ درآمدی ایل این جی سے 18.55فیصد جوہری ایندھن سے 13.54 فیصد بجلی پیدا کی گئی ، جوہری ایندھن سے پیدا ہونے والی بجلی کی قیمت 1 روپے 7 پیسے فی یونٹ رہی۔

اسلام آباد : بجلی 1 روپے 61 پیسے فی یونٹ مہنگی کردی گئی ، اضافے کا اطلاق صرف جون کے بلوں پر ہوگا۔

تفصیلات کے مطابق نیشنل الیکٹرک پاور ریگولیٹری اتھارٹی (نیپرا) نے ماہانہ فیول ایڈجسٹمنٹ کی مد میں بجلی 1 روپے 61 پیسے فی یونٹ مہنگی کرنے کی منظوری دے دی۔

اپریل کی ماہانہ فیول ایڈجسٹمنٹ کی مد میں بجلی مہنگی کرنے کا نوٹیفکیشن جاری کردیا گیا، جس میں کہا ہے کہ اضافے کا اطلاق صرف جون کے بلوں پر ہوگا۔

نیپرا کا کہنا ہے کہ اضافے کا اطلاق لائف لائن اورکے الیکٹرک صارفین پر نہیں ہوگا، سی پی پی اےجی نے 2 روپے 1پیسے فی یونٹ اضافے کی درخواست کی تھی۔

اسلام آباد : ماہانہ فیول ایڈجسٹمنٹ کے تحت بجلی 85 پیسے فی یونٹ مہنگی ہونے کا امکان ہے، نیپرا اتھارٹی 30 مارچ کو درخواست پر سماعت کرے گی۔

تفصیلات کے مطابق سینٹرل پاور پرچیزنگ ایجنسی (سی پی پی اے) نے فروری کی ماہانہ ایڈجسٹمنٹ کے تحت درخواست دائر کردی۔

جس میں بجلی کی قیمت میں 85 پیسے فی یونٹ اضافے کی درخواست کی گئی ہے ، نیپرا اتھارٹی 30 مارچ کو درخواست پر سماعت کرے گی۔

سی پی پی اے کا کہنا تھا کہ فروری میں پانی سے 26.46 کوئلے سے 14.07 فیصد، مہنگےفرنس آئل سے 1.39 فیصد بجلی پیدا کی گئی۔

اس کے علاوہ مقامی گیس سے10.99اوردرآمدی ایل این جی سے18.86فیصد، جوہری ایندھن سے24.28فیصدبجلی پیدا کی گئی۔