Tag: بجلی صارفین

اسلام آباد : بجلی مزید 2 روپے 18 پیسے فی یونٹ مہنگی ہونے کا امکان ہے، اضافے سے بجلی صارفین پر تنتالیس ارب روپے سے زائد کا اضافی بوجھ پڑے گا۔

تفصیلات کے مطابق نیپرا نے رواں مالی سال کی پہلی سہہ ماہی ایڈجسٹمنٹ کی مد میں بجلی مہنگی کرنے کی درخواست پر سماعت کی۔

دوران سماعت چیئرمین نیپرا نے کہا کہ بجلی صارفین سے 43 ارب کی وصولی بہت بڑی رقم ہے، ہم خود پریشان ہوگئے کہ اتنا بڑا فگر کیسے ہوگیا۔

نیپرا حکام نے کہا کہ بجلی کی فروخت کم ہونے سے کیپسٹی پیمنٹس پر فرق پڑا اور گزشتہ سہ ماہی کی نسبت فروخت دس فیصد کم رہی۔

حکام پاور ڈویژن نے بتایا کہ ان کی کوشش ہے کہ بجلی قیمت میں مزید اضافہ نہ ہو اور صارفین کو پرائس شاک نہ لگے۔

پاور ڈویژن نے درخواست کی کہ اضافے کا اطلاق فروری اور مارچ میں لگایا جائے، جس پر چیئرمین نیپرا نے کہاکہ سہ ماہی ایڈجسٹمنٹ کو دو ماہ میں کرنے کے حوالے سے تحریری درخواست دے دیں۔

ممبر سندھ نیپرا رفیق شیخ کا کہنا تھا کہ اگر 650 میگاواٹ والے سستے پلانٹس آجاتے تو فرق پڑتا، بجلی طلب کے حوالے سے فیصلے نہ کئے گئے تو صورتحال زیادہ خراب ہوجائے گی۔

حکام پاور ڈویژن نے کہا کہ ایک سہ ماہی میں گردشی قرض میں 185 ارب کا اضافہ ہوا،مالی سال 2021 -22 میں 161 ارب کی ایڈجسٹمنٹ منظور کی گئیں ، جس میں سے 20 ارب سرکلر ڈیٹ میں شامل ہوگا، پاور سیکٹر کا گردشی قرض 2ہزار 473 ارب تک پہنچ چکا ہے۔

نیپرا نے بجلی دو روپے اٹھارہ پیسے فی یونٹ مہنگی کرنے کی درخواست پرفیصلہ محفوظ کرلیا، اعدادو شمار کا جائزہ لینے کے بعد فیصلہ جاری کیا جائے گا، اضافے سے بجلی صارفین پر تنتالیس ارب روپے سے زائد کا اضافی بوجھ پڑے گا۔

اسلام آباد : بجلی مزید 2 روپے فی یونٹ مہنگی ہونے کا امکان ہے ، اضافے سے صارفین پر 42 ارب 63 کروڑ 40 لاکھ روپے کا بوجھ پڑے گا۔

تفصیلات کے مطابق نیپرا میں بجلی مزید 2 روپے فی یونٹ مہنگی کرنے کی درخواست میں دائر کردی گئی۔

نیپرا بجلی تقسیم کار کمپنیوں کی درخواست پر 15 نومبرکو سماعت کرے گا ، اضافےسے 42ارب63کروڑ40 لاکھ روپے کا بوجھ پڑے گا۔

اضافہ رواں مالی سال کی پہلی سہ ماہی ایڈجسٹمنٹ کی مد میں مانگا گیا ہے۔

فیسکو نے  6ارب 37کروڑ، گیپکو کی 5 ارب 33 کروڑ سےزائد وصول کرنے اور حیسکو نے 45 کروڑ اور آئیسکو نے 2 ارب 70 کروڑ روپے سے زائد وصولی کی درخواست کی ہے۔

لیسکو نے 9 ارب 10 کروڑ ،میپکوکی10ارب 69 کروڑوصول کرنے اور پیسکو 2ارب 12 کروڑ،کیسکو کی 3 ارب 66 کروڑ روپے کی درخواست کردی، اضافے کا اطلاق کے الیکٹرک صارفین پر نہیں ہوگا۔

اسلام آباد : ماہانہ فیول ایڈجسٹمنٹ کی مد میں بجلی کی قیمت میں 20 پیسے فی یونٹ مزید اضافے کا امکان ہے۔

تفصیلات کے مطابق کراچی کے علاوہ دیگر علاقوں میں ماہانہ فیول ایڈجسٹمنٹ کی مد میں بجلی 20 پیسے فی یونٹ مہنگی ہونے کا امکان ہے۔

دیگر علاقوں میں بجلی بیس پیسے مہنگی کرنے کی درخواست پر سماعت چھبیس اکتوبر کو ہوگی، اضافہ ستمبر کے فیول ایڈجسمنٹ کی مد میں ہوگی۔

سی پی پی اے نے بجلی بیس پیسے مہنگی کرنے کی درخواست کردی ،اضافہ ستمبرکی ماہانہ فیول ایڈجسٹمنٹ کی مدمیں مانگا گیا ہے۔

نیپرا میں سی پی پی اے کی درخواست پر 26 اکتوبر کو سماعت ہوگی۔

سی پی پی اے نے درخواست میں کہا ہے کہ ستمبر میں پانی سے 34.20، کوئلے سے 11.25 فیصد ، فرنس آئل سے 8.39 اور مقامی گیس سے 9.36 فیصد بجلی پیدا کی گئی۔

درخواست کے مطابق ستمبر میں درآمدی ایل این جی سے 14.14 فیصد ، جوہری ایندھن سے 17.59 فیصد بجلی پیدا کی گئی۔

ستمبر میں 12 ارب 52 کروڑ یونٹس سے زائد بجلی پیدا کی گئی ، بجلی کی پیداواری لاگت 10 روپے 11 پیسے فی یونٹ رہی ، ستمبر کے لئے ریفرنس لاگت 9 روپے 91 پیسے فی یونٹ مقرر تھی۔

گذشتہ روز نیشنل الیکٹرک پاور ریگولیٹری اتھارٹی (نیپرا) نے بجلی کے بل میں فیول چارجز ایڈجسٹمنٹ کی مد میں 19 پیسے فی یونٹ اضافے کی منظوری دے دی، اضافہ صرف ایک ماہ کے لیے ہوگا۔

اسلام آباد : ریڈیو پاکستان کو بحران سے نکالنے کیلئے بجلی صارفین پر اضافی بوجھ ڈالنے کی تجویز دے دی گئی، بلوں میں صارفین سے 15 روپے وصول کئے جانے کا امکان ہے۔

تفصیلات کے مطابق ریڈیو پاکستان کو بحران سے نکالنے کے لیے نیا منصوبہ سامنے آگیا اور منصوبے کے تحت بجلی صارفین پر اضافی بوجھ ڈالنے کی تیاری کرلی گئی۔

ذرائع کا کہنا ہے کہ ریڈیوپاکستان کیلئے بجلی بلوں میں صارفین سے15 روپےوصول کرنےکی تجویز دی گئی ہے ، منظوری سے بجلی صارفین پر سالانہ 5 ارب روپے سے زائد کا اضافی بوجھ پڑے ہوگا۔

ذرائع کے مطابق ریڈیو پاکستان نے تجویز دی ہے کہ بجلی بلوں میں پی ٹی وی فیس 35 سے بڑھا کر 50 روپے کی جائے، پی ٹی وی فیس کے اضافی 15 روپے ریڈیو پاکستان کو دینے کی تجویز دی ہے۔

ذرائع کا کہنا ہے کہ ریڈیو پاکستان نے تجویز وزارت اطلاعات و نشریات کو بھجوا دی ہے ، تجویز ریڈیو پاکستان کو مالی بحران سے نکالنے کیلئے دی گئی، تجویز کا مقصد پینشرز کے مسائل کو حل کرنا ہے۔

اسلام آباد : نیپرا نے بجلی 3 ماہ کیلئے 42 پیسے فی یونٹ مہنگی کردی ، اضافہ رواں مالی سال کی تیسری سہہ ماہی ایڈجسٹمنٹ کی مد میں کیا گیا۔

تفصیلات کے مطابق بجلی صارفین پر مزید 10ارب 54کروڑ کا بوجھ ڈالنے کی درخواست پر نیپرا میں سماعت ہوئی ، درخواست بجلی تقسیم کار کمپنیوں کی طرف سے دی گئی ہے۔

درخواست میں بجلی تقسیم کار کمپنیوں نے رواں مالی سال کی تیسری سہ ماہی کےلیےایڈجسٹمنٹ مانگی، چیئرمین نیپرا توصیف فاروقی
نے کہا کہ بجلی کمپنیوں نے650 ارب ڈیفالٹرز سے وصول کرنے ہیں، بجلی کی قیمت میں اضافے کی منظوری کی وجہ نادہندگان نہیں۔

توصیف فاروقی کا کہنا تھا کہ قیمت میں اضافے کی وجہ فیول لاگت اور ڈالر کی قدر میں اضافہ ہے، نیپرا کے پاس نادہندگان سے وصولیوں کا کوئی اختیار نہیں، ڈیفالٹرز سے وصولیاں ہوئیں تو گردشی قرضہ کم ہوگا ٹیرف نہیں۔

نیپرا نے بجلی 3ماہ کیلئے 42 پیسے فی یونٹ مہنگی کردی اور کہا قیمت میں اضافہ رواں مالی سال کی تیسری سہہ ماہی ایڈجسٹمنٹ کی مد میں کیا گیا۔