ARYNews.tv | Urdu – Har Lamha Bakhabar

Tag: بجلی ٹیرف

  • خوش خبری: ملک بھر کے لیے بجلی کے بنیادی ٹیرف میں کمی کا امکان

    خوش خبری: ملک بھر کے لیے بجلی کے بنیادی ٹیرف میں کمی کا امکان

    اسلام آباد: ملک بھر کے لیے بجلی کے بنیادی ٹیرف میں کمی کا امکان ہے۔

    تفصیلات کے مطابق کے الیکٹرک سمیت ملک بھر کے لیے بجلی کے بنیادی ٹیرف میں کمی کا امکان ہے، سی پی پی اے نے بجلی کمپنیوں کی جانب سے درخواست نیپرا میں جمع کرا دی۔

    بجلی کے بنیادی ٹیرف میں کمی کی درخواست پر نیپرا 15 مئی کو سماعت کرے گا، پاور پرچیز پرائس میں 2 روپے 25 پیسے فی یونٹ تک کمی کا تخمینہ لگایا گیا ہے۔

    عالمی منڈی میں خام تیل اور گیس کی قیمت بڑھ گئی

    آئندہ مالی سال پاور پرچیز پرائس کا تخمینہ 24.75 سے 26.22 روپے تک فی یونٹ لگایا گیا ہے، جس سے آئندہ مالی سال بجلی صارفین کو 140 سے 400 ارب روپے تک ریلیف مل سکتا ہے۔

    واضح رہے کہ رواں مالی سال کے لیے پاور پرچیز پرائس 27 روپے فی یونٹ ہے۔

  • پاکستان کے مقابلے دیگر ممالک میں بجلی ٹیرف کیا ہے؟ تفصیلات سامنے آگئیں

    پاکستان کے مقابلے دیگر ممالک میں بجلی ٹیرف کیا ہے؟ تفصیلات سامنے آگئیں

    اسلام آباد : پاکستان اور دیگر ممالک کے بجلی ٹیرف کے موازنے کی تفصیلات سامنے آگئیں ، جس کے تحت علاقائی ممالک کے مقابلے پاکستان میں مہنگی بجلی فراہم کی جا رہی ہے۔

    تفصیلات کے مطابق سابق نگراں وزیر گوہر اعجاز  نے پاکستان کے مقابلے دیگر ممالک کے بجلی ٹیرف کی تفصیلات جاری کردیں۔

    گوہر اعجاز نے بتایا کہ علاقائی ممالک کے مقابلے پاکستان میں مہنگی بجلی فراہم کی جا رہی ہے، پاکستان میں صنعتوں کیلئے بجلی کا نرخ 44 روپے 56 پیسے فی یونٹ ہے۔

    انھوں نے کہا کہ اس کے مقابلے مصر میں بجلی کانرخ 10 روپے 58 پیسے ، ترکی میں 16 روپے 43 پیسے فی یونٹ، بنگلادیش میں بجلی کی قیمت 20 روپے 89 پیسے فی یونٹ ہے۔

    سابق وزیر نے مزید بتایا کہ بھارت میں صنعتوں کو بجلی 23 روپے 39 پیسے فی یونٹ میں دی جا رہی ہے جبکہ ویتنام اور سری لنکا میں بجلی کی قیمت 23 روپے 67 پیسے فی یونٹ ہے۔

    سابق وفاقی نگراں وزیر نے کہا کہ حکومت بجلی صارفین کیلئے بجلی کا نرخ 26 روپے فی یونٹ مقرر کرے، انرجی سیکٹر میں اصلاحات ناگزیر ہیں۔

    ان کا کہنا تھا کہ آئی پی پیز کے ساتھ معاہدوں پر نظر ثانی اور ادائیگی صرف بجلی پیدا کرنے پر کی جائے، بجلی پیدا نہ کرنے والے آئی پی پیز کو ادائیگیاں روکی جائیں، خسارے کا شکار بجلی کی تقسیم کار کمپنیوں کی نجکاری کی جائے۔

  • بجلی ٹیرف پر امیر جماعت اسلامی کا 26 جولائی کو اسلام آباد میں دھرنے کا اعلان

    بجلی ٹیرف پر امیر جماعت اسلامی کا 26 جولائی کو اسلام آباد میں دھرنے کا اعلان

    اسلام آباد: بجلی ٹیرف میں اضافے پر امیر جماعت اسلامی حافظ نعیم الرحمان نے 26 جولائی کو اسلام آباد میں دھرنے کا اعلان کر دیا ہے۔

    تفصیلات کے مطابق امیر جماعت اسلامی پاکستان حافظ نعیم نے ایک پریس کانفرنس میں کہا کہ بجلی ٹیرف میں اضافے کے خلاف 26 جولائی کو ہم اسلام آباد میں دھرنا دیں گے، اور مطالبات کی منظوری تک دھرنے سے نہیں اٹھیں گے۔

    حافظ نعیم نے کہا کہ حکمرانوں کو بجلی کے بھاری بلوں اور ظالمانہ سلیب سسٹم پر عوام کو ریلیف دینا ہوگا، ہم عوامی حقوق کے لیے عدالتوں میں بھی جائیں گے۔ انھوں نے مخصوص نشستوں کے کیس کے تناظر میں مطالبہ کیا کہ سپریم کورٹ کے فیصلے کے بعد چیف الیکشن کمشنر فوری استعفیٰ دیں، سپریم کورٹ کا فیصلہ آدھا نہیں پورا قبول کیا جائے۔

    دوسری طرف نائب امیر جماعت اسلامی پاکستان لیاقت بلوچ نے کہا ہے کہ ملک میں سیاسی بحران گھمبیر ہو رہا ہے، عدالتی فیصلوں پر عمل درآمد کے لیے سیاسی ڈائیلاگ کے دروازے کھولنے پڑیں گے، لیاقت بلوچ نے کہا سیاسی عدم استحکام آئین اور جمہوریت کے لیے خطرے کی گھنٹی بجا رہا ہے، اس لیے بحرانوں کے خاتمے کے لیے عوامی مینڈیٹ تسلیم کرنا ہوگا۔

  • کراچی چیمبر نے ناقابل برداشت بجلی ٹیرف کو ناقابل عمل قرار دے دیا

    کراچی چیمبر نے ناقابل برداشت بجلی ٹیرف کو ناقابل عمل قرار دے دیا

    کراچی: چیمبر آف کامرس نے ناقابل بر داشت بجلی ٹیرف کو ناقابل عمل قرار دے دیا۔

    تفصیلات کے مطابق صدر کراچی چیمبر طارق یوسف نے کہا ہے کہ بجلی کے نرخ عام آدمی، تاجر، اور چھوٹے صنعت کاروں کے لیے ناقابل برداشت اور ناقابل عمل ہیں۔

    انھوں نے کہا ’’ہم نے بجلی نرخوں میں ناقابل برداشت اضافے پر شدید احتجاج کیا ہے، نگراں وزیر اعظم سے اپیل ہے کہ بجلی کے نرخوں میں اضافہ واپس لیں۔ واضح رہے کہ نگراں وزیر اعظم انوار الحق کاکڑ نے بجلی کے بھاری بلوں کے معاملے کا نوٹس لیتے ہوئے آج اجلاس طلب کر لیا ہے۔

    اجلاس کے سلسلے میں وزارت بجلی اور تقسیم کار کمپنیوں کو بریفنگ دینے کی ہدایت کی گئی ہے، صارفین کو زیادہ سے زیادہ ریلیف دینے کے حوالے سے مشاورت کی جائے گی۔

    ملک بھر میں "بجلی بل ادا نہیں کریں گے” تحریک شروع

    ادھر کراچی سے خیبر تک ’’بل نہ بھرو‘‘ تحریک زور پکڑ گئی ہے، شہر شہر احتجاج جاری ہے، عوام کا میٹر شارٹ ہونے کے بعد لوگوں نے بجلی کے بل جلانا شروع کر دیے ہیں، پشاور میں احتجاج کے لیے عوام کا سمندر اُمڈ آیا، اور تاجروں نے بجلی کے بلوں کو آگ لگا دی۔

    سرگودھا میں شہریوں نے بل جلا کر سڑک بلاک کی، راولپنڈی، جہلم، جڑانوالہ، ڈسکہ، چنیوٹ اور کبیر والا سمیت پنجاب بھر میں احتجاجی مظاہرے ہو رہے ہیں، اور بجلی کی قیمتوں میں اضافہ واپس لینے کا مطالبہ کیا جا رہا ہے۔

  • حکومت کی ایک بار پھر عوام پر بجلی بم گرانے کی تیاری

    حکومت کی ایک بار پھر عوام پر بجلی بم گرانے کی تیاری

    اسلام آباد : وفاقی حکومت نے نیپرا کو بجلی کے ٹیرف میں اضافے کی درخواست دے دی ، بجلی کی قیمت میں اضافےکی درخواست ملک بھر کے صارفین کیلئے ہوگا۔

    تفصیلات کے مطابق وفاقی حکومت نے نیپرا کو بجلی کے بنیادی ٹیرف میں1 روپے 39 پیسے فی یونٹ تک اضافے کی درخواست دے دی۔

    ذرائع کا کہنا ہے کہ بجلی کی قیمت میں اضافےکی درخواست ملک بھر کے صارفین کیلئے ہے ، بنیادی ٹیرف میں اضافے سے صارفین پرمستقل بوجھ پڑے گا۔

    بجلی کی قیمتوں میں اضافے کا اطلاق لائف لائن صارفین پر نہیں ہوگا ، 200 یونٹ بجلی کے استعمال والے صارفین اضافے سے مستثنیٰ ہوں گے۔

    نیپرا وفاقی حکومت کی درخواست پر2 نومبر کو سماعت کرے گی ، ٹیرف میں اضافے سے صارفین پر اضافی بوجھ کاجائزہ سماعت میں لیا جائے گا۔

    نیپرا نے درخواست کے پیش نظر متعلقہ فریقین کو نوٹسز جاری کر دیے۔

    خیال رہے کہ اکتوبر میں بجلی کی قیمتوں میں 3 بار اضافہ کیا جاچکا ہے، 15 اکتوبر کو بجلی کی قیمتوں میں 1 روپے 68 پیسے فی یونٹ اضافہ کیا گیا تھا۔

    دوسری جانب نیپرا نے کےالیکٹرک کے لیے بجلی کی قیمت میں 69 پیسے فی یونٹ کا اضافہ کیا تھا ، مذکورہ اضافے کا اطلاق صرف نومبر کے بلوں پر ہوگا۔

  • کراچی والے تیار ہوجائیں ! بجلی کی قیمتوں میں بڑے اضافے کا امکان

    کراچی والے تیار ہوجائیں ! بجلی کی قیمتوں میں بڑے اضافے کا امکان

    اسلام آباد : کراچی والوں کیلئے بجلی مہنگی کرنے کی تیاری کرلی گئی ، بجلی ٹیرف میں 3 روپے 24 پیسے فی یونٹ اضافے کا امکان ہے۔

    تفصیلات کے مطابق کے الیکٹرک کے بجلی ٹیرف میں 3 روپے 24 پیسے فی یونٹ اضافے کا امکان ہے ، اضافے کی صورت میں کراچی کے شہریوں پر6ارب روپ کا اضافی بوجھ پڑے گا۔

    کے الیکٹرک نےگزشتہ 4 ماہ کے لیے بلوں میں اضافے کی درخواست کردی ، جولائی 2020 کے لیے 71 پیسے، اگست کے لیے ایک روپے 40 پیسے ، ستمبر 2020 کے لیے ایک روپے 12 پیسے اور اکتوبر کے لیے 5 پیسے اضافے کی درخواست کی۔

    بجلی کی قیمتوں میں اضافہ فیول پرائس ایڈجسمنٹ کی مد میں کیا جا رہا ہے جبکہ جون 2020 کے لیے 49 پیسے ، نومبر کے لیے87 پیسے اور دسمبرکے لیے 16 پیسے کمی کی درخواست کی۔

    کراچی:نیپرا کے الیکٹرک کی درخواست پر23 فروری کو سماعت کرے گی ، کے الیکٹرک نے نیپرا میں سہ ماہی ایڈجسٹمنٹ کی بھی درخواست کی ہے ، سہ ماہی بنیادوں پر کے الیکٹرک ٹیرف میں 3 روپے 80 پیسے فی یونٹ اضافے کا امکان ہے۔

    درخواست میں کہا گیا ہے کہ جولائی سے ستمبر2020 کے لیے ایک روپے 92 پیسے فی یونٹ اور اکتوبر سے دسمبر تک1 روپے 87 پیسے فی یونٹ اضافہ کی درخواست کی، سہ ماہی ایڈجسٹمنٹ کی مد میں 7 ارب 49 کروڑ روپے بوجھ پڑے گا۔

    کے الیکڑک نے اپریل سے جون 2020 کے لیے 3 روپے 91 پیسے فی یونٹ کمی مانگی ہے۔

  • حکومت نے بجلی کی قیمت میں اضافہ کر دیا، نوٹیفکیشن جاری

    حکومت نے بجلی کی قیمت میں اضافہ کر دیا، نوٹیفکیشن جاری

    اسلام آباد: حکومت نے بجلی کی قیمت میں 18 پیسے فی یونٹ اضافہ کر دیا، نوٹیفکیشن بھی جاری ہو گیا۔

    تفصیلات کے مطابق حکومت نے بجلی کی قیمت میں اٹھارہ پیسے فی یونٹ اضافے کا نوٹیفکیشن جاری کر دیا، جس کے بعد بجلی کا اوسط ٹیرف 13 روپے 35 پیسے سے بڑھ کر 13 روپے 53 پیسے فی یونٹ ہو گیا۔

    نوٹیفکیشن کے مطابق ماہانہ 300 یونٹ تک استعمال کرنے والوں کے ٹیرف میں 15 پیسے فی یونٹ اضافہ کیا گیا ہے، 300 یونٹ سے زائد استعمال کرنے پر 3 پیسے فی یونٹ اضافی چارج ہوں گے۔

    وزارت توانائی کا کہنا ہے کہ بجلی کی قیمت میں اضافے کا اطلاق رواں ماہ کے بلوں سے ہوگا، یہ اضافہ 10 ماہ کے لیے کیاگیا ہے۔

    پاکستان کے تین شہروں کے بجلی صارفین سے 916 ارب وصولی کا پروانہ جاری

    یاد رہے کہ چند دن قبل نیپرا نے ایک بار پھر عوام پر بجلی بم گراتے ہوئے اگلے ایک ماہ کے لیے بجلی فی یونٹ ایک روپے 11 پیسے مہنگی کی تھی، یہ اضافہ ستمبر کے فیول پرائس ایڈجسٹمنٹ کی مد میں کیا گیا تھا۔

    ادھر حکومت نے بجلی نرخ بڑھانے کے لیے آئی ایم ایف کی شرائط پر عمل درآمد شروع کر دیا ہے، آج نیپرا نے بجلی کی 3 سرکاری تقسیم کار کمپنیوں کے ٹیرف میں اضافہ کر دیا، گوجرانوالہ، ملتان اور سکھر کے صارفین سے 916 ارب وصولی کی جائے گی۔

    نیپرا کے فیصلے کے اطلاق کی حتمی منظوری حکومت دے گی، حکام کا کہنا ہے کہ نیپرا کے فیصلے کی روشنی میں بجلی کا یونیفارم ٹیرف لاگو کیا جائے گا۔

  • پاکستان کے تین شہروں کے بجلی صارفین سے 916 ارب وصولی کا پروانہ جاری

    پاکستان کے تین شہروں کے بجلی صارفین سے 916 ارب وصولی کا پروانہ جاری

    اسلام آباد؛ گوجرانوالہ، ملتان اور سکھر کے بجلی صارفین سے 916 ارب وصولی کا پروانہ جاری ہو گیا۔

    اے آر وائی نیوز کے مطابق حکومت نے بجلی نرخ بڑھانے کے لیے آئی ایم ایف کی شرائط پر عمل درآمد شروع کر دیا، نیپرا نے بجلی کی 3 سرکاری تقسیم کار کمپنیوں کے ٹیرف میں اضافہ کر دیا۔

    گوجرانوالہ، ملتان اور سکھر کے صارفین سے 916 ارب وصولی کی جائے گی، نیپرا کے فیصلے کے اطلاق کی حتمی منظوری حکومت دے گی، حکام کا کہنا ہے کہ نیپرا کے فیصلے کی روشنی میں بجلی کا یونیفارم ٹیرف لاگو کیا جائے گا۔

    نیپرا نے عوام پر پھر بجلی بم گرا دیا

    نیپرا کے مطابق ملتان ریجن کے صارفین سے 553 ارب روپے وصول کرنے کی منظوری دی گئی ہے، میپکو کا مالی سال 2019-20 کا اوسط ٹیرف 16.52 روپے فی یونٹ مقرر کیا گیا ہے، جب کہ مالی سال 2018-19 کا اوسط ٹیرف 16.88 روپے فی یونٹ مقرر کیا گیا۔

    گیپکو صارفین سے مجموعی طور پر 334 ارب روپے وصولی کی منظوری دی گئی ہے، گیپکو کا مالی سال 2019-20 کا اوسط ٹیرف 15.69 روپے فی یونٹ مقرر کیا گیا ہے، جب کہ مالی سال 2018-19 کا اوسط ٹیرف 15.14 روپے مقرر کر دیا گیا ہے۔

    سکھر کے صارفین سے ڈسٹری بیوشن ٹیرف مد میں 16 ارب سے زائد وصول ہوں گے۔

  • بجلی کے نرخوں میں تین روپے اکیس پیسے فی یونٹ کمی کا امکان

    بجلی کے نرخوں میں تین روپے اکیس پیسے فی یونٹ کمی کا امکان

    اسلام آباد: بجلی کے نرخوں میں تین روپے اکیس پیسے فی یونٹ کمی کا امکان ہے۔

    نیپرا سینٹرل پاور پرچیزنگ ایجنسی کی درخواست پر بجلی کی قیمت میں کمی کی منظوری کل دے گا۔

     ذرائع کے مطابق تین روپے اکیس پیسے کی کمی دسمبر کے مہینے کی فیول ایڈجسمنٹ کی مد میں دی جائے گی۔

    بجلی کی قیمت میں کمی سے سے بجلی صارفین کو اکیس ارب روپے سے زائد کا ریلیف ملے گا۔

     وزارت خزانہ کے دباؤ کے باعث ریلیف ایک ماہ تاخیر سے ملے گا، جبکہ اقتصادی رابطہ کمیٹی کے اجلاس میں حکومت نے فرنس آئل کی درآمد پربھی اضافی پانچ فیصد ریگولیٹری ڈیوٹی عائد کردی ہے تا کہ محصولات کا ہدف حاصل کیا جا سکے۔

  • حکومت کا بجلی کی قیمتوں میں 1 روپے50پیسے کا نیا سرچارج لگانےکا فیصلہ

    حکومت کا بجلی کی قیمتوں میں 1 روپے50پیسے کا نیا سرچارج لگانےکا فیصلہ

    اسلام آباد: تیل کی گرتی ہوئی قیمتوں کا عوام کو فائدہ حکومت کو ایک آنکھ نہیں بھا رہا ہے اور اب اس نے ایک روپے پچاس پیسے فی یونٹ کا نیا سرچارج لگانے کا فیصلہ کرلیا ہے۔

    سینٹرل پاور پرچیزنگ کمپنی نے نیپرا کوفیول ایڈجسمنٹ کی مد میں دسمبر کے لیے تین روپے بیس پیسے فی یونٹ بجلی سستی کرنے کی درخواست کی تھی۔

     ذرائع کے مطابق وزارت خزانہ کے افسران نے نیپرا پر جمعرات کی سماعت ملتوی کرنے کیلئےدباؤڈالا تھا کیونکہ وہ صارفین پر ایک روپے پچاس پیسے فی یونٹ لگانا چاہتی ہے۔

     نیپرا کی منظوری کے نتیجے میں تقسیم کار کمپنیوں کے اکاونٹ سے عوام کو بیس ارب روپے کا ریلیف ملنا تھا۔ نیپرا نے گزشتہ ماہ بھی جب بجلی کی قیمت میں دو روپے ستانوے پیسے کی کمی کی تھی تو حکومت نے ساٹھ پیسے کا ایکولائیزیشن سرچارج لگا دیا تھا۔