اسلام آباد : بجلی کی پیداوار اور ترسیل کا 10سالہ پلان سامنے آگیا، پلان پر شراکت داروں سے تجاویز طلب کر لیں۔
تفصیلات کے مطابق بجلی کی پیداوار اور ترسیل کے 10سالہ پلان تیار کرلیا گیا ، این ٹی ڈی سی نے نیپرا میں جمع کرادیے۔
بجلی پیداواری پلان 2024 تا 2034 تک کے لئے بنایا گیا ، نیپرا نے بجلی کے پیداواری اور ترسیلی پلان پر شراکت داروں سے تجاویز طلب کرلیں۔
دستاویز میں بجلی پیداواری اور ترسیلی پلان کیلئے سرمایہ کاری کا 72ارب ڈالر سے زیادہ اور 10سالہ بجلی پیداواری منصوبوں کیلئے 64 ارب ڈالر سرمایہ کاری کا تخمینہ لگایا گیا ہے۔
دستاویز میں کہنا تھا کہ بجلی ترسیلی منصوبوں کیلئے 10 سال میں 8 ارب 70 کروڑ ڈالر سرمایہ کاری کا تخمینہ لگایا ہے۔
دستاویز کے مطابق بجلی کے جاری ترسیلی منصوبوں پر لاگت کا تخمینہ 3ارب 20 کروڑ ڈالر ہے، بجلی کے نئے ترسیلی منصوبوں پر لاگت کا تخمینہ ساڑھے 5 ارب ڈالر ہے۔
دستاویز میں مزید کہا گیا کہ 10سال میں قابل تجدید توانائی میں 46فیصد اضافے کا تخمینہ ہے ، بجلی پیداوار میں 15 ہزار میگاواٹ اضافے کا ہدف تجویز کیا گیا، بجلی پیداواری صلاحیت 42ہزار 57ہزار میگاواٹ کرنے کا ہدف ہے۔
محدود کاروباری سرگرمیوں سےبجلی طلب میں 46فیصد اضافے کا تخمینہ ہے، کاروباری سرگرمیوں میں درمیانے اضافے سے بجلی طلب کا تخمینہ 59 فیصد لگایا گیا۔
بجلی طلب میں زیادہ سے زیادہ 74فیصد اضافے کا تخمینہ ہے، بجلی طلب میں اضافہ 3.5 سے 6 فیصد جی ڈی پی گروتھ پر لگایا گیا۔