کراچی : کے الیکٹرک نے لیاری میں قانون نافذ کرنے والے اداروں کے ساتھ کریک ڈاؤن میں کروڑوں روپے کی بجلی چوری پکڑلی۔
تفصیلات کے مطابق کے۔ الیکٹرک کی لیاری میں بجلی چوروں اور کنڈا مافیا کے خلاف قانون نافذ کرنے والوں کیساتھ مشترکہ کارروائیاں جاری ہے۔
گزشتہ 3 ماہ میں پاور یوٹیلیٹی نے لیاری میں 78 کنڈا ہٹاوٴ مہم چلائیں، کے ای کے ٹیم لیڈر کا کہنا تھا کہ 7400 غیرقانونی کنڈوں کنکشن ختم کردیے گئے ہیں۔
ٹیم لیڈر نے بتایا کہ کے ای کے نظام سے کروڑوں روپے کے گیارہ لاکھ یونٹس بجلی چوری کی جارہے تھے تاہم بجلی چوروں کے خلاف 2 ایف آئی آر اور ایف آئی اے میں 4 کیس درج کرائے گئے ہیں۔
گذشتہ ماہ بھی کے ای نے بجلی کے ساڑھے 3لاکھ یونٹس اور پانی کی چوری میں ملوث 5 ہائیڈرنٹس پکڑے تھے۔
ترجمان نے بتایا تھا کہ ناظم آباد میں 5 غیر قانونی ہائیڈرنس پر کے الیکٹرک، کے ڈبلیو ایس بی اور رینجرز نے مشترکہ آپریشن کیا ، ہائیڈرنٹس بجلی چوری میں ملوث تھے۔