Tag: بجلی چوروں کے خلاف کریک ڈاؤن

اسلام آباد : ملک بھر میں بجلی چوروں کے خلاف کریک ڈاؤن میں 34 بلین روپے وصول کرلئے گئے جبکہ ایک لاکھ 25 ہزار 142افراد کو گرفتار کیا گیا۔

تفصیلات کے مطابق بجلی چوری کے خلاف کریک ڈاؤن کا سلسلہ جاری ہے ، حکومتی ایما پرملک بھرمیں بجلی چوروں کیخلاف مؤثر کارروائیوں کے ثمرات سامنے آنے لگے ہیں۔

7 ستمبر سے 31 اکتوبرکے اعداد و شمار کے مطابق ملک بھرسے 34 بلین روپےوصول کیے گئے، اعداد و شمار کے مطابق ملک بھرمیں کارروائیوں کے دوارن ایک لاکھ 25 ہزار 142افراد گرفتار ہوئے۔

ستمبر سے اکتوبر تک بجلی چوری کےباعث ہونے والے نقصانات میں 12 بلین روپےکی کمی ہوئی۔

یکم سے 19 نومبر تک 14 ہزار 769 افراد کی گرفتاری اور 36 ہزار 547 ملین روپے کی وصولی کی جاچکی ہے۔

اعدادوشمارکے مطابق اسلام آبادسے98افرادگرفتار اور 175ملین وصول کیے ، مجموعی طور پر گوجرانولہ، فیصل آباد اور ملتان سے ایک ہزار 617 افراد گرفتار اور ایک ہزار 439 ملین روپے وصول جبکہ پشاور،حیدرآباد،سکھر،کوئٹہ سےمجموعی طور پر 121 افراد گرفتار اور 5 ہزار 520 ملین روپے وصول کیے۔

لاہور : ملک بھر میں بجلی چوروں کے خلاف کریک ڈاؤن جاری ہے ،ترجمان لیسکو نے بتایا کہ بڑے زرعی اور کمرشل صارفین بھی بجلی چوری میں ملوث نکلے۔

تفصیلات کے مطابق ملک بھر میں بجلی چوروں کی تلاش جاری ہے ، ملوث افراد کے خلاف کریک ڈاؤن کیا جارہا ہے، گرفتاریاں عمل میں آرہی ہیں ساتھ ہی جرمانے اور مقدمات درج کیے جارہے ہیں۔

لیسکو ریجن میں بجلی چوروں کیخلاف آپریشن چھٹے دن بھی جاری ہے، ترجمان لیسکو کے مطابق دوسو پانچ بجلی چوری کے کنکشن منقطع کیے گئے، بڑے زرعی اور کمرشل صارفین بھی بجلی چوری میں ملوث نکلے۔

پتوکی میں ڈائریکٹ کنڈے لگا کر بجلی چوری کرتے ہوئے ایک سو اسی افراد کو رنگے ہاتھوں پکڑ کر کنکشن وائر کو قبضے میں لے لیا گیا جبکہ مقدمات درج کرکے پچاس لاکھ جرمانے بھی عاید کیے گئے۔

چوک سرورشہید میں پانچ اورٹبہ سلطان پورمیں بجلی چوری کے خلاف نوگرفتاریاں عمل میں آئیں جبکہ بہاول نگر میں میپکو ٹیموں کی جانب سے ضلع بھرمیں چھاپے جاری رہے ہیں، تہتر بجلی چور پکڑے جا چکے ہیں ، اکاون مقدمات درج ہوئے اور چالیس لاکھ اسّی ہزار روپے جرمانہ عائد کیا جا چکا ہے۔

میلسی میں بجلی چوری کرتے ہوئے انیس افراد پکڑے گئے۔۔ آٹھ لاکھ روپے سے زائد جرمانے عائد کر کے مقدمات درج کر لیے گئے ہیں۔
Remarks: بجلی چوری کےخلاف ملک گیرکارروائی،گرفتاریاں،جرمانے، مقدمات لاہور:بڑےزرعی اورکمرشل صارفین بھی بجلی چوری میں ملوث نکلے پتوکی:کنڈےلگاکربجلی چوری کرتےہوئے180افرادرنگےہاتھوں پکڑےگئے چوک سرورشہید میں5اورٹبہ سلطان پورمیں9بجلی چورگرفتار ہوئے بہاول نگرمیں73اورمیلسی میں بجلی چوری کرتےہوئے19افراد گرف